[ام سيف ومريم]

السلام عليكم

انا ليا واحده صاحبتي هيا ان شاء الله هتتخطب في العيد

بس هيا كان عندها مشكله بسيطة

انها كانت عايزه تلبس فستان علشان تحس يعني انها بقت عروسه وكدا

بس باباها مصمم انها تلبس حاجه عادية زي تايور مثلا

وحتى مفيهوش حاجه بتلمع

المشكله انها مضايقه جدا ومش عايزه تلبس تايور ونفسها تلبس فستان

انا حتى عرضت عليها تلبس فستان خطوبتي

ومش عارفه هيا تعمل ايه

باباها بيقولها اصل دي مش خطوبه وحفله دي حاجه كدا على اليق

بس صاحبتي بتقولي ان اهل خطيبها وزوجاتهم هيجو ودي اول مره يشوفوها وبتقولي هو هيلبس بدله اقوم انا البس تايور ازاي يعني

هيا محتاره مش عارفه تعمل ايه

وباباها من النوع الصعب ومتقدرش تتفاهم معاه لانه على طول بيزعق

تنصحوها بايه

اذا اعجبك الموضوع و اردت نشره في المنتديات الاخرى فاستخدمي هذا الرابط:
ممكن اخد رايكم في حاجه
http://forums.fatakat.com/thread54302

[toty5858]

بصي يا حبيبتي لو فعلا هاتتعمل علي الديق ممكن تلبس تايير بس يكون سوريه شويه وطلمه في البيت مش مشكله ومتعملش مشكله مع باباها وتلبس الفستان في الفرح ان شاء الله فيه ناس كتير بتعمل كده وبعدين التايير السوريه بينفع يتلبس مرة تانيه في مناسبات اخري

[كتاكيتو بنى]

انا شايفة انى الفستان مش هو الى حيخليها حلوة قدام اهل خطبها
ممكن التايور يكون احسن
قوليلها بس تنزل تنقى حاجة كويسة ومتنكدش على نفسها

[ام سيف ومريم]

والله يا جماعه ان المشكله

في باباها حتى مش عايز التايور يبقا حاجه فيها لمعه يعني سواريه

عايزه يبقا مناسب لوقت الصبح وكدا

يعني كانه عادي جدا

[كتاكيتو بنى]

ممكن يكون عادى بس شيك مش لازم سوارية يعنى
وبعدين الحفلة فى البيت يعنى عادى متعقدوش الدنيا كدة

[IMAN SALAH]

هي صاحبتك هاتعمل الخطوبه في البيت ولا بره لان الحكاية طبعا هاتفرق في اللبس
وبرضه ممكن تخالي حد يتكلم مع باباها بهدوء او هي تاخده معاها وهي بتشتري اللي هاتلبسه
ول الحكايه زنقت معاها اوي وباباها تربس علي كحاية التايير دي ممكن تلعب بالاكسسوارات زي ماهي عايزه

[ام سيف ومريم]

والله يا ايما هيا في البيت هتكون الخطوبه مش بره

ومحدش معزوم غير اخواته واخواتها

بس

[شيماء عبدالله]

انا بقول انها تلبس تايور عادى جدا لانها عائلية
و على الضيق و فى البيت
لانها حتى لو لبست فستان هاتحس انة بايخ و خصوصا الموضوع عائلى
و على فكرة و الله كل ما كانت الحاجة بسيطة كل ماكانت اجمل و ارق

ثم انتوا بتتكلموا فى اية ؟؟؟
مش مهم اى حاجة المهم فرحتها بخطيبها ربنا يتمم بخير
بارك الله لكما و بارك عليكما و جمع بينكم فى خير
قولوا اااااااااااااااااااااااامين

[sadbeuty]

أنا صاحبتى كانت خطوبتها من يومين
وحصل نفس الموقف دا
وهى لبست تايور عادى
وخطيبها كان لابس بدلة
وبرضه كانت على الديق
والموضوع عدى وكانت مبسوطة جدا
وياستى الفستان ان شاء الله يبقى فى الفرح

[ام جيهان]

المفروض ابوها يحاول يسعدها شويه دى خوبه يعنى مره وحده فى العمر ان شاء الله

ومش هتفرق برا ولا جوه هى هتكون سعيده وفرحانه لو لبست الفستان

اقولك تخليها تعمل ايه

تخلى مامتها نزن عليه لحد ما يوافق هههههههههههههههههه

لأ بجد تكلم اى حد يقدر يقنعه بلفستان ويفهمه انها هتكون سعيده لو لبست فستان

وبعدين عشان تليق مع العريس هو يلبس بدله يعنى هى تلبس فستان

بس قولى لصحبتك مش مهم الفستان ولا البدله المهم الرضا والراحه والحب ربنا يسعدها

ويتملك انتى وهى على خير يارب