[دهباية]

يا حبيبتي أنتي لسة صغيرة ومتعلمة وعال العال ما تخليش اللي حواليك يأثروا عليك وربنا يرزقك بالزوج الصالح وعن قريب نسمع بيك عروسه حلوة..

[واحدة من الناس]

ماتقوليش كدا يا حبيبتى
انت لسه صغيرة
بكرة ربنا يرزقك بشغل كويس و زوج صالح...يا رب

[زمردة2008]

طيب ايه رئيك انك مش لوحدك انا كمان عندى 24سنه ولسه متجوزتش
وكنت مخطوبه من سنه تقريبا وانفصلنا والحمد لله على حكم ربنا
ورضيه وبدعيه يرزقنى بزوج الصالح
ادعى ربنا كل ما تفتكرى الموضوع دة ادعى ربنا لوى انا بعمل كدة والى كتبه ربنا هيكون

ربنا يعوضك خير حبيبتي ويرزقك بالزج الصالح وبنات المسلمين
وجزاكن الله خيرا كل الفتوكات علي دواتكن وجعلة الله في ميزان حسناتكن

[mon]

ربنا يعوضك خير حبيبتي ويرزقك بالزج الصالح وبنات المسلمين
وجزاكن الله خيرا كل الفتوكات علي دواتكن وجعلة الله في ميزان حسناتكن

انا مش عوزاكى تشوفى الدنيا من المنظور الضيق دة حاولى تشغلى نفسك بحاجه او اخرجى اشتغلى وسلى نفسك ومتفكريش فى الموضوع دة كتير وان شاء الله هيرزققك الزوج الصالح ان شاء الله

[زمردة2008]

انا دورة كتير وملقتش شغل حبيبتي
علشان كدة عملت شات الخريجات

[fairy princess]

انتى لسه صغيرة يا قمر
وعلى راى ام مهند ..انتى فاكرة ان الجواز ده نهاية المطاف
حاولى تدورى على شغل
حاولى تنمى اى موهبة عندك
حاولى يكون ليكى هدف وطموح
والدنيا ماوقفتش على الجواز...هايجى هايجى
متقلقيش..هههه

[fairy princess]

وبعدين انتى فعلا لسه صغيرة
انا اخت جوزى مهندسة اد الدنيا..واشتغلت...ومستواها حلو اوى..ومتدينة وهادية اوى
ومن الشغل للبيت ومن البيت للشغل
وبقى عندها 30 سنة ولسه ماجاش العريس
واختها الاصغر اتجوزت وخلفت كمان
ها بقى ...قولى الحمد لله

[زمردة2008]

طبعا انا بحمد ربنا سبحانة وتعالي
وشكرا اوي يا حبيتي لمرورك

والجواز دة اسمة ونصيب
بس الانسان بطبعة متعجل
عايزة مشاركتك معايا ف يشات للخريجات

[تريمان]

يا حبيبتى بجد نصيبك مكتوب عند الله منذ ان كنتى جنين فى رحم امك وبعدين 24 سنه صغيره بالنسبه للعصر والزمن ده لانه الملاحظ تاخر سن الزواج غير زمان ولعلمك انا اكبر منك ومتخرجه وبرده ملقتش شغل مناسب وكنت مخطوبه وفرحى كان خلاص من ايام بس محصلش نصيب وبجد راضيه بقضاء الله رغم انى بلاحظ نظرات واحيانا كلام من اسرتى طبعا الام بتكون نفسها تفرح بس النصيب وكمان للعلم اختى اصغر منى باربع سنوات ومتجوزه ومخلفه وفرحانه بيها ومش هاممنى خالص والحمد لله على كل حال والصبر ثم الصبر ربنا بيختبرنا وعايزين نبقى جدعان بقى ونثبت اللهم امين
عامه اقرئى زى ما فاتى قالت سوره البقره يوميا
وزى الفتكاوات ما قالوا اكثرى من الاستغفار وقولى (اللهم لا تذرنى فردا وانت خير الوارثين)
على فكره انا بعمل كده والله وربنا يرزقك ويرزقنى ويرزق كل بنات المسلمين بالازواج الصالحيين والذريه الصالحه قولوا امين

[لؤلؤة البحر الأحمر]

يا اختى الغالية لا تستعجلى الرزق

ولن يكون احد ارحم بكى من الله

وربنا يرزقك بالزوج الصالح عاجلا غير اجل

[noura jamal]

زمردة يا حبيبتي انتي مزعلة نفسك ليه؟
اولا انتي لسه صغيرة وقدامك العمر كولوء ان شاء الله ، انا كمان عندي 24 سنة ومتخرجة وكل قرايبي الي في سني اتجوزو وخلفو كمان وبرضو بسمع كلام بس عادي انا عارفه ان كل حاجه ربنا كتبهالي من قبل ما اتولد وهيا الي هشوفها وانا مش عليا غير اني ادعي ربنا يختارلي انسب حاجه ليه وديما بدعي ربنا يارب ارزقني الزوج المناسب في الوقت المناسب الي يسعدني واسعدو لانو مش اهم حاجه يبقى فظيع ولا احسن انسان في العالم اهم حاجه تبقو مناسبين لبعض في الطباع والحياه عموما عشان متتعبوش مع بعض
ثانيا انتي مش ناقصك حاجه ودا ادعى انك تشكري ربنا لان في نعم كتير في حياتنا مش بنشوفها غير لما تروح مننا
ثالثا بجد حاولي تشغلي وقتك دوري على شغل انا في سنك برضو ومتخرجة وتعبت جداا لغاية ما لقيت شغل بس عارفه كنت بعمل ايه؟ كنت بدور على شغل حتى لو من غير مرتب مجرد الخبرة بتفرق يعني اشتغلي في مكان لمجرد الخبرة لان بجد في مشكلة في المجتمعات العربية ان كل شركة مش عايزة حد لسه متخرج عايزين خبرة طيب الخبرة من فين اذا محدش راضي يوظفنا اساسا
فعشان كدا حاولي باسلوب انو يبقى شغل تدريبي كام شهر واثبتي كفائتك وان شاء الله يعينوكي او تنقلي على شغل احسن
وحاليا خدي كورسات او نمي هوايه عندك عشان متحسيش الحياه ملهاش طعم لازم تشغلي وقتك بحاجه تحسي نفسك بتتطوري لقدام

