[emanfarid]

مشكلتي أن جوزي بيعاملني كويس أوي طول ما أحنا مع بعض لوحدينا. بس قدام الناس بيبقي واحد تاني بيعاملني معامله سيئه . صحيح مش طول الوقت بس أغلب الأوقات قدام الناس لازم يزعق ويحرجني . وأنا مش قادرة أفهم هو بيعمل كده ليه ياريت اللي تعرف منكم تقولي

اذا اعجبك الموضوع و اردت نشره في المنتديات الاخرى فاستخدمي هذا الرابط:
زوجي أمام الناس واحد تاني
http://forums.fatakat.com/thread5352

[annos]

حبيبتى بعض الرجالة بتبقى لهم اراء غريبة يعنى لو واحد صاحبة اشتكى من مراتة يقولة حاول تكون شديد ويبتدى يوصية ازاى يكون حمش من وجهة نظرة طبعا
عشان كدة لازم يتظاهر بدة قدام الكل حتى لو مراتة ما عملت شى
ازاى الناس تفتكر انة مش بيعمل زى ما يقول
ودى فى رجالة كتير بيعملوا كدة وهو فاهم انة تقل ومش مرمى على مراتة ربنا يهدية

[emanfarid]

شكرا يا أنوس علي ردك بس دية عقد رجالة

[رونا]

emanfarid

حبيبتى ما دام إنتو متفاهمين مع بعض
ليه مش تتناقشو وتقوليلو بتعمل كده ليه؟؟!
وصارحيه ومتسكتيش
وما دام بيحبك لازم يحترمك ويقدرك قدام الناس
وعمر المعامله الكويسه قدام الغير بتنقص من قدر الرجل بالعكس
حاولى معاه ومتسكتيش على الطبع ده وإلا سكوتك هيولد انفجار فى الآخر وده شئ مش كويس
لأنى إحنا الستات فينا طبع نسامح لكن مننساش
حاولى معاه وربنا يوفقك يارب

[emanfarid]

شكرا يا روناعلي ردك بس انا حاولت كتير اتكلم ومافيش فايدة يصالحني ويقولي مش هعمل كده تانى وبعدين ولا كأنه قال حاجة لدرجة أني مرة هددتة وقولتله لو زعقتلى قدام حد هزعقلك وانت اللي ها يبقي شكلك وحش بس انا اللي ماقدرتش

[أم لوجى و ملك]

بصى يا ايمان انا عن نفسى اكتر حاجه بتضايقنى انى اتحرج ادام الناس من اى شخص لازم تخدى موقف
لازم
لو فضلتى كده هيستسهل ويقول ادينى بزعق وبعدين بصالحها كل مره ويعدى الموضوع
لازم يكون ليكى وقفه
وانت الادرى بنقط ضعفه
جربى بس بذكاء
وابقى قوليلى على النتايج

[رونا]

emanfarid

واضح إنى جوزك ده طبع فيه
بس حاولى وحاولى وحاولى
زى ما قالت لك أم لوجى
وادعى ربنا يوفقك يارب
لأنى بجد حاجه تخنق
وخصوصاً إن بيعتذرلك وبيحبك
فعلاً الحلو ميكملش
ربنا يوفقك يارب ويصبرك

[emanfarid]

شكرايا أم لوجي وملك
ادعيلي أصبر عليه

[emanfarid]

شكرا رونا انا بحاول بقالي كتير اوي وربنا يقدرني ادعيلي

[eltourky]

اد ايه مشكلتك صعبه
انا حقيقي مقدرش عليها
حاولي لما يعمل كده تاني تتجنبيه بس متخاصميهوش
عامليه ببرود فتره
ومهما حاول يصالحك قوليله مش زعلانه
ومتفكيش معاه الا لما يدوخ بس اوعي الخصام
جربيها كام مره لو كرر الحكايه دي
يعني متعمليلوش جو فرفشه وتسمحيه بسرعه
لحد مايفكر 100 مره قبل مايحرجك

[emanfarid]

شكرا يا ام مريم علي ردك اتا هحاول وابقي اقولك علي النتيجة

[coca]

بصى يا أيمان انا شيفة ان الموضوع دة محرج جدا ليكى وللحوليكى انهم بيشوفوكى كدة بس انا مع ام لوجى لازم تاخدى موقف علشان الموضوع ممكن يزيد اوى معاة و طبعا انتى الى حتتعقدى من الى هو بيعملوا لازم تاخدى موقف حتى لو وصلت انك متكلمهوش لمدة ممكن يحس فيها انة غلط لكن يصعق قدام الناس و يصلحك فى الخفا لالا دة مينفعش ابدا حولى علشان ممكن الموضوع يكبر معة اوى ،،،،،،،،،،، ربنا معاكى

[emanfarid]

انا باخد موقف فعلا بس لعد شوية خلاص من كتر ما بيصالحني وعشان ما تبقاش الوقت كله نكد وابقي انا اللي غاوية خناق ونكد برجع اسكيت تاني وبيقعد بعدها فترة كويس وبعدين يرجع تاني ميرسي لردك...................