[ام لما]

السلام عليكم و رحمة الله و بركاتة
كنت عايزة اعرف منكم يا اخواتى منهج Kg1 , Kg2 للغات عشان عايزة اذاكر لبنتى فى البيت لان المفروض هاتمتحن فى شهر 6 فياريت لو تعرفوا تتدلونى المفروض تبقى عارفة اية الحروف و الارقام و الجمع انا الصراحة متلخبطة مش عارفة اعمل معاها اية هى اخدت Kg1 بس عربى السنة اللى فاتت و طبعا عشان ظروف انفلونزا الخنزاير مودتهاش السنة دى يعنى هى متسجلة فى مدرسة عربى بس مستوى التعليم مش حلو و هى عندها ميول للانجليزى فقررننا انها تدخل لغات و طبعا انتوا عارفين الدوشة ربنا يستر هى عارفة الحروف عربى و انجليزى و طبعا بعض الكلمات الانجليزية و الارقام عربى و بتعرف تعد عربى يا ريت تساعدونى و ادعلولى انها تقبل و تسهل معانا يارب و شكرا ليكو

[frawlaaa]

ربنا يخليهالك يارب

انا حبيت ادخل ادعيلك بس لكن والله معنديش اي فكره
وان شاء الله الفتوكات يساعدوكي

[ملكة النيل*]

منهج كي جي ون بيكون الحروف عربي و انجليزي و الارقام من 1 الي 20 بالانجليزي وطبعا شوية كلمات زي تفاحه وموزه و سياره بالانجليزي طبعا وممكن الالوان اما الطرح بيكون في كجي تو وربنا يوفقك

[مصطفى حبيبى]

(1) علميها كلمات على كل حرف.
(2) عرفيها طبعا الحرف بالشكل الكابتل والاسمول.
(3) حطلها الصورة وعليها تكتب الحرف المناسب للصورة يعنى مثلا صورة التفاحة يبقا عليها تكتب تحتها حرف a.
(4) اعمللها توصيل بين الحرف والصورة مرة و بين الحرف والكلمة مرة.
(5) اعمللها قطار الحروف يعنى تكتبى الحروف وفيه ما بينهم حروف ناقصة عليها تكتب الحروف الناقصة.
(6) الارقام اعمللها توصيل بين الرقم والشئ المناسب ليه يعنى 1 تتوصل بالبرتقالة 2 تتوصل بالقلمين مثلا.

وبصى فيه مكتبات بتبيع الكتب المناسبة للمرحلة ديه
زى مثلا عندك مكتبة كاميرا 9 و كريستال دول فى الدقى لو عاوزة العنوان بالظبط اقولهولك دول بقا متخصصين فى كتب ولعب الاطفال التعليمية.

وربنا يا رب يكرمها ويوفقها وتشوفيها عروسة

[حجابي]

موقع تعليمي اسلامي للأطفال
http://forums.fatakat.com/thread535803

[ام لما]

شكرا ليكى يا فراولة

[ام لما]

شكرا أهتمامك يا ملكة النيل

[ام لما]

و انتى يا فارو وحجابى شكرا ليكو على اهتمامكوا و ان شاء الله انا هبدأ معاها و ادعولى و طبعا انا كنت عارفة ان اخواتى هيساعدونى

[Nueli]

مشاء الله عليكم انا استفدت كتير