[ضى القمر]

السلام عليكم ورحمه الله وبركاته

انا عندى سوال دلوقتى انا كنت قبل رمضان بروح مركز لحفظ القران وطبعا كان فيه ايام عندى فيها عزر ولما سالت الشيخه عن انى يجوز انى امسك المصحف واحفظ منه قالتلى انه شى عادى لانك مش لزم تقعدى الفتره ديه كلها من غير ما تقرئى قران ولما تمسكى المصحف علشان تقرئى امسكيه باى شى دلوقتى عاوزه اعرف انا ممكن اقرا القران فى رمضان عادى فى الايام ديه ولا لا لان فيه كتير جدا من الاقارب قالى انه حرام انى اقرا القران
فى الايام ديه وانا مش عارفه اذا كنت ماشيه صح ولا لا ويارب
ما اكون اطلت عليكم 0
وكل عام وانتم جميعا بخير

اذا اعجبك الموضوع و اردت نشره في المنتديات الاخرى فاستخدمي هذا الرابط:
سؤال ؟ ولو تكرمتم اللى يعرف الاجابه يجاوبنى عليه
http://forums.fatakat.com/thread53287

[onenoga]

السلام عليكم ورحمة الله وبركاته
انا سألت زيك كده فى الموضوع ده وكانت عندى اجابتين الأولى إنى ممكن أقرأ القرآن بدون الإمساك بالمصحف
والإجابة التانية إنى مايصحش من أصله إنى حتى أحرك لسانى بالقرآن بدون الإمساك بالمصحف يعنى فى الأيات اللى حافظاها وبحب أرددها دايما
وأنا باعمل حاجة مريحانى وهى إنى باشغل شريط قرآن وباسمع منه وفى حالتك حتبقى بتراجعى على كل اللى أنتى حافظاه
وربنا يكرمنا بجميعا بحفظ القرآن والعمل بما فيه واجتناب نواهيه

[ضى القمر]

والله انا بردو متردده فى الموضوع ده لان ناس كتير تقولى عادى وناس تانيه تقولى حرام عموما شكرا ليكى انا هحاول اعمل زى ما انتى بتعملى وجزاكى الله كل الخير يا قمر

[مشتاقة لجنه ربى]

انا والله سمعت ناس كتيرة بتقول عادى
بس المهم مش تقولى معاه يعنى تقراى بعينك
وناس قالت حرام
وانا والله زيك متردده
بس انا قلت الوقت ده ممكن تشغلى قران على الكمبيوتر وتسمعيه
او تقولى الاذكار وتسبيحى كتير
والله واعلم

[memo352]

بصى يا قمر( اختلافهم رحمة) بدل فى اكتر من رأى استفتى قلبك وشوفى هل انتى تقبلى انك تمسكى المصحف وانتى عندك البريود ؟؟؟
انا عن نفسى ممكن اسمع القرآن على الكمبيوتر وبكثر من التسبيح وقراءة الاذكار فى هذه الايام وربنا يتقبل منا يااااااااااااااارب ويهدينا للصواب .

[ضى القمر]

ايه يا جماعه هو محدش عجبه موضوعى ولا ايه انا مستنيه ردودكم

[ماجي2008]

انا والله انا واختى كنا بنتناقش فى الموضوع ده اول يوم رمضان
انا سمعت من دكتور ازهرى موثق فيه بانه لا يجوز قراءة القران وانتى عند عذر شرعى يعنى كلام اقاربك صح 100 ×100
رغم انه زمان كانت المحفظة بالمسجد قالتلى انه يجوز وكانت بتلبس جوانتي وهي عندها
بعد ما سمعت الكلام ده من الدكتور صراحة استحرمت انا اقرأ فى اثناء ها
ممكن تقولى التسابيح بصى يا ضى اعملى حاجة اطمن لها قلبك بس ما تنسيش لا يمسه الا المطهرون

[أم مريم]

انا لما كنت بحفظ كنت بلبس جوانتى و اى واحده تانيه كانت كده برضه

وامبارح الشيخ عبدالله المصلح قال انه يجوز مس المصحف بس بحائل زى الجوانتى او اى حاجة تانيه و انا علطول بعمل كده

[مريم الناظر]

بصى يا قمر

يجوز قراءة القران للحائض بس لضرورة مثل الامتحان او للتحفيظ او للتسميع وبيكون بحائل

اما لغير الضرورة لا يجوز وانتى دلوقت مفيش ضرورة لانك بتقرئى لطلب الثواب وانتى بتخدى ثوابك بالنية
وممكن لو كنتى بتقرئى وتوقفتى عند الحيض استكملى الاجزاء الى هتفوتك بسماعها من شريط قران.

والله تعالى اعلم

[bes_bes]

يكون بينيك و بين المصحف حائل الحائل جونتي قماش اي حاجه تفصل بين ايدك
و مسك المصحف او يكون المصحف علي حامل و تقلبي الصفحات بايدل و انت لابسه جوني
انا سمعت الرد ده في قناه من قنوات الدعاه كان بيرد علي مسلمه عن نفس الموضوع
ممكن كمان لو مش عيزه تمسكي المصحف تسمعي عالكمبيوتر و ترددي وراه
انا بعمل كده و كده بتكوني بتقولي ورا الشيخ يعني مش هتغلطي

و الله اعلم

[ضى القمر]

شكرا يا جماعه على ردودكم وجزاكم الله كل الخير

[toto s]

انا اعرف انو حرااااااااام
ممنوع حتى تتلفظي القرآن وانت معذوره
(لا يمسه الا المطهرون)

وان شاء الله اكون قدرت افيدك