السلام عليكم ورحمة الله وبركاته
النهارده انا جيت ليكو عشان اعترف بسر خطير..
بدل ماقعد اكلم نفسى..احسن اطق ولا حاجه..واهلى عايزنى
قلت اجى افضفض ...واعترف
اكتشفت بعد الزمن الطويل ده.....
انى منافقه.... كدابه.....حراميه......اونطجيه.........من الاخر كده بتاعة التلات اربع خمس ورقات...
طبعا فى ناس هتقول ...... ياااااااااااااااااااه اهى اخيرا اعترفت...
دول هسيبهم على جنب..لكن هقعد اتفرج عليهم من بعيد عشان الكلام معاهم ملهوش لازمه...
وفى ناس ممكن يكونو عرفونى....
هيزعلوا..شويه و هيتخضو شويتين..ودماغهم هتقعد تودى و تجيب...
ويراجعو نفسهم...احنا عملنا ايه ومعملناش ايه؟؟؟؟................. 
دول برده هسيبهم على جنب تانى..ومن وقت لتانى هشقر عليهم وادعيلهم ربنا يهديهم..
فى ناس بقى اللى عرفونى فعلا...
هيتفجاوا...وهيقولو اكيد البت دى عيانه او اتجننت...
او يمكن بتخرف...ممكن هلاويس شيخوخه...
و هيسالوا نفسهم...
ممكن تكون البت دى كده؟؟؟ 
نفسهم هتقولوهم اكييييييييييييد لا 
هيرجعوا و يسالونى...
انت ليه قولتى كده؟؟؟؟
ازاى عرفتى الكلام ده بعد كل الوقت ده؟؟؟؟؟؟؟؟؟؟؟؟؟؟؟
دول هرد عليهم.. و اقولهم...
ياجماعه...هقولكو انا عرفت ازاى....
بمشى فى الشارع الاقى كل الناس حاطه على العربيات بتاعتها بادج الشرطه......
كل الناس بتسب السرقه و الحراميه..
وفى نفس الوقت...السرقه بتزيد...
اقول الله؟؟؟ كل الناس ضباط ؟؟؟ امال مين الحرامى.......مفيش غيرى انا
كل الناس بتتكلم عن الحق و العدل و الانصاف
وكل العربيات حاطه بادج النيابه
والعدل عمال يقل...
اقول الله؟؟؟ كل الناس قضاه؟؟ امال مين الظالم؟؟؟؟؟.......مفيش غيرى انا
رحت فى اخر الدنيا..قلت ادوب فى الناس
لقيت كل الناس عماله تتكلم..وثايرين جدا عن النفاق و الكدب و الانانيه و التملق وحب السيطره
و فى نفس الوقت النفاق بيزيد و الكدب بيبقى سمه و الانانيه فضيله والتملق الوسيله المثلى
وحب السيطره سرطان بياكل فى الناس...
صرخت...
وقلت الله؟؟؟؟؟......امال مين الكداب و المنافق و المتملق و الانانى ؟؟؟؟؟؟؟؟؟
مفيش غيرى انااااااااااااااااااااااااااااااا
قلت يمكن لما اعترف .............العيوب تنتهى
فادينى اعترفت...
هل ياترى........الحجات دى هتنتهى؟؟؟؟؟؟؟؟؟؟؟؟؟؟؟؟
م ن ق و و و ل
اذا اعجبك الموضوع و اردت نشره في المنتديات الاخرى فاستخدمي هذا الرابط:
اعتراف خطيييير مني .. مافيش غيري أنا
http://forums.fatakat.com/thread54345
[
