[عبير السداوى]

أخواتى الفتكاوات
السلام عليكم
قبل ما ابدأ تكملة رحلة صبرى احب اشكركم كلكم لانكم شاركتونى فى اول مشاركة ليا فى المنتدى.
وكمان عايزة اعتذر لكم علشان اتأخرت فى تكملة الموضوع بس مش عارفة ليه كان عندى احساس بالذنب علشان اتكلمت على جوزى من وراه..
يمكن لانها اول مرة اتكلم عليه...
مش عارفة...
عارفين بقى انا عملت ايه علشان اتخلص من الاحساس ده....
اصطدته وهو قاعد على الكمبيوتر وفتحتله الموضوع وخليته يقراه....
اه والله....
وقراه
وبعدين بص لى وضحك وقال لى :هو انتى ما بيتبلش فى بقك فولة؟)
المهم بعد كلام كتير مش هقوله منعا للاحراج
قلت له: لو متضايق مش هكمل- قال لى: كملى كملى خلينى اعرف المستخبى.
شوفتوا بقى جوزى حبيبى راجل متفهم ودماغه كبيرة ازاى؟؟؟؟؟؟؟؟؟؟؟
وبمناسبة دماغه الكبيرة اللى انا بكرهها (احيانا) هقوللكم على العيب بتاع دماغه..........
جوزى بيكبر دماغه قوى وبينفض لى
وده طبعا لما بيكون قاعد على الكمبيوتر او ماسك الموبايل او ماسك ريموت التليفزيون وطبعا طول ما هو فى البيت ماسك اى حاجة من الحاجات دى..يعنى على طول منفض لى ...
.يعنى مثلا مثلا...اكون بناديه يا فلان ما يردش ....فاضطر انى أعلى النبرة شوية واناديه تانى يا فلاااان وبرضه ما يردش....... فالنبرة تعلى يا فلاااااااااان وطبعا ما بيردش....... و افضل على كده لغاية لما النبرة تعلى قوى وتبقى شبه الصريخ وبعدين لما يتكرم عليا ويرد .. يرد عليا بمنتهى الهدوء ويقول لى ايوة يا حبيبى...بمنتهى الهدوووووووء وبكون انا اصلا حاسة انى هيغمى عليا من التعب من كتر الصريخ وطبعا بكون نسيت انا عايزة اقول له ايه :icon_ex claim:
وطبعا اجبرت نفسى ابلع العيب ده
عارفين ازاى؟؟؟؟؟؟؟؟؟؟؟ قلت لنفسى انتى اللى غلطانه .
طبعا انا اللى غلطانة لانى المفروض ما اناديش عليه ولا اكلمه طول ما هو مركز فى الحاجات دى
طيب تقدروا تقولولى اتكلم معاه امتى وازاى وهو على طول مركز اوىىىى كده فى اى حاجة غيرى
هسالكوا سؤال
فى اى ست فى الدنيا ما تحبش تحس بغيرة جوزها عليها ؟؟؟؟؟؟؟؟؟؟
والله والله نفسى احس مرة واحدة بس انه بيغير عليا....
انا عندى مشكلة فى الغيرة ...
مش عارفة اخليه يغير عليا على الرغم من انى حلوة وتقاطيعى مسمسمة(والله العظيم ما بكدب)
ولما بسأله انت ما بتغيرش عليا وللا ايه يا راجل انت؟؟؟؟؟؟؟
بيقول لى :لأ طبعا علشان انا واثق فيكى جدا وانتى ما بتعمليش اى حاجة غلط علشان اغير عليكى
طبعا كلام جميييل اى واحدة فى الدنيا تتمنى تسمعه
عرفتوا بقى ان العيب فيا انا؟؟؟ انا محترمة جدا لدرجة انه مش بيغير عليا
اه
نسيت اقول لكم انى لابسة النقاب من ست سنين والسيدال الاسود والجوانتى كمان ههههههههههههه
يعنى الراجل عنده حق
هيغير عليا الزاى بقى؟؟؟؟؟؟؟؟؟؟؟
احيانا الستات بتتمنى حاجة وبتعمل عكسها
بيتهيألى كفايه عليكو كده النهارده علشان ما تزهقوش منى وان شاء الله اكمل لكو تانى لو عايزين
اصل انا كده يادوب بدأت أخش على التقايل
وطبعا هخلى الباشا (المنفض على طول) يقرا الموضوع
وابقوا قولولى عايزينى أكمل وللا لأ

