[annos]

من اليوم بداية مسابقة لقب ملكة الاحساس

شروط الاشتراك فى المسابقة

• كتابة موضوع جديد فى قسم معاملة الازواج
• من حقك ان تزيدى اكتر من موضوع
• ردك على موضوعك غير محسوب

الى كل العضوات قومى بالرد على الموضوع الحائز على اعجابك

اختى ردك بمثابة تصويت فى الانتخابات

لاتعطى رد لمن لايستحق

ولا تبخلى اختى بالرد على صاحبة الموضوع الجيد

صاحبة اكبر عدد من الردود هى الفائزة

فى نفس الوقت يمكنك الرد على اكثر من موضوع

ويوم الجمعة القادم نعلن عن الفائزة بلقب ملكة الاحساس فى قسم الترحيب والاجتماعيات

والجميع يقوم بالتهنئة لها

ان شاء اللة كل اسبوع هنكرر المسابقة بلقب جديد وقسم جديد

يعنى اللى مش هيحالفها الحظ فى المسابقة تنتظر الاسبوع اللى بعدة

يمكن تكون هى الفائزة

اخواتى المواضيع ليست بعددها انما بجودة معناها

منتظرة منكم التفاعل يلا بنات شغلوا عقولكم وحركوا افكاركم كى تفيدى اخواتك بمواضيعك

ارجوا من عندها اى ملحوظة ترد على انا يمكن يكون غايب عنى شىء

اذا اعجبك الموضوع و اردت نشره في المنتديات الاخرى فاستخدمي هذا الرابط:
مسابقة ملكة الاحساس
http://forums.fatakat.com/thread5502

[preatywoman]

مشكورة يا قمر على فكرتك وان شاء الله موضوعي هينزل اوريب

[annos]

يلا بنات بيرتى عملت اول موضوع مين ياتى للمنافسة
فينكم اتحفونا بمواضيعكم

[preatywoman]

شكرا على رقتك وزوقك يا جميل بس ليا اقتراح ممكن تكتبي عندك في الصفحة دي اسماء المواضيع التي تكتب من اليوم الى يوم الخميس حتى لا تتضيع ومن راي ان كل عضوة تكتفي بموضوع واحد ولا انتي ايه رايك

[annos]

حبيبتى الفكرة الاساسية هى اننا نكتر المواضيع والحصول على ردود مبنية على اساس

[annos]

مروشكا وضعت موضوع جديد مين تانى منافس

[دلوعة زوجها]

annos أنا من رأي بريتي وومان .. كل وحدة تكتفي بموضوع وتنزلي انتي المواضيع المشاركة بصفحة خاصة تتم المسابقة بالتصويت لها بنفس صفحتك لعناوين المواضيع و بآخر الاسبوع يتم حصر عدد الاصوات للمواضيع وحسابها
من خلال صفحتك نفسها

بس هيك برأيي مستحيل .. المواضيع كتيرة وأعضاء المنتدى مش قلائل
واللي يدخل المنتدى -عذرا- مش مضطر يفوت بمسابقة في قسم المسابقات
في مواضيع ممكن تهمّه و تستحوذ على تفكيره ومشاركته وانتباهه أكتر من انه يشارك بمسابقة
لا تنسي انه قسم المسابقات هو قسم بين 26 قسم تانيين (المكياج و الطبخ و الريجيم و العناية بالشعر والبشرة والمايكروبيوتيك و ... ... ......)
فبدك تخلقي انتي طريقة مناسبة للتفاعل مع المسابقة أكثر من الشروط المستحيله يلي حاططتيها -عذرا أنّوسة الغالية لا تزعلي مني بس أنا ما بعرف أجامل.. أحب احكي اللي فعلا بشوفه ومقتنعة أو مش مقتنعة فيه-
"برأيي كل وحدة تكتب موضوع او تشارك بموضوع من كتابتها توضع عنوانه بصفحتك ليتم الرجوع اليه و قراءته وبنفس الصفحة يتم التصويت للمواضيع المشاركة و بآخر الأسبوع يتم حساب الأصوات واعطاء اللقب"