وبعدين صدقيني الجواز مش اخر المطاف الجواز مسؤليه وتضحيه وحاجات كتير

ربنا يوفقك ونورلك بصيرتك وان شاء الله نسمع خبر حلو قريب

[زمردة2008]

انا متشكرة جدا لكن كلامكن دة ووصايكن لي دي وسام وحسسنتوني انكن اخواتي
واكتر من اصحابي
جزاكن الله عني خيرا

[ماجي2008]

زمردة متزعليش انا اهو اكبر منك ومع ذلك انا عند حسن ظنى بالله ان ربنا هيبعت لى زوج ومش اي حد على قد صبري ربنا يعيطك يا اختى بس نصيحة ليكى ولى عليكي بكثرة الاستغفار وحاولى تغيرى من نفسك وعاداتك بما يرضى الله
ويارب تكتب لينا المرة الجاية وتقولى لنا ربنا بعت لى انسان كويس

[زمردة2008]

جزاككي الله خيرا ماجي ورزققنا انا وانتي بلازواج الصالحين

[lamiaaz]

أنت لية معقدها كدة الجواز دة نصيب محدش يقدر يقدمة ولا يأخرة زى الموت مش بيقولوا " ساعة القدر بيعمى البصر " ان شاء الله لما يجى نصيبك حتلقية قدامك و متحطيش كلام أقاربك فى دماغك أنت لسة صغيرة ما أنا كمان زيك عندى 23 سنة يا سيتى عيشى حياتك يعنى هما اللى أجوزوا خدوا أية ؟

[زمردة2008]

مش انا اللي معقادا انتي بنت وعفة العادات والتقليد وكالكلام اللي بالي باللك
دي كبرت دي عنست دي فاتها القطر
شكرا لردك لميا وربنا يرزقنا بلازواج الصالحين

[منةالبارى]

يا غالية انت مازلت صغيرة عن الكلام عن العنوسة وما شابه
اما فيما يخص الزواج او اي امر يتمناه المرء فهو بيد الله وحده
وعن شباب العائلة الذين خطبو من برا ومخطبوكيش
فلو كان الله يسبحانه يرى خيرة في زواجك من احدهم فثقي انه كان كتب لك ذلك وان رفضت.....
واولا واخيرا كل شيء بقدر ...ولا ندر ماذا يكون بين الكاف والنون
واسال الله لك الستر والعفاف ,,,

[nona ahmed]

ايه ياحبيبتي ده انتي بجد معيشه نفسك في هم ومن غير سبب متزعليش انتي لسه صغيره اوى كمان ده في بنات بيبقوا 28سنه وبتشرطوا كمان ومش عاوزين اى حد يعني ليهم شروط ومتفائلين جدا ربنا يكرمك ويرزقك باللي يقدرك ياااااااااااااااااارب وكمان يستر كل البنات بس دى مش حاجه عندك لوحدك بدليل الردود اللي جتلك اكترهم في عمرك ومش مخنوقين اوى من الموضوع ده عشان سيبنها علي الله كمان متوفقيش باى حد لازم يكون حدينسبك وعيشي سنك ولازم تشتغلي كمان الشغل مهم جدا ربنا معاكي ياقمر يارب

[امل مستحيل]

معلشى حبيبتى الحال من بعضه نفس حكايتك بالظبط حتى ابن خالتى بردو خطب من بره

بس انا اكبر منك بسنه
انا عارفه ان الكلام هايكون مفعولهوقتى وهاترجعى تانى لحزنك
وعارفهان فيه ناس كلامها رخم ورزل
ويسالوكى عن الجواز كانك انتى الى هاتروحى تتقدمى للراجل
نسيوا كل واحده فيهم كان حالها ايه قبل ما تتجوز

بس عايزه اقلك حاجه
من قبل ما نيجى الدنيا دى واحنا مكتوب لنا حياتنا هاتكون ازاى
ومين سعيد الحظ الى قاعدين منتظرينه ومتعذبين عشانه
ويوم ما يجى نصيبك هايجليك غصب عن كل الظروف


ادعى ربنا انه يصبرك وينولك الخير الى يعوضك عن ايام الصبر دى

وربنا يسعدك ويرزقك بالزوج الصالح انتى وكل بنات المسلمين

[زمردة2008]

شكرا ليكن يا غاليت علي كلامك دة ومواستكم لي بس فية ضغط عليا من قريبي كل دة انتي لسة متجوزتيش دة الوحدة تتطلق احسن ما تعنس وانا اسمع الكلام دة واسكت واحط في نفسي
اقول اية حسبي الله ونعم وكيل