[hagar hend]

السلام عليكم
مش عارفة اسمي موضوعى ايه
هو اه خاص بيا انا لكن بيشاركنى فيه اخويا
اه اخويا (اكبر منى بسنتين وكنا اصحاب جدا اى مشكلة عنده يحكيهالى وانا كمان اى مشكلة عندى احكيهاله لحد ما فى يوم فقد الثقة فيا ومعاملته معايا اختلفت 360 درجة وطبعا زى ما هو بقى يعاملنى وحش انا كمان مبقتش اعامله اصلا والتغير ده بدء من ساعة ما عرفت انه بيشرب سجاير من ورانا ........
انا ساعتها كلمته كتير جدا وحاولت اقنعه بس كان خلاص مكنش يقدر يستغنى عنها
واستغنى عنى انا بقى يشتمنى ويضربنى ويقولى الفاظ مينفعش تتقال لبنت وكل ده عشان فاكر انى قولت لبابا وماما وانا بقالي 4 سنين عارفة ومش قولت لحد خالص مش خوف منه خالص بس خوف على امى وابويا
اللى ربونى انا وهو احسن تربية على الدين والاخلاق والمبادئ كنت كل لما اجى اقولهم لسانى يتلجم لانه كمان كان بيسقط فى الكلية واترفد من جامعتين وفى الاخر راح معهد خاص وكانت ماما ديما بتحاول تعرف الاسباب بس كان بيقبل اطمئنانها عليه بقلة ادب لدرجة انه كان بيقولها كلام جارح جدا
المهم مروا ال 4 سنين وعلاقتنا كل يوم فى الاسوء واليومين دول بس عرفت انه مش بس بيشرب سجاير عادية لا وكمان بيشرب مخدرات...............دلوقتى مش اقدرة اكتر انى اقول لاهلى لان الصدمة هتبقى اكبر
انا فعلا حاولت ابعده عن اى حد يجره للطريق ده بس هو متقبلش اى نصيحة منى لانه شايف انى اصغر منه مينفعش انصحه ودلوقتى بعد ما قفل اى باب بينا لعلاقة كويسة عايزنى اتعامل معاه كويس وهو عادى يعاملنى نفس المعاملة اللى بيعاملنى بيها وانا بدئت احلم بيه احلام وحشة جدا وحلمت بيه كذا مرة وهو بيغتصبنى وبقيت اخاف حتى اقعد بنص كم قدامه
مش عارفة اعمل ايه وارجع نفسي ليه ازاى اخت وصديقة بجد مش قادرة وعايزاكم تساعدونى لان اخويا هيضيع منى .....شكرا

اذا اعجبك الموضوع و اردت نشره في المنتديات الاخرى فاستخدمي هذا الرابط:
محتارة فى عنوان المضوع ده
http://forums.fatakat.com/thread55446

[نشوة]

السلام عليكم انا هقولك لية هو بقى عصبى
اولا السجاير بتعمل تهيج عصبى فطبيعى انة يبقى عصبى
كمان الواحد لما يعمل حاجة غلط بيحاول يداريها بالزعيق والاسلوب دة
ذى المثل الى بيقول خدوهم بالصوت لا يغلبوكم
انكم تبقوا اصدقاء فى الوضع الحالى استحالة لانة مش هو اخوكى بتاع زمان
انك لازم تقولى لاهلك دة شىء ضرورى عشان يلحقوة لحسن يضيع خالص
وياريت تقولى لحد ممكن يتصرف بحكمة
دى مش فتنة دة خوف علية عشان الموضوع ما يطورش

[أم أسيل ليلو]

سكتى فى الاول وادى المشكلة كبرت اكتر وانتى مش عارفة تقولى لحد بس متهيئلى ان الافضل تقولى لان لو حصل حاجه لقدر الله مش هتلومى غير نفسك
لو مش قادرة تقولى للى فى البيت شوفى حد بتثقى فيه داخل العيلة
وادعى ربنا يهدية

[mon]

