[ام مهند]

اه اه اه
انا النهارده شفت انوس وهي بشتري خضار واتقطع الكيس ومسكينه وقفت مش عارفه تعمل ايه

[annos]

اة يا ام مهند فعلا كنت مش عارفة اعمل اية بس مهند ابنك شال معايا قابلتة وهو بيشترى اكل جاهز اصلة قالى ماما حرقت الغدا النهاردة


انتم عرفتوا ان مورة جت لها وظيفة حلوة فى بلاد بارة ومسافرة كمان اسبوع

[ام مهند]

انا بقا سمعت ان انوس كسبت في سحب البنك مبلغ انما ايه حوالي نصف مليون دولار اصلها فاتحه حساب بالدولار
اللهم لا حسد انا بنق بس

[هميس]

انا سمعت ان ساندي بيل معروض عليها بطولة مطلقة في فيلم رومنسي بس هيا رفضت.........يا تري لية يا ساندي

[المشتاقه الى الجنه]

مش انوس جابت بنت زى القمر وسمتها فتكات والنهاره سبوعها ومش عزمتنا تعالو نطب عليها وناكل لحمه ورز

[annos]

اعلنت اشارات ضبط الوقت ان هميس تمت 97 من عمرها وما زالت تتمتع باسنان جميلة من دون طقم اسنان
جاء فى نشرة التاسعة ان ساندى بل رسبت فى اللغة الفرنسية واخدت علقة سخنة واتعشت ونامت

اما اشرقت مازال البحث جارى عنها بعد ما تاهت فى السوق ويقال ان اخر من شافها كانت بتشرب عصير قصب من الراجل اللى فى اول الشارع ارجو المساعدة وابحثوا عنها وتقولوا اشرقت تايهة يا ولاد الحلال
خبر عــــــــــــاجـــــــــل
رائحة شياط قوية من مطبخ ريرى اظاهر ان الاكل اتحرق وبيقولوا عازمة حماتها
ارجوا من الجميع مساعدة التركى عشلن بناتها فتحوا حنفية المية والشقة غرقت
خدوا المساحات وروحوا ساعدوها

[ام مهند]

اشاعه عاجله

بيقولوا ياسو اتجوزت وده سبب عدم ظهورها من فتره
وان ريحه الشياط ده مش من مطبخ ريري ده كانت بسبب ان لوجي بنت ام لوجي كسفت الواد مهند ابن ام مهند

[هميس]

يا جماعة عرفتو ان انوس مطلوبة للشرطة ؟؟؟؟
تقريبا كدة ما قضتش الخدمة العسكرية(الجيش يعني)

[ريري]

مش معقوله يا انوس اشاعتك الكل هايصدقها...لان حماتى كانت عندى اليومين دوووول

ما عرفتوش الخبر الجدييييييييييد...مش هميس جوزها اتجوز عليها لما لقاها طوووول النهار قاعده على فتكات...لمت شنطة هدومها وكانت رايحه عند مامتها فقالها جوزها....((عووووووودى ياهاميييييييييييس))
مش عارفه رجعت واللا مشيت؟؟؟؟؟؟؟؟؟؟

[ريري]

سمعتوا عن العلقه اللى خدتها انوس من جيرانها ...اصلهم لقيوها جايبه فى سيرة الرايح والجاى ..استنوها عالسلم وهاتك يا ضرب ...معلش يا انوس ماهو ده اخرة اللوك لوك طول النهار....!
اما مهند الغلبانه اللى ماكنش باين عليها نزلت من السعوديه جايبه ...وجايبه ...وجايبه...،وتكلميها تقوللك منييييين؟ ما كله راح فى الريان..؟؟؟

[أم الطيب]

