[عمرنا]

السلام عليكم اخواتى الفتكاوات الجميلات(طبعا جميلات وقمرات كلنا امال ايه)
ايه رايكم فى الحاصل فى الاسعار دة عاجبكم كدة
تعالوا نتكلم مع بعض بصراحه
الاسعار بقت مشكله الاكل والملابس والمدارس ومستلزمات البيت بكافه انواعها
كل حاجه بقت نار والاسعار قفزت لفوق وفى وقت قياسى
طبعا انا لانى عايشه برة مصر وبانزل فى الصيف بس باحس بالفرق الشاسع بين اللى كنت بادفعه واللى بقيت بادفعه الان فى نفس الاشياء
حد ها يقوللى انتى جايه من الخليج وما يهمكيش امال الناس فى مصر تعمل ايه
ارد و اقول انا بنى ادم عادى جدا وزيي زى كل الناس انا مصريه وفى مصر وباتعامل فىكل مكان زى اى حد تانى وساكنه فى عمارة عاديه مش وااوو ولا حاجه مع جيران لم يسافروا برة ولا حاجه
مصدر الدخل لا يهم احد
خلينا فى المفيد
ها نفضل كدة والا لازم يبقى فيه حل -طيب نعمل ايه -يبقى لازم يكون فيه اعادة نظر فى اسلوب المعيشه ككل-
بدات اعمل اعدة ترتيب لافكارى ونظامى فى البيت -اعمل اللى اقدر اعمله فى البيت -اصر على ان يتوقف اولادى عن ترك النور مفتوح فى الغرفه ويخرجوا منها -لازم يعلقوا هدومهم غصب عنهم عشان المكواة انا باتعب فيها وكمان بتكلف كهرباء وظهرى اللى بيوجعنى من الكى لوقت طويل دة كوم تانى-تشغيل التكييف وقت الضرورة فقط -باحاول اضبط كميات الطعام التى اطبخها بحيث لا يفيض منها شىء - احاول تدبير امورى على قدر المستطاع فالله وحدة يعلم كيف سيكون الحال بعد عام او اتنين من الان
ياترى انتوا معايا فى دة والا ايه رايكم
انا والله مش بخيله لكن باحاول احافظ على مال زوجى الذى يتعب كل التعب ليوفر لنا حياة كريمه ومال اولادى الصغار
اذا كنتوا موافقيننى الراى يبقى كل واحدة تقولى بتعمل ايه فى الموضوع دة دلوقتى
يا ترى غيرتوا اسلوب حياتكم والا زى ما انتوا
نحاول نعطى بعض افكار نساعد بيها نفسنا لتسير بنا مركب الحياة ونحن مستورين وونعيش حياة كريمه
ياللا منتظرة تفاعلكم معى وافكاركم النيرة

http://forums.fatakat.com/thread76351

اذا اعجبك الموضوع و اردت نشره في المنتديات الاخرى فاستخدمي هذا الرابط:
صرخه فى وجه الغلاء
http://forums.fatakat.com/thread53349

[ميرفت ام احمد]

والله عندك حق والاسعار بقيت زيادة قوى فى الخليج كمان وانا زوجى مع كل قفزة للاسعار بيتهمنى بالاهمال مع انى والاله مش مهملة قوى بس انا غلبت انى اوفق ميزانيتى اللى مابيتزيدشى فى احتياجات البيت
كنت فى الاول بقدر وبوفر بس دلوقتى no way فانا معاكى
وانا شفت فى مسلسل الستات لما الاسعار غليت بطلو يتعاملو مع الجزارين والخضارية وبتوع الفكهة وكل المحلات وبقو ياكلو فول ويحلو بحرنكش
لمدة3 شهورلغاية لما التجار قاللو حقنا برقابتنا وبقو يبيعو بالاسشعار اللى حطاها الحكومة
هى فكرة حلوة بس بيتهيئللى انها خيالية

[عمرنا]

اهلا بك يا ميرفت ام احمد
معقوله انا وانتى فقط اللى حاسين بالمشكله القويه دى
طيب ما هو احنا لازم ناكل ونشرب ونلبس ونعيش مش ها نقدر عمليا نمتنع عن اللى متعودين عليه سواءا فى الخليج او مصر
السؤال؟؟؟
نعمل ايه؟ انتى بتعملى ايه يا ميرفت علشان تدبرى امورك شاركينى افكارك
احنا فى الهوا سوا
ربنا يعينا وانا فى انتظار افكارك النيرة

