[رودينا]

انا عايزة احكى ليكم حكايتى باختصار كنت مخطوبة وسعيدة ومفيش اى مشكلة الا حماتى مع انها هى اللى اختارتنى لابنها مع ان انا والله العظيم كنت بعاملها كويس بس هى مارتحتش الا لما الجوازة باظت بعد مااشترينا العفش كله.....الحمد لله اناعايزة رايكم ليه ياترى الوحدة بتتحول من ام الى حماة اول لما ابنها يقرب يتجوز؟
دى حكايتى يلا كل واحدة تقول حكايتها مع حماتها سواء حلوة او.........

اذا اعجبك الموضوع و اردت نشره في المنتديات الاخرى فاستخدمي هذا الرابط:
حكايتى مع حماتى
http://forums.fatakat.com/thread53283

[lovlyeyes]

بسم الله الرحمن الرحيم
يا أخت رودينا ...
الحماة فى الأول وفى الأخر هى( أم ) يهمها سعادة إبنها قبل كل شىء.
ولكن دايماً بتبقى فيه حاجة كل واحدة وهى مقدمة على الزواج وفكرة الحماة ( مارى منيب ) مسيطرة على كل واحدة فينا والبنت الزكية صحيح اللى تعرف تكسب حب زوجها ورضى حماتها لأن المثل بيقول دعوة الحماة فى السما ..
بس أهم حاجة انتى لو بتحبى إبنها حاولى تسعديه حتى ولو على حساب نفسك وحاولى متنتظريش جزاء أو كلمة شكر منها أو من غيرها علشان الحياة تعدى وتذكرى دائما إن المرأة خلقت لزوجها ولو كان السجود لغير الله لكان للزوج وده حديث عن الرسول (ص) ، وأيضاً كان الله فى عون العبد ما دام العبد فى عون أخيه وحاولى تكونى صبورة عليها وكلمة حاضر بتريح كتيير ..
وخلى بالك إوعى تخليها تدعى عليكى فى يوم وخلى بالك أكيد حتحكى لسلايفك وللعيلة وللجيران خلى بالك علشان متخليش شكلك وحش ..إفتكرى إنك مش عايشة لوحدك.
وحطى فى إعتبارك إنك بتعملى ربنا فى الأول وبتحاولى تسعدى جوزك وهو متجوزش علشان كل يوم يعيش فى مشاكل لأن عمره فى حياته ما حيبيع أمه علشان يكسب رضى أى حد وإنتى اللى لازم تخليه يسأل عليها وتخليه يكلمها وتروحوا لها وبالنسبة للأولاد لازم تعلميهم يحبوها ...
الكلام ده طبعاً مش ليكى إنتى بس ده ليّه أنا فى الأول بذكر نفسى وبذكركم إنتوا كمان سيبك من اللى عدى واللى فات المهم خلى بالك من اللى جاى وإعرفى إن جوزك مش الأول لأ . حماتك الأول وبعدين جوزك بصرف النظر عن إنها وحشة أو حلوة عمليها بما يرضى الله وهى أكيد لو غلطت فى حقك فى يوم أكيد حتحس بغلطها..
وإنت عليكى تستعينى بالدعاء إن ربنا يهديها لك فإن كان هذا بلاء سيرفعه الله بالدعاء وإن كان قضاء فالرضى بالقضاء من أساس الإيمان وحاولى التحلى بالصبر ..أعانكم الله على قضاء حوائجكم

[كتاكيتو بنى]

كل ام اول ما ابنها بيخطب او يرتبط بتحس انة حيضيع منها ويبقى ملك واحدة غيرها

[moooha]

انا مش موافقة على الكلام ده خاااالص
انا متزوجة من حوالى سنة و 3 شهور قبل الجواز عملت اللى مايتعملش مع حماتى لدرجة انى كنت بافضلها في اشياء عن امى و كنت باشتريلها هدية كل لما اروحلها كانت تدعيلي شوية و بعدين تقلب علي تانى كذا مرة حاولت تفرق بينى وبين جوزى حاليا بس عشان انا ناصحة كنت بادوس على كرامتى كتير و باقول جوزى بيحبنى و انا باحبه مش هاضحى بيه بسببها
يا بت اكسبيها في صفك اكتر اروح لها و اصالحها و ادلعها تفرح شوية و بعدين تقلب اكتر و اكتر و كانت بتقول لجوزى حاجات ماحصلتش عليا
قبل الجواز كانت زى المجنونة و نكدت علينا شهر العسل و لما عرفت انى حامل ازداد جنونها وكانت بتهينى و تضايقنى كنت باجى على جوزى اللى مش عارف يعمل معاها حاجة و كان بيتخانق معاها بسببي بس انا كنت باضايق بسبب الموضوع ده بس مش عارفة اعمل حاجة خالص معاها و الله عملت معاها اكتر مما يوصف
بس دلوقت مبقتش اعمل حاجة خالص لان عرفت انى باعمل و اتعب نفسي على الفاضى كل اللى باعمله دلوقتى انى بابعد عنها و بادعى و اقول ربنا يلهيها عنى انا عندى عبدالرحمن ابنى بس عمرى ماهزعله او ازعل مراته منى في المستقبل لان سعادة ابنى مع مراته يعنى سعادتى حتى لو هايبعد عنى نفسي كل حما رخمة تقر اللى انا قلته ده و تعرف انها زى ماهى حما عندها كمان بنت هاتكون ليها حما
و على الباغى تدور الدوائر و كما تدين تدان

[مصراويه]

الله يرحمك يا حماتى ويدخلك الجنه من أوسع أبوابها
ماتت وهى بتدعيلى أنا وأولادى وجوزى ---

[ام هاجر 22]

انا الحمد لله ما ليش حمة
بس لية اخوات جوزى قايمين
بالواجب وزيادة

[m2modee]

انا بقالي متجوزه 4 سنين سكنت سنتين عند حماتي وخلفت عندها اول ولد بس قرفتني حياتي انا وجوزي وقرفنا الزواج وكل واحد بيتجوز وياريت ضلينا نحب بعض بعيد عن العيون والناس مع اني كنت بحترمها وبقدرها وبطنش كلماتها القاسيه بس دلوقتي الحمد الله انا في بيت لوحي مبسوطه انا وجوزي بس لحد الان ما بتحبني وبدها ايانا مبسوطين الله يهديها وبسأل ليش الام بتخلي ابنها يكرها خلص تتركه مبسوط مع عيلته

[شاهي]

انا بقى الحمد لله حماتى طيبة جدا وبتعاملنىكويس اللهم لا حسد

[emanzaki69]

انا الحمد لله ما ليش حمة
بس لية اخوات جوزى قايمين
بالواجب وزيادة

ههههههههههههههه كان الله فى العون يا ام هاجر

[ام سراج]

معاكي حق يارودي
يمكن ده اصبح جزء من الحياه الزوجيه..لازم الحماه تقوم بالواجب
لكن برده الواحد يحاول يسايس اموره لأن الشد مابيجبش نتيجه
حماتي لسه مجربتهاش..لأني في بلد وهي في بلد..بس هي في التليفون ماشاء الله مش بتعتقني..ولازم اخد كلمتين في العظم..وبابلعهم والف الكلام كأنه مش عليا وامشي حالي..الدنيا كده..وربنا عنده العفو وعالم بالحال

[monee_2020]

لا بقى انا حمايا ماشاء الله ام جوزى ماتت
مسلط عليا مراته التانيه ليه
كل اللى انا باعمله انى اقعد فى حالى والله
برضه لا مانع من اختلاق المشاكل
ربنا يهدهم