انا عندي الأخبار الطازة، بصوا بقة..
* تم القبض على ريري متلبسة وهي بتحط ابنها الصغير يا عيني على باب جامع في باب الشعرية..(آل وعمالة تقولك الطفل وما الطفل)
* وسمعت ان أم مهند عرضت لقبها (فتكات سوبر ) للبيع لأ وعايزة فيه 3 مليار دولار...(واحنا اللي صعبت علينا واديناهولها علشان قعدت تعيط لنا وتقول عشان خااااطر ولادي)
* واسكتووووووووووووو.. مش ياما طلعت مقيمة دائمة في مستشفى المجانين وكلام الماكروبيوتك ده كله هما اللي بيقولوهولها.. ( وانا كنت بقول ايه الكلام اللي مالوش لازمة في الدنيا ده)
* وكمااااااااان مش قابلت هالة وهي داخلة مستشفى لعمليات التجميل علشان تعالج حبوب وشها وتعمل شد وش..(قال وطووووول النهار واللييييييل تقولك على مسكات ومش عارف ايه تحسبيها من كلامها ميج رايان)
* اما هنا بقه فشوفتها بعيني اللي هياكلهم الدوووووود بتضرب بنتها علشان تنام...(بس عمالة تكتب لنا قصص الاطفال قال يعني هنحكيلهم حاجة، هما قلمين يسطلو العيل)
* وأخيرا دلوعة جوزها مش مسافرة ولاحاجة زي ما قالت لنا دي راحت مركز تأهيل علشان السمنة المفرطة لأن جوزها هددها انا يتجوز عليها اتنيييين مش واحدة لو ما خسيتش (قال وتقولك اللي عايز يعمل ريجيم يبعتلي وانا اعمله نظام دايت..)
احنا قلنا من غير زعل مش كده برضه

[ياما]

عرفتوا الخبر الجديد!!!!!!!!
مش ام الطيب و هي بتكتب وصفات الطبخ بتاعتها جالها غثيان و قامت ترجع!!! وفضلت 3 ايام على الحال ده و بعدين راحت للدكتورة كشفت عليها قالت لها مبروووووووووووووك حامل في 5 تواءم قعدت ام الطيب مع ابو الطيب يختاروا اسماء العيال و قرروا الاتي للخمس اسماء:
طيوب و طبطوب و طباطب و طبطوبة و يا طبطب يا دلعععععععععععععععع

[ام مهند]

والله انتم زي العسل انا اول مره اضحك من امبارح بالطريقه ده

[annos]

وسع وسع للاشاعات
عرفتوا ن دلوعة زوجها رجعت لقت عفش البيت اتسرق
ويا عينى بيرتى اتخانقت مع زوجها بسبب انها عايزة فلبينية وهو بيقول مفيش احسن من شغل بلادى
انا مش قادرة اخبى عليكم الخبر دة ان فتكات ناوية تغير المشرفات اصلها اكتشفت انهم رجالة
عرفتوا ان ساندى جالها عريس من الصومال وموافقة بتقول ظل راجل ولا ظل حيطة
انا تعبت من كتر ما بجيب فى سيرة الناس هقول لكم اخر خبر مش اشرقت طلعت راجل و اسمها شوقى

[أم الطيب]

مش اكتشفت ان فتكات استعانت بالمحقق كونان لانها عرفت ان فيه تسويس في المنتدى وعارفين بقه كونان طلع مييييييييين؟ طلع ياما. مش مصدقين ؟ شوفو صورة التوقيع بتاعتها وانتو تصدقو.

[أمولة]

ماسمعتو اخر خبر مش ام مهند ادخلت في طبخ ام الطيب وحرقتلها الطبخة000قال علشان ما تنزل الطبخة على المنتدى

[هميس]

ياجماعة سمعتو اخر خبر
مش انوس كانت بتعمل شات وطلع الي بيكلمها واحد مش وحدة وجوزها عرف واداها علقة سخنة وقرر يعاقبها ويجوز تلاتة عليها بس ايه في يوم واحد

[annos]

دى جوزى طلع جامد قوى 3 وفى يوم واحد طب هو يسد بس
خلوا بالكوا اشاعات انوس كترت واللة لاحضر لكم شوية اشاعات انتم اللى جبتوة لنفسكوا

[ولاء محمود]

سمعتوا أخر خبر مش أنوس قتلت حماتها وهى دلوقتى هربانة من الحكومة ياريت الى يعرف مكانها يبلغ وهيكسب عشرة جنيه بحالها

[ام الاء]

سمعتوا اخر خبر ولاء اشترة فيلا جديده وعزمت كل الستات الا ستات فتكات انا حايه اهادى النفوس يا ولاء