[اخت فى الله_LM]

السلام عليكم ورحمة الله وبركاته
والله مش مصدقه ياجماعه من كتر المشاكل بجد
اولا اكبرمشاكلى والى بجد بتخلينى ابكى على طول
هى ان بابا بيحبنى اوووووووووووووووى
اكتر من اى حد عنده واكتر من اخويا الى المفروض يحبه اكتر عشان ولد بقى
يعنى انا عباره عن مامته الى تاكله وتعمله كل حاجه
لو غبت ساعه كده يبقى بيدور عليا وينادى زى البيبى بالظبط
انا تعبت
والله تعبت
وجالى ناس وشباب مفيهمش ولا عيب
يقولى لا معنديش بنات تتجوز
ابقى هتجنن
ماهو يايقنعنى يااقنعه
مفيش فااااااااااااااايده
تعبت ولا عرفه اركز ف حاجه والدراسه جايه ودماغى بتفكر فى كل حاجه بقى
وانا متقدملى انسان محترم جدااااااااااااا وعنده 23سنه
يقلى لاصغير
ولسه شاب
طيب يعنى اتجوز واحد عنده 40 مثلا
والله مش عرفه
وتانى مشكله انى مش بحب اخرج وبيتوتيه جداااااااااااااااااااااا ومش اجتماعيه ومبحبش اتكلم
انا ممكن اكتب هنا ف فتكات كل حاجه لكن معرفش اقول الى انا عاوزه اقوله كلام
بتكسف وانا انطوائيه كده
وطول النهار والليل ف البيت وخلاص
كنت بلعب رياضه وكنت محققه مراكز ع مستوى الجمهوريه بس بطلت لظروف صحيه ونفسيه
من يومها وانا قعده ف البيت
مش عرفه والله ياجماعه اعمل ايه
بجد اريدحلا

اذا اعجبك الموضوع و اردت نشره في المنتديات الاخرى فاستخدمي هذا الرابط:
اريد حلا....
http://forums.fatakat.com/thread53213

[الزهره الحزينه]

حبيتي انا حاسه فيكي وفعلا مشكله
الظاهر انو باباكي متعلق فيكي كتير
بس انت حاولي احكي معو باسلوب حلو
وفهمي انك كبرتي وانو هدي سنة الحياه
وانو لو بحبك لازم يتمنالك السعاده
وانك حتى لو تزوجتي مش راح تنسيهم
او تتركيهم راح تكوني معهم وشوي شوي صدقيني راح
يتغير ويقتنع

[اخت فى الله_LM]

ربنا يخليكى يازهره
بس والله مش طايق خالص اجيب سيره الجواز قدامه
وده تاعبنى كتير
انا نفسى يفرح بيا وهو معايا ويفرح باولادى
انا بحبه جدا وربى العالم
لانه موابويا هو ابنى كمان

[nody90]

ازيك الاول انا عضوه جديده فى المنتدى وعايزه اتعرف عليكو كلكم والله بصى انا هقول لك راى ده مهما كان باباكى حاولى تقعدى وتتكلمى معاه وبلاش تعملى مشاكل لانه كده يبقى بيحبك
وحاولى تفهميه انك مسيرك لبيتك
وقولى له انت مش عايز تشوف اولادى يا بابا ولا ايه خديه بالمسيسه
وربنا يوفقك يارب ويسعدك

[كتاكيتو بنى]

ربنا يهدى ليكى باباكى

[gannat mam]

مش عارفه اقولك ايه lm دى مشكله عويصه بس لازم يكون لها حل ان شاء الله
وزى ما قالولك الفتكات اللى قبلى لازم تكلميه بطريقه مناسبه
مثلا تقوليله انا كمان نفسى افرح زى اصحابى كتيييير منهم اتخطبوا....

