[IMAN SALAH]

بوصوا يا جماعه انا عندي مشكله معقده شويه
انا متجوزه وساكنه في بيت ابو جوزي وحمايا وحماتي متوفين وجوزي ليه اخ واخت
و اخوه ساكن في الشقه اللي قدامنا ومتجوز من خمس سننين وانا متجوزه من خمس شهور ....مرات اخو جوزي دي ربنا يهديلها نفسها عامله مشاكل مع الدنيا كلها وكل الناس في العماره والشارع مابيحبوهاش علي عكسي انا الحمد لله ربنا جعل فيا القبول عند قرايب جوزي والشارع بتاعهم
المهم الست دي اتسببت في قطيعه بين جوزي واخوه واخته استمرت سنتيتن وبعدين ساعة كتب كتابنا جوزي واخوه رجعوا اتصالحوا تاني لكن هما الاتنين مقاطعين اختهم الوحيده بسببها برضه
المهم بعد كتب كتابي البنت دي عملت المستحيل علشان تصاحبني وانا بطبعي بحب الناس وقلت دي هاتبقي جارتي الباب في الباب فا يابنتي بلاش تاخدي منها موقف من اولها وفعلا فتحتلها بيتي وقلبي وربنا يعلم اني فعلا حابيتها رغم ان كان ليها حركات سخيفه بس انا كنت بطنش
المهم البنت دي من غير مناسبه كده بعد جوازي بأربعين ....هي المشكله مش جامده اوي بس انا انتهزتها فرصه اني اقطع علاقتي بيها وهي حاولت تصالحني بعد كده وانا رفضت الصلح والوضع علي الحال ده بقاله حوالي تلات شهور
لكن علاقة جوزي واخوه كويسه الحمد لله بس هي وقعت مابيني وبين اخو جوزي وحسبي الله ونعم الوكيل بالظلم طبعا وبالتلفيق بس انا عارفه ان ربنا هايجبلي حقي منها
علي فكره يا جماعه انا بجد مش بفتري عليها ولا انا متغاظه منها لكن هي فعلا انسانه البعد غنيمه والقرب منها يجيب الاذي
المشكله بقي اني الحمد لله حامل وهي بقالها خمس سنين متجوزه وللاسف مافيش حمل بيثبت عندها
انا بقي مش عارفه اخلي جوزي يقول لاخوه ولا لاء
يعني من الاخر كده نعرفها ولا لاء .....جاوبوني ربنا يخليكم علشان انا متوتره جدا من الحكايه دي

اذا اعجبك الموضوع و اردت نشره في المنتديات الاخرى فاستخدمي هذا الرابط:
قولولي اعمل ايه مع سلفتي
http://forums.fatakat.com/thread54605

[ymasry]

بصي ياايمان اولا الف مبروك علي جوازك مع انها متاخره شويه ومبروك مره تانيه عشان الحمل وربنا يثبتهولك يارب ويكملك علي خير
شوفي بدام سلفتك دى هتعمل لك مشاكل انتى في غني عنها وبعدين انتى لس متجوزه جديد يعنى لازم يكون بيتك هادى ومن غير مشاكل انتى لس ف الاول فهمانى ....
وبعدين مايمنعش برضه لما تشوفيها ابقي قوليلها سلامو عليكو ولا صباح الخير اوكى عشان مايبقاش قطع رحم ماشي
وبمناسبه الحمل مالوش لزمه انها تعرف دلوقتي حاجه خالص اصبري شويه لما تطمنى اوى يعنى علي اخر الثالث اوبدايه الرابع وبعدين ابقي قوليلها وعرفي جوزك وحاولي تقنعيه انه يدارى علي شمعته عشان تقيد ............اكيد فهمتيني ....سلام

[كادبورى 81]

السلام عليكم ورحمة الله وبركاته
الف مبروك يا ايمان على الحمل ويارب يكمل لك على خير يا رب
انا شايفه انك تعرفي اخو جوزك عادى لان ربنا هو الحافظ ولو قابلتيها كلميها عادى لانها زى ما قلتى جارتك والشقه قصاد الشقه يعنى ما ينفعش تخاصميها ولو انتى شايفاها بتاعة مشاكل يبقى تحرصى منها وخلاص يعنى لا تخاصميها ولا تصاحبيها وتعرفيها اسرار بيتك عامليها عادى وربنا يفرحك بالذريه الصالحه يا رب

[samar-y]

السلام عليكم يا ايمان والف مبروك علي الجواز وعلي الحامل وربنا يكمللك الحمل علي خير يا رب وبالنسبة لسلفتك اسن حاجة الاختصار يا دوب ازيك والسلام عليكم او صباح الخير وخلاص ودايما تخلي باب شقتك مقفول عليكي وهي طبعا مش هتدخل عنك بالعافية وبالنسبة للحمل انا رأي انك انت وجوزك تأجلوا الخبر شوية عن اخوه وزوجته يعني شوية كده لما البيبي ان شاء الله يكبر شوية وربنا يحفظك ويحافظ لك علي بيتك يا رب