[annos]

دلوعة زوجها مش كل واحدة مضطرة الى انها تشترك او ترد على موضوعات غيرها
بس التفاعل بين العضوات مهم
لكن انا مادرش امنع حد من انة يعمل موضوع او اكتر

والطريقة الوحيدة لتصويت هى انك تردى على الموضوع نفسة منعا للخبطة
اما المشتركات بمواضيع جديدة تسجل نفسها على الصفحة دى

كمان حبيبتى دى مش لعبة دى مجرد تشجيع لكل واحدة عندها راى وكلمة بدها تفيد غيرها


حبيبتى التفاعل تم فعلا وفى ناس عملت مواضيع

[دلوعة زوجها]

أنا بأجل تصويتي ليوم الخميس
منشان كون قرأت كل المواضيع المشاركة وماكون ظلمت اللي شاركو لاحقا .. بس انا مابدي يزعلو مني باقي المشاركات لما أصوت لموضوع دون الباقيين

والله الخيارات صعبة يا غالية

ومع تمنياتي للجميع بالتوفيق

[مورة]

حبيتي انوس انا معرفتش اصلا انة في مسابقة الابعد لما حطت الموضوع هي فكرة حلوة بس انا كنت حابة جو المنافسة ميكونش بالشكل دة انا عن نفسي كنت احب انة يبقي فية صفحة للموضوعات المتميزة في كل قسم ودة يبقي مثبت ويكون من قبل الادارة والاعضاء والمشرفات لان جو المنافسة دة هيبقي فية حساسية وكتير من العضوات ممكن يزعلوة ان فية ناس ما صوتت ليهم معلش يا انوس متزعليش بس فعلا الموضوع دة هيخلق نوع من الحساسية تجاة بعضهم البعض

[annos]

احنا كلنا اخوات لامجال لزعل بنا والمنافسة ىء شريف
انا شايفة ان العضوات عندهم ثقة بموضوعاتهم اكتر من كدة

[annos]

دلوقتى المشتركات زادواamany 2107

[دودينا]

حبيبتى انا مش موافقة على المسابقة عشان دة مش هيخلق جو منافسة دة هتلاقى عمل جو عكسى

[annos]

[preatywoman]

يا جماعة انتوا كبرتوا الموضوع اوي مفيش حد ممكن يزعل من حد هيا قصدها تحمس المشتركات انهم يقدموا احلى ما عندهم ويكون فيه متابعة مستمرة

[annos]

رجاء كل العضوات اللى حابة الاشتراك تدخل تسجل اسم موضوعها بنفسها

[eltourky]

ياجماعه زعل ايه
مفيش حاجه تزعل يادودينا
كل الموضوع ان كل عضوه تحاول تكتب جديد
وطبعا دا شئ كلنا هنستفيد منه
وكمان تشجيع ان كل العضوات تعلق ع كل الموضوعات
ودي طبعا هيسعد اللي كاتبه الموضوع
اما بالنسبه للفائزه
فمستحيل ان اي عضوه هتزعل من اختها لو فازت
ياجماعه لازم يكون عندنا روح رياضيه
ف الاخر كلنا مستفيدين0

[ام مهند]

حبايب قلبي اولا وحشتوني
ثانيا الفكره حلوه كتييييييييييييييير
وهتخلينا نهتم ونقرأ المواضيع ونستفيد
وبيتهيألي ان الغرض الاساسي اننا نستفيد
ومفيش حاجه تزعل انا شايفه انها فرصه حلوه للعضوات علشان نبقيactive
توكلنا علي الله سبحانه وتعالي

[heba saad]

بس ا لمفروض ان اللى ترد وتدى صوتها يكون اخر الاسبوع يعنى يوم الخميس زى ما الدلوعة قالت عشان ندى فرصة للجميع قرائة كافة المواضيع والتصويت يكون بمحلو