اذا اعجبك الموضوع و اردت نشره في المنتديات الاخرى فاستخدمي هذا الرابط:
تكملة موضوع: ازاى تجبرى نفسك تحبى عيوب جوزك؟؟؟؟؟؟؟؟؟؟؟؟؟؟
http://forums.fatakat.com/thread54851

[gannat mam]

رائع يا عبير, خير ما عملتى انك قريتيه الكلام ده منها ما تكونش غيبه ومنها يمكن يتغير
ولو انى اشك ان فى راجل بيتغير
كلهم مكبرين او زى ما قلتى بينفضوا لنا علطول

كملى بيييز يمكن نستفيد ان شاء الله

على فكره مشكله الغيره دى بالضبط عندى
اه بيغير بس ما بديلوش فرصه يغير
انا كمان منقبه من7 سنين, نحتسب بقى وامرنا لله

[عبير السداوى]

بارك الله فيكى وفى كلامك الجميل
بس تفتكرى النوع المنفض ده ممكن يتغير
وللا دى امنية بنتمنى انها تتحقق
وربنا يعينك على النقاب ويثبتك عليه ان شاء الله

[جيين]

بسم الله الرحمن الرحيم
انا عاوزة اقولكم حاجة صغيرة قوى اكثر من 90% من الرجال عندهم ودن بلاستيك دايما يصدروهالنا لما يحبوا يطنشوا بدليل انك لما تتكلمى مع مامتك مثلا ونبرة صوتك توطى شوية بتلاقية هوه وطى التليفزيون شوية لاحظى الحكاية دى هتعرفى انة بينفضلك بمزاجة.
وكفى اللة المؤمنين شر القتال

[عبير السداوى]

انا كنت فاكرة ان الطناش ده عندى انا بس
طلع حالى من حالكو
وشكرا

[لمسة أمل]

ههههههههههههههههه علي فكرة العيب ده مش في جوزك بس
هم كدة بس عارفة معقتدش انه بيكون منفض هو مش بيكون سامعك اصلا لاسباب كثيرة أولها هو بيكون برة طول اليوم وبيتشغل وتعبان من الشغل ولما يجي البيت بيكون عايز يرتاح ومش يتكلم كثير او حتي يرد ساعات علي سؤال ليكي مش لانه منفض لانه بيكون مش مركز حتي لو هو بيتفرج تلفزيون بيتفرج من غير وعي وتفكير ولما انتي تكلميه لازم الاول يسمعلك ويجاوبك مش يقولك اها وهو مش عارف قولتي اية فهو بيسكت علشان كدة وياريت تعذريه لانه نفس المشكلة عندي وانا مقدرة بجد لانه الراجل بيجي من شغله تعبان ومش عايز يسمع كثير

[دعاء A]

بصراحة كلامك زى العسل وفعلا العيب فينا مش فيهم واذا فهمنا مخهم ماشي ازاى حنرتاح ونريحهم

[mon]

هههههههههههههههههه انتى زى العسل والله وجبارة كمان عرفتى تدخليه فتكات بسلوب ذكى وتطريقه مكر وصدق معا
اسمحيلى ارفع الشبوة ليكى فخرا واعتزاز بعقل الجبار دة ولحترامى لتقدير لجوزاك ودة اكبر دليل ليه انك انسنه امينه ومحترمه وتستحقى انك تكونى زوجته وام اولادة
بارك الله فيكى وحفظك انتى واسرتك فى سلام
ويارب كل ست قبل ما تكتب شى يخص حياتها الزوجيه تستشير جوزها قبل ما تكتب علشان الامانه


اما بقا موضوع الطناش المتعمد دة من جوزك حوالى متندهيش عليه من بعيد وتعالى مكان ما هو اعد سوا ادم التليفزيون او الكمبيوتر او اى مكان فى الشقه وطلبى الى انتى عوزة بدال يعنى ما تسمعى الحى كله بيكم انك بتندهى وهو مبيردش
وربنا ما يجيب غير كل خير
سورى طوالت عليكى بس الموضوع جميل