[hob-al-koon]

بصراحه كلامك صحيح انا سعوديه ولاحظت الاسعار كيف نطت لفووووووق
بجد الشي اللي كان بريالين الحين صار ب 8 ريال يعني مو معقول الزياده مو ميه بالميه الا الف بالميه والله هلكونا كل شي صار غالي وعشان كمان عندي بيبي الحليب صاير ب 59 العلبه الصغير بالله مو افترى ياشيخه بس بصراحه انا ما اقدرت اغير ولاشي لأني خلاص اتعودت علي حياتي بس في اشياء لغيتها من قاموس المقاضي واولهم الفيمتو<<<لزوم رمضان
السنه اللي راحت الحبه كانت بثلاث ريال كنت اشترى دايم بالكراتين الحين صايره الحبه قريب 9 ريال مره مع نفسهم ولا فكرت اشتري اروح اخذ لي عصير طبيغي احسن
وشكرا ع الموضوع طلعنا من مكنوناتنا شوي

[شرين عمر]

اكيد كلام صح والجدع اللى يقدر يعمل حاجة انا ما عندش مانع من الاضراب لكن محدش هيقف فى صفى وهيقولى واية يعنى طب هناكل اية اشمعنا احنا دة زيادة عالمية يا ماما قوللى الحل

[عمرنا]

اختى حب الكون انا ايضا باحاول اقنن استهلاكى من الاشياء الغير ضروريه على قدر المستطاع
ومثلا على ذكر رمضان كنت لما باعمل عزومه مثلا لشخصين واحنا اربعه يعنى كلنا سته كنت باعمل اكل يكفى 12 شخص دلوقتى غصب عنى لازم اعمل ما يكفى 7-8 فقط لانى باعمل عزومات كتير
وبدل ما كنت باعمل 4-5 اصناف حلويات باعمل صنف واحد فقط وعلى فكرة النتيجه بتطلع جيدة جدا والكل بياخد وبيكفى برضه يبقى الاول كان حاجه اكتر من اللزوم

[عمرنا]

اكيد كلام صح والجدع اللى يقدر يعمل حاجة انا ما عندش مانع من الاضراب لكن محدش هيقف فى صفى وهيقولى واية يعنى طب هناكل اية اشمعنا احنا دة زيادة عالمية يا ماما قوللى الحل

عزيزتى شيرين عمر
طبعا انا عارفه انى لا يمكن اقدر اغير من الاسعار لان دة مرتبط بالقتصاد وعوامل كتير احنا كمواطنين لا شان لنا بها وعموما هذا اتجاة عالمى فى معظم الدول
ولا حتى اضراب فانا اريد حلول عمليه يمكننا تنفيذها
الحا فى الاعتدال فى كل شىء والحرص على نعمه ربنا
وعلشان كدة انا طرحت الموضوع دة عشان نساعد بعض فى نعمل ايه وما نعملش ايه
ياللا نتشجع ونكتب تجاربنا الفعليه

[ميرفت ام احمد]

طيب يعنى ايه اللى فى حياتناواحتياجتنا انا شايفةوالله انىمش بصرففى حاجة تافهةماحنالازم ناكل انا كنت بجيب 5كيلو رز مصرى ب11 ريال دلوقتى بقى32 وياريتنا بنلاقيه والكهربا استهلاكى هواة وكنت بدفع 40او 50بالكتير دلوقتى اقل حاجة 160 ريال والله بجد انا اول مالراتب بيجى بدوخ لانى معتش بعرف اعمل بيه ولا حاجة طيب اقترحو عليه وانا بقدر الامكان هحاول اقتصد المفروض ان ميزانيتى 2500 ريال منهم 100 سكن و100 ميهغسيل و100 ميه شرب واقل حاجة مع الاسعار دى 1000 اكل فى اقل مستوى ممكن مع الاسعار المجنونة دى دة غير التليفون علشان اطمن على اهلى والكهرباء و500 ريال علاج لزوجى لا وكل دة واولادى لسة مدخلوش المدارس امال لما يدخلو هيوصلو لكام

[نانو باشا]

اقولك
انا هيوصلو كام يا مرفت
اناتعبت قوي من المصاريف وعندي ثلاثه منهم اتنين في المدرسه وعشان اروح اشتري حاجات بسيطه من بنده الفاتوره بتبقي فوق 200 من غير اساسيات وزمان كنت بشتري الاسايات من زيت ورز سكر ومكنتش الفاتوره بتبقي كده
واقول لجوزي والله مببزرش الحاجه بقيت غاليه
وقبل رمضان نزلت السوق ويا سلا م علي الجشع كليو الطماطم 5 وربطة البقدونس 2 والله المستعان

[ميرفت ام احمد]

ايه ده دول بس اللى علقو على موضوعك ياعمرنا
والله الموضوع حلو جدا واناكنت متخيله ان كل الستات هتتدخلوتعرض خبراتها علشان المحتاسين اللى زيى يستفادو
ايه اللى حصل يافتكات لو موضوع هايف كان هيبقاله ردود اكتر من كدة لو سمحتو ياللا نتفاعل مع بعض علشان نستفيد من بعض

[عمرنا]

ايه ده دول بس اللى علقو على موضوعك ياعمرنا
والله الموضوع حلو جدا واناكنت متخيله ان كل الستات هتتدخلوتعرض خبراتها علشان المحتاسين اللى زيى يستفادو
ايه اللى حصل يافتكات لو موضوع هايف كان هيبقاله ردود اكتر من كدة لو سمحتو ياللا نتفاعل مع بعض علشان نستفيد من بعض

انا كمان كنت فاكرة زيك كدة و على العموم وجهات النظر بتتفاوت وعلى فكرة مش انتى لوحدك اللى محتاسه انا كمانزيك وباحاول اخرج نفسى من الحوسه دى
امال انا منزله الموضوع دة ليه !!!!!!
طيب ما تعمليلنا دعايه عن الموضوع دة يمكن انا عشان عضوة من شهر يونيو ولسه جديدة نسبيا ما حدش واخد باله منى
بس يا ميرفت بلاش نقول انه لو كان موضوع هايف كان هايبقاله ردود اكتر من كدة علشان مانزعلش حد مننا احنا محتاجين تفاعل قوى وتبادل المنفعه
انا النهاردة جردت دولاب المطبخ تانى بعد ما رجعت من مصر وحاولت اشوف الضرورى قوى قوى اجيبه وبكميات محددة تكفينا فقط
وها اعمل كدة فى دولاب الملابس غدا
وبعدة على مستلزمات التجميل وادوات المكياج والشامبوهات وخلافه
والحمد لله ان ما وقت ما استعملت خلطه المسك بالشبه اللى انا منزله وصفتها قبل كدة فى المنتدى بطلت اشترى مزيلات عرق تماما ووفرت مبالغ كانت بتتدفع فيها وكمان ريحت جلدى من المستحضرات الصناعيه وريحت انفى من العطور النفاذة المحتويه على الكحول وكمان فوق البيعه حافظت على البيئه وعلى ثقب الاوزون علشان لو وسع اكتر من كدة ما اكونش انا السبب اهه بند وخلصت منه من اكتر من سنه
عملتى ايه انتى

[ميرفت ام احمد]

انا بقى مصاريفى غصب عنى زايدة جدا من شهرين علشان بجهز للنزول وانا فى مصر بقى احاول اقتصد على قد ماقدر اصل كدة مش هينفع خالص احنا عايشين عيشة صعبة ولازم نحسب لقدام

[ريمونتى]

الحمد لله على كل شىء و عجبا لأمر المؤمن امره كله خير و ليس ذلك الا للمؤمن

أنا بصراحة متجوزة من سنة واحدة يعنى خبرة يوك لكن الحمد لله الواحد بيتعلم
بدأت اعمل حجات كتيير فى البيت بدل ما اشتريها زى اللبن الرايب و الزبادى و اللبنة
كمان عملت اقتصاد شهرى اجبارى من الميزانية يعنى مثلا اشيل 100 جنيه و اقول اعتبرى انك معاكيش غير المبلغ ده ( مش ال 100 جنيه ال 100 دى المبلغ اللى حوشته)

كمان الكبيبة الشامى وسيلة عملية (لمط) كيلو اللحمة المفرومة الى كيلو ونص و كذلك الكبيبة العراقية

ايضا بدأت افرض نظام غذائى فى البيت منخفض السعرات و الدهون و والله ده بيساعد لأن كل ما نستهلك مواد دهنية ده بيزود الميزانية
ده غير انه بيحافظ على القلب و الصحة فا مانروحش المستشفى و لا نصرف ادوية
كمان طبق السلطة ده حكاية لأنه بيعوق امتصاص الدهون و الألياف اللى فيه بتساعد على الشبع و عدم الأكل كثيرا و ابتكرى بقى سلطات

و الفلافل كمان عملتها فى البيت أوفر كتيير بعمل كمية و اقسمها و اشيل فى الفريزر

كمان بطلت اشترى غير فى اوقات الأوكازيون و بالنسبة للأكل بجيب العروض و اقسمها مع مامى و اختى و بتقف ارخص كتيير و لما بحوش فلوس على جنب بتنفع فى موضوع العروض يعنى مصروف البيت مش مكفى مافيش مشكلة ال 100 جنيه اللى بشيلها و اتجمعت جه دورها
على فكرة ال 100 ده رقم افتراضى قابل للزيادة و النقصان

كمان الديب فريزر ده نعمة جمعية صغيرة و تجبيه لأنك ممكن تشيلى فيه العروض بتاعة المجمدات و ممكن انتى اللى تصنعى المجمدات دى فى وقت رخص الخضار فى موسمه و تشيليه
بالنسبة لى كان استثمار لم اندم عليه ابدا

الكهرباء آآآآآآآآه منها
انا لما بسمع قرآن او درس على الكومبيوتر بطفى الشاشة طول ما انا بعيد عن الجهاز او فى المطبخ
كمان بحاول استخدم اضاءة طبيعية طول الوقت لغاية لما غعلا احتاج انور اللمبة

لما بشغل الفرن بحاول اعمل اكتر من صينية عشان استغل الغاز امثل استغلال

كمان الجلانس بتاع الزجاج سيبك منه و اخلطى مقدار خل مع مقدار ماء و فى زجاجة بخاخة رشيه و لمعى الزجاج و المرايات
كمان منظفات الأفران سيبك منها و اخلطى بيكربونات الصوديوم و الخل مع الماء المغلى و سيبيهم على مناطق الدهون و ادعكى بعد شوية

و البقية فى رد اخر بس تفاعلوا مع اختكم

[ميرفت ام احمد]

افكارك حلوة بس انا جربتها وبردو فى زيادة مش لاعارفة العيب فين
يمكن مفيش بركة بس والله دى فلوس حلال ميه\مية وشقيانين بكل قرش فيها

[عمرنا]

ايوة كدة الافكار بدات تهل اهه
شكرا لك يا ريمونتى وبتقولى خبرة يوك لا مش يوك ولا حاجه
كمان بدات اقاا من مرات الذهاب للكوافير وباعمل بنفسى اللى اقدر عليه وبالتدريج بقيت متمرسه ووفرت مبالغ غريبه كانت بتتدفع واقتصرت على مرات قليله ضروريه لقص الشعر فقط اما الباقى فبالجهود الذاتيه ويعيش الانسان ويتعلم عمل الفلافل والشاورما والبيتزا والمناقيش فى البيت بيفرق كتيير من حيث الجودة والنظافه وضمان مصدرة و سعر التكلفه اقل بكتير
ولان احنا من عشاق الحلويات والكيك كنت باستهلك كميه زبدة وسمن كبيرة قبل كدة
لحد ما جربت مرة اعجن الكيك بالقشطه التى تنتج بعد غلى اللبن كامل الدسم بعد تبريدة على الوجه وبدون مبالغه بتعطى نتيجه خرافيه والله والكيك بيكون خفيف وهش فعلا ومن يومها قل استهلاك الزبد والسمن الى الربع لانى قللت كمان من الدسم فى الطبخ اليومى
فى انتظار المزيد من الافكار الجميله
شكرا لكم
ياللا مين يتفاعل معانا كمان

[nehad]

موضوع رائع
انا مبتعده عن مصاريف البيت بقالي 6 شهور بس فعلا لما بدات انزل حسيت بالغلاء
لما بندخل نجيب شويه جبن والبان و زيت دفعنا اكتر من 130 جنيه يا سلام
الي قدرت عليه
بطلت البرسيل و بستخدم اوكسي للغسيل هايل جدا و اقل 10 جنيه من البرسيل
و نضافته احسن من البرسيل و بيشيل البقع خالص
و بحاول اشتري العروض في الاوكازيونات
بس انا مستخدمه سيئه جدا للكهربا عشان الكمبيوتر و فرن الكهربا و سخان الكهربا
ممكن انسي المروحه شغاله و انزل فعلا محتاجه امسك نفسي شويه

[yostina]

اناسعيده بافكاركم.... واكيدهجربها

[رشا محمود]

السلام عليكم يا فتوكات
وشكرا على الدعوة يا ميرفت للموضوع الجميل ده. انا ما كنتش واخده بالي منه.
فعلا كل كلامكم يا اخواتي صحيح مية بالمية ، والاسعار هنا في الخليج نار واكيد في مصر كمان، زمان من ثمان سنين اول ما اتجوزت كنت اروح كارفور مع جوزي ونشتري حاجة الشهر مع الاسراف والشيكولاتات والمكسرات وكل العروض اللي تهمنا بمائة درهم. دلوقتي بندخل نجيب الضروري بس وباكتب اللي انا عايزاه في البيت في ورقة ، وساعات اشوف عرض اقول لجوزي نجيبه ، يقولي مكتوب في الورقة ؟ اقول لا يرد عليا يبقى مش محتاجاه ومانجيبش لان الاسعار مولعة ، وبالرغم من كده بنخرج ب 400 درهم اقل شيء ومش كل حاجة كمان .
بنحاول نشوف ارخص الاسعار في كل حاجة ، اكتشفنا ان كارفور غالي في بعض الحاجات، مثلا الزيت والسكر والرز من اسواق الامارات ارخص. وباقي الحاجات زي تايد وديتول والصابون والشامبو والحاجات دي من كارفور ، والخضار من سوق الخضار او سفير ماركت ، وكده يعني بنلف لفة علشان الارخص.
انا بجد مش عارفة طرق وتدابير للتوفير مؤثرة فعلا لاني مهما عملت باحس ان الغلاء في الاسعار أعلى بكتير من أي طرق توفير. بس اللي انا مصرة اعمله حتى رغم امتعاض جوزي ان الاكل الفائض ما ارميهوش ولو كان شوية رز وخضار ، اخليهم في التلاجة وشوية على شوية بيكونو اكلة تكفينا كلنا في يوم اريح وما اطبخش وناكل البايت كله. باجد باحس بالذنب لو رميت اكل.
وزمان ربنا يسامحنا كنت بارمي العيش القديم في الزبالة ، ولكن من ساعة ازمة العيش اللي حصلت في مصر وصعبوا عليا اهلنا وحبايبنا واخواتنا في بلدنا ، حلفت ما ارمي فتفوتة والمكسر او الناشف اعمله بقسماط للبوفتيك والبانيه.
اما الكهرباء والماء والله العظيم باقتصد قدر الامكان ، بس بقى القرارات اللي عمالة تزود علينا الرسوم دي مش بايدينا.
اما الايجار فحدث ولا حرج ، الايجارات في رأس الخيمة من قديم الازل ولحد من سنتين كده كانت في حدود 5 او 6 الاف في السنة يعني تقريبا خمسماية في الشهر. دلوقتي والله من غير مبالغة استوديو او غرفة وصالة اقل شي بثلاثين الف واذا لقيتي كمان. اصحاب العقارات اصابهم جشع رهيب والقانون الان يحدد الزيادة 15% فقط سنويا او اخراج السكان للصيانة ، وفعلا الكل استغل النقطة دي ، يطلع السكان بحجة الصيانة ويدهن الواجهة ويسكن بضعف التمن او اكتر. والله مع كل تجديد بنحط ايدينا على قلبنا وندعي صاحب البيت ربنا يهديه ويحنن قلبه علينا.
والله بقت مسخرة وكل اللي في ايده حاجة بيستغل الظروف واحنا المستهلكين الغلابا في النص بين صاحب عمل لا يسمح بزيادة الراتب ( رغم الغلاء الفاحش اللي حاصل واللي هو نفسه بيشتكي منه ، بس احنا رعاع وهو باشا) وبين التجار اللي اتعودو يكسبوا مبالغ معينة مش هيقلوا عنها.
وربنا يلطف بينا.

[ريمونتى]

لا تنسوا الدعاء بان ربنا يرفع عننا البلاء و الغلاء و الطاعات ترفع البلاء باذن الله و اللى بتتبرج او بتجط مكياج فا ده اغضاب لله فاليه مانبدأش نقلع عن الذنوب و نضبط حجابنا و اللى عندها اولاد هى راعية و مسئولة تتأكد من اداءهم للصلاة الصحيحة و فى مواعيدها

و غيره و كله عارف ذنبه و اعوذ بالله ان اذكركم و انسى نفسى كثيرة الذنوب

اما بفى التسوق فا افكارى المتواضعة كاآتى:

• لما بشترى مسحوق يشترى عرض كل ما الكمية كانت اكبر كان الوفر اكبر انا بشترى تايد للأوان اوفر حاجة فى السوق و بونكس او بيوكلينا أو اكسترا للأبيض و كمان لما تغسلى استخدمى نص كوب فقط فقط فقط و الحاجة اللى شديييييييييييييدة الإتساخ كوب كامل و بتنظف صدقونى
• رتبى خزانة الأكل الجاف و المعلب لأن ده بيحول دون انك ترجعى حاجات بالغلط لورا و ماتشوفيهاش و بعد فترة تلاقيها بس بعد الصلاحية ماتكون خلصت و ده هدر فى الموارد
• لو عندك بيبى بلاش جربر و الكلام ده اعملى الفاكهة و الخضار و اهرسيهم و خليهم فى علب صغيرة جدا على قد كل اكلة و حطيهم فى الفريزر (اعرف ناس فى استراليا بيعملوا كدة)
• لما اشترى فراخ فيليه و اقطعها ترنشات بيفضل قطع كده صغيرة غير مناسبة انها تتعمل بانيه باخدهم فى كيس بعد ما اقطعهم 1سم *1سم و اتبلهم و احطهم فى الفريزر و دول بقى بشوهم فى معلقة صغيرة زيت و احطهم مع الأرز و كبشة زبيب و دى اكلة تانية بقى من غير فراخو لا لحمة و شوية خضار و سلطة و دمتم و جوزى مش رافضها خالص بل عجبتوا كمان و ساعات بحصهم فوق طبق المكرونة بالصلصة البيضاء و امشى اليوم ده خفيف
• لو عندك زرع بعد لما تسلقى المكرونة او الخضار بدل ماترمى الميه استنى عليها نبرد و بعدين اسقى الزرع بيها
• لما تشيلى الجرجير و البقدونس فى الثلاجة الخضرة بتدبل عشان تزودى مدة بقاءها عندك اغسليها و صفيها على فوطة و بعدين لفيها فى فوطة جافة و حطيها فى كيس فى باب الثلاجة أو درج الخضار و بعد اسبوع عشر ايام حتدعيلى و ده ينطبق على الجزر و الخيار و الكوسة بيفضل صابح
• الخس لفيه فى الفويل بيفضل مقرمش لما يتحط كده فى الثلاجة
• اشترى الخضار و الفاكهة ناشفين و خليهم يستوى فى البيت على مهلهم و كده الحاجة ماتضربش بدرى عندك و تقف عليكى بخسارة قبل الإستخدام
• استخدمى خليط مياه ساخنة و خل و بيكربونات الصوديوم بدل مسلك الأحواض و البالوعات
• البكربونات مع الخل منظف منزلى سحرى و رخيص
• فى كارفور مصر فى ماركة اسمها نمرة 1 ارخص ماركة فى السوق بجيب منها المنظفات زى الديتول تخيلى الديتول بتاعها 2 لتر ب 15جنيه قارنى بقى بالديتول الأصلى و الإتنين واحد و كمان منتوجاتها كتيير لو انتى من مصر دورى على المنتوجات بتاعة نمرة 1

كفاية كده احسن تزهقوا منى