[habeeba]

ازيكو يابنات رمضان كريم
يا بنات انا شكلي هعمل زي حلا شيحه في الفيلم بتاع اريد خلعا..جوزي عاوزني اقعد في البيت مع انه عارف ومتأكد اني لو قعدت في البيت المشاكل هتزيد بينا اكتر على حاجات كتير..ياريت اللي عندها نفس المشكله تنصحني او تدردش معايا لأن الموضوع واصل مع جوزي لآخره..

اذا اعجبك الموضوع و اردت نشره في المنتديات الاخرى فاستخدمي هذا الرابط:
مين اللي زوجها طلب منها تسيب الشغل وتقعد في البيت
http://forums.fatakat.com/thread52874

[موءمنه]

شوفى ياحبيبتى ...انتى لازم تجلسى معه ..وتعرفى ايه اسبابه وليه فكر وقال كده
او الدوافع اللى خلاه يقرر هذا القرار....وبعدين اتناقشى معاه ..وحاولى انه يكون نقاش هادىء ..(على نار هاديه )زى مابيقولوا ...لان العصبيه والنرفزه مش بتوصل
لاى نتيجه تكون مرضيه على الاقل لكى ....بلاش تاخدى قرارات وانتى متعصبه
ولما تلاقيه هو كمان بأه عصبى او شادد معاكى ..غيرى الكلام او الموضوع لغايه
ماتهدوا ...ولاتيأسى بالحوار الهادىء والاقناع ..على ان تتجنبى الاشياء التى يرفضها فى عملك .... ربنا معاكى ...وطمنينا عليكى .

[العبد لله]

انا مع الاخت موءمنة واتمنى ان تكونو متفاهمين مع بغض وربنا يبعد عنكم الشيطان

[hammhamm44]

لو زوجك انسان محترم اجتماعيا
ولو قادر يفتح بيت اقتصاديا
ولو خايف عليكى من المجتمع والناس ويريد صيانتك
ولو يعطيك حقك وحريتك وبلا ضغوط داخل البيت ومع الأقارب والجيران
ولو يعطيك مصروف جيب وفلوسه فلوسك يعنى عيلة متماسكة
ولو قايم بوظيفة الأب فى رعايتك ورعاية الأولاد بالمدارس
ولو بيشتغل ليل نهار عشان بيته
ولو ولو وكلها اسباب حقيقية يجعلها من اجللك حبا وكرامة
فلماذ العناد وتخريب الحياة لأن عمل المرأة الغير ضرورى يجعلها
دائما عصبية
دائما فى علاقات متشابكة مع زملائها الستات والرجال
دائما لا تجد الوقت والصحة للبيت وللزوج
دائما اولادها ليسوا اولادها فهم تربية الآخرين
دائما شخصية متسلطة وطبقا لطبيعة عملها خاصة لو فى منصب ادارى يسمح لها باصدار القرارات يسبغ عليها شخصية معاندة متكبرة ومتسلطة
دائما ما تشعر بالقوة الزائفة وتنسى ان الموظفين يسمعون كلامها لانها رئيستهم فقط
ودائما ودائما
ولكن ابنتى العزيزة هل العمل ضرورى نعم ولاكن فى حالات معينة
لو الزوج مريض
لو الحياة قاسية عليكى - عدم وجود الدش مثلا او العربية والطموحات اللانهائية ليست ضرورة
لو مازلت صغيرة السن ولم تتزوجى ولك بيت واسرة العمل تجربة وحياة مجتمعية لسن معين
لو تمارسين عمل ضرورى بالمجتمع كطبيبة نساء او مدرسة بمدرسة بنات او ما شابة ذلك
ولو ولو ولو
اخيرا اقول لك يابنيتى العمل حلال وصحيح ولكن لو البيت لا يحتاج العمل فالبيت والزوج والأولاد اهم وهنا التضحية مطلوبة واهتمامك بنفسك واهلك هو الأساس

[ام جيهان]

