السلام عليكم ورحمة الله وبركاته
اخواتى المتأخرات في الحمل اريد ان احدثكم عن دكتور مصري اقصد عالم مصري مبتكر لدواء جديد (هذا المكتوب علي باب عيادته) ولكن هذا الدكتور هو اكثر انسان اذانى في حياتى وحبيت ان انقذ المصريات لاننا جميعا نتعلق بأي امل او بصيص نور
انه الدكتور العظيم المبجل (علي فريد محمد علي ) وعيادته بمصر الجديده
وهذه قصته معى ........
انا متزوجه منذ اربع سنوات ولم تكن دورتى منتظمه وانا بنت وذهبت لاكتر من دكتور واعطانى حبوب منع الحمل وانتظمت الدوره الي ان تزوجت لم تاتى الدوره بعد زواجي لمده ثلاثه شهور وبعد مئات اختبارات الحمل لم اكن حامل لانى اصلا تزوجت بعد ايام التبويض ذهبت لدكتور عملت تحليل هرمونات والنتيجه انى اعانى من تكيسات علي المبيض وبدأت رحله العلاج اي العذاب بعد تلت شهور فقط من الزواج اى وانا عروسه وبدأت اخذ الكلوميد والمنشطات لمده 6 شهور ولم تاتى بنتيجه وبدأت في الانتقال من دكتور لدكتور وعملت عمليه كى تكيسات ولم تأتى بنتيجه ايضا وكنت اتوقف عن العلاج لبعض شهور ثم ارجع تانى الي ان دلونى اولاد الحلال الي هذا الدكتور
(علي فريد) بدايه ذهبت الساعه 6 مساء ولم يكن هناك احد في العياده الا ورقه مكتوب عليها اسماء المرضي الذين اتو قبلي للعياده وكنت رقم 6 ثم جاء الممرض الساعه 8 مساءا واخد الورقه من علي الباب ثم نادي الاسماء اسم اسم من الاول وكل واحد يسألو مستعجل ولا عادي للعلم المستعجل 100 بدون سونار والعادى 50 وجاء الدكتور الساعه 11 في معاده وبدا ينادي الممرض علي الاسامى والحمد لله دخلت بدري الساعه 4 الفجر لانى الحمد لله دفعه مستعجل اي 150 جنيه( عدو معايا)
وحكيتلو كل حاجه وكتبلي علي تحليلات وكتبلي اسم المعمل (سمير شاكر) وقال لي روحي اعمليها دوقت200 جنيه هو فاتح وكتبلي علي سونار ثلاثي الابعاد عندو ايضا 200 جنيه كمان وكانت النتيجه انى عندي تكيسات وبما انى عملت العمليه من قبل فلا يمكن ان اعملها تانى وكان العلاج روشته طويله بها دواء غريب اسمه
bee venum وقلبت عليه الدنيا في كل الصيدليات بالقاهره ولم اجده لانى غشيمه لان هذا الدواء لا يوجد الا عند الدكتور نفسه لان هو اللي بيحضره بنفسه لحد مسألت صيدلى معرفه وقالي دا اسمو سم النحل ويوجد في المصل واللقاح وذهبت بواسطه اللي هناك للدكتور المسئول عن هذا المصل واعطانى جرعات يوم بعد يوم ابر تحت الجلد ورحت للدكتور وانا مستهبله انى معرفش ان الدوا دا عندو وبيديه الابره الواحده ب120 جنيه وكان كاتبلى علي 10 ابر وقالى جبتى الابر منين وقلتلو من المصل واللقاح قالي لادانتى خدتى جرعه زيادة المهم هنا الكارثه بعد الدوره رحتلو واعطانى دواء اسمه femera ومعاه ادويه تانيه وسألتو هو د ذي كلوميد قالى اه بس الدوا ده ب555 جنيه جبتو واخدت الروشته كلها وكنت بتابع معاه بالسونار ثم الابر التفجيريه ثم اليوم ال21 تحليل بروجسترون ثم اليوم ال25 سونار ثم المفاجأه .................................................. ............
لو مجتلكيش الدوره لحد بكره اي الصبح لانى اصلا عندو الفجر خدي ابره برجنيل مثبت حمل واعملى التحليل بليل (ركزو معايا)وفعلا مجتش الدوره واخدت الابره وعملت تحليل حمل بليل في المعمل اللي هو قايل عليه والمفاجأه................
انا حامل
انا حامل
انا حامل
تخيلو شعوري وشعور زوجي واهلي واهلو الكل يبكي ويهلهل وسجدت في الشارع شكر لله ولما ذهبت عندو اعطانى ادويه الحامل عادي خالص وتانى يوم لم اصدق ذهبت لمعمل اخر وقال لي الدكتور weak postive يعنى احتمال اه واحتمال لا طبعا مصدقتش لانى مش عايزه اصدق وكملت في الوهم لحد مبتدا ينزل عليا دم وهو يدينى في مثبتات وكنت المفروض ف الشهر التانى وعملت تحليل رقمى وطلع 142 في نفس الوقت كانت بنت عمى حامل وكان تحليلها بالملايين وقالي لا خلاص الهرمون بعد كدا هينط ويعلي وفضل ينزل دم بسيط لحد مقالي اعملي تحليل تانى وكان 90 يعنى مفيش حمل وادانى لبوس مهبلي ينزل الدم اللي عرفت بع كدا انه دوره محبوسه من كتر المثبتات زمكنش في حمل اصلا هتقولولي عرفتى ازاى هقولكو
الابره اللي اخدتها في مكوناتها مكتوب انها هرمون يؤخذ من بول السيدات الحوامل يعنى ادانى هرمون حمل الصبح وخلانى احلل بليل فهمتو الغش والخداع والنصب
كل اللي عندو مرضي مكنوش بيحملو اصلا بالسنين وبعد مرحولو اتحول العقم الي اجهاض متكرر عشان يقولو الحمد لله مكناش بنحمل اصلا بكره حمل من دول يثبت ويستمر مسلسل الخداع
اسفه علي الاطاله ولكن شعرت انه لمن الواجب ان امنع اى حد من الذهاب لهذا الخداع وحسبنا الله ونعم الوكيل .
اذا اعجبك الموضوع و اردت نشره في المنتديات الاخرى فاستخدمي هذا الرابط:
الرجاء الدخول لكل المصريات (هام جدااااااااااااااااااا )ضرورررررررررررررررررري
http://forums.fatakat.com/thread54842
ربى لا تذرنى فردا وانت خير الوارثين 
[IMG][/IMG][[IMG]]
امحي ذنوبك في دقيقتين باذن الله