[ienna]

.

السلام عليكم ورحمة الله وبركاته

يمكن الكلام اللى انا هقوله ده في ناس هتأيدني وناس هتعترض عليه

ناس هتقول أنا محبكاها ... وناس هتقول ده المفروض

بس أنا عايزة رأيكو كـــــــــــلكو معايا

سواء أه أو لآء

لقيت طرح لبعض الموضوعات عن شرح اوضاع جنسيه بالتفصيل

بالتفصيل الدقيـــــــــــــــــق جدا

يعني كأننا بنشرح فيلم سكس

واللى استفزني أكتر

ان في بعض الأعضاء تعليقاتهم على الوصف الصريح ده كالتالي: أه فعلا الوضع ده ممتع جدا ، ياريت تجربوه ، وما شابه من مثل هذه التعليقات

أنا معاكم إن ديه ثقافه لابد إننا نعرفها

بس مش هنا وبالطريقه ده

يعني المقالات ديه بتبقى في مواقع ثقافه جنسيه وبيبقى غير موجود اختيار الرد على المقاله

يعني مجرد للقرأة فقط

وبعدين لازم ناخد بالنا ان هنا في زهرات فتكات ، في مراهقات ، في بنات مش متزوجه ، أنا بطلب رقااااااااااابه وتحفظ شويه أكتر من كده

وللا إيه رأيكو!

ياريت تشاركوني الرأي

منتظرة تعليقاتكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
ماينـــــــــــفعش كده
http://forums.fatakat.com/thread55093

[ميرو الحلوة]

والله انت طرحتي قضيه مهمه
بس انا مش قادره احكم صح
يعني ليها سلبيات وايجابيات
بس يكفي انك اصلا طرحتي الموضوع لاني كنت لسه بتسائل امبارح
مع نفسي يعني بهذا الخصوص
وعامة انا صوت
واقولك جزاك الله خيرا

[مريم الناظر]

أنا بأيدك جدا ؛ لان فعلا الموضوع زاد عن حده
أنا عن نفسى باخجل من العناوين وانا بقرئها مش بقدر ادخل أقرأ الموضوع نفسه
مش معنى كده منكتبش فى مثل هذه المواضيع لأ نكتب ونعلق على المواضيع
بس بحدود ومن غير منخدش الحياء
ممكن مثلا تناول مثل هذه المواضيع من الناحية الدينية او الطبية أو عادى بس
بلاش بالتفصيل الدقيق اوى.

...وجزاكى الله خيرا ...

[ساره مصطفي]

فعلا عندك حق
ناسيين ان فيه حديث الرسول صريح
ان مما ادرك الناس من كلام الجاهليه الاولي اذا لم تستح فاصنع ما شئت
وبرضه الحياء شعبه من الايمان
واللي بيتكلم كده زي شيطان وشيطانه اتقابلوا في الطريق غشيها والنس تنظر اليه
ربنا يهدي
شكرا علي طرح الموضوع عشان بجد بقت حاجه تحرق الدم

[ام ياسر2]

بصرااحه كلامك 100/100

المواضيع لو استمرت بالشكل ده...المنتدى هيفقد الكثير

وكمان فكرتك بخصوص الفتكات الصغيرات العفيفات في محلها

وجزاااكي الله خير

[حتة سكرة]

بصى يا جينا يا حبيبتى
انتى بقولى انك بتلاقى الكلام مكتوب بالتفصيل صح؟؟؟
يعنى الجواب بيبقى باين من عنوانة
لما تلاقى موضوع انتى حاسة انة هيكون فية كلام مخجل بالنسبالك
يبقى بلاش تخشى وتقرية من اصلة
لان القسم اسمة (معاملة الازواج) يعنى مباح الكلام فية
انتى معترضة على الطريقة خلاص بلاش تقرى
لكن فية غيرك بيتعلم زى البنات اللى مش متجوزة
اظن انهم يعرفو الكلام دة من ناس محترمة معانا هنا فى المنتدى
احسن مانعرفة من برة وبطريقة اكيد مش صح
وبعدين لاحياء فى العلم
ثانيا بالنسبة للبنات الصغيرين اللى معانا
اظن ان مفيش بنت صغيرة بتقعد على النت من غير رقابة من الاهل
النت دة عالم واسع مش مقتصر على فتكات وبس ومادام سمحنا لولادنا انهم
يدخلو على النت يبقى لازم ناخد بالنا مش نسيبهم وبعدين نرجع ونقول
اصلهم شافو كلام مش كويس .......دى مسؤلية البيت مش اللى بيكتبو المواضيع
دة اولا
اما ثانيا لو معرفتش الكلام دة من هنا هتدخل اى مكان تانى وتلاقية على افظع
اتمنى يكون كلامى مش زعل حد
انا بس حبيت اوضح اننا قبل ما نكتب موضوع او نرد علية ندرسة
من جميع النواحى كويس

[ام نسيبة]

وانا رايى من راى حتة سكرة وفعلا لا حياء فى العلم وفيه بنات بتخش تدور على المواضيع دية علشان معندهاش خبرة وبتتكسف تقول لامها او صديقاتها ودا المكان الوحيد اللى كل واحدة ممكن تقول اللى هية عاوزاه من غير كسوف ولا احراج ولا خجل وبعدين فيه مواقع بتضلل البنات وتطرح معلومات غير صحيحة لكن التجربة خير برهان وكمان المفروض اننا نشارك والا اللى مش متزوجين هياخدوا معلومات منين
بس برضوا يكون بطريقة مهذبة

[دينا الحصري]

بصى يا جينا يا حبيبتى
انتى بقولى انك بتلاقى الكلام مكتوب بالتفصيل صح؟؟؟
يعنى الجواب بيبقى باين من عنوانة
لما تلاقى موضوع انتى حاسة انة هيكون فية كلام مخجل بالنسبالك
يبقى بلاش تخشى وتقرية من اصلة
لان القسم اسمة (معاملة الازواج) يعنى مباح الكلام فية
انتى معترضة على الطريقة خلاص بلاش تقرى
لكن فية غيرك بيتعلم زى البنات اللى مش متجوزة
اظن انهم يعرفو الكلام دة من ناس محترمة معانا هنا فى المنتدى
احسن مانعرفة من برة وبطريقة اكيد مش صح
وبعدين لاحياء فى العلم
ثانيا بالنسبة للبنات الصغيرين اللى معانا
اظن ان مفيش بنت صغيرة بتقعد على النت من غير رقابة من الاهل
النت دة عالم واسع مش مقتصر على فتكات وبس ومادام سمحنا لولادنا انهم
يدخلو على النت يبقى لازم ناخد بالنا مش نسيبهم وبعدين نرجع ونقول
اصلهم شافو كلام مش كويس .......دى مسؤلية البيت مش اللى بيكتبو المواضيع
دة اولا
اما ثانيا لو معرفتش الكلام دة من هنا هتدخل اى مكان تانى وتلاقية على افظع
اتمنى يكون كلامى مش زعل حد
انا بس حبيت اوضح اننا قبل ما نكتب موضوع او نرد علية ندرسة
من جميع النواحى كويس

بجد فعلا انا مع حتة سكرة في الموضوع دة
وبعدين القسم اسمة معاملة ازواج
وزهرات فتكات فعلا ايه اللي هايدخلهم هنا
وحتى لو دخلوا صح زي ما حتة سكرة قالت
ممكن بدا ما يدخلوا ويعرفوا المعلومات دي من هنا وبطريقة دي احسن ما يعرفوها ويشوفوها افظع وافظع من كدة
وانتم اكيد فاهمني
وغير طبعا الرقابة اللي بتبقى عليهم
وبقول بردو الله يفتحها عليكي يا حتة سكرة انتي كلامك 100% صحيح
وكمان ام نسيبة مأيدانا
واشكرك يا جينا على موضوعك

[مؤمنة بالله ورسوله]

السلام عليكم
انا بصراحه مش بأيدك خالص فى الموضوع دة
انا شايفه ان كل المواضيع هنا فى القسم مفيدة جدا
واكيد بتفيد البنات المقبله على الزواج واللى معندهمش خبرة
وكمان فى سيدات كتيييير متزوجين من سنين
ما يعرفوش حاجه عن معامله الازواج
ولما يدخلو يعرفوا من المنتدى هنا
افضل من يعرفوا من اى مواقع اخرى
غير شرعيه(اباحيه)وتضللهم عن الصواب
لان النت عالم واسع
واكيد لو حابه تعرف حاجه هتعرفها
فالافضل تعرفها من منتدنا النسائى
من العضوات المحترمات
فلا حياء فى العلم
وكلامك عن البنات صغار السن
فده من احتصاص الاسرة وواجبهم الرقابه عليهم
مدام سمحوا لبناتهم يقعدوا على النت

[mon]

هى المعلومات فى حد ذتها مش غلط ان البنت تعرفها بس الغلط الطريقه والعنوين الموثيرة هو الى غلط يعنى نحاول ننقى الاسلوب والطريقه فى الكتابه وبلاش خدش الحياء والى عوز يعرف حاجه هيعرفها سواء من هنا او اى حته تانيه فا الافضل انه يعرف من هنا ومن ناس بتراعى ربنا بس نشوف اسلب ارقا من كدة فى طرح الموضيع

[أم الطيب]

فكرتك كويسة يا ايينا ومعاك حق فيها بس في نفس الوقت كلام حتة سكرة صح وانا معاها فيه.
كتير من الازواج بيشعروا بحالة من الملل في علاقتهم الحميمة لأنهم مش من النوع اللي بيعرف يجدد ويفنن، لكن لما يعرفوا أشكال جديدة للعلاقة تجدد معاها علاقتهم وحياتهم اكيد هتفرق معاهم وإذا ما لقيوش الحاجات دي في مواقع محترمة هيضطروا يدوروا عليها في المواقع الاباحية المتخصصة وبالصور كمان.
انا عن نفسي باستفيد جدا من القسم ده وبلاقي فيه حاجات جديدة أوي عليا سواء في العلاقات الحسية او المعنوية.
لكن معاك في ان الكلام مش لازم يكون اباحي أوي ومعاك في ان العناوين مش لازم تكون صريحة أوي.
جزاكم الله خيرا على الطرح المحترم للموضوع ورد العضوات المحترم ايضا.

[dall3 ya dall3]

لا تسمحيلى اعارضك انا مع حته سكرة ان فى ربات بيوت وبنات على وشك الزواج بيبقى محتاجين موضوعات زى دى تثقفهم وخصوصا انه فى منتدى للستات فقط يبقوا محتاجين ياخدوا خبرات ناس قبلهم ودة من حقهم يجددوا فى حياتهم عن طريق مصدر صح ومحترم مفهوش اى اباحيه اعتقد اللى حرام فع ان كل واحدة تدخل وتقول هى بتعمل ايه بالظبط مع جوزها كل اللى بيحصل انه بيتعرض وضع او حاجه معينه وكل عضوة بتدخل بتقول اه الوضع الفلانى كويس وانا جربته بتقول رايها مش بتقول انا عملت كذا وكذا وكذا

غير كدة العنوان مكتوب يعنى معروف بيتكلم عن ايه وفى اى قسم معامله ازواج يعنى للمتزوجات مش بيبقى اجبار الدخول واذاكان على المراهاقات والصغيرين فهما ليهم قسم خاص بيهم فى المنتدى هنا طب ليه بقى يدخلوا هنا اعتقد دى بقى خاصه برقابه الوالدين فى بيوتهم و المنتدى هنا معروف بانه منتدى نسائى مش بناتى فقط

[ienna]

ميرو الحلوة ..شكرا ليكي حبيبتي على رأيك وأنا معاكي ان ليها سلبيات وليها اجابيات

مريم الناظر ... هو ده اللى بتكلم عليه .. الحدووووود ... وخدش الحياء ... والألفاظ .... التفاصل مش بس دقيقه لاء ديه غـــــــــــــايه في الدقه :36_1_3[1]:

سارة مصطفي .. الجمله ديه في الجون (اذا لم تستح فاصنع ما شئت
وبرضه الحياء شعبه من الايمان ) تحياتي ليكي:36_1_55[1]:

أم ياسر .. الفتكات الصغيرات ... ياريت فعلا لو كله يراعي:36_1_7[1]:

حته سكره ... أنا أتعودت لما أشوف حاجه أعبر عن رأيي وأتكلم ... مش تقوليلي ما تقريش الموضوع لو مخجل بالتسبالك ... وبعدين أنا مابتكلمش عن نفسي .. أنا بتكلم عن كل اللى هنا في المنتدى .. وللا ندفن راسنا زي النعام :36_1_49[1]:!!؟ .. وبعدين أنتي بتقولي رقابه الأهل على الصغيرين ، تعتقدي إن الأهل قعدين لولادهم 24 ساعه !!؟ .. وأنا مش معترضه على طرح الموضوعات ديه اد منا معترضه على الأسلوب والطريقة والتوضيح الفظيـــــــــــــــع اللى بيثير الشهوات أكتر منه ما بيعللم الشخص:36_1_3[1]:

أم نسيبه ودينا الحصري .. انا بتكلم عن الحدود في التوضيح .. الرقابه على الوصف

مؤمنه بالله ورسوله ... أنا معاكي ان ده قسم مخصص للأزواج وثقافتهم في كل شئ في الحياه الزوجيه وطبعا أغلب الموضوعات هنا مفيده جدا:23_11_61[1]: .. بس بجد أنا استغربت من الوصف الفظيييييييييييييييييع اللى في بعض الموضوعات

mon ... ياريت فعلا الأسلوب يبقى أرقى من كده .. ده اللى بتمناه.. ونبعد عن الإثارة وخدش الحياء:36_1_75[1]:

أم الطيب ... تسلمي حبيبتي على رأيك:36_3_16[1]: وفعلا هو قسم مفيد جدا ولكن ... لازم يكون الطرح محترم للموضوع

dall3 ya dall3 شكرا ليكي عن رأيك واظن انتي فهمتي وجهه نظري من ردي على باقي الأعضاء

تحياتي البالغه ليكو جميعا وأنا هدفي أولا وأخيرا رقي المنتدى والسعي لأن يكون الأفضل والأحسن في كل شئ

وجزاكم الله خيرا جميعا

[ايمان فريد]

شوفى ياجميل عندك حق فى كلامك بس والله يمكن من اول مشترك
دخلت قرات موضوع واحد ومن ساعدها مدخلتش القسم خالص
يمكن اكون محرجه لوحد لقه ردى على اى موضوع محرج
بس واللهى زى ما اخواتى الاعضاء قالو ان لازم الاخوات
يس***** من اخواتهم وميدخلوش على منتديات محرجه بالصوره
ومشكوره اختى

[ام البنات الحلوة]

انا معاكي يا انيينا ميصحش حد يقول كلام خارج
ممكن البنات تتعلم لكن مش بالطريقة دي
لازم البنت اللي عاوزه تتعلم يكون عندها شوية حياء
يعني البنت تبقى مش مش عارفة حاجة لكن تعرف اللي يؤهلها
للزواج علشان لاتصدم او تنزعج لكن برضو بحياء واحترام
والسلام عليكم

[ريري]

شكرا ليكى..

وحبيت اكتفى بالمشاركه فى الاستفتاء

[موءمنه]

اولا :انا احييكى اختى جينا واؤيدك فى تفكيرك وخوفك على بناتنا وأى ست عندها بنات ...لازم تفكر تفكيرك ده ....طيب ياجماعه انتم بتقولوا ان الكلام ده بيكون فى قسم معامله الازواج ..صح ..طيب ايه رأيكم انه بيخرج كمان عن هذا القسم وبيكون
على شكل نكت وتعليقات موجوده فى اقسام تانيه هنا ....واكيد معظمنا شافها ........
بصراحه ....والمفروض انى اكون صريحه ...انا مش حابه ان الكلام أو عرض المعلومه يكون بالاسلوب ده ويتبع مثل هذه المواضيع كمان تعليقات .......لاتليق
وانا فعلا اخاف ان ينزلق منتدانا الذى احبه جدا جدا الى هذا المنتدى ...وفى نفس الوقت انا لااريد ان يغضب من كلامى أى احد فى هذا المنتدى ...لان انا احبهم كلهم
بس اقول احساسى فى الفتره الاخيره ..من خوفى على منتدانا ...بيتى الثانى ..واشكرك جينا حبيبتى على طرحك للموضوع.

[toto s]

هو يمكن معاكي حق
بس انا برايي البيت اللي لسه متجوزتش لازم تتثقف وتعرف هاي الغشلات
احنا صرنا بزمن متطور ولازم البنت لما تتجوز تكون عارفه تقريبا كل شي
وانا رايي لما الكلام بحدود يعني مفيهوش قلة ادب يبقى مفيهاش حاجه

انا معاكي انو في بنات لسه صغيره شويه وعيب تعرف هيك شي على بكير
وشكرا على موضوعك

[ام سراج]

ienna
اختي الغاليه
قبل ما اقولك رأيي..حابه اقولك انك شبه اختي الصغيره خجوله جداً..وحساسه ..وبتخجل من مجرد ذكر المواضيع دي..مش قرايتها ..ودي حاجه كويسه ومطلوبه في البنات..والستات(ماعدا مع ازواجهم)
نيجي بأه لموضوعك
بصراحه..انا دخلت القسم لكن ماقابلتش مواضيع فيها شرح دقيق زي ما انت بتقولي...قصدي يعني اني ماقريتش حاجه منهم فمش قادره احكم بالظبط هل الكلام زايد عن حده ولا لأ
لكن ..انا اتبسطت بوجود قسم زي ده..لأن فيه حاجات مفيده جداً..وبتساعدنا ومعروف ان نيتنا إرضاء ربنا باننا نرضي ازواجنا ونحفظهم من الاغراءات..
لكن في حدود..يمكن انا مع