[انجى الوكيل]

السلام عليكم اخواتى /دى اول مشاركة لى معكم ولكن حبية اوجى اعجبابى بالموضوع الجميل
لغاية ماتجيلى الشجاعة انى احكى وافضفض لانى عندى كلام كتير مش بقدر اقولى للمقربين اخشى على صورة زوجى فى عيون عائلتى

[عبير السداوى]

شكرا لكلامك بس لنا عندى الموضوع مختلف
اقصد( الزوج مختلف)
لان جوزى تعبان اومش تعبان بيطنش
يعنى تقدرى تقولى ان هواية جوزى المفضلة هى التطنيش

[عبير السداوى]

بالظبط
علشان كده لازم كل واحدة تعرف مفاتيح جوزها كويس
وتحاول تظبط نفسها عليه

[عبير السداوى]

ياجميل طولى زى ما انت عايزة
بس على فكرة انا بنده عليه وانا جنبه
وبرضه بيطنش

[عبير السداوى]

يا انجى اوعى تحكى لعائلتك اى حاجة عن عيوب جوزك
لان الاهل لما بيتدخلوا فى اى موضوع بيكبر حتى لو بيتدخلوا بحسن نيه
وخلى بالك ان اهلك عمرهم ما هينسوا اى عيب من عيوب جوزك حتى لو العيب ده انت نفسك بلعتيه وحاولتى تتأقلمى معاه
وربنا يهدى لك جوزك ويهديكى ليه ويجعل بينكم مودة ورحمة

[عبير السداوى]

اشكركم كلكم على كلامكم الجميل

[نهال555]

يااااااه انتى مستحمله كتير اوى ياعبير دانتى جبل ولله وبجد ربنا يقويكى ويكرمك انتى فعلا والله زوجه جدعه جداا وقليل اما تلاقى حد يستحمل كل ده انا عن نفسي لو جوزى مد ايده عليا هسيبله البيت وانزل والله مش هزار مع العلم انى لسه مخطووبه بس احنا الموضوع ده متفقين فيه ان الضرب ممنووع انا والله مش بوحيكي على جوزك لحسن تفهمى غلط انا بقولك بس ان انا لو مكانك مش هستحمل عموما يااااااارب يهديهم كلهم وربنا معاكى ياحبيبتى .,..اسفه لو طولت عليكي

[عبير السداوى]

يا نهال اللى بيحب بيسامح
وعلى فكرة
انا اول مرة ضربنى فيها سبت البيت وكانت الساعة 2ليلا
وبابا اصر انى اتطلق وفعلا اتطلقت
وبعدين رجعنا لبعض لانى بحبه قوى
وبعد كام شهر ضربنى تانى
بس لا سبت البيت ولا رحت لبابا
وعملت مقاطعة تامة بينى وبينه
بس
من غير مامته ما تحس
علشان ما تفرحش فيا

[دودى مودى]

والله يا عبير اكنت بتتكلمي عن زوجى
ربنا يعنا ويصبرنا

[nora helmer]

اولا بارك الله فيكى اختى عبير وجزاك خيرا على صبرك.واحب اقولك ان عندى نفس المشكله بتاعة الغيرة وعدم الرومانسيه بتاااااااااااااااتا.هاتجنن يا عبير.

[عبير السداوى]

والله يا عبير اكنت بتتكلمي عن زوجى
ربنا يعنا ويصبرنا

يظهر يا بنتى ان كل الرجالة كده
مفيش قدامنا الا الصبر والدعااااااااااااااااء:36_3_15[1]:

[عبير السداوى]

اولا بارك الله فيكى اختى عبير وجزاك خيرا على صبرك.واحب اقولك ان عندى نفس المشكله بتاعة الغيرة وعدم الرومانسيه بتاااااااااااااااتا.هاتجنن يا عبير.

ههههههههههههههههههههه
تعالى وانضمى معانا الى نادى المتجننين من اجوازهم:36_1_1[1]:
بس تفتكرى فى امل يتعدلوا
وللا هنفضل طول عمرنا محرومين من الرومانسيه:36_3_13[1]:
ربنا يصبرنا