[المشتاقه الى الجنه]

الحكايه انى عندى ابن عنده سنه وشهر كده وانا عايشه بعيد عن بلدى يعنى انا واجوزى وابنى بس مفيش حد يجلنا ولا اي حاجه بس انا اتعودت بس المشكله فى حبيبى ابنى حسه انو وحيد وعلى طول متعلق بيا استحاله اغيب عن عينو لحظه يموت نفسه من العياط حتى مع باباه وعلى طول لازه يكون على حجرى انا بصراحه تعبت حتى مبياكلش ولا اى حاجه يرضع بس سعدونى ازاى اخلى مش متعلق بيا كده وازاى اخلى ياكل لانه