مشاء الله ألاخت اللى قبلى اتكلمت بطريقه كويسه ومش سابت حاجه
انا عندى نفس المشكله بس بطريقه تانيه
انا متجوزه من 9 سنوات ومن اول ما جوزى اتقدم قال مش هشغلها
بابا عارضه بس لما سمع وجهة نظره مقدرش بتكلم كلمه وحده
قاله يا عمى هتشتغل مهما كان الراتب مش هيساور خروجها فى الحر والبهدله فى البرد ولا يساوى طوبه تيجى تحت رجلها وهى ماشيه
يلهوى كلام يكسف هههههههههههههه
وبابا وافقه وخلاص
بعد ما اتجوزنا حاولت معاه كتير اوى بزات لما واحده صحبتى جابتلى شغل هنا فى الأمارات والراتب كان 3 ألاف درهم اتحايلت عليه ورفص
سكت وبعد شويه رجعت ازن تانى ( هو ده طبعنا يا حريم هههههههههه )
اخر ما زهق قالى لما تحبى اطلقك كلمينى على الشغل تانى
انخرست ههههههههههههههههههه
وبطلت ازن ولا اتكلم بزات انه مش من النوع البخيل ولا بيعز عنى اى حاجه وكل طلباتى وأختياجاتى قبل طلباته وأحتياجاته
ولما بنخرج يقولى أأمرى يا روحى نفسك فى ايه وانا اجيبه
هحتاج ايه تانى أكتر من كده بس


نصيحتى سيبى الشغل احسن ما هو اللى يسيبك ههههههههههه
الراجل طاقه ولما بيطلب حاجه بيكون عنده اسبابه وكتير مش بيصرح عن ألاسباب دى
لو حاسه انه اتخنق خلاص سيبى الشغل بيتك وجوزك اهم
ربنا يوفقك ويخليكو لبعض

[ام سراج]

وانا اتفق مع جيهان وhamhamm
لو جوزك مكفي بيته ومريحك في المصاريف ومش مضيق عليكي
يبقى البيت اولى
جوزي كان رافض شغلي في البدايه
وبعد موقف معين..غير رأيه(لما رحت اكشف على رجلي وكان الدكتور رجل) ليلتها رجع وقالي لو عايزه ترجعي شغلك براحتك ع الاقل مانخليش ست تتكشف على راجل وخلي دي نيتك...بس وقتها كنت حملت ومقدرتش انزل الشغل..وقررت ان بيتي وجوزي اهم من الشغل..
ايوه منكرش ان لما الواحده بيبقى معاها فلوس..احسن ماتفضل تقول هات وهات
لكن المهم المصلحه النهائيه اللي هي ارضاء ربنا واللي ح تحققيه احسن لو ارضيت جوزك في سبيل ربنا وراعيت بيتك...لأن رضاء ربنا له الاولويه في حياتك ..هوهدف حياتك نفسها

[ALZAHRAA]

والله لااجد اكثر من كلام البنات ربنا يوفئك ويهدى سرك ورضا جوزك بمال الدنيا

[habeeba]

أولا: متشكره جدا على اهتمامكم وردكم على مشكلتي...
ثانيا :مفيش واحده مش عاوزه تقعد في البيت و(تتستت بالبلدي ) لو كانت الماديات تسمح لكن ماديا مينفعش اني اقعد ي البيت .
ثالثا : من قبل الزواج بابايا قاله بنتي بتشتغل و هو وافق وطبعا زي طبيعة أغلب الناس لما بييجي يتقدم بيبقى ظاهر الوش الكويس وكان موافق وقال لايمكن اخليها تعمل حاجه هي مش عاوزاها.
رابعا وده الأهم:جوزي متسلط جدا وعنيد وعاوزني مكلمش حتى الجيران ولا قرايب وحتى لما بيشوفني أكلم أهلي بيزعل ويتضايق و عشان كده قلتلكو اني لو قعدت في البيت المشاكل هتزيد اكتر..
يعني الشغل بالنسبه ليا ضروره معنويه اولا ثم ضروره ماديا ثانيا
مع العلم ان مفيش تقصير في البيت ولا أي حاجه
ياترا بعد اللي قولته ده رأيكو ايه؟

[amira82]

حاولى يا حبيبتى انك تقعدى معاه وتكلميه عن ااحاجات اللى هتملى عليكى فراغك فى البيت
وايه اللى هو ممكن يقدمه ليكى يعوضك بعدك عن الشغل والمفروض انه يحاول يكون ليكى الصداقات
علشان الغربه ما تأثرش فى نفسيتك

[amira82]

[ماجي2008]

نصحيتى ليكى البيت ثم البيت ثم البيت وماتوقفش ضد التيار وربنا يهدي

[ايناس عادل]

