[هدى3000]

جزاكى الله كل خير زهرة على احساسك

الزوجة الاولى يا حبيبة قلبى اخويا من النوع اللى بيخاف اوى على ولادة

وهو مقتنع انة يتحمل اى شئ عشانهم مهما كان

الله يهدية ويهديها

وانا الحمد لله قرارى بقطع العلاقة معها باستثناء السلام بس كلكم شجعتونى علية وانا مصرة انى يرجع لبيتى الفرح من تانى باذن الواحد القهار
ادعو لى

[rerequeen]

ازيك يا هدى يارب تكونى بخير
ميرسى جدا على ردك

تحياتى لكى

[jgmao2008]

قرات كل كلمة كتبتيها ولا اعرف لماذا تاثرت كثيرا صدقينى لو فعلا عايزة ترجعوا زى الاول انت الوحيدة اللى تقدر على كدة ربنا يوقفلك ولاد الحلال

[أم مهند الطيوبة]

انا قريت الموضوع متاخر بس اوعى تتعاملى معاها تانى يااة على خرابات البيوت دية عايزة الدبح ومادام اخوكى كويس معاكى خلاص

[هدى3000]

الله يكرمك يا ام مهند والحمد لله ان قرارى بالابتعاد عنها رغم كل الاعتراضات ميغضبش ربنا لانى مش هاقطع صلة رحم انا هابعد عن الشر يا اختى الغالية جزاكى الله كل خير

[هدى3000]

ريرى عاملة اية وحشتينى

يا ستى ميرسى اية هو فية بين الاخوات ميرسى

انتى حسيتى بيا عشان الدنيا لسة بخير

وانت قوتونى اكتر وشجعتونى اقف واحارب بس بهدؤ الله يخليكى يا غالية

[هدى3000]

جكما كيف حالك شكرا يا حبيبتى على المشاركة

على فكرة انتى حسيتى بكلامى اللى قريتية لانة نابع من قلب مجروح صادق ويارب ما تشوفى شر ويجعل ايامك كلها سعادة

[أم عمـــــار]

( هدى 3000 ) حبيبتى والله زعلت لما قرئت ان فى كدا فى الدنيا معقوله .. اصبح اقول الغابه مش الدنيا ربنا يعينك على اللى انت فيه .. وبصراحه البنات ماقصرو معاكى كلامهم جدا مريح حبيبتى اهتمى بزوجك واولادك وحاولى انك تدلعى زوجك اكثر من الاول اجعلى زوجك هو شغلك الشاغل الاول والاخير وربنا يجازيكى خير ان شاء الله . بس بجد مش مصدقه ازاى يكون فى واحده متجوزة وتعمل كدا ده كدا تعتبر بتخون زوجها لاحول ولا قوة الا بالله ربنا يصبرك حبيبتى بس اهم شئ لاتضيعى بيتك وزوجك حافظى عليهم .. ربنا معاكى ..

[هدى3000]

ام عمار تسلمى يا غالية على احساسك الرقيق

جزاكى الله كل خير وربنا يخلى لك عمار

[بيدووجنة]

ربنا معاكي وفعلا المفروض محدش يحكي حاجة لاننا منعرفش نفوس الناس المريضة فيها ايه
طمنيننا عليكي

[monee_2020]

والله يا حبيبتى ربنا يبارك لك فى زوجك ويخليى هولك اللهم امين يارب العالمين واحنا وانتم يديم السعاده بينا وفى بيوتنا والله يا جميله ان كان الاهل ذات نفسهم مش حيجى منهم الا المشاكل ووجع الراس بلاها بقى
يعنى انا اخرب على نفسى وبيتى وجوزى وولادى علشان قريب لا يراعى الله فيا

والله انا ليا قرايب كل لما نقرب منهم ونحاول نكسب ثواب وكل شويه نقول حرام معلشى مش عارف ايه والله ما بينوبنا الا القرف والمشاكل هو العمر قد ايه علشان الواحد يعيشه فى نكد و هم وغم

وبرضه مرات ابو زوجى والله عملت لها هيا وابو زوجى كل حاجه انى اكون كويسه معاها بس تعملى ايه بالله كنت باعتزلهم ولا السلام حتى من اللى كانوا بيعملوه فينا
كنت مستريحه منهم اوى
بس لما كانت تشوفنى مستريحه كانت تنهبل وتموت عايزه تصالحنى تعرفى ليه علشان تعمل معى مشكله تانى وتخرب بيتى الله ينتقم منها ومن كل من آذانى
اوعى عمرك تصالحيها ولا حتى تلقى عليها السلام شوفى السلام ده ممكن تلين قلبك وقلب زوجك ويشوفها بترد عليكى بلين وبتاثر يفكر انها تابت
اصل الرجاله هبله ومتخلفه عقليا والله