لزم تداخل من الاهل فورا قبل ما تكبر المشكله المهم انكم تلحقوة بعلاج بسرعه ومتعديش تقوالى ان بابكى او مامتك هتزاعل لا حولى تصرفى وتقوالى لحد

[monee_2020]

يابنتى الله يهديكى انتى لو مش قلتى لاهلك وانتشلوه من المستقع الى هو فيه مين اللى حينتشله تعرفى تقولى لى
وسكتى على غلطه فىى البدايه ومش عرفتى حد وكان بيتعمد يضربك علشان عارف لا مؤاخذه انك حتدارى عليه وبتخفى منه
وسبتيه يعمل الى هو عايزه لحد ما الوضع تطور عمرك ما حتعرفى تعلميه باسلوبك ده اولا ولد ثانيا اكبر منك يعنى شلة السوء اللى هو معاها دى حتكون رسمت له طريقه معاهم
وعدم اخبار اهلك بالشىء الخطير ده معناه انه رايح للضياع وانتى فى ايدك الحل ومش عايزه تقوى لحد طيب ازاى حتنقذيه من اللى هو فيه

[مصراويه]

طبعاً كان لازم تقولى لأبويك من الأول خالص على حكاية السجاير كانوا حاولوا
يفهموه خطرها ويبعدوه عنها ---- ولسه كمان عايزه تسكتى على حكاية
المخدرات ؟؟؟؟ لأ طبعاً لازم تكلمى وتقولى لو خايفه عليه بجد.
وربنا يصلح حاله هو وإللى زيه.

[undonelife]

السلام عليكم انا هقولك لية هو بقى عصبى
اولا السجاير بتعمل تهيج عصبى فطبيعى انة يبقى عصبى
كمان الواحد لما يعمل حاجة غلط بيحاول يداريها بالزعيق والاسلوب دة
ذى المثل الى بيقول خدوهم بالصوت لا يغلبوكم
انكم تبقوا اصدقاء فى الوضع الحالى استحالة لانة مش هو اخوكى بتاع زمان
انك لازم تقولى لاهلك دة شىء ضرورى عشان يلحقوة لحسن يضيع خالص
وياريت تقولى لحد ممكن يتصرف بحكمة
دى مش فتنة دة خوف علية عشان الموضوع ما يطورش

فعلا السجاير بتخلي الواحد يتعصب لاتفه الاسباب ويخرج عن شعوره، أعتقد ان في ادويه بتساعد على ترك السجاير ممكن تسألي صيدلي

[ام جيهان]

شوفى هقولك على حاجه من بداية ما حكيتى عن اخوكى وتغيره معاكى قولك مستحيل يكون السبب السجاير بس
وكمان مش المخدرات بس اكيد فى اصدقاء سوء ورا اللى بيحصل لأخوكى ده كله
وانتى صح لما حافطتى على نفسك وخفتى منه
بس فكرى بعقل شويه
شوفى عمك او خالك او اى حد يكون شخصيته قويه ويقدر يستوعب الموقف ويوقف اخوكى ده عن حده
وانتى حاولى تققلى التعامل معاه على قدر المستطاع
مش تضمنى فى مره يكون شارب يعمل فيكى ايه ولا تشوفى ايه منه
ربنا يهديه هو واولاد المسلمين
ويحميكى منه يارب
وابقى طمنينى عليكى

[كتاكيتو بنى]

انا شايفة انى اهلك لازم يعرفو موضوع المخدرات
لانى اخوكى مش حيتصلح غير لما يتعالج

[رومانسيه]

انا حاسه بيكى
لانه اخويا تقريبا زى اخوكى
بس هو وصل للدرجه الاهانه ادام اصحابه وهنا انا وقفت بابا وماما ورجع لعقله تانى
حاولى تتدهخلى الاهل لانهم ادرى وكمان زى ماقالت صحبتنا
انهم اصدقااااااااااااااااااااء السوء مش اكتر ولا السجاير تمل كده
ابقى طمنينى عليكى