والله اكيد فيه سبب معين هوه شايفه اعرفى ايه ومش لازم يكون زى ماانتى فاكرة ما دمتى مش مقصرة فى بيتك يبقى خلاص مالوش عذر يقولك اقعدى بالعكس0000يمكن شغلك محسسه انك اهوه استغنيتى عنه ماديا وبرضة مش مقصرة فى البيت 0وبقيتى شخصية مستقلة 00ومن خبرتى مع زوجى 00الرجل عاوز الست محتاجاه علشان يحس بقوته كرجل مسؤل عنها 00ياترى انتى وصلتيه لانه يحس انك بشغلك مش محتاجاه 00ونصيحة من اخت 000حاولى تشعريه انك محتاجه ليه وانه الكل 00ورجل البيت ولما تطلبى حاجه ويقولك اى حاجة 0قوليله 0000هوه انا لي حد غيرك ياحبيبى وان ماكنتش انت للى تجيبلى وتدلعنى مين حيدلعنى 000والله الكلمة دي كان ليها تأثير السحر مع زوجى 00اختى اشعريه انك زوجته ولستى نده 00والشغل 000موضوعه حيتحل بالراحة 00لما يحس انك محتاجاه اكثر من الشغل 00وان الشغل ليكى بس لانك بتحاولى تساعديه علشان تعيشوا مع بعض حياة مريحة 000واخيرا 0000كما قال رسول الله كونى له امة يكن لكى عبدا000صدق رسول الله صلى لله عليه وسلم 000000

[اخت فى الله_LM]

حبيبتى حبيبه
اولا ربنا يصلح حالكم ويهدى سركم
بس انا مع راى جوزك طبعا
من نؤاحيه متسلط فدى حته فى كل الرجاله
وعنيد دى كمان موجوده
بس هولما يبقى مكفيكى ومكفى بيته واولاده يبقى المكافاه اننا نسيب البيت ونشتغل انا عرفه والله انك مش مقصره
بس هو الرجل دايما بيحب انه يرجع يلاقى مراته حبيبته فى احلى صورها والبيت جميل والولاد مستقبلينه بدون مشاكل وكده
بس صدقينى مش ممكن هتعرفى توفقى بين الشغل والبيت والاكل وزووووووووووجك
صعب اوى
وبعدين لما يقلك متكلميش جيرانك او كده
لعلمك والله انا مشض منحازه لحد بس هم الرجاله بيبقوا برده لهم فكر ولهم نظره غيرنا
حاولى تعامليه على انه ابنك وعاوز منك تجيبيله حاجه "لعبه مثلا"وانتى مش قادره
هتعملى ايه ؟؟؟؟؟؟؟
اكيد هتحققيله كل الى عاوزه عشان انتى امه
هو ده انا عاوزاكى تكونى مامته
انتم فى بلد غربه وهو محتاجلك دلوقتى اكتر من اى حد محتاج لحنانك ووقتك
وبيغير عليكى من انك تخرجى وتختلطى برجاله ف الشغل
الراجل دايما بيبقى عاوز يحس ان مراته دى ليه وبس
ليه بوقتها وحبها وكل حاجه
حاولى تحسسيه انك مش هتشتغلى عشانه
عشان هو اهم من الشغل
لانمه حاسس دلوقتى ان الشغل اهم من كلمته ومنه هو كمان فلازم يعاند
كلميه براحه وف اوقات مناسبه ومن غير متحسسيه ان ده الحل المناسب
لاخلسه هو يقتنع انه هو الى يزلك الشغل
خلى ده قراره هو مش قرارك انتى
وع فكره ياحبيبتى انا انشءا الله هبقى دكتوره
ولو اتقدملى حدوقلى هخليكى تشتغلى مشهوافق
لانى عاوزه اكون ليه بوقتى وكل حاجه
ارجومكنش اطلت عليكى او زدت ف الكلام
بس انا بكلمك كاخت وصديقه
بحبك فى الله

[قطرات الندى 2]

