[رومانسيه]

انا بحب واحد بقالى سنتين ونص كنت بشوفه كل يوم تقريبا لكن هو سافر للشغل ومش بقيت بشوفه الا كل يوم سبت بس وبعدين مش شفته من سنه تقريبا لان شغله بعيد اوى
المهم انا متاكده انه عارف انى بحبه وحاسه انه بيحبنى بس هو من النوع التقيل اوى ومطلع عينى وبنتكلم كل يوم على الموبايل او الايميل
انا حاولت كتير انساة وكمان كان كل ما يتقدم واحد ارفضه على امل انه بيحبنى بس مش عارفه ليه هو مش راضى يصرحلى بحبه ده نفسى اقله انى بحبه بس كرامتى مش تسمحلى ونفسى اقله كمان انى مش عاوزة من الدنيا غيرة والله بحبه ياريت يا فتكاوت تردوا على اختكم الصغيرة هستنى الرد

اذا اعجبك الموضوع و اردت نشره في المنتديات الاخرى فاستخدمي هذا الرابط:
انا محتاجه نصيحتكم
http://forums.fatakat.com/thread54476

[كنوز الشرق]

سلام علييييييكم

[كنوز الشرق]

رومانسية موجودة

[كتاكيتو بنى]

مش عرفة بس مينفعش انتى الى تقوللى لية

[عبير السداوى]

لما هو لم يصارحك بحبه وتقلان عليكى ليه بترفضى العرسان...اتكلمى معاه وقوليله عايزة اخد رايك فى موضوع ...وبعدين اقوليله انك جايلك عريس ومش عارفة تعملى ايه وشوفى رد فعله ايه ............ وابقى قوليلى اللى حصل

[أم مريم]

انا مع عبير
و برضه معنديش مانع انك تلمحيله بحبك و بالتدريج على حسب ما تشوفى من كلامه ممكن تصرحيله مادام شخص متدين و محترم و مؤدب و يستاهل الحب ده
بس يكون ليه نهايه محترمة و يكون على استعداد انه ييجى يتقدملك

[رومانسيه]

انا هعمل برايى عبير وهحاول اقله انه فى عريس متقدم واشوف
وادعولى والنبى انا بحبه جدا فوق ما تتصورو

[هدى3000]

ازيك يا رومانسية الحب شئ جميل بس انا مفهمتش ازاى مصارحتوش بعض بحبكم ورغم كدة بتتكلمو كل يوم على الموبيل

معلش يا اختى الغالية يمكن اقسى عليكى شوية

الحالة اللى انتى فيها دى مش حب ودة مش حبيب

انتى ضيعتى من ايديكى فرص ممكن تكونن كويسة

ناس وجتنى من الباب تطلب حلال ربنا


نرفضها ونجرى سنتين ورا واحد مش عارفين حتى اذا بيحبنا ولا لاء

انتى زى اختى الصغيرة وبنتى قربت تبلغ يعنى اكيد هاتعرض لمواقف زى دى

لو انتى بنتى هاقولك انسى موضوع الولد دة خالص ولما يتقدم حد اقعدى معاة ممكن جدا تعجبى بية وممكن تحبية

بس صدقينى اللى هيجى لحد بيتك احسنن الف مرة من اللى تجرى وراة

انا زوجة من 15 سنة واكبر بناتى عندها 14 سنة

يعنى مرت عليا حاجات كتير

بصى يا حبيبة قلبى انتى هتحسى الموضوع صعب فى اولة

مع كل الاحلام اللى بنتيها مع الولد دة

مع كل الحب

لكن صدقينى بعد شوية ولما تمنعى الاتصالات دى خالص واللى طبعا هية فى شرعنا الاسلامى مش من حقك

هتبصى تلاقى نفسك نسيتى شوية شوية

والحمد للة ان ربنا انعم علينا بنعمة الننسيان

لو الولد دة جبروت من التقل ولاقكى منعتى هييدور عليكى ويحاول يوصل لك

وانصحك مترديش على مكالماتة

عشان يفكر يدخل البيت من بابة

ولما يدخل خير وبركة

لو مجاش ودخل البيت من بابة يبقى برضة خير وبركة

انتى صغيرة وعسولة اكيد

هيجى لك عرسان وزى ما اتفقنا

اللى هيعجبك فيهم بعد طبعا الاستخارة

هتوافقى علية

صدقينى اللى بيجى للواحدة لحد بيتها ويتعب لحد ما يتجوزها بتكون غالية عندة اوى

وبتفضلى طول عمرك مهما كبرتى وانتى بيتة عالية وغالية


سامحينى على قسوتى بس انتى زى اختى الصغيرة وزى بنتى برضة

[رومانسيه]

