[moon_sakr]

ازيكم ياقمرات
انا عارفة انكم مش هتخزلونى ان شاء الله وهتسعدو ام جديدة بتجرب فى ابنها كل حاجة
انا ساكنة فى شبرا الخيمة وابنى داخل كى جى ون ان شاء الله وبدور له لى مدرسة كويسة
ولسة محتارة بين الازهرى والاسلامى
انا النهاردة اتصلت بالمدرسة دى وكان الرد كالاتى

السن من 3 ونص
المصاريف 850 على قسطين و550 باص و130 كتب و120 لبس
دى مصاريف السنة دى وممكن تزيد 100 جنيه السنة اللى جاية
بيدرسو ايه؟
بياخدو قران ولهم محفظين وكل حاجة بس ممكن يمتحنو فيه او لا ولو امتحنو مش بيضاف للمجموع طبعا
المواد الحكومية عادى + مستوى رفيع انجلش من كى جى
وبياخدم فرنساوى من رابعة
التقديم من شهر 6
وممكن اى واحدة تبص على المدرسة فى اى وقت فى اليوم الدراسى من الساعة 8 الى 1


انا بقى سؤالى
عاوزة حد جربها قبل كدة ويدينى تفصيل عن كل حاجة
مستوى الاخلاق والتربية والالتزام بالنسة للمدرسين واهتمامهم بالقران

المدرسة دى خاص عربى مش لغات بس بياخدو انجليزى مستوى رفيع وفرنساوى من رابعة
لكن الحساب والعلوم بالعربى
انا الوقتى بفكر ليه كنت متمسكة اوى باللغات ؟؟
ايه اهمية انه يدرس الحساب والعلوم بالانجلش ؟؟؟
طالما هيكون عنده بدل اللغة 3
ليه مايخدش الحساب والعلوم بالعربى ؟؟؟؟
ولا رايكم ايه؟

على فكرة مكان المدرسة للى مش عارفها قريبة من موقف عبود

يارب اكون بفيدكم وكمان تفيدونى

[moon_sakr]

انتو فييييييييييييييييييين؟

[moon_sakr]

انا زعلااااااااااااااااااااااااااانة بجد
:m ood12:
انتو اول مرة تخزلونى بالشكل ده
ولا دعوة حلوة لاولادى حتى

[ام زوزه وعصومى]

يا ستى والله ماتزعلى ربنا يخليلك ولادك ويباركلك فيهم
وبالنسبه للمدرسه انا محتاره زيك وادينى بدور مش عارفه اودى ابنى تجريبى ولا نموذجى
ربنا يوفقنا للخير يارب

[الدولفين]

بصى انا من الاسكندريه يعنى معرفش المدرسه ده بس حقولك حاجه اللغات مهمه حتى فى العلوم والحساب بيفتح مجالات لعمل كتير للعيال دلوقتى وعن تجربه مش بيسالو انت خريج كليه ايه بيسالو انت خريج مدرسه ايه انا عندى ولدين والماث والسينس مهم جدا جدا جدا شوفى مدرسه تجمع بين اللغه والدين لو كنت فى اسكندريه كنت فدتك اكتر باسامى المدارس اللى كده

[moon_sakr]

يا ستى والله ماتزعلى ربنا يخليلك ولادك ويباركلك فيهم
وبالنسبه للمدرسه انا محتاره زيك وادينى بدور مش عارفه اودى ابنى تجريبى ولا نموذجى
ربنا يوفقنا للخير يارب

بصى انا من الاسكندريه يعنى معرفش المدرسه ده بس حقولك حاجه اللغات مهمه حتى فى العلوم والحساب بيفتح مجالات لعمل كتير للعيال دلوقتى وعن تجربه مش بيسالو انت خريج كليه ايه بيسالو انت خريج مدرسه ايه انا عندى ولدين والماث والسينس مهم جدا جدا جدا شوفى مدرسه تجمع بين اللغه والدين لو كنت فى اسكندريه كنت فدتك اكتر باسامى المدارس اللى كده

جزاكم الله كل خير ياقمرات

ها يابنات مين تعرف المدرسة دى ؟
حد يدينى خبرته

[moon_sakr]

اااااااااااااااااااااااااب

[moon_sakr]

اللهم ارشدني للخير

[قارعه ابواب السماء]

انا نفس وضعك والله محتاره على الاخر ومش عارفه اعمل ايه وربنا يوفقنا فى اختيار الاصلح لولادنا

[مى و محمد]

انا بقى اعرف المدرسة دى كويس ووديت بنتى فيها فى كى جى 1 بس بصرلحة مستواها معجبنيش ولا مستوى المدرسين ولا حتى المدير وبالنسبة انهم بيحفظو قران فبردو مفيش غنى عن البيت ودورك مع الطفل وكانت بنتى بتيجى مش حافظة حاجة من هناك وانا اللى بحفظها كانها اواول مرة تاخد الصورة وبالطبع حولتلها لمدرسة لغات لانى حاسيت انى مستوى المدارس العربى هو هو الحكومى و بس انضف شوية وساعات مبيبقاش فية فرق لكن اللغات بتحسى ان ابنك بيستفاد وان فرق التعليم واضح