كل سنه وانتى طيبه الاول
انا متجوزه بقالى حوالى سبع شهور قبل الجواز بحوالى خمس شهور خطيبى الى هو جوزى جه قالى لاما انا للشغل وطبعا مكنش فاضل حاجه على الجواز فمكنش عندى تفكير غير انى بحب الشخص ده ومقدرش استغنى عنه مهما حصل وفعلا اخترته هو وسبت الشغل بس ندمت جدااااااااا فتره كبيره قبل الجواز وبعده وبعدين تفكيره لقيته بدء يتغير شويه بشويه فجيت بقى اطلب انى اشتغل دلوقتى بقى بيتحججلى بانى حامل ومينفعش اشتغل عشان الحمل وحاسه انه هيتحججلى بعد الولاده بانى مينفعش اسيب الطفل وهو بيرضع بس انا عندى امل برده انى اشتغل تانى فى يوم من الايام بس موقفك ده مش هتقدرى تعملى حاجه غير انك تسمعى كلامه لو هو مكفيكى يبقى لازم تسمعى كلامه ومتقلقيش من المشاكل الى ممكن تحصل بعد ما تعدى ربنا موجود واسئلينى انا
ومتزعليش جوزك منك خالص

[habeeba]

ميريسي ليكم ولردودكم ونصايحكم واهتمامكم يابنات

[hammhamm44]

اسعدمى استمرار الحوار الإيجابى وطبعا اكل انسانه ظروفها ولهذا البيت افضل اولا واخيرا الا فى حالات الضرورة وربنا يصلح حالك بنيتى

[Moni]

أنا صحيح مش متزوجة و لكنى بنت أشتغل و متقدملى واحد عايزنى أقعد فى البيت
وأحب أقول حاجة أولا :
أهم حاجة طاعة الزوج
سؤل رسول الله(صلى الله عليه و سلم) عن أشد الناس حقا على المرأة فقال زوجها
كما ان ليس عيبا ان الزوجة تعيش على قد زوجها و تصبر على ذلك
وثانيا :علشان ماحدش يقول علشان أنا ما جربتش بقول كده أحب أقول ان والدتى مهندسة و قاعدة فى البيت من يوم ما تزوجت و كانت بتشتغل قبل ذلك لأن أبى يرفض ان تعمل صيانة لها و لأولادها.
وانا بعترف ان لولا وجودها بالبيت ما كان البيت يستقر و لا يشعر بالأمان و الراحة
و هى كمان اتنازلت كتير عن حقوقها فى العمل لأجل أبى بالرغم من ان الراتب كان مغرى لها و استحملت الحياة البسيطة حتى أكرم الله أبى و عوضها على صبرها
والبيت أصبح بفضل الله أولا ثم فضلها بيت صالح و الحمد لله.
ولتعلمى أختى حبيبة أن طاعتك لزوجك تعادل الجهاد فى سبيل الله. وربنا يكرمك و يزيل همك.

[habeeba]

متشكره لردودكم كلكم يابنات , لكن زي ماقالتhammhamm كل واحده وليها ظروفها..ميرسي على تفاعلكم معايا واهتمامكم بموضوعي

[أم مريم]

ربنا يسعدك يارب
انا مع راى البنات
انا كنت بشتغل قبل الجواز و مقعدتش فى البيت غير قبل الجواز بيومين
و جوزى كان نفسه ابطل شغل من أول ما عرفنى حتى بس ماما هى اللى موافقتش و لا بابا و كمان كانوا عاوزينى اكمل شغل بعد الجواز
بس انا طول عمرى مقتنعة تماماً ان الست مكانها البيت و امنيتى كانت انى اتجوز و اقعد فى البيت
مع ان كل الناس مستخسرينى فى البيت بس دى قناعتى و كنت بقول لو جانى عريس يصر على شغلى مش هوافق عليه الا اذا كانت ظروفنا تحتاج لشغلى

لكن برضه كل البيوت بييجى عليها يوم كده و يوم كده و لما يكونوا الزوجين بيحبوا بعض بتمشى الحياة

ربنا يوفقك و يسعدك يارب

[ميرفت ام احمد]

اسمع8ى لو هو مدياته كويسه يعنى شغلة مش علشان تساعدية وهو طلب منك تبطلى شغل علشان خايف عليكى يبقى قعدتك فى البيت استرللك ويمكن لما تقعدى فى البيت تعرفى طبع زوجك اكتر وانشاءالله مش هيحصل مشاكل
اما اذا كنتى بتشتغللى علشان تساعدية ماديا فلازم تعرفى منه اسباب طلبه ده وخصوصا انه هيزنقكو جدا ماديا وبالتالى المشاكل هتيجحى يعنى هتيجى
ولا انا غلطانه