[انا مطمنه طول منا مع ربنا]

دي كيك بالتوفي من عمايل ايدي انا
يارب تعجبكم اسبكم مع الشرح

المقادير:.


معلش كبايه الزبده متبهدله عشان كان لازم املاها كلها بس انا عملت نصها

4 بيضات
كوب سكر
كوب ونصف دقيق
معلقه كبيره بيكنج بودر
معلقه فانيليا
وكوب الا ربع زبده
بس انا حطيت ربع مش كتير لاني مش عايزه اكتر الزبده

طريقه الصوص:. الى عالوش

كوب سكر _ كوب الا ربع حليب _


الطريقه:.

هتجيبي قدر وتحطي عل النار .. و تحطي السكر لحد مايبقي دهبي
واوعي تقلبي تسبي
(بس انا سبتو لحد مابقي بني غصب عني) بس طلع حلو بردو


وتكوني موطيه طبعا عالنار
وتسبي لحد مايبقي كلو بني
وبعدين تحطي عليه كوب الا ربع حليب وتقلبي جامد هيطلع معاكي الصوص الى احنا عايزينو
وهيطلع حلو ان شاء الله
زي الكراميل بس تقلبي كتير
وتسبي يبرد بقي



نبداء فى عمل الكيك:.

الطريقه:.

_ تضربي البيض مع الفانليا كويس جداً ..
_ وبعدين عليهم كوب السكر و تضربيهم كويس وبعدين الزبده..
_ وتكوني مجهزه الدقيق وعليه معلقه البيكنج بودر وتحطي وتعجنيهم كويس مع بعض..

وتجهزي الصينيه الى هتحطيها فالفرن و تحطي فيها زيت ودقيق تحت وعليها الخليط وفالفرن
وبعد ماتطلع تحطي الصوص ده عليها وبالهنا والشفا

وده شكلها النهائئئئئئي...


وده سمكها..

انتظر اردئكم والتقيييييييييم ياحلوين بليييييييييييز

[دودى النعمانى]

تسلم ايدك ياقمر ايه الجمال ده كله حلوة قوى وشكلها روعة

[انا مطمنه طول منا مع ربنا]

شكرا ياعسسسسسسسسل نورتينيييييييييي

[hana1984]

ما شاء الله جميله اوى
تسلم ايدك
تم التقييم
ممتاااااااااااااااااااااااز

[nody love]

تسلم الايادى

[حياه 2]

اسلم الايادي وبنتظار المزيد

[Noursein]

تسلم الايادى يا قمر

[shesho]

يسلموا الايادي
حلوة اوي

[ام ميداء]

ما شاء الله
تسلم الايادى

[soso1234]

ما شاء الله حلو قووووى
تسلم ايديكى يا حبيبتى