[dr.sasu]

بسم الله الرحمن الرحيم

الموضوع هام للغاية
الام كعادتها راحة تنظف غرفة ابنها اللى راجع امس متاخر بعد مشاهدة فيلم فى السينيما مع بعض اصحابه, همت الام بالترتيب والتوضيب وهى بتقول يعنى "مش يارته بنت كان ساعدنى شويه ..."المهم موبيل الباشا يرن وهو صامت تنظر الام بفضول على هوية المتصل (اتش اوو بي)فى نفسها "ولا كبرت يا بنى وبقيت تحب "وفى سعادة تنظر له وكانها ترى سنوات العمر الماضى وهو نايم طبعا ...تضع الموبيل مرة تانية فى مكانه لكن هاجس خفى خلها تنتزعه مرة اخرى وفى عنيها نظرة قلق ,تفحصت باقى الارقام لم تجد ما يريبها فهى على علم بجميع اصدقائه ...لكن خوفها من ان ابنها يصادق شاب طايش ولا بنت مستهبله لانه كما تعلم هى طبييعته "ملفش و دار" ...صاحبنا نايم فى العسل ...تفتح تشاهد الصور وعلى على يقين انها اشياء خاصة به لكن اعطت لنفسها عذر (انا ام يا ناس و بطمئن على سلوك ابنى اللى تعبت فى تربيته) لحد مفتحت البلوتوث "يا مصيبتى ...."اه منها صدمة ...ابنى اللى بيصلى بيتفرج على ايه "معملتش حاجة غير انها تبحث على اقرب كرسى"
تبحث له عن اعذار:
علشان شاب اه هو علشان شاب ...بس يابنى فكر فى اختك اللى فى اعدادى ...ولا انا لما بنزل الشغل كل يوم ممكن الحاجات دى تصيبنا كلنا بفقر وغضب ربنا ....ايوة ربنا غضبان على ...ياربى انا قصرت فى ايه ده انا صحبيته وامه ...طب اروح ادبه على دماغه افوقه ...اوجهه ولا اعمل ايه ...الموضوع ده هز صورة ابنى ادامى
ابنى اللى بقول دانا ربيت ....
الباشا صحى وو جد الام بزها شبرين "يا فتاح يا عليم "فى سره طبعا "مالك يا ست الكل... انتى تعبانه ولا ايه...
ايه يا ماما مالك انتى مبتروديش على ليه ؟!"
الام : سيبنى دلوقتى علشان تعبانه و انا هريح شويه واقوم اكمل توضيب البيت ...انت رجعت امبارح اتعشيت ولا نمت على طول ...
الشاب : لا يا ست الكل كلت تمام و زى الفل ...
الام : اه مانت ريحة قميصك سجاير... غطت على المسك اللى بتحطه
الشاب : معلش اصل هشام صحبى كان بيشرب سيجارة و قاعد جنبى و قعدت اقوله يا عم الريحة خنقتنا ...دى مدخنة ...هههههههههه
الام : الله يهديه ويهديك و يبعد عنك الشر
الشاب :امين يا ماما
تتركه الام و فى ذهنها عدة اسئله (هاعمل ايه ؟- هواجهه؟- لا هحكيله عن فلان ابن فلانه اللى سقط من نظر اهله لما وجده يشاهد هذة الاشياء لحد ما ادمنها – اعمل ايه اكلم خاله............................... )
فى المساء وكانه وقت الاعتراف كادت الام تتمزق من افكارها حول ابنها "قرة العين "
دخلت عليه و هو على النت "انت بتعمل ايه ؟" .رد "بنزل موضوع على المنتدى "...الام : عن ايه ؟
الشاب :عن ...قاطعته الام
الام :اقولك استنى انت عارف فلان ابن فلان وفلانة
الشاب : ده ابن ناس اوى ...وكويس انا عارفه اه
الام : والدته مموته نفسها والله صعبت على ...اه الكويس ده عرفت انه مدمن على مشاهدة الاباحية ....
وظلت صامته برهه ....انت عارف بتقولى كانت بتشوف الكليبات على البلوتوث منتهى القذارة وتسكت وتقول الواد ابنى راجل ...وزيه زى الشباب ...كته نيله عليه وعلى اللى زيه ...مع سكتها الموضوع اتطور لحد ملقت اخوه الصغير الواد المفعوص اللى فى 1 ثانوى بيتفرج على حاجات من اللى اخوه منزلها ...و رد عليها ببجاحة مابنك الكبير بيتفرج اشمعنى انا ...يالهوى ...
الشاب : ربنا يهديه يا امى ...
الام : والله يابنى خفت عليك ...بس قلت انك مصلى مش ممكن تعمل حاجة زى دى واصحابك ولاد ناس كويسين ...انا مطمنه عليك و بثقة
الشاب : لا يا ماما متخافيش ابنك عاقل
الام : اختك اكيد محتجاك تتكلم معاها علشان توعيها انت عارف ان النت ده فى بلاوى وانا مقدرش اكون دادابان عليها ... هى لسه طايشة و عندها فضول ...و الفضول فى موضوع الغريزة ده يابنى يقلق و انا مربيها وكل حاجة و...
الشاب : ماما فى ايه هى .... مالها ....هى تعرف شاب من النت ولا حاجة .
الام : لا يابنى اختك .... اختك عاقلة حتى ولو عملت تشاتنج بتتكلم باحترام ز بعدين مبتخبيش حاجة عنى
بس بقول انت لما تتكلم معاها عن طبيعة الشباب و الدوافع النفسية ولا ايه يا دكتور
الشاب : حاضر يامى
الام : خد بالك من نفسى يابنى انت اللى لى ... انت واختك ربنا يفرحنى بيكم