[nona79]

انا رائي من رائ كادبوري والف الف مبروك

[أم أسيل ليلو]

على الزواج السعيد وعلى الحمل المبارك وان شاء الله يكملك حملك على خير
بالنسبه للموضوع التانى مش معقوله ان الاخوات يقاطعوا بعض لكن انتى ممكن تقتصرى عنها وتعملى بالمثل القائل صباح الخير يا جارى انت فى حالك وانا فى حالى
بس برضه مش هتبقى عيشه لان مش هيكون فى تزاور او كلام واكيد انتى مش عايزة طفلك يطلع للدنيا يلاقيها كده كلها خصام وحاجات من دىفحاولى بقدر الامكان انك تتحمليها وغير كده اوعى تنسى ان ربنا لسه مرزقهاش بالذريه فيمكن ده اللى مقصر على نفسيتها اعتبريها اخت وحاولى تحتويها وادعليها بالهدايه فى الايام المفترجه دى وربنا يحل جميع المشاكل امين يارب العالمين

[أم مريم]

انا برضه رأيى تأخرى خبر الحمل ده شويه
وكمان تحاولى تصلحى بين جوزك و اخته ينوبك ثواب لانهم اخوات و بعدين دى اختهم الوحيدة و من غير ام ولا اب
جزاكى الله خيراً

[دهباية]

حبيبتي ألف مبروك على الزواج وربنا يهدئ سرك يا رب ..وكمان يثبتلك حملك وينتعك بالسلامة ويباركلك فيه.. أنا في رأي أنه الحمل في أوله خليه شوية وجوزك يكلم اخوه بعد شهرين تلاتة ..يعني بس عندي طلب عندك يا قمر بالشهر الفضيل ده والأيام الحلوة دي كلمي جوزك يصالح أخته ويبقالك الثواب عند الله .. وربنا يحميك ويحمي جنينك أمين ..أما بالنسبة لسلفتك السلام عليكم وعليكم السلام وما تخاصميها ولا تصاحبيها وحرصي على أسرار بيتك ما يعرفهاش حد.. وربنا يهدئ سرك ..

[ميرفت ام احمد]

هههههههههههههههههه
مركب الضراير سارت ومركب السلايف احتارت
بصى خليكى انتى كويسة ومتديهاش فرصة تعمللك مشكلة يعنى صباح الخير ياجارى انت فى حاللك وانا فى حالى دى حاجة والحاجة التانية
الحمل دة الحاجة الوحيدة اللى ماتستخباش لازم تقوليلهم وبتوددت بدل ياحبيبتى ماتعرف بعدين وانتى اكيد عارفة الباقى والعين وحشة ماتخليش الضغينة تدخل قلبها من ناحيتك علشان ربنا يكرمك وادعيلها ربنا يديها ويرزقها يمكن ده هو اللى يصلح حالها ويخليها كويسة معاكى ومع الناس

[IMAN SALAH]

اسكوتوووووووووووووووا مش سلفتي طلعت حامل بقالها تلات شهور وكانوا مخابين
واخو جوزي قال لجوزي علي سبيل انه بيغيظه وانه انتصر علي اخوه (وحسبنا الله ونعم الوكيل)
وجوزي كان في حالة اكتئاب وصعبان عليه بشكل من اخوه
انا حاولت اهون عليه لكن هو كان مصدوم في اخوه ومش مصدق انه يكلمه بالطريقه دي وانه بيكلمه بالطريقه دي وهو اللي شغله وجوزه وساعده في الجهاز ووقف جمبه كتير اوي ويجي في الاخر يخبي عليه لمدة تلات شهور حمل مراته وفي الاخر لما يجي يقوله يقوله بطريقة شماته ان مراته حامل وهو لسه
وجوزي من غيظه قاله ومراتي كمان حامل بس اخوه ماصدقهوش افتكره بيقول كده بس من غيظه
يلا اللهم انا نجعلك في نحورك ونعوذ بك من شرورهم اللهم رد كيدهم في نحرهم واجعل الدائرة عليهم

[لمسة أمل]

الف مبروك ع الزواج والحمل وربنا يثبتلك حملك
أنا من رأي عادي قوليلها او عرفوها هو الحمل حاجة تستخبي ومتخفيش
وربنا الحارس بالعكس انا شايفة لما تقولي دلوقتي احسن من بعدين لانها بعد كدة هتاخد موقف والله يستر بقي من العين ساعتها
يعني توكلي علي الله واحنا في شهر كريم وابدي بالكلام وخليكي احسن وصالحيها وكلميها وما تحكيلها اي شئ خاص بحياتك مع زوجك بس الحمل شئ مش خاص لانه كدة كدة هيبان في يوم..
ومرة تانية ربنا يباررك في طفلك ويتتم حملك علي خير يارب

[لمسة أمل]

