[عبير بدري]

تسلم ايدك على فكرة انا عملتها وطلعت اكتر من رائعة اصل ولادى بيحبوها
وكنت بجبهلهم من برة حقيقى تسلمى ومشكورة على الطريقة

[همسة قلب]

انا مبسوطة جدا لاول مرة اعمل كيكة وطلعت جميلة بس كنت عاوزة اسألك في شوية حاجات علشان ابقي فاهمة هو لي بنحط لبن رايب او زبادي وبعدين هي هبطت مني شوية ليه ؟ وبعدين لما نيجي نحط الصوص بيبقي سخن ولا بارد

[أم الطيب]

عبير.. تسلمي يا قمر وألف هنا ليكم..
رحاب الحبوبة.. بصي يا ستي بنحط لبن رايب او زبادي علشان بيخلي الكيكة طرية من جوة مش ناشفة واي كيكة عموما لما تحطيلها الزبادي بتبقى طرية، وعلشان ما تهبطش اتأكدي من صلاحية البيكنج بودر وحطي باكو كامل (كوكس) واوعي تفتحي عليها الفرن قبل 35 دقيقة، وانا عن نفسي اول ما بطلعها بصب الصوص وهو ساخن عليها وهي ساخنة واسيبها حوالي 5 دقايق بالكتير واهجم عليها لانها لما بتكون سخنة او دافية بيكون الصوص سايل وما ينشفش، لاني مرة عملتها وصبيت الصوص وركنتها الصوص تماسك مبقاش سايل وعمل قشرة فما كانش ظريف..
اعمليها تاني وان شاء الله هتطلع تحفة ما دامت من ايدك.

[همسة قلب]

جزاكي الله كل خيرررررررررررر بس انا فيه واحدة صحبتي عملتها من غير زبادي ولا لبن وطلعت كأنها عادية كده وتسلم ايدك ياقمرررر

[أم الطيب]

ماهو علشان من غير زبادي ولا لبن رايب بتطلع عادية لكن اللي انا عاملة وصفتها كيكة مش عااااااااااااااااادية بجد

[omesraa]

بصراحه تحفه تحفه تحفه


انا حطيت كوب سكر واحد

[أم الطيب]

تسلمي يا ام اسراء يا قمر

[reham10]

شكرا يا ام الطيب على وصفاتك الحلوة بس عايزة اعرف البيكنج بودر كم مقدراة والكاكاو خام اوبالسكر والصوص نضعة امتى

[reham10]

تعرفى طريقة ايس كريم من غير الماكنية وشكرا

[ايمان فريد]

[ام شوشو]

[أم الطيب]

ريهام.. البيكنج بودر بيكون حوالي ملعقة صغيرة، والكاكاو ممكن يكون خام أو مسكر بس المقدار ده بتاع الكاكاو المسكر فلو استخدمت الخاتم زودي شوية سكر، والصوص انا بحطه سخن على الكيكة أول ما تخرج من الفرن
وبالنسبة للآيسكريم انا عندي وصفة تجنن له من غير ماكينة هاحاول انزلها النهاردة ان شاء الله.
الحبوبة ايمان فريد والجميلة ام شوشو نورتو موضوعي

[النجمة اللامعة]

جربتها فورا بس بدون الصوص وطلعت طيبة كتير تسلم ايدك وانشاء الله عن قريب بسويها مع الصوص

[أمولة]

سلمت يداكي ام الطيب ----

[eltourky]

انا كنت ناويه اعمل الباسطا فلورا امبارح
بس غيرت رائي وعملتي البراوني
وبصراحه طلعت تجنن
تسلم ايديك يااحلي شيف

[أم الطيب]

ألف هنا يا ام مريومة
وشكرا لمرورك الجميل يا امولة يا غالية عليا.
وشكرا لك يا نجمة لامعة بس هي من غير صوص من بتكون واو

[أم عمر 27]

تسلم إيديك يا أم الطيب، الكيكة طلعت جميلة جداً جداً، والحمد لله زوجى وبناتى خلصوها بالهنا والشفا.

أنا عضوة جديدة فى هذا الموقع الجميل.

وأحببت طريقتك فى وصف المقادير والوقت القليل لعملها.

ولكى جزيل الشكر

[doni]

[خالت فتكات]

بجد تسلم ايدك انا فعلا كان نفسي اعرف بتتعمل ازاى لانى بمممممممممممممموت فى الشكولاتة واى حاجة خصه بشكولاته بمووووووووت فيها
وكان نفس اعرف فعلا الكيك بشكولاته بتتعمل ازاى ؟؟؟؟؟؟
وربنا يجزيكى خير بس لى استفتسار ومعلش انا عارفه انهم سئلوا قبلى بس بردوا مش فهمت اوى
الجزء ده مش فهمته
- لا تترك الكيكة بعد صب الصوص عليها لفترة طويلة حتى لا تتكون قشرة على وجهها ويختلف طعمها
معلش انا مش فاهمه الحته دى
يعنى اصوب الصوص عليها ولا اسيب الكيك من غير الصوص والقطعه اللى احطها وقت اكلها اصوب عليهاالصوص يبقى الصوص لوحده و الكيكه لوحده ولا ايه معلش ارجوا التوضيح
وشكرا يا ام الطيب يا عسل
امضاء
خالت فتكات

[ام لما]

تسلم ايديكى ام الطيب انا عايزة اعرف اية هى فايدة بيكربونات الصوديوم فى الكيك و هل هو الملح العادى و لا اية ارجو الاجابة