[بوبا]

السلام عليكم ورحمة الله وبركاته

اخواتى الفتوكاتانا ممكن تكون دى اول مشاركه ليا بس بجد عايزه رائيكم بدل ما خلاص هشد في شعري.:36_1_46[1]:
انا اتخطبت فى شهر اتنين وانا من اول ما اتخطبت اهلى مضايقين علينا اوى طبعا حقهم وانا طبعا مؤيده دا وكنت بقعد معاه باحترام وهو نفسه كان مش بيحاول يعمل حاجه. ولو فى يوم جاى اشيل هم جيه بسبب خوفهم وقلقهم ومشاكلهم.
المهم اتكتب كتابى فى شهر 7 الحمدلله وقولت الحمدلله كدا هيهدوا حبه عليا انه بقى خلاص حلالى يعنى لو جالى مش هيبقى خوف ولا قلق وحركات من دى وحقه انى اقعد معاه براحتى بدأ ييجى مره واحده فى الاسبوع ولو فى حاجه عايز يجيبهالى ممكن يستأن يوم ووييجى برده بلاقى نفس المعامله الخوف ويتضايقوا لو جاى ويشيلونى هم الدنيا وطبعا هو ليه حقوق عليا وانا عارفاها وعارفه حدودى معاه كويس لكن للاسف اهلى مش بيدونى الثقه دى بيفضلوا طول ما هوا موجود لو ماما حست بسكوتنا ولو ثوانى تفضل ترزع وتعمل نفسها جايه علينا وحركات قلق من دى انا مش شايفه ان كل دا ليه لزمه ليه مش بيدونى حبة ثقه واقعد مع زوجى على راحتنا اقدر اقوله حاجه اقدر اكلمه براحتى . دا غير ان ماما عايزانى احكيلها كل كبيره وصغيره بتحصل وانا مش عايزه دا ولو فى مره ذلت لسان وكنت متشاكله معاه وحكتلها حاجه تعيش فى نوبة القلق ربنا يستر ليطلع وربنا يستر ليطلع وتجيبلى شكوك وافكار عجيبه . انا مؤمنه ان كل زوج وليه طريقه فى التعامل وانا عارفه طريقة معامله جوزى ومش بدقق معاه وامى مش عايزه كدا لا عايزانى اقف على كل كبيره وصغيره معاه وانا مش عايزه كدا ولا هبقى كدا بس مش عارفه اتعامل معاها ازاى وفاتحتها فى قلقها والحركات اللى بتعملها وهو موجود قالتلى انتى بجحه وازاى تكلمينى كدا دانا مكسوفه اكلمك فى الموضوع دا متتفتحيش معاه عشان يتنحرش ويتجوز انا عارفه كل دا وعارفه حدودى معاه لكن برده هوا ليه حق عليا انا مراته امام الله والناس ومقدرش اصد كل حاجه ... فيدونى بليز انا الصح ولا الغلط واتعامل معاها ازاى؟:36_1_3[1]:

اذا اعجبك الموضوع و اردت نشره في المنتديات الاخرى فاستخدمي هذا الرابط:
افيدونى افادكم الله.... خلاص زهقت
http://forums.fatakat.com/thread55765

[مساحة ود]

حبيبتي بوبا أرى أن تمنحي والدتك بعض العذر في تصرفاتها تجاهك فهي مثل كثير من الأمهات ممن يشعرن بالقلق في حالة إرتباط أبنائهم فهي تقول لنفسها الآن "أنا الأم التي ربت و كبرت و تعبت كثيرا ثم يأتي مثل هذا الشخص ليأخذ إبنتي من بين أحضاني ليزرعها بين أحضانه هو "هي ببساطة تغار من زوجك و تشعر أنه يسرقك منها و كونك تحاولين إبعادها عن حياتك الخاصة يزيد من حدة المشكلة لديها ....و الحل أن تشركينها في بعض الأشياء الخاصة بك و لكن على صورة إستشارة و طلب النصيحة منها مثلا قولي لها في البداية أنك تريدين إضافة بعض لمسات الديكور لشقتك و لكنك تحتاجين إلى ذوقها و بشدة و تدرجي معها في الطلبات حتى تشعر بأنك لازلت إبنتها التي تحتاج إليها ...و لا تتركي الأمر لبعد الزفاف لأنه قد يزداد سوءا لا قدر الله

