السلام عليكم اخواتي الفاضلات
اولا وقبل كل شيء اتمنى ان تتسع صدوركن لما ساقول واعلم اني قد اواجه هجمات كثيرة من بعضكن ولكن اطلب من كل واحدة منكن ان تصوت بامانة على الاستفتاء حتى نحقق وجها من وجوه الديمقراطية في منتدانا الغالي
طبعا شايفين ان اسم المنتدى اتغير واتضافلو كلمتين نسائي و مصري
وجهة نظري بقى ان الكلمتين دول اضافة مفيش منها فائدة اولا لان المنتدى من زمان منتدى للمرأة فقط يعني نسائي ليه التكرار بقى؟؟
ثانيا هو صحيح منتدى اغلبيته مصريات و لهجته مصرية و مؤسسينو مصريات ايضا ولكن لماذا تم اضافة كلمة مصري
المنتدى فيه بنات كتيرة مش مصريات انا وحدة منهم واضافة مصري للمنتدى يحسسنا اننا طفيلين عليكم واحنا الي عمرنا ما حسينا بالغربة واحنا وسطيكم.
مش عوزاكم تفهموني غلط انا بحب المصريين ومن حبي ليهم متجوزة مصري وعندي صحبات من هنا مصرييات وبعزهم جدا بس للامانة اول مرة احس بتمييز وسط المنتدى وان مفيش فيه الوحدة العربية الي كنا عايشين فيها وبقى في تفرقة
كان ممكن تضيفو كلمة عربي بدل مصري احتراما لكل المتواجدات هنا او تاخدو راينا في الاول قبل ما تغيرو الاسم وتعملو استفتاء
اعتذر ان كنت شيئا غير مقبول وارجو ان لا يتم حذف الموضوع عشان نطبق الديمقراطية وارجو من اخواتي المصريات انهم ميزعلوش مني لاني بجد بحبهم بس دي وجهة نظري
اذا اعجبك الموضوع و اردت نشره في المنتديات الاخرى فاستخدمي هذا الرابط:
منتدى فتكات نسائي مصري للمراة فقط... وجهة نظر
http://forums.fatakat.com/thread53505
ربي لا تذرني فرداً وأنت خير الوارثين