[annos]

واللة دى بقت مشكلة كل بيت ربنا يهدى الجميع

[amira elkiki]

والله يا حبيبتى قلبى وجعنى
ربنا يستر على اولادنا

[مورة]

دة صحيح بيحصل بس دة بسبب قلة الوعي للاباء والامهات اكيد كل مرحلة بعشها مع اولادي الطفولة وما احلها كتاب مفتوح بكتب فية كل المباديء والاخلاق والدين اساس المراهقة وما اصعبها بس بيكون متمهد لها بالي انا غرستة فية والدور الاكبرفي السن دة هو الاب انا بتكلم علي اللي عندها صبيان اذي يصاحب ابنة ويخلية ميتكسفش منة والاب يوجة ومفيش مانع ان الاب يتكلم مع ابنة في بعض التفاصيل ويفهمة ويوعية علشان ما يلجائش لاصدقاء السوء اما اللي عندها بنات فالدور الاكبر اكيد علي الام في نفس الدور وربنا يحافظ علي اولادنا ويستر عليهم

[preatywoman]

جزاك الله خيرا امبارح كان في برنامج صبايا بيتكلموا على الكامير والبلوتوث بجد كانت مهزلة ربنا يعفينا جمعيا

[mas171]

جزاك الله خيرررررا

[sandybil]

مشكورة أختي...

[monee_2020]

ربنا يعافينا ولا يبتلينا امين ويحفظنا اجمعين والله النت ده سلاح ذو حدين ان استعملته فى طاعة نفع وان استعملته فى معصيه فأتقى رب البرايا

[المشتاقه الى الجنه]

غريبه اوى اختك بتعمل شات وبتكلم بأحترام مفيش وحده محترمه وتعرف ربنا كويس تدخل تكلم اولاد على الشات وال ايه بأحترام هو الحرام من كتره الناس بتشوفه حرام
اللهم لا توأخذنا بما فعل السفهاء منا

[Hanan Fouad]

انا متشكرة قوى لطرحك للموضوع
وعجبنى اكتر اسلوبك فى معالجة الامر احسن شى ان انتى ما قولتيشة انك عرفتى
حاجة واخدتى الموضوع من باب التورية دة اسلوب ذكى قوى مع الشباب وهو اكيد مش هايعمل كدة تانى
ويارب يحفظ اولاد المسلمين جميعا

[جورية]