اسكوتوووووووووووووووا مش سلفتي طلعت حامل بقالها تلات شهور وكانوا مخابين
واخو جوزي قال لجوزي علي سبيل انه بيغيظه وانه انتصر علي اخوه (وحسبنا الله ونعم الوكيل)
وجوزي كان في حالة اكتئاب وصعبان عليه بشكل من اخوه
انا حاولت اهون عليه لكن هو كان مصدوم في اخوه ومش مصدق انه يكلمه بالطريقه دي وانه بيكلمه بالطريقه دي وهو اللي شغله وجوزه وساعده في الجهاز ووقف جمبه كتير اوي ويجي في الاخر يخبي عليه لمدة تلات شهور حمل مراته وفي الاخر لما يجي يقوله يقوله بطريقة شماته ان مراته حامل وهو لسه
وجوزي من غيظه قاله ومراتي كمان حامل بس اخوه ماصدقهوش افتكره بيقول كده بس من غيظه ل

معلش يا ايمان خليكوو الاحسن وانتو سامحوو وربنا صدقني بياخد بالأعمال والنيات كمان وجوزك خليه هو يبدأ بالتسامح وأرجو منك ما تعصي قلبه علي أخوه بعد هاي الموقف وخصوصا الوالدين متوفين وما الكوو غير بعض وربنا يهدي أخو زوجك يارب ويصلح حاله....

[دهباية]

حبيبتي أدعي ربنا أن تتلهي عنك ويكمل لها ربنا حملها على خير هي كمان عشانك وعشان البيبي ..وربنا يحفظك ويحميك وهدي جوزك وربنا معاكم ..والله دعيت لك من فلبي ربنا يسهلك لأني مجربة السلايف ..

[ام جيهان]

الف مبروك على الحمل والجواز يا ايمان

ان شاء الله ربنا يقر عينك بألن صالح تتباهى بيه

المهم انا هقولك على حاجه والله عن تجربه

المعروف بيتنكر اليومين دول

انسى انك تعملى خير لحد ويعترف بيه

فأنتى اعملى حدود معاها والمفروض من الاول كنتى عملتى كده بزات انك شفتى انها قدرت توقع بينه وبين اخته الوحيده

خليكى بعيد عنها

فى المناسبات بس كلميها

والسلام لله طبعا تقولى لها السلام عليكم وازيك

لكن تدخليها فى حياتك ولا تحكى لها حاجه لاااااااااااا

الشطاره انك متخليهاش تمسك اى كلمه ولا تعرف اى حاجه عنك نهائى

وكده انتى مش هتغظيها بس لأ هتفرسيها كمان

وبنسبه للحمل انتى كويس انكم عرفتهم

ومتحوليش تنكرى الحمل او تخبيه

لأن فى مثل حماتى قالته ليا زمان فى اول حملى المنكور من اهل القبور

ربنا يخليه ليكى وتقومى بألف سلامه

يهدى سلفتك وسلفتى معاها بلمره هههههههههههههههههه

[ام سيف ومريم]

بصي حبيبتي

اولا الف مبروك لجوازك والف مبروك للحمل

ربنا يقومك بالسلامه ويتمملك على خير وربنا يجعلك ابنك ذريه صالحه تكن ايه من ايات الله في الجمال

بالنسبه لموضوع سلفتك طالما انك حاسه انها انسانه مؤذيه وهيبقا في منها مشاكل كتير

في مثل بيقولك الباب اللي يجيلك منه الريح سده واتريح

يبقا ملكيش دعوه بيها وادعلها ربنا يهديلها نفسها ويرزقها ربنا بذريه ييمكن حالها يتصلح

اما موضوع انك تقوليلها انك حامل طالما انك ملكيش كلام معاها يبقا مفيش مناسبه للكلام

اقصد طالما ان مفيش بينكم زيارات باستمرار ولا مرواح ومجي كتير يبقى كل واحد في حاله

اقفلي باباك على نفسك انتي لسه عروسه يا قمر وعيشي حياتك انتي محتاجه هدوء عشان صحتك وللبيبي ولجوزك كمان

بس اخوكي لو عايز يقول لاخوه يقوله علشان اخو جوزك ميزعلش من جوزك فاهماني

وانتي صلي لربنا واقري ادعيه والاذكار وربنا هيحميكي من كل شر متخافيش

ومره تانيه يا قمر الف مبروك وربنا يقومك بالسلامه ويطمنا عليكي

[عبير السداوى]

الف مبروك على الحمل وربنا يفرحك بيه

بالنسبة لسلفتك
اعملى بالايه الكريمة
ادفع بالتى هى احسن فاذا الذى بينك وبينه عداوة كأنه ولى حميم وما يلقاها الا الذين صبروا وما يلقاها الا ذو حظ عظيم.
ويمكن المشاكل اللى بتعملها دى بسبب تأخير الحمل عندها
الله يكون فى عونها
وحاولى تكونى كويسة معاها