[toty5858]

السلام عليكم ورحمة الله وبركاته

رمضان كريم عليكم جميعا

اخواتي العزيزات حبيت احذركم منom_malak

وهي اتعرفت عليه علي الشات علي انها زوجها في الامارات وهي جايه ليه علي نصف رمضان وطلبت اني اكلمها علي الميل واضافته علي الشات وكتبته بالنص كدهom_malk1973@yahoo.com
وطبعا كلمتها علي انها ست ومعاها بنتين يعني بحسن النيه

وبعد ان كلمتها عرضت صور بنتها وصورتها وبعدين طلبت مني صورة ليه بس انا قولتلها اني معنديش صور علي الجهاز لان زوجي محذرني اني ابتعت صورتي لحد معرفهوش والحمد الله سمعت كلامه وبعد كده قفلت معاها بعد ان تكلمت في مواضيع لا يصح الكلام بها وعندما قفلت معها لقيت rodi4882r
بتكلمني وبتقولي انا رضوي وافتكرت انها رضوي الي معانا علي المنتدي وقولتلها هي عرفت الميل بتاعي منين واسمي كمان لاني مش ذاكرة اسمي في المنتدي قالتلي عرفته من راجل وبعدين دخلت بأسم اخر jasmin وبعد كده بأسم noorsonsonوبعد كده دخلت وطلبت مني اشغل المايك ولما شغلت المايك وسمعت صوتي قفلت وقالتلي انتي راجل وقعدت تشتم فيه
وانا بلغت مرقبين المنتدي بهذه الشخصيه

فارجوكم اخواتي احذرو من كل واحده تدخل وتحط ميلها كده علي الملأ وخاصة من تلك الاسماء لأني تأكدت انهم لشخص واحد وهو 100% رجل مريض نفسيا وعقليا اكيد لأنه يدخل بشخصية ستات ويعمل مشاركات بالمنتدى ويمكن كمان تجدوه يشارك في الموضوعات الدينيه وجميع الموضوعات ولا يمكن ان تشكون للحظه انه رجل

رجاء اخواتي خذوا حذركم جيدا لأن للأسف مشرفين المنتدى لايستطيعون كشف كل الشخصيات إلا بإبلاغنا عنها

ولكم تحياتي

اذا اعجبك الموضوع و اردت نشره في المنتديات الاخرى فاستخدمي هذا الرابط:
تحذير هام من وجود راجل في المنتدي
http://forums.fatakat.com/thread54046

[ymasry]

ميرسي اوى ليكى ياتوتى علي الاستفاده وهنبقي ناخد بالنا كويس

[القطه]

ايه ده يا توتى ايه ده
ايه ده كله
سواء ماالك او جاسمين
او رووودى r
ربنا يحرقهم جميعا
انا مفهمتش قوى الموضوع
بس اللى فهومتوا كفايه انهم بيعلبوا معنا
اوك خليهم يلعبوا براحتهم
وانتى يا بنتى مش تعطى ايميلك لاى حد جديد كده
لازم تحطاطى وتاخدى حذرك
ولو ان الحذر لا يمنع القدر
يلا معلش
وكويس انك عملتى كده عشان البنات ياخدوا بالهم برضه
وابقى عدلى الموضوع وشيلى الايميل بقى
لانه مش هيغلب يا حبيبتى ممكن يعمل غيره 100
فهمانى ولا ايه ماعرفش لو عايزه تشيليه شيليه براحتك طبعا
جزاكى الله كل خير يا تووووتى

[dora]

الف شكر لكى يا توتى انا مش عارفة الرجالة بتعمل كدة لية وبيستفدو اية ...

كل راجل يعمل نفسو ست يبقة مريض نفسيا ...وفى نضرى شخصيا بيكون مش راجل اصلا ... جزاكى الله خيرا

[toty5858]

اكيد ياالقطة خليهم برحتهم بس ربنا هايكشفهم بسرعه

وانا خلاص حرمت اضيف حد معرفهوش والحذر واجب مش اكتر

ياقطة انا حاطه الميل بس عشان اخواتي يحذرو من الميل ده بس و يعرفوه لانه بيدخل وبيحط الميل ده علي الشات عشان حد يضيفه عنده ويبقي تسليته

[toty5858]

يا doraده مرض عندهم وهما فعلا مش رجاله الرجوله عندهم انعدمت ربنا يهديهم

[اخت فى الله_LM]

لاحول ولا قوة الا بالله ربنا الهادى
طيب وليه بس كل ده ماهولوعاوز يكلم بنات فى مليون موقع لكده ربنا يحفظنا
ليه بقى التلصص ده
؟؟
ربنا يهديهم جميعا
وجزاك الله كل خير ياحبيبتى على التنبيه

[toty5858]

للاسف يا اخت في الله ناس معندهاش ضمير انعدم عندهم

[سادات]

مشكورة علي التنبيه

[ريري]

حبيبتى تم حظر الاسامى ديه من قبل..

شكرا لتنبيهك ولخوفك على اخواتك

[rodi4882]

ربنا يكرمك يا توتي

ال .... دول لحد دلوقتي مش سايبين حد فحاله

يا بنات اوعوا تكلمو حد غريب حتي لو قال انا رودي وللا اي حد تعرفوه

[toty5858]

حبيبتى تم حظر الاسامى ديه من قبل..

شكرا لتنبيهك ولخوفك على اخواتك

انا عارفه يا حبيبه قلبي ان الاسامي ديه تم حظرها من قبل بس om_malk لسه بيدخل وبيحط الميل بتاعه علي الشات وده خوفي علي اخواتي في المنتدي

وحبيت اعرفكم انه نفس الشخص الي اتحذفت مشركتهم من قبل كده

[كتاكيتو بنى]

يالهوى ده كان حاطط الميل بتاعة فى شات المخنوقات
بس انا فتحتة من غير قصدى وبعدين عرفت انا ايميل فخرجت لانى فى البيت قايلين ليا بلاش كدة

[ام جنة]

جزاك الله خيرا

[ايناس عادل]

مش عارفه اقول ايه غير 00حسبى الله ونعم الوكيل 00وكمان 0000قال رسول الله صلى الله عليه وسلم 00لعن الله المتشبهين من الرجال بالنساء 000ولو حايقرا الكلام ده 0ايه اللى حاتس***** عارف ايه 000افتكر انك عارف 000واخيرا 000ادعوا معى اخواتى 00اللهم ان نسالك العفو والعافية فى الدنيا والاخرة اللهم استر عوراتنا وآمن روعاتنا واحفظنا من بين ايدينا ومن خلفنا وعن يميننا وعن شمالنا ومن فوقنا ونعوذ بعظمتك ان نغتال من تحتنا 0000آميييييييييييييين000

[هبه مجدى]

ربنا يرحمنا ويسترها معانا وجزاكى الله كل خير يا توتى على خوفك علينا وحرصك

[مصراويه]

ياريت كل الأخوات لا يعطين إيميلاتهم لأى شخص إلا بعد معرفه شخصيه به
مشكوره على التنبيه.

[toto s]

شكرا يا توتي على التحذير

[بيدووجنة]

الف شكر ليكي يا توتي
وتخيلي حصل معايا الل حصل معاكي بالزبط بالحرف واللهي
لا حول ولا قوة الا بالله
ناس فعلا مريضة نفسيا وتعبانة واللهي
معندهمش ضمير وشكرا ليكي يا توتة على التنبيه ده
لان فعلا الواحد يحرص ولا يخون
جزاكي الله خيرا وبارك الله فيكي

[undonelife]

انا عملت بحث عن om_malk ملقيتهاش
ولا انتي تقصدي om malak
??