هام: من فضلك اذا كانت عندك اي مشكلة فاكتبي موضوعا في قسم الشكاوى او راسلي اي مشرفة، سيتم ايقاف الاشتراك عند اي تجاوز!
هام: الرجاء تجاهل اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
هام:
اذا وصلتك اي رسالة خاصة من عضوة تعرض عليك بضائع للبيع فراسلي اي مشرفة او مراقبة منتدى فورا و ارسلي لها نسخة من الرسالة و اسم العضوة.
ازيكم ياجماعه
انا قاريت الموضوع ده قبل كده فى منتدى وفعلا موضوع جميل جدا بس عايزه الفت نظركم لحاجه مهم اوى ان الرومانسيه عند الرجل بتختلف من رجل لاخر وبيختلف كمان تعبيره عنها كان عندى واحده صحبتى قضت اول شهور جوازها فى تعاسه مع انها متجوزه عن حب لانها كانت مفرطه فى رومانسيتها ولكن جوزها تعبيره عن حبه كان بيتمثل فى حاجات تانيهوقعدت فتره كمان تفكر فى الطلاق وانهم مش مناسبين لبعض ومكنش فى اطفال كمان بس سبحان الله لجئت لربنا وقربتله اوى وهداها لجوزها وقدرت تفهمه يعنى مثلا كانت لما تقدمله ورده او تعمله عيد ميلاد مكنش بيعبر طبعا اى واحده فينا لو حصلها الموقف ده الدنيا تتهد وتقول على جوزها مبيفهمش و و و و لكن لاحظت مع انه عصبى وليه عيوب تانيه كتير لما تتطبطب عليه من غير اى داعى بيبقى زى طفل بيتمحك فى مامتك وبدءت تروضه زى الوحوش بظبط ههههههههه اكتشفت انه طفل عنيد مبيحبش يبين مشاعره وبيحس انها ضعف بالنسبه ليه وعايزها تبقى واخداه على اد قله وعرفت ايه الحاجات الى بيحبها مع انها عكس اى حاجه اى بنت رومانسيه تتوقعها وبسرعه عشان حبته اكتر وهى بتروضه اتاقلمت عليه وحبها بقى بيزيد كل يوم ليه ومفيش اطفال برده وهو رد فعله بيبقى جاف معظم الوقت لكن خلاص فهمته ومعدتش زى الاول سبحان الله برده
يعنى ملخص الموضوع ان الرجال مش زى النساء احنا بنفكر بقلبنا وعواطفنا لكن هما ديما بيفكروا بعقلهم والحمد لله انهم بيفكروا بعقلهم لانهم هما الى بيشتغلوا وبيصرفوا علينا وهما الى بيتعبوا ومع العصر الى احنا فيه شوفى جوز كل واحد فينا بيرجع بيته الساعه كام وبيبقى مرهق اد ايه فممكن اى حركه رومانسيه منك يكون رد فعلها لا تعليق او يقولك عايز انام لانه فعلا بيبقى عايز ينام
انا مش بدافع عن الرجال انا حبيت قاقول الكلام ده عشان لو واحده عملت كل الى الحاجات الرومانسيه دى لجوزها وكان رد فعله سلبى متزعلش منه وتحاول بشتى الطرق فى اى اتجاه تانى يعنى تغير لحد ما توصل لقلبه