[بوبا]

شكرا اختى مساحه الود على ردك الجميل وبحاول والله وبجد انا مش فصلاها لكن هيا عايزه تعرف اللى بيحصل بالتحديد ودا مينفعش وحتى لو لقيت مشكله هايفه ممكن احكيها تستقصد تبينله انى حكتها واقع انا فى مشكله اكبر

[ساره مصطفي]

يا حبيبتي ماما عندها حق
هو جوزك وحبيبك علي عيني وراسي
بس انتي مش مراته يعني عندنا في مصر ما يقدرش ياخدك ويروح دلوقتي قبل الزفاف صح
انتي بتسمعي اكيد المشاكل اللي بتتعمل في وقت كتب الكتاب والقرب الزياده اللي ممكن بعيد الشر البنت تفرط في نفسها
مش باقول لا سمح الله انك ممكن تعملي كده بس اا باقول العرف والعادات عندنا ان ده مش جوزك فاهمه قصدي
احكي لماما عشان تريحيها صدقيني ح تحتاجيها بعد كام سنه وح تحكي حاجات كانت بتحصل وقت الخطوبه كان ممكن تتغير تغيير جذري قبل الزفاف لمصلحتك
مش باقول كله كله بس تعرف وفهميها بشويش انها تعمل ولا عارفه حاجه
فاهماني طبعا
الراجل بيحب الست اللي تحفظ اسراره
هي كويس قوي انها مش بتقعد معاكم في غرفه واحده زي ناس كتير اعرفهم وربنا يخليها لك بترزع في الحاجات لما تلاقي مفيش صوت يعني مش بتعمل هجوم هي بس بتقول اتلموا
هههههههههههه
مش قصدي علي الغلط والله
بس هي ماشاء الله عليها بتتعامل بطريقه محترمه
ربنا يخليها لك وح تعرفي ان كله عشان مصلحتك

[ام سيف ومريم]

بصي يا بوبا انتي لازم تعذري ماما

وده مش يضايقك حبيبتي عارفه ليه

لان ده يعززك قدام خطيبك ويعرف ان اهلك محافظين ويعرف ان انتو اصلكم كويس وبيت محترم

مش معنى انه كتب كتابه يبقا خلاص بقا يعيش ويهيص

انا عارفه انك فاهمه حدودك بس هما كل الاهل كدا

انا اهو زيك مخطوبه لكن فيه برضه حدود بينا ولازم احترم ده مع اهلي

وبابا لما قعد مع خطيبي وفهمه شروط وقواعد كدا علىشان يكون على علم

عارفه خطيبي مزعلش بالعكس فرح جدا

وقالي انا فرحت لما لقيت بابا بيحافظ عليكي وقدرتك جدا جدا

فاللي بتعمله ماما ده من حقها وبرضه خوف عليكي

وباين انك بنوتتها الوحيده علشان كدا خايفه عليكي قوي

بصي اقعدي مع مامتك وفهميها بالراحه خالص انك كبيره وعاقله وانك عمرك ما هتتصرفي غلط

انا معاكي ان مش كل حاجه تحصل تقوليهالها

لان خطيبك لو زعلك انتي بتحبيه هيجي يوم ويصالحك وانتي خلاص هتصالحيه لكن هما
مش هينسو انه في يوم من الايام زعلك

اقولك احكي لماما حاجات عاديه يعني ااتكلمتو في ايه جابلك ايه كدا

ومتضايقيش من مراقبتهم ليكي دي لحمايتك انتي والله

وخطيبك هيقدر ده في يوم وعمره ما هيقولك كلمه تزعلك

وربنا يتمملك على خير ونفرح بيكي قريب

وربنا يهديلك اهلك يارب

[بوبا]

شكرا اختى ساره مصطفى على كلامك الجميل ونصيحتك الغاليه

[بوبا]

شكرا ام سيف ومريم وبجد انتوا ريحتونى

والله المستعان الى ما يحب ويرضاه بإذن الله