والله للاسف بلوتوث ممكن يستعملونة احسن من شذي بس اهما يستعملونة غلط
والله المستعان

[أم الطيب]

شكرا عالموضوع الجميل

[توته1]

يا رب احفظ شباب المسلمين
مشكورة على الموضوع

[ام مهند]

موضوع جميل بس ياتري هل اثر الكلام بهذا الشاب ؟؟؟
ام انه نظام اسمع ونفض؟؟؟؟
اعتقد ان الموضوع حله بالطريقه ده سلبي ولا يجيب فايده مع الشباب اليومين دول
واعتقد ان المواجهه وباسلوب حلو ومناقشه هادفه وخاصه انها صديقه ابنهاهو الحل الامثل وبعدين ازاي بنتي بتكلم علي الشات بطريقه محترمه سوري انا عارفه ان في كتير مش هيعجبهم كلامي بس لا يصح الا الصحيح

ربنا يستر علي اولادناجميعا
مشكووووووره

[hana]

يجب أن تحكى مع الولاد عن أضرار هذه الظاهرة والعقاب من الله تعالى بطريقة غير مباشرة وأضرارها من أن تتكرر مع الأخوات والأقارب . وكما يقال فى المثل ( كما تدين تودان ) ولعل الله يهديهم ويتقو الله فى تصرفاتهم وربنا يهدى شبابنا وشبات المسلمين ااااامين

[dr.sasu]

بسم الله الرحمن الرحيم
شكرا على ردودكم وأرئكم الغالية ...الموضوع كان مهم جدا للنقاش بجدية و فعلا انا اتاثرت كتير لحلقة فى برنامج صبايا استفرتنى كبنت و انسانة ...اولا بشكر كل الفتكاوات المحترمات على رأيهم .
مورة :شكرا على تعليقك

بيحصل بس دة بسبب قلة الوعي للاباء والامهات

اختى المشتاقة الى الجنة :

غريبه اوى اختك بتعمل شات وبتكلم بأحترام مفيش وحده محترمه وتعرف ربنا كويس تدخل تكلم اولاد على الشات وال ايه بأحترام هو الحرام من كتره الناس بتشوفه حرام

استوقفتنى كلماتك جدا و قعدت افكر كتير ...اختى الجميلة ...احيانا الواقع بضطرنا كى نتذاكى عليه حتى لا نرى من نحب فى خطر ...الاختلاط بالشباب ده موجود فى اى مجتمع ... و صدقينى الممنوع مرغوب و ده طريق الغلط ...الام مع التوعية و التربية بتقرب من ابنتها بتنزل لمستوى جموح الطفلة ...هتعلمها تفهم الناس ازاى و تتعامل ازاى و تديها فرصة انها تحب تكون على الصح دايما ... اينعم ممكن تقولى ازاى البنت هتعمل غلط ...احيانا الغلط بيخالينا نتعلم و منقعش فى غلط اكبر او على الاقل اخدنا جرعة تطعيم ...ان شاء الله موضوعى اللى جاى هيكون عن العلاقات ماقبل الزواج و هنتناوله بجدية و ارجو مناقشة حامية

[dodo246]

و الله البلوتوث ده مفيد فى حاجات بس للاسف الفايدة منه ضايعة جنب اللى بنشوفه بيحصل بين الشباب عن طريق البلوتوث

افلام رديئة
معاكسات للبنات
برامج تخريب للموبيلات

و للاسف ان الفئة دى من الشباب كتيرة و مبقاش زى الاول الشباب يسمعوا للنصايح بهدوء،لا خلاص بيقولوا ان زمن النصايح انتهى احنا فى عصر العولمة

كل فترة لازم نغير الطريقةاللى ننصح بيها اولادنا لان الزمن بيتغير
و ربنا يهدى الجميع

[نادو]

فعلا الاختلاط موجود فى كل مكان بصى انا هرجع لموضوعك تانى عشان اكون مخمخت كدة اووووووووكيشن

[مؤمنة باللة]

ربنا يهدى شباب المسلمين

[أم ايثار]

جزاكى الله خيرا
وربنا يهدى شباب المسلمين اجمعين