المهم هو لما يشوفك متجنباها خالص حيتجنبها هو كمان

ربنا يبارك لكم
ويحفظنا من ولاد الحرام وخرابات البيوت الله يهدم وينتقم منهم اللهم امين

والله فى حديث مش متذكراه اوى بس معناه ان الله بيلعن كل واحده او واحد بيألب زوج على زوجته او زوجه على زوجها
اللهم احفظنا واياكم وادعى لنا

[سادات]

لا حول ولا قوة الا بالله حسبى الله ونعم الوكيل فيها ربنا يهديلك زوجك يا اختى

[هدى3000]

السلام عليكم ورحمة الله وبركاتة

متشكرة اوى اوى يا بيدو ربنا يكرمك يا غالية واهى غلطة بنتعلم منها وياريت
كل اخت تسمعنى تتعلم من اللى جرى لى

[هدى3000]

مونى انا متاكدة ان كلامك صح وفعلا هية بتحاول تكلمنى عشان تدبر لى مصيبة جديدة

عارفة يا مونى فى مرة كنت باعمل عملية ولما حست باهتمام جوزى وخوفة عليا مقولكيش اللى كانت بتعملة لدرجة بنتى لاحظت

مفيش فى ايدينا غير انى اتجنبها وادعى ربنا اللهم اكفينهم بما شئت يا ارحم الراحمين ويااااااارب يبعد عنى وعنك وعن كل مسلمة خرابين البيوت والحاقدين

عارفة يا مونى لو جوزى زعلنى يوم قبل الفتنة دى كنت قلت هو وحش انما طول عمرة كان مخلينى فوق الكل حتى فوق راسة هو كان يقولى نفسى اجيب لك الدنيا كلها

يااااااااااااااااااااارب احمينا بقدرتك واكرمنا بفضلك يارب العالمين

[سوزانة]

اختي في الله هدى قلبي عندك وحزنت كثير على قصتك لاني انا كمان حصلي نفس معاناتك فقد زوجي حبه ليا واصبح مكانه الكره ولكن بسبب مشكلات من اسرته لكن حسيت بيكي لان الحب لما يروح من بين الزوجين يروح الدفء والامان من عش الزوجية لكن نصيحتي ليكي استعيني بالله وداومي على قراءة اذكار الصباح والمساء وداومي على الاستغفار والتسبيح وأقرأي سورة البقرة فبيتك يوميا او شغلي سورة البقرة والجأي الى الله وإستخدمي أقوى سلاح(الدعاء) قومي في ثلث الليل الاخير وأسألي الله أن يهدي زوجك ليكي ويسخره ليكي ويجملك في عينيه اسألي الله ان يصلح ذات بينكم ويؤلف بين قلوبكم كرري هذا الدعاء انا كررته كثيرا والحمد لله حياتي ان شاء الله بتتحسن وأصبح زوجي يحبني واسأل الله أن يوفقك

[meramied]

ربنا يهديلك جوزك
وحفظي عليه اكتر من الاول
وقطع صلتك بمرات اخوكي ده مش قطع صلة رحم وانتي مش هتقطعي لو شفتيها في اي مكان علي الاقل سلام ربنا بس وده مش قطع انما انتي بتحاولي تحافظي علي بيتك وجوزك وهو اللي هيفضلك واولا بيكي
وربنا يحفظنا جميعا
وشكرا علي النصيحة

[هدى3000]

سوزانة حبيبة قلبى

الف مليون كلمة شكرا على احساسك الرقيق

وقلبى عندك والحمد لله ان المحنة عدت بسلام

ونصيحتك الغالية عن الاستغفار والقران انا باعملها وربنا يكفينا شر الناس

[هدى3000]

ربنا يهديلك جوزك
وحفظي عليه اكتر من الاول
وقطع صلتك بمرات اخوكي ده مش قطع صلة رحم وانتي مش هتقطعي لو شفتيها في اي مكان علي الاقل سلام ربنا بس وده مش قطع انما انتي بتحاولي تحافظي علي بيتك وجوزك وهو اللي هيفضلك واولا بيكي
وربنا يحفظنا جميعا
وشكرا علي النصيحة

يارب يا مرميد يهدية ويهدى كل ازواجنا

وكلامك صح وانا سالت فية وفى الناس اللى ممكن يكونو صلة رحمى

وانا بس عايزة كل اخت تقرا حكايتى تتعلم منها ازاى تدارى على بيتها وسعادتها

جزاكى الله كل خير

[هدى3000]

اة نسيت يا مرميد بنوتك ربنا يخليهالك

زى القمر تبارك الرحمن

[salmaosama]

لاحول ولا قوة الا بالله والله العظيم انتى صعبانه عليا ومش عارفه اقولك غير انك لازم ما تسسلميش للشيطانه دى وحاولى تستعيدى جوزك ليكى تانى وربنا يوفقك وتعيشى فى السعاده اللى تتمنيها