لكن خلى بالك ممكن بباكى يكون معاه حق فى رأيه فى اى عريس
يمكن يكون فى سبب تانى غير سنه
لما يجيلك عريس تانى لازم تتدخلى وتدرسى الموقف مع اهلك
وما تستعجليش نصيبك ان شاء الله هيجيلك
اما بباكى اللى بيحبك فنقول ما شاء الله تبارك الله حد طايل يكون هوا اللى على الحجر,انا كنت عكسك تماما(يظهر جيت بعد ما استكفوا)

ربنا يرزقك بالزوج الصالح قريبا ان شاء الله

[ام كرم]

اختى العزيزة
ما تزعلى من كلامى بس انتى واحد من الاسباب
تعلقة فيكى عارفة لية لانك طول اليوم فى البيت
و ما بيشوف حد زيك حاولى تخرجى و تعملى علاقات
مع الاهل و الاصدقاء او تخرجى لدروس دين
صدقينى مع الوقت سوف يتغير و سوف تحسين بالفرق
تقبلى كلامى انا اسفة و بالنسبة للىمتقدم لو لكى نصيب فية
والله ما تمنع ارادت الله شىء

[مصراويه]

أم كرم كلا مها مظبوط
وكمان فيه حاجه فين قرايبك يا ماما -- عم - خال حد يكون عنده بنات وجوزهم
دول ممكن يتكلموا معاه ويفهموه من موقع تجربه إن قعدة البنت فى البيت
وفوات قطر الجواز عليها مش كويس وهى شايفه البنات إللى فى سنها إجوزوا
وخلفوا وعندهم بيوت .
وربنا يصلح الحال.

[اخت فى الله_LM]

ياجماعه والله مش عرفه اشكركم ازاى
بس ياجماعه دى مشكله كبيره
اولا الاخت الى قالت لازم انزل واخرج عشان يتعود ابعد عنه وكده
اولا معندناش قرايب جمبنا خالص وبابا هو صاحبى الوحيد وماما كمان وخالتو الى احنا عايشين مع بعض ومعاها
ثانيا احنا كنا قعدين ف البيت مع تيتا الله يرحمها
وخالتو ربنا يكرمها يارب ولما تيتا ااتوفيت بقينا دلوقتى مع خالتو
عايشين مع بعض
وخالتو دى ماشاء الله عليها اموره خالص بس عندها 40 سنه ومرتبطش خالص
وهى مهتميه بنفسها كتير وشكلها ميديش سنها خالص
فبابا بيبص لها وبيقلى عطول انتى كده اريحلك لا بيت ولا حاجه وتهتمى بدراستك وتاخدى الدكتوراه كمان واشوفك دكتوره وافتحلك معمل تحاليل هى دى فرحتى بيكى
وكل مكلم ماما ف الارتباط هى كمان تقلى ماهى خالتو اهى مش مجوزه ومبسوطه ومهتميه بنفسها لكن انا بعد متجوزت تعبت ومبقتش اهتم بنفسى وانتى صغيره على الهم ده ومتفكريش دلوقتى خالص
بس بالعكس رفضهم بيخلينى افكر اكتر واكتر ف الموضوع
لانه رفض غير مقنع واتكلمت كتير براحثه وشويه اشد من الضغط عليا
لدرجه ان بابا قلى كلمه ومبقاش يتكلم خالص ف الموضوع تانى
قالى انه بعد الشر ابقى اتجوز لما يموت
قالى كده
لمااموت روحى اتجوزى
والله تعبنى معاه جدا ومش عرفه اعمل ايه

[ام كرم]

اختى العزيزة ربنا ما بيسيب حد خالص
و انتى مؤمنة وانا حاسة ان الله لن يتركك
ما تخفى لو ربنا رايدلك تتزوجى راح تتزوجى
و كل شى بيد رب العالمين

[monee_2020]

والله العظيم اول مره اشوف حاجه غريبه بالشكل ده
ايه يا بنتى حيخللوكى والله ربنا يهديهم المشكله انه ماما موافقخه يمكن من كتر ماهى شايفه بابا عمال بيمدح فى خالتو فايجه ليها عقده لكن والله خالتك متهيالى لو ايجه ليها عريس من بكره لحتوافق طيب جربيها كده وشوفى انكشيها
وبعدين حرام تقعد خالتك معاكوا بنفس البيت لان بابا مش من محارمها يعنى لو ليها شقتها الخاصه ماشى متزعليش بس ده كلام الدين
يعنى فرضنا ماما وانتوا خرجتوا انتى واخوكى ومفيش فى البيت الا بابا وخالتوا والنبى صلى الله عليه وسلم يقول ( لا يخلون رجل بامرأه الا كان الشيطان ثالثهما )
وهو ده اللى معقد الموضوع اكتر انه شايف مامتك مش مهتمه بنفسها و وخالتك طبعا مش عليها مسؤليات فلازم تكون واخده بالها من نفسها
انتى لازم تروحى مثلا حلقات تحفيظ او اصحاب ليكى او اى شىء
شكله ما فيش الا حل واحد زى ما جدى عمله لما حب يتجوز عمل فيها عيان وبعدين راحوا قالوا ما تجوزوة يمكن يخف قام زى الحصان
بجد لازم تتصلى بخالوا او عمو الموضوع والله ان العرسان بتيجى للبنت لحد سن معينه وبعدين مش بيجى الا الارمل او المطلق او المتزوج وبعد كده محدش بيجى خالص انتى لازم تشوفى لك حل والله ده حتى حرام عليهم لما يجى الكويس صاحب الدين ويرفضوه والنبى محمد صلى الله عليه وسلم قال (اذا جاءكم من ترضون دينه وخلقه فزوجوه الا تفعلوا تكن فتة فى الارض وفساد كبير)شوفى لازم يكون ليكى وقفه لحد ما يقتنعوا ومش تفشلى وبعدين انتى مشؤ بتطلبى شىء حرام بالعكس الحرام لما يمنعوكى منه ويارب يهدى لك بابا وماما وان كان ليكى نصيب فى الشاب ده تاخديه وان مش كان نصيبك ربنا يرزقك باللى تسعدى معاه دنيا واخره

[اخت فى الله_LM]

ام اكرم ربنا يبارك فيكى
مونى الله يبارك فيكى بجد
على الرد الجميل
بس بالنسبه لوجود خالتو معانا
ده حرام طبعا بس احنا الى معاها لاننا كنا عايشين مع تيتا وخالتو ولما اتوفت تيتا فضلنا مع خالتو
ومعرفناش نروح فى مكان تانى لان ماما مش عاوزه تسيب خالتو لوحدها لانها خيفه عليها جداا
وبعدين بتقولى خال او عم
انا اهلى مش زى ماانتى فكره
احنا كل واحد فى حاله خالص وبعدين هم مش معانا ف نفس البلد كمان
والله يامونى شاب ممتاز وهم سبب رفضهم ليه انه ملتزم وملتحى
هم اصلهم عاوزين شاب روش من بتوع الايام دى الى ميشلش مسؤليه خالص
والى واخد باله من نفسه ده
ربنا يهديهم يارب
جالهم الدكتور والمهندس والضابط والصيدلى وهم رافضين عشان عاوزين ولد روش وواخد باله من نفسه
لااله الا الله بجد
ربنا يهدينا جميعا ويصلح حالنا جميعا

[هناء999999]

حبيبتى انا والله كانت عندى المشكلة دى لدرجة لما جيت اتجوز بابا بكى بالدموع ودى كانت اول مرة يبكى امامنا
اقولك خلى ماما تقرب منه وتهتم بيه ممكن يكون تعلقه الزائد بيكى لانك الوحيدة الحنينة معاه وبتسمعى كلامه فخلى اخوتك وماما يهتموا بيه ويخرجوا معاه وقوليلهم السبب فى ده عشان يساعدوكى وما يفتكروش انك بتهمليه او مليتى من الاهتمام بيه
ووحدة واحدة حيبدأ يشعر انك لازم تكون لك حياتك الخاصة وانه يقدر يبعد عنك شوية لان فى حد هيعوض ولو شويه فراغك
وربنا يوفقك ان شاء الله يا Lm

[اخت فى الله_LM]

هناء ياحبيبتى ربنا يخليكى يارب
بس للاسف انا الى بعملهم كل حاجه عشان ماما تعبانه وكمان اخويا صغنن
فانا عامله زى مكون امهم وبدلعهم جدا والحمدلله حنينه عليهم وهو بابا بيموت فيا الحمدلله بس حب زايد وتعلق زايد اووووى
بس للدرجه دى برده
ربنا يهدى الاحوال يارب
ادعولى ياجماعه ربنات يكرمكم وجزاكم الله كل خير على الرد الجميل ياجماعه
بحبكم فى الله
اختكم/لميس

[ام سراج]

شوفي يا Lm مفيش مشكله ملهاش حل إن شاء الله كل شئ يتحل لكن بهدوء
اولاً انتي لسه طالبه وفي كليه عمليه مش كده..يعني كلها شويه وترجعي الجامعه..تمام؟
اوك..لماتروحي بأه...حاولي تكوني شويه زمايل بنات...تسألي عليهم ويسألوا عليكي..وياخدوا شويه من وقتك اللي انت قاعده فيه في البيت لازقه لباباك لغايه ماتعود على انك صاحبته وهو صاحبك الوحيد-بحسب كلامك-
وكمان اقعدي زاكري في المكتبه بعد الدراسه ماتروحيش على طول
وشاركي في نشاط الكليه مش لازم الرياضي..لكن ممكن النشاط الاسري..تروحوا ملاجئ ايتام وتجمعي تبرعات..ده ح يشغل دماغك شويه..لأن حاسه ان جزء كبير من مشكلتك سببه انك ماعندكيش حاجه تشغلك...يعني زي مابابا لازق لك وماسك فيكي...انت كمان لازقه له ولازقه في البيت..وطول مانت كده..عمر ماحاجه ح تتغير ربنا قال ناخد بالاسباب ..لازم تتحركي..علشان تغيري من وضعك وتحلي مشكلتك...الكلام مع بابا لا ح يجيب ولا ح يودي..لأنك بتتكلمي بشئ وتعملي عكسه معاهم
اما الجواز...فاصبري لأن لسه نصيبك ماجاش...وواضح ان عمرك لم يتجاوز 22 سنه وفقاً لسن الشخص اللي اتقدم لك...اللي قلت ان عمره 23
وعلى رأي ام كرم...إراده الله مابيمنعها شئ..ربنا يوفقك ويهديك للخير

[اخت فى الله_LM]

ربنا يبارك فيكى ياام سراج يارب
وبجد نصايح هايله وهنفزها ان شاء الله
ربنا يجازيكم كل خير ياحبايبى

[سمسمه26]

مش عارفة اقولك ايه فى المشكلة دى ، انا اول مرة اشوف حاجة كده
انتى حاولى تفهمة مامتك ان دى طبيعة الحياة وقوليلها "تخيلى كده يا ماما لو مكنتيش اتجوزتى وبقيتى زى خالتى حلوة وامورة وبتهتمى بنفسك ومكناش هنبقى معاكى لا انا ولا اخويا ولا حتى بابا هتبقى عايشه لوحدك اساليها "ساعتها هتكونى مبسوطه بالوحده اللى انتى فيها من غيرنا " ونفس الكلام تساليه لباباكى بس بالراحه كده وربنا معاكى وتقدرى تقنعيهم

[اخت فى الله_LM]

ربنا يكرمك ياسمسمه ويباركلى فيكى
يارب يهدى الاحوال
وجزاكى الله كل خير على النصيحه ياحبيبتى
بحبك فى الله