[أم الطيب]

طريقة عمل كيكة البراوني
تمت اضافة وصفة طبخ جديدة في موقع مطبخ فتكات ، و يمكنك مشاهدتها من هنا:
كيكة البراوني
اذا كان لديك تعليق او استفسار او ملاحظات فيمكنك كتابتها هنا في هذا الموضوع .
الجميع في انتظار مشاركاتك!

[rosygirl]

تسلم ايدك يا ام الطيب وان شاء نكلها من ايدك كدة قريب انت عارفة بردة من ايدك حاجة تانية

[أم الطيب]

بس كده؟هاهاها يا ستي عنينا بس انتو تعالو وهاتي حبايبنا في المنتدى كلهم معاكي

[أم لوجى و ملك]

واضح انها تحفه تسلم ايديكى

[فطيمة]

جوعتيني تسلم ايدك

[rehab]

تسلم أيديك لكن مكمن اسيب الصوص لوحده ولما أخد منها أصب الصوص علي القطعة اللي أنا عايزاها بس يعني يكون الكيك بقى بارد أرجو الرد بليييييييييييييييييييييز

[hasna1488]

تسلم اديك حبيبتي تبدوا رائعة وشهية،للكن اود منك ان تشرحي لي معنى ها العناصرلأن مفهمتهاش بيكنج بودر (لبن رايب، لبن حليب)هل بينهما فرق ومعنى كل واحد منهم؟انتضر منك الجواب دمت سالمة

[توته1]

وأنا عندي سؤال يا أم الطيب عشان تجاوبي بالمره
أنا معنديش بيكربونات صوديوم ومش عارفه أشتريها تنفع الكيكة من غيرها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[rehab]

أنا عملتها بجد تحفة يا أم الطيب
تسلمي علي الطريقة

[أم الطيب]

جزاكم الله خيرا على ردودكم وأنا باوعدكم ان الكيكة دي أكتر من خرافة بجد مافيش حد داقها وقال عليها وحشة، وبالنسبة لك يا رحاب اولا ما انصحكيش تصبي الصوص وتسيبيها تبرد لأنها بتكون قشرة ومابيكونش الصوص سايح وأصلا هيه بتتاكل دافية وثانيا ممكن تعملى زي ما بتقولي بس يكون الصوص ساخن بس تغطي الكيكة بصينية أو ورق سوليفان علشان ما تنشفش.
حسناء: البيكنج بودر هو أداة الرفع في الكيكة وهو اسمه بيكنج بودر في كل حتة، واللبن الحليب اللى بنغليه قبل ما نشربه أو اللي بيكون في جاهز في كيس كرتوني زي لبن حليب جهينة وانجوي وجوي وما إلى ذلك عندنا في مصر، أما اللبن الرايب فبيكون سمكه أتقل من اللبن الحليب ورائع للهضم وما ينفعش بديل للبن الحليب في أي حاجة وعندنا نوعه لبن رايب جهينة.
حبوبتي توتة: ينفع طبعا يا قمر ما تحطيش بيكربونات وتكتفي بلملح ما فيش مشكلة

[cedar]

راح اعملها واجربها شكلها طيبه يسلمووو عزيزتي على الوصفة الرائعة

[امانى كمال]

تسلم يداكى انا جربتها جميلة جدا

[التلميذة]

تسلم ايدك شكلها خرافى بس عاوزة اعرف بالظبط المعيار بتاع الكوب هل استخدم الاكواب الخاصة بالمكاييل ولا ايه لانها رائعة ونفسى اعملها من زمان

[أم الطيب]

الكوب اللي باستخدمه كوب ماء كبير او كوب شاي زجاجي له ودن والنوع ده منتشر كتييير في مصر

[سندريلا79]

تسلم ايدك يا ام الطيب يا جميل اكيد هاعملها واقولك اصلى بحب الكيكه جدا

[rokaa]

تسلمو اديكو على الكيكة دى وديما معانا

[rokaa]

تسلم اديكم على الكيكة الحلوة دى

[emymicro]

بجد تسلم ايدك مش قادرة اقولك انا بحبها اد ايه
و لكن على طول بكلها جاهزة و عمرى ماعملتها فى
البيت وكنت مستصعباها جدا نظرا لانى مبتدئة جدا
خصوصا فى الحلويات
لكننى متفائلة بوصفتك و وان شاء الله هعملها بكره
وهدوقك ....ههههه ادعيلى تطلع حلوة

[emymicro]

انا عملتها و طلعت تحفة مووووووووووووووت
تسلم ايدك ياام الطيب و ده نصيبك زى ماوعدتك انى هدوقك ...هههههه

[موبينيل]

شكلها جميل واكيد الطعم احلى ونفسى فعلا اذوقها بس معا الاسف عاملة رجيم وجوزى لو شفها هاينقض على الشاشة تلم ايديكى يام الطيب بس نجربها بعد الرجيم