[habeeba]

ربنا يوفقكو كلكو يابنات يارب.
انتي مش غلطانه يا مرفت وانا مقتنعه والله تماما ان مكان الست هو بيتها وده اللي حثنا عليه رسول الله (صلى الله عليه وسلم) , وان المرأه متنزلش الا للضروره..ربنا يكرمكو وميرسي على ردودكو يا أحلى صحبه في الله

[fairy princess]

انا هاقلك تجربتى..زيمكن تقيدك
انا طبعا من ساعة ما اتخرجت بشتغل واتجوزت وكان بيشجعنى فى شغلى دايما وبيحبه
ولحد ما حملت سبت الشغل ودخل وراه الحمل التانى
وبعدين لما الولاد كبروا شوية قلتله ارجع الشغل واوديهم حضانة
رفض وقالى لما يكبروا شوية..وسمعت كلامه
ولما بقى عندهم 3ونص كده ...نزلت الشغل تانى وبدات استعيد حياتى تانى
لان الشغل بالنسبة ليا مش علشان الماديات..لا..انا بحب شغلتى اوىىىىىىىىىى..وبحب اخرج واشوف الناس وفى نفس الوقت مش مقصرة فى بيتى
وبعدين حصل خلاف كده مرة فاتخانقنا وقالى مش هاتروحى الشغل...بيلوى ايدى اللى بتوجعنى...قلتله عادى خلاص انا هاسمع كلامك والشغل مش فارق معايا

وفعلا سيبته وحليت المشكلة

وبعدين لما المدارس بدات بدا يقولى يالا مش هاتنزلى الشغل..وتودى الولاد وتجبيهم
وفعلا نزلت تانى...ومشى الموضوع
ولما جت الاجازة دى انا اللى خت اجازة من الشغل علشان الولاد يريحو فى البيت شوية
وان شاء الله ناويه ارجع تانى بعد العيد
الخلاصة انك هاوديه وماتخليش الشغل يكون مشكلة بينكم
والله الامور مشيت كويس وانتى قاعدة من غير شغل..خلاص تكيفى مع الوضع الجديد
لو الدنيا ضاقت هو هايقولك ارجعى تانى
وربنا يهديهولك

[habeeba]

ميرسي على اهتمامك وردك ياقمر

[مشمشة2008]

فعلا القعدة في البيت بتسبب المشاكل كتير
غير انها بتقتل طموح الانسان ومبيحسش بقيمته
انا كنت متفقة مع زوجي في اني اشتغل ولما فكر اني اقعد في البيت كنت هموت والحمد لله رجعت الشغل

[habeeba]

صح يا مشمشه انا عارفه نفسي .. لو قعدت في البيت هعمل مشاكل كتير اوي وهتخنق لأني من ساعة ما اتخرجت وانا بشتغل ..
ربنا يهدي النفوس..

[Om_habeeba]

السلام عليكم ورحمة اللة وبركاتة
بصى ياحبيبتى انا عايزة اقولك حاجة دلوقتى لو جوزك يقدر يعيشك العيشة اللى انتى كنتى بتحلمى بيها وحسيتى انك حققتى طموحاتك يبقى ماشى سيبك من الشغل انما انا حاسة من كلامك ان ظروفكم المادية تعبانة وانتى بتقولى انك بتساعدى وانا حاسة من كلامك انك انسانة محترمة
فحاولى تقنعية بالذوق والادب بشغلك طالما انتى عارفة انك مبتغضبيش ربنا
وبعدين انا لاحظت من كلامك انة متحكم يعنى ممكن بعد كدة يصير مابينكم مشاحنات انتى فى غنى عنها
على الاقل الشغل بيرفع من روحك المعنوية وتقدرى لما تروحى بيتك تجددى حياتك معاة وربنا يرشدك للحل السليم يارب بس نصيحة منى متتركيش شغلك خوفا من الزمن وربنا يسعدك

[habeeba]

شكرا على اهتمامك يا ام حبيبه يا عسل ياقمر انت

[toota_nono]

ممكن أقولك حاجة بجد انا مهندسة واشتغلت من اول ماتخرجت علطول لمدة 3 سنين ونص فى مكان واحد وكنت بحب شغلى اوىىىىىىى والمكان والناس اوىىىىىى وناجحة فيه اوى لدرجة ان جالى شغل بمرتب اكبر ورفضت اسيبهم ماهانش عليه العشرة واتقدملى شخص مكتوب كتابنا دلوقتى وطلب انى ماشتغلش بعد الجواز وبمناقشة بسيطة وافقت لأنى شايفة ان طالما هيريحنى ليه ابهدل نفسى لأن بكل صراحة ووضوح الشغل للست بهدلة الا قليل اوى يكفى الاختلاط بالرجالة كتيير ودى اكتر حاجة بتغضب ربنا - المهم انه بعد شهر ونص نحج فى انى سيبت الشغل وبقالى 8 شهور بالبيت وللعلم انه برضو من النوع اللى بيخاف عليا زيادة اوى وبرضو تحكمات وماتخرجيش وماتروحيش وماتكلميش واسئلة كتيرة بتعملى ايه طيب كنت فيين وكدة انت اكيد فهمة لأنه بيتهيألى كدة نفس الشخصية بس والله أهم حاجة انه يكون قادر على توفير احتياجاتك المادية وكمان العاطفية لازم يكون بيحبك اوى وبييديكى اهتمام يعوضك عن نجاحك وعلاقاتك بأصحابك وكل الناس اللى كانو حواليكى ف الشغل - كمان نصيحتى لما تحسى بتحكم زيادة ماتكونيش سلبية وتعديها لأ لازم ساعتها تاخدى موقف لكن الشغل رأيى ترضيه وتحسسيه ان الدنيا كلها ماتساوييش عنك وانه أهم شئ عندك وحاولى تمتصى غيرته يعنى ماتقعديش تحسسيه بسعادتك اوى باصحابك وبأهميتهم عندك ولا تشكرى كتيير فى اقاربك ولا تبينى حبك للنت والشات مع اصحابك او انك عايزة تروحى كتيير او تيجى اقتصرى على الضروريات بس وخليه محور حياتك وكونى ليه محور حياته خلى الاصحاب والجيران دول آخر حاجة وفةى حدود صدقينى انت ماتعرفيش نفوسهم فيها ايه خلى كل شئ بحدود اوى - أنا طولت اوى عليكى بس حسة ان نفس كلامك هو اللى مريت بيه ووالله ماندمتش لحظه عالشغل رغم كلام امى واختى طبعا اللى أكيد عارفاه وابقى طمنينى عليكى