[wild cat]

بسم اللة الرحمن الرحيم
السلام عليكم
بليز ياجماعة محتاجة رايكم معايا فى مشكلة واقعة فيها صحبتى وعايزة نصحتى وانا مش عرفة اقولها اية فقلت اسئلكم يمكن تعرفوا تسعدونى واقدر ارد عليها رد مقنع .
الموضوع ان البنت دى مؤدبة ومتربية جدا وعشان كدا جارتهم كررت هى وجوزها يحاولو يجيبولها عريس من كتر ادبها المهم جة اليوم الموعود وقالتلها جارتها وضبى نفسك احتمال اسرتنا واسرتكم يخرجوا النهردة فالبنت جاهزت نفسها على اساس انها هتخرج حتى طنط قصدى مامتها مقلتلهاش اى حاجة شوية وجوز جرتهم خبط واستئزن باباها ان البنت ومامتها يدخلوا عندهم شوية فعموا وافق ولما دخلوا صحبتى فضلت ساكتة ومفتحتش بقها قامت بس كام مرة تساعد جارتها فى التقديم المهم انها اول ماشافت الولد حست ان كل الى بتتمناة موجود فية وبردو فضلت ساكتة خالص ووشها احمر موت وكان الولد من وقت للتانى يبصلها ويضحك ويحاول يفتح اى حديث او يقول نكتى وا يعلق على اى حاجة تقولها شوية والبنت ومامتها روحوا ولمدة شهرين مفيش لحس ولا خبر وكانت صحبتى عرفت ان دة كان عريس وجارتها قالتلها ان هو كمان مكنش يعرف انو هيشوف حد بس انو اكيد فهم انها عروسة وبعد شهرين وجوز جارتها مسئلوش اى سوال عن البنت جة الولد لوحدة وقلة ان البنت الى شافها عندة امورة جدا وجسمها حلو وسكت تانى وبعدها بشهرين تنين علق على كلمة كانت البنت قالتها فى الاعدة لجرهم وسط زمايلهم ودلوقتى عدى اكتر من سبع شهور والولد مقلش اى حاجة مفيدة والبنت على امل انو هيجى ويتقدم لدرجة انها حلمت بى جالهم وقرؤا كلهم الفتحة وصحيت وهى بتقرا معاهم وشافت طبق مليان فاكهة حلوة وطازة افتكرت انو حقيقة بس كل دة كان حلم ودليلها انو يمكن يرجع انو فاكرها كويس وفاكر حتى الى قالتوا فى الاعدة .
انا مش عرفة اقولها اية وهى مش قدرة تنساة ولا شايفة حد زية بعد كل الفترة دى
انا اسفة طولت موووت عليكم بس ياريت تقولولى رايكم وتفتكروا هيرجع ويتقدم لها ولا اية ومرسى ليكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
ارجوكم ادخلوا وساعدونى بسرعة من فضلكم
http://forums.fatakat.com/thread53865

[القمر الاسكندراني]

حبيبي لو كان عايزها كان عالاقل فاتح جيرانها او لو مش جاهز يقول حتى انه عايزها متخليهاش تتعلق بيه

[راهيف]

صاحبتك تحاول تنساه لأنه لم يبدى أى نيه للتقدم لها او اهتمام بها ولو لها نصيب فيه هتتزوجه

[toty5858]

صاحبتك لازم تنساه لانه لو عايزها كان اتكلم وبعدين هي متعلقش املها علي واحد شافته مرة واحده يمكن لسه مافيش نصيب بنهم

[staaaaar]

قولى لصاحبتك ان الشاب ده ممكن يكون عاوزها بس متردد وده اخطر لان المتردد من الاول كده ده اسوء واسالينى انا لان كلامى عن تجربة
وربنا يوفقها للخير ان شاء الله
وقوليلها كمان ان الرجالة متشابهين الى حد كبير يعنى اكيد هتلاقى اللى بتدور عليه فى اكتر من واحد ان شاء الله

[ام هاجر 22]

يا ريت تقوليلها حاولى تنسية وبعدين محصلش حاجة
بينهم تخليها تتعلق بية

[كتاكيتو بنى]

اذا اردت شيئا بشدة فاطلق سراحة

[parby]

ليه صاحبتك معلقه امل فى الشخص ده رغم المده اللى عدت كلها وهو معملش اى خطوة من ناحيته متهيأ لى لو كان الجواز نيته كان عمل اى حاجه تثبت انه فعلا عاوزاها

[medorafat]

بصى يا حبيبتى الزواج دة رباط مقدس مش مجرد انها شافتة لقت فية كل حاجة حلوة تعرف اية هى عن طبعة ولا اخلاقة ولادينة انا شايفة انها تشيلة من دماغها وتشوف حياتها ونصيحة ليكى انتى بلاش اللون الفسفورى تانى علشان عينية وجعتنى

[mon]

لو سمحتى ممكن تغيرى الوان بتاع الخط انا مش عارفه اقراء حاجه واسفه مش عارفه افيدك

[miroooo]

هو اولا كل شئ قسمة ونصيب بس المفروض ان هى متعلقش نفسها بحاجة علشان متتعبش اكتر من كدة هو لو كان عاوز حاجة بجد الموضوع فى ايده انه يكلم جيرانهم دول وطالما هما رشحوه انه يكون عريس معناه ان هو جاهز انه مناسب انه يتقدم فى الوقت دة يبقى ايه اللى يمنعه بقى

[ام سراج]

السلام عليكم يا كات
شوفي يا سكره...كل شئ قسمه ونصيب وبأمر الله...لكن ربنا عرفوه بالعقل..
صاحبتك متعلقه بحبال الهوا الدايبه..شافت الشاب ده مره..وهو كل اللي عمله على مدى 7 شهور انه قال انها اموره...وسوري يعني...جسمها جميل-مع اني معتبره التعليق ده بجاحه منه-
غير الكلمتين دول ...لا سمعت منه حس ولا خبر؟
يبقى هي بتفكر في ايه؟ وبتسأل على ايه؟
ده موضوع منتهي...ولو بتحبيها قولي لها ماتفكرش في الشخص ده تاني ابداً...إلا لما ييجي يدخل بيتها رسمي..ويطلبها من اهلها...وربنا يصلح حالها
ندعو لها بالزوج الصالح هي وكل بنات المسلمين

[ملايكة]

بصى هية لازم تنسى كدة او كدة لانى دة جواز مش لعب عيال