انا متشكرة اوى يا مدام هدى انتى سمك على اسم ماما
وربنا يخليك بنتك
وتعيشى وتجوزيها
انشالله
اما موضعى فنانا مستبشرة خير بس محتاجه دعواتكم

[عبير السداوى]

انا مبسوطة قوى انك هتعملى بنصيحتى ويا رب تفيدك وبعدين حاولى تستعملى معاه مكر الانثى...........اهم

[عبير السداوى]

انا مبسوطة قوى انك هتعملى بنصيحتى ويا رب تفيدك وبعدين حاولى تستعملى معاه ذكاءالمرأة..........اهم حاجة انك تبقى تطمنينى........ويارب تنولى كل اللى تتمنيه

[هدى3000]

ان شاء اللة خير يا لغالية

وبشرينى بس زى ما اتفقنا نخلية يجى لحد البيت ويدور علينا

وانا عارفة انة هيجى بس يلزمك شوية صبر

[habeeba]

كده معنديش كلام تاني اقوله على كلام البنات..عجبتني مكر الأنثى دي اوي ياعبير

[رومانسيه]

طيب ياعبير ازاى مكر الانثى ممكن توضحى اصلى غلبانه ومش اعرف وهو بيفهمنى من اقل حاجه
ومش هعرف اعامله بطريقه صعبه عليا لانه هيبفشنى
وانا متشكرة اوى لاهتمامكم بيا
يمكن انتو اللى مهونين عليا

[نجمه دمياط]

بصى يا بنتى يعنى ايه احب واحد واربط نفسى بيه وارفض عرسان علشان بحبه وكل ده والحبيب لسه منطقش بحبه ولا قال ناوى على ايه جواز ولا بيتسلى انا اسفه فى الكلام بس لازم تحكمى بعقلك وتفكرى بيه قبل قلبك
اما تكلميه قوليله ان فى عاريس جاى ايه رايك اسأليه وكأنه صديق وقوليله انك مش عارفه لسه تقبلى ام ترفضى
لو حبيبك بيحبك بجد وعايز الزواج هيجى يتقدم رسمى وهيعترفلك بحبه وهيلحقق قبل ما تبقى لغيره
اما لو عرضتى عليه الموضوع وكان رده سلبى بالنسبه ليكى ومتحركش فيبقى ميستهلش حبك فساعتها ابعدى عنه
وقررى بينك وبين نفسك افضل احب واحد مش حاسس بيه ولا اتجوز واعمل بيت واسره وصدقينى ان فى حب بيجى بعد الزواج يعنى هتلاقى اللى تحبيه ويحبك بجد

[رومانسيه]

انا خلصت االموضوع خلاص يا اصدقاءى هو اخ مش اكتر ولا اقل وانا بقله كده انت مش اكتر من اخ ولا اكتر من صديق
وعلى رايه دى غلطتى
بس ببركه دعاكم انا عاوزة اقلم انى مش متاثرة ولا حاجه ولا حتى زعلانه مش عارفه ليه
انا كنت فاكرة انى هنهار لو جرحنى
طلعت العكس خالص
وانشالله كنت سامعه تلاطيش كلام فى بيتنا عن عريس بس بجد يا عبير
مش مكر انثى
انا هقعد معاه وهشوفه

[رومانسيه]

وهبقى اطمنكم على اخبارى
انتى صح يا مدام هدى
وهشوف العريس بس هبقى اقلكم على مواصافته عشان تختارو معايا يا احلى فتكاواتت واخوات فىلاالدنيا

[رومانسيه]

بس عاوزة اسمع رايكم ايه
هستنى ردودكم
بحبكم جدااااااااااااااااااااااااااا

[كنوز الشرق]

السلام عليكم انا شايفة اخبار حلوة بوسى

[كنوز الشرق]