[حى على الجهاد]

السلام عليكم ورحمة الله وبركاته


كل سنه وكل فتوكه طيبه وبخير . انا عايزاك تساعدونى لانى اول مافكرت اسال حد قلت اسال اخواتى فى منتداى حبيبى قلبى
الوقتى خطوبتى فى العيد ووشى با يظ خالص الحمد لله مفيش حبوب ولا حاجه بس دايما يبان انى مجهده وفى هالات سوده حولين عنيا .وبحس ان فيه بقع.يعنى جزء افتح من جزء
ياريت اللى تعرف اى ماسكات سريعه تفيدنى تقولى.
ورجاااااااااااااااااااء ياريت اللى تدخلى تقولى رايها اعمل ايه؟

اذا اعجبك الموضوع و اردت نشره في المنتديات الاخرى فاستخدمي هذا الرابط:
ياريت كل فتوكه تدخل تقولى اعمل ايه؟؟؟؟؟؟
http://forums.fatakat.com/thread55146

[monee_2020]

شوف يا جميل انتى تحافظى على مواعيد نومك تنامى بدرى وتشربى ميه كتير فى اليوم ده بينضر الوش وروحى قسم الاناقه والجمال قسم البشره وعلى فكره انا ليا موضوع كامل عن البشره شوفيه اسفل مشاركتى
وقولى ايه رايك

[nosha_ali2010]

احسن حاجة دلوقتى انك تستخدمى ماسك الزبادى والخيار او اللبن والترمس المحطون
وتهتمى بالترطيب جدا

والف مبروك يا قمر

[مصرية ميه بالميه]

اشربي ميه كتير ونامي على الاقل 8 ساعات يوميا وحطي خضار على وشك زي الخيار وكلي فاكهة وخضار على قد ما تقدري

[روضه الجنه]

(اهلا بالأموره فتوكه شوفي ياستي انتي تجيبي معلقتين زبادي وبياض بيضه وملعقه كبيرة نشا وتخلطي )وبعدين تعملي الماسك وخلي بالك متضحكيش او تعملي اي تعبيرات بوشك علشان مايتقشرش خليه ينشف وبعدين اغسليه بماء دافي مع ماء ورد وتيقي قمر وبشرتك تبقي ناعمه جدا بعدها ادهني اي كريم مرطب والكميه الباقيه احفظي في الثلاجه لتاني يوم وردي عليا وبشريني

[عصفورة فوشيا]

هاقولك ماسك كدة مفيد للبشرة المجهدة


جزرة مبشورة
عصير ليمونة
زبادى او لبن
ملعقتين عسل

الاول اخلطى الزبادى والجزر ,, او اللبن والجزر بالخلاط

وبعدين ضيفى ليهم الليمون والعسل ,, وقلبيهم كويس ,, بس مش بالخلاط

توضع على الوجه نصف ساعة ,, وبعدين اشطفى وجهك بماء عادى ,,

وبعدين بللى وجهك بماء ورد

وبس

[أمونة..]

الف مبررررروووووك ياقمرعقبااال الفرحه الكبيرةحطى على وشك ماء ورد كتير ونامى كويسزى ماالفتوكات قالولك وربنا يتمملك بالف خير

[نهى محمد طاهر]

الف الف مبروك وعقبال الزواج

المفروض كنتى تكتبي بشرتك نوعها اية علشان ادلك على المسك الصحيح
بس على العموم انا هقولك مسكات لجميع انواع البشرة والف مبروك ياعروسة

اولا : للبشرة الدهنية

- معلقة كبيرة شوفان مطحون ( هتلاقية عند العطار )
- معلقة كبيرة لبن حليب
- معلقة كبيرة من عصير الليمون
- معلقة كبيرة من الخميرة البيرة
- معلقة كبيرة من ماء الورد
- معلقة كبيرة من زيت الزيتون
تخلطى كل هذة المكونات مع بعض وبعدين تحطيها على وجهك وتتركيها لحد ماتلاقي وشك ابتدى يشد وبعدين تغسليها بماء دافىء

ثانيا : للبشرة الجافة

اذا كانت بشرتك جافة فانا انصحك باتباع الاتى :
1- يجب الا تستعملى انواع الصابون العادية واستعملى الصابون المصنوع من الزيوت
2- وقبل النوم اخلطى عصير ليمون مع لبن حليب وجلسرين وضعيها على وجهك

وهقولك كمان وصفة لجميع انواع البشرة علشان لو مش عارفة نوع بشرتك اية

معلقة كبيرة عسل اصلى
2 معلقة زبادى
خيارة مبشورة
ابشري الخيارة وضعى العسل مع الزبادى وضعية على وجهك الى ان يجف ويتكتل ثم اغسلى وجهك بماء بارد

يارب اكون افتك والف مروك

[GHazal alex]

اولا الف مبروك
وبعدين ده طبيعى لانك اكيد قلقانه ومتوتره قبل الخطوبه وعايزه كل حاجه تمام انا راى تشوفى دكتور بجانب الوصفات الطبيعيه لان الوصفات مهما كان مفعولها سريع بتاخد وقت اطول ونتيجها مش مضمونه .
وعلى فكره ده طبيعى جدا و فى الكوفير مع الميكب كل ده هيختفى عن تجربه متقلقيش.