[ketty]

بسم الله الرحمن الرحيم

اولا معلش انا عارفه ان عنوان الموضوع مستفز حبتين بس معلش قلت اهى طريقه عشان استفز الفتوكات الاسكندرانيات عشان يقروا موضوعى

اصل انا محتاجهم بصراحه فى موضوع مهم جدا وطبعا لما احترت مالاقتش احسن منكم يدلنى

الموضوع كله ان واحنا فى اسكندرية السنه دى اختى اتخطبت (عقبال كل البنات يارب) وفرحها المفروض كمان شهرين وطبعا هتعيش فى اسكندرية وعلى راى المثل " الغريب اعمى ... " عشان كده كنت محتاجه من حبابينا الاسكندرانيه يعرفونى اماكن الاسواق بتاعتهم

اقصد اسواق الجمله يعنى زى الوكاله بتاعة القماش عندنا فى مصر عندهم فين
وبرضه النجف والسجاد والادوات المنزليه

يارب مكونش تقلت عليكم بس معلش اختكم مزنوقة والوقت بيجرى وانتم عارفين

وجزاكم الله خيرا

اذا اعجبك الموضوع و اردت نشره في المنتديات الاخرى فاستخدمي هذا الرابط:
لو اسكندريه فيها فتوكات بجد يدخلوا يورونى نفسهم
http://forums.fatakat.com/thread53575

[مينى]

اهلا بيكى فى الاسكندريه بس عايزه اعرف منك حاجه انتى فين بالظبط عشان اقولك على الاماكن القريبه ليكى

[ketty]

تسلمى يارب
بس انا مش مشكله بالنسبه لى موضوع المكان المهم اوصل للى انا محتاجاه وع العموم انا من سيدى بشر وجزاكى الله خيرا

[مينى]

اهلا بيكى اختى العزيزه اولا سوق القماش عندك الساعه كرموز والساعه فكتوريا والملابس الجاهزه عندك المنشيه ومحطه الرمل وابراهميه وفى فى المنشيه منطقه اسمها النشيه الصغيره فيها محلات السجاد ومش حكيكى على شارع فرنسا الشارع ده متفرع من المنشيه برضه واى منطقه من دول لو ركبتى تاكسى حينزلك فيها
وفى حاجه تانيه عندك مول كارفور حكايه فيه كل حاجه اكل ولبس وفرش وبرضه جرين بلازا وبرضه دول اماكن قريبين وعلى خط الكورنيش سيدى بشر وياريت اكون افادتك واللى يسأل ما يتوهش

[ملكة الجمال]

اهلا بيكى وكمان احب ان اضيف شى هناك زنقة الستات دى فى شارع فرنسا هتلاقى فيها برده حاجات وشارع العطارين
للستائر والمفروشات وهناك ايضا كونا فى المنشية فيها بعض محلات السجاجيد والورد والملابس فى رشدى وسموحة ومصطفى كامل وفى ايضا فى سيدى بشر على البحر محل سجاجيد جميل جدا والفلكى فى محطة الرمل والمنشية
وهناك محلات كثير فى محطة الرمل والمنشية كما ذكرت مينى

[حدوتة مصرية]

اظن الفتكوات الاسكندريات قالوا كل حاجة
زى ما قالوا
الستائر والمفروشات عندك شارع العطارين هو اسمه كدة شارع مسجد العطارين الشارع فى جامع اسمه مسجد العطارين بعديه حتلاقى محلات بتبيع ساتئر وقماش تنجيد
بس فصلى بقى لانهم غالين شوية
وكمان الساعة كرموز عند عاود السوارى هناك بقى الحاجة اشكال والوان من ستائر ومفروشات وطقمة سرير وقماش تنجيد
انا كنت لسه هناك امبارح بجيب قماش بيضات عشان الانترية
بس هناك بقى فى الساعة خلى بالك يقولك سعر تقوليى نصة على طول يعن ى و قالك المتر بعشرين تقوليلوا بعشرة
واوعى يضحكوا عليكى هما كذا محل لو معجبكيش السعر تشوفيى غيرة
فى كمان فى لوران شاعر ابو قير محلات مفروشات بس دول غالين اوى ونفس الحاجة تقريبا اللى فى الساعة كرموز
بالنسبة للهدوم محطة الرمل ورشدى والمنشية والابراهيمة وجرين بلازا دول لهدوم الخروج
بالنسبة لقمصان النوم وعبابيت البيت عندك شارع فرنسا اول ما تدخلى فيه قبل بتوع الدهب تكسرى شمال حتلاقى هنالك ناس فاتحين محلات عندهم عبايات بيت وقمصان نوم
على فكرة كمان دلوقتى تقريبا حد العدي الصغير فى معرض فى الشاطبىء على البحر فى مكان اسمه ارض الكوتة المعرض ده اسعارة كويسة حتلاقى فى كل حاجة للعروسة مفروشات وسائير وهدوم بيت وقمصان نوم وعبايات وادوات مطبخ بس الحقى لو ينفع تنزلوا اليومين دول قبل العيد الصغير واسعارة حلوة اوى وحاجاتة حلوة
والف مبروك يا قمر ربنا يتتممم لها عللا خير

[ketty]

مينى ملكة الجمال حدوتة مصريه
شكرا شكرا شكرا جدا بجد كنت عارفه ان ورايا رجاله بجد اقصد فتوكات بجد