[هدى3000]

الاخت ام دومى الغالية واللة الذى لا الة الا هو ان كلامك اراحنى وجعلنى فعلا فى غاية الاطمئنان وفعلا انا سافرت لزوجى وانا حاليا معة وفعلت مثلما تقولى بل اكثر
وفعلت ذلك من قبل وكل مرة وفى كل عام ينزل فية زوجى تحدث مشكلة بسبب هذة الانسانة ولا اعفى نفسى وتصرفى الغلط تجاة ما كان يحدث منن اشياء
ولكنى فى هذة المرة سبحان اللة تاكدت ان زوجى ليس لة اى خطاء وانة الخطاء منها وذلك من بعض الاشياء التى وضحها لى ربى سبحان اللة
فقررت ان اسامح زوجى وان اكون لة اكثر مما كنت
واشعرتة باننى اثق فية تمام الثقة
والحمد للة الان زوجى معى مثلما كان

انا الان حددت علاقتى معها رغم ضغوط امى واخوتى ولكنى مصرة على موقفى

زوجى وللة الحمد رايت معة احلى الايام وما رايت منة سوء الا ما حدث

نصيحتك غالية وسوف اعمل بها جزاكى اللة خير جزاء واللة انى احببتك فى اللة

[هدى3000]

اشكرك يا ماد لف جزاكى اللة خير جزاء عزيزة دعوتك لى يارب يرزقكك الخير وكل ما تتمننين

[ام دومى]

الحمد لله الذى بنعمته تتم الصالحات ...احبك الله الذى احببتنى فيه .. و الله العظيم فرحتلك بجد من قلبى يا هدى لما عرفت انكم رجعتم لبعض ... حاولى بئة من هنا و رايح تخليكى واعية و حريصة شوية ومش كل حاجه تحكيها انتى مش ضامنة البنى ادم اللى قدامك ده نفسيته ايه و لا بيفكر ازاى و بعدين الحسد ذكر فى القران ... على فكرة انتى كمان ممكن تحسدى نفسك و الله بجد يعنى لما تلاقى حاجه حلوة فى بيتك او فى ولادك و جوزك كبرى و قولى ماشاء الله تبارك الله ... ربنا يديم عليكى السعادة و يباركلك فى زوجك و اولادك ... اميييييييييييييييييييييييين ....

[مشتاقة لجنه ربى]

لا حول ولا قوة الا بالله
ربنا يصبرك على ال انتى فيه
هى كده الغدر مش بيجى غير من اقرب الناس لينا
ربنا ان شاء يرجعلك زوجك زى الاول واحسن
خالى عندك امل فى ربنا

[هدى3000]

ام دومى الغالية ربنا يخليكى بجد ويحميكى من اى سوء اتنا فرحت اوى لما حسيت انكم كلكم كل الاخوات حسو بيا عارفة اقولك على حاجة يمكن تستغربى منها
الموضوع دة بقى لة 6 سنين

وكنت ايامها فى الغربة وكان لى صديقات كثير
لم استطع ان احكى حكايتى كنت اضحك معهم وداخلى ابكى بحرقة

اتذكر ذات يوم حينما علمت باتصالات هذة الانسانة والتى يصعب لسانى نطق اسمها

كان عندى بمكة ضيوف وكنت اخرج معهم للحرم كنت اصلى ودمعى على خدى
كنت امشى فى السوق معهم واجد دمعى من وراء نقابى وكانو يسالوننى كنت اكذب
واقول ان عندى صداع او ان اخى مريض

لاول مرة وكم ترددت فى ان اكتب او احكى عن مشكلتى

حتى اخواتى ووالدتى كنت اتجنب الحديث معهم لاننى اعلم جيدا انهم بسبب حبهم لاخى سوف يرمون كل العبء على زوجى

اختى ام دومى اعتز بكلمك ونصائحك ومساندتك لى

وانا الحمد للة قد بدأت بداية جديدة مع زوجى ادعو اللة ان يوفقننى فى صلاح بيتى ويوفق كل اخواتى المسلمات على مافية صلاح وسعادة بيتها

ان شاء اللة نكون اصحاب ونتلاقى على الخير دايما

[هدى3000]

ونعم باللة اخت ساسو الذى لا الة الا هو
والحمد للة اننى من المسلمين الذين ابتلاهم اللة والحمد للة لقد صبرت

يا اختى الغالية انتى ضغطى على اصعب جزء وان الضربة بتيجى من اقرب الناس
ودى كانت اكتر حاجة تعبانى

الحمد للة واللة اكبر على كل ظالم وشكرا اوى يا غالية على دعواتك ربنا يجعلك دايما فى الخير
اختى ساسو جزاكى اللة خير جزاء

[دلع البنات84]

حبيبتي هدى
اول شئ واهم شئ هقولك عليكي بذكر الله كثيرا واكثري من صلاة قضاء الحاجه وادعي ربك ان يهديه ويصلح حاله
وحاولي تتناسي كل اسائه حصلت ليكي منه واتعاملي معاه برفق ولين وحب
واصبري واحتسبي ودائما تذكري ان ربك هيجازيكي كل خير على صبرك وحفاظك على بيتك وزواجك اللي هو نصف الدين
وخلي ظنك في الله خير
متنسيش
"انا عند ظن عبدي بي " وباذن الله ربنا هيرجعهولك
ياحبيبتي انتي عارفه ان ربنا ميرضاش بالظلم
ونصيحه متدخليش اهلك ولا اهله ولا تشتكي ليهم
هو لما يلاقيكي بتسامحي وبتعامليه انك تقابلي السيئه بالحسنه هيكسف من نفسه ويرجعلك ندمان
هتتعبي وتستحملي شويه بس باذن الله هتجني حصاد خير
وربنا يوفقك ويهديلك زوجك ويعديكي من الازمه دي على خير
ومتنسيش الدعاء ده ديما متخلهوش يفارق لسانك
"اللهم اني اشكو اليك ضعف قوتي وقلة حيلتي وهواني على الناس"
اللهم اصلح حالك وحال كل نساء المسلمين يارب
وبالله عليكي طمنيني عليكي

لا اله الا الله

[riheb00]

يا اختى لا تغضبى كلنا بنعانى من هذه الخيبة الامدمرة لكن انصحك بالرجوع الى الله عز وجل.
انه يبعد هذهالمراة عنه
الله يهديه يا رب امين.
وترجعو مثل زمان او اكثر يارب .

[هدى3000]

دلع البنات جزاكى اللة كل خير

انا حقيقى حاسة انى قويت اوى برحمة ربنا بيا وبكلامك دة

وربنا يقدرنى واعمل كل اللى وصتونى بية

عزيزتى الغالية الحمد للة احنا دلوقتى كويسين بس ماخبيش عليكى لسة خايفة

خايفة من مكر ودهاء الحاقدين

خايفة حتى من نفسى


واللى يا اختى الغالية كنا اسعد زوجين ما شاء اللة ولادى حلوين كان كل اللى يشوفهم يقول من كتر حبهم لبعض ولادهم طالعين حلوين

الحمد للة ولا الة الا اللة

ولا حول ولا قوة الا باللة
ربنا يكفيكى شر الناس

ولن انسى اغلى دعاء من اغلى اخت

اللهم انى اشكو اليك ضعف قوتى وقلة حيلتى وهوانى على الناس

[هدى3000]

اختى ريبو ااسعدنىى اوى احساسك بما كنت اعانية واشكر ليكى مسانتدتك

ويارب تسعدى دايما بالخير

[أميرة الرومانسيه]

حبيبة البى هدى
طبعا عذراكى جدااااااااا واتأثرت جدا جدااا
بس اولا خوفك من موضوع صلة الرحم ده
لا اوعى تخافى لانها مرات اخوكى وهى متزعليش منى بنيآدمه مش سويه
انا مش فاهمه اخوكى لحد دلوأت معاها ازاى وليه
؟؟؟
ماعلينا
انتى حبيبتى حاولى ابل ماتفكرى فى كل ده
رجعى زوجك تانى اشغليه طول الوقت بحبك وحنيتك عليه
متخليش عنده وقت انه يفكر فى واحده تانيه
متحسسيهوش دايما انك شكه فيه عشان ميتدايقش منك
ويحس انك بتخنؤيه
حاولى واحده واحده ترجعيه ليكى زى الاول واحسن
وحاولى بالله عليكى بالله عليكى متقوليش اى حاجه لاى حد عنكم
متكشفيش اسرار بيتك ايآ كانت
ده ياحبيبة البى فى نفوس مريضه جواها وحش
جواها حقد وحسد ونفسهم انها تزول النعمه من عندك عشان هم ياخدوها
خلى بالك جايز ان دى تكون قرصة ودن ليكى عشان مش تكرريها تانى
حابى على بيتك وجوزك وعيشو حياه هاديه بعيد عن الناس وهمهم
حاولو لو تقدروا الفتره دى
تروحو اى مكان لوحدكم عشان ترجعوا حياتكم تانى وتنسو اى حاجه حصلت لكم
فى الفتره دى
حبيبتى ربنا يهديكم لبعض يارب
وميدخلش الشيطان مابينكم ويخليكى ليه ويخليه ليكى
ويجعلكم خير زوجين صالحين
ويصلحلكم الحال ويبعد عنكم عين الحاسدين الحاقدين
ااااااااااااااااامين يارب العالمين

[المخلصة]

عليكي بقراءه سوره الفلق و الاخلاص والناس باستمرار وان شاء الله حياتك هترجع زي الاول واكتر ربنا يسعدك وترجع الميه لمجاريها اميييييييييين

[whisper]

"استعينوا على قضاء حوائجكم بالكتمان"


ربنا يقدملك اللى فيه الخير و يحفظك انتى و جوزك و يهديكوا لبعض

[banota_katkota]

هو اخوكى فين فى الموضوع ده كله
وبعدين متزعليش منى
انا مش مقتنعه ان كلامك عن السعاده اللى كنتوا عايشين فيها هو السبب
لانه لو كان مبسوط زى مابتقولى قوى كده ماكنش حيتغير
اكيد انتى بعدتى عنه لفتره او قصرتى معاه شويه
وكانت هيا دى الفتره اللى هيا استحوذت عليها فيه
انا من رأيي انك تعلنى الحرب
ولكن حرب نسائيه غريزيه
ليس بها اى رجال
هو انك تقررى انك تنتصري بأنوثتك وبحبك وبكل ماعندك من طاقه فى انك ترجعيه
اين كيد النساء ياحبيبتى
ادلعى شويه وحاولى تعرفى بتعمل ايه واعملى اكتر منها
متحسيسهاش بقيمتها او انها مقصره عليكي
ولا تحسسيه انك زعلانه
النجاح انك تحاولى ترجعيه ليكي بالمكر والدلع
ومدام بينكم الحب ده اكيد حيرجع
غيري من شكلك ولون شعرك واعملى نيو لوك وجيبي لبس جديد
والبسيه واظهري قدامه بمنظر جديد حتى لو بتعملى كده جددي برضه
جيبوله هديه وورد حركات رومانسيه
مش عيب انك تحاولى ترجعيه وماتقوليش كرامتى وانه خانك
رجعيه الاول وبعدين ابقي اتقلبى عليه بالسياسه
المهم انك تعرفيها انها مقدرتش عليكي
اتمنى ان يكون كلامى صح نوعا ما
واضغطى على نفسك شويه واعملى زى مابقولك
مدام جوزك يستاهل يبقي اعملى المستحيل
مش اى راجل لما يتعرض لموقف زى ده
نسيبه ونمشي
كده البلد كلها حتمشي
ههههههههههههههههههههههه
ربنا يوفقك يارب
والامور تتصلح بينكم
انتى امرأه وهيا امرأه
فهيا ياسيده اجعلى امرأه الحق تنتصر على امرأه الباطل

[القطه]

او لا السلام عليكم ورحمه الله وبركاته

اختى وعزيزتى هدى الغاليه

انا مش فاهمه هو اخوكى من الاساس

ساكت عليها ليه؟

ده سؤال وعارفه جوابه او اجوبته

وهاقولهالك

اولا بيحبها !!!!!!

عندهم اطفال حرام يروحوا فين !!!!

اعتقد دول اغلب الحجج اللى بيتحجج بيهم اى حد

مش عنده عنصر المواجهه نوع من انواع السلبيه اسفه

نتكلم عنك انتى ياهدى

مش عندك اووووووولاد مثل اخوكى ويهمك الحفاظ عليهم !!!!!

مش بتحبى زوجك وبتعشقيه كما قلتى !!!!!!!!!!!!

متقدريش تستغنى عنه ولا تتحرمى منه وتحرمى اطفالك الخمسه من ابوهم؟؟؟؟

ربنا يحفظهم ويبارك فى ابوهم وفيكى

الله يرحمها امى كانت تقول مثل وانتى مصريه واكيد تعرفيه

ان جالك الطوفان حط ولدك بين رجليك وياروح مابعدك روح

ولا ايه

اعتقد ان المهزله دى لابد ان توقفيها ولازم اهلك يفهموا ان خراب بيت الولد

اكرم فى الحاله دى من خراب بيت بنتهم

وعموما فى كل الاحوال يا هدى البنت تنصان فى بيت راجل احسن ماترجع بعيالها

لبيت ابوها

اما الراجل مايعبوش انه طلق واحده مش مش مش تمام

الحل اختى العزيزه انك تحطى حدود مع اخوكى نفسه

وتفهميه ان علاقتك بيه هوومش بمراته وتثبتى على رايك

مهما قالت العائله ربنا يحفظهم كل واحد رايه لنفسه والله اخوكى بقه

حب هو يفضل لازق مراته فى جوزك وفيكى يبقى براحته بقى

انما بيتك وعيالك وجوزك مافيش بعدهم سمعانى

وخديها كلمه نصيحه منى واكيد انتى فاهماها وشايفاها حوالينا بتتكرر كتير

لو بيتك لاقدر الله اتخرب ماحدش هيسمى عليكى

الكلام ده ليكى ولكل ست وليا انا شخصيا

واديكى شايفه لسه على زمته وفى بيتك ووسط ولادك

وبيغلطوكى انتى ويحيدوا عن الحق

انا شخصيا اقول غلط محصل غلط بعد بيتى مافيش حد

طولت عليكى بس اتجننت لما شفت هدهود حبيبى تعبان كده

كان لازم اتكلم وبراحتى بيتك هو بيتى ربنا يحفظك انتى واهل بيتك واولادك

والمسلمين اجمعين امين يا رب العالمين

[موكا2]

حبيبتى هون عليكى
انا عارفة انه موقف صعب جدا
انا اصلا بخاف جدا من الحسد وعندى حق لأن مفيش حد دلوقتى بيحب حد ويتمناله الخير
يعنى لو بتحكى عن حاجة عبيطة جدا مثلا جوزك وهو جاى اشترى اى حاجة للبيت
وكانت واحدة قاعدة جوزها مش بيعمل كدة هتحقد عليكى من جواها
دى طبيعة البنى أدمين


لكن مرات اخوكى دى ماتعبريهاش وكفاية انكك بتودى اخوكى وولاده
انا كدة الاتنين مرات اخويا مش بتكلم معاهم بس مش قاطعة صلتى باخويا وولاده
مراته دى ممكن يرميها فى اى وقت ويغيرها لكن اخوكى وولادة لا يمكن يتغيروا
وبعدين انتى مش هتفترى عليها لما تقاطعيها
بالعكس الاشكال دى لازم تاخدى موقف صارم معاها علشان تتلم

وحافظى على جوزك وسامحيه علشان مش يهرب منك
وربنا معاكى ان شاء الله ويبعد عنكم كل شر

[ميمو87]

الحمد لله يا هدى انا فرحانه انكط الحمد لله رجعلك زوجك ربنا يهنيكم يارب ويكرمكم في اولادكم وربنا يسعدك دايما ويبعد عنكم اي شئ يضايقكم يارب

وحاولي تحرصي شويه وربنا يسعدك تمام السعادة

[بوبا]

لا حول ولا قوة الا بالله فعلا كلامك صح وزى ما بيقولوا دارى على شمعتك

ربنا يهديلك زوجك ويرجعلكم السعاده والحب في البيت ويبعد عنكم نفوس الشر داومى على قراءة القران والدعاء لله وربنا يفرج كربك بإذنه وقدرته ان شاء الله

[ام البراء 3]

الله معاكي يااختي وانا والله عانيت معناه قريبه م معاناتك تقريبا بس الفرق انو كانت علاقه عانت خلت زوجي يحبها ويتمسك فيها وينسى بيته ومراته ويعاملى اسوء معامله وانا غريبه معاها فمصر والله المستعان بس كيف رجل يقدر ينسى العشره والحب لزوجته ماادري والله ويرجع بعدها يندم
وحناكالعاده بنسامح ونقول سحابت صيف بس والله المواضيع ده بتترك بصمه بقلوبنا ماتنسى وربنا يجعلنا من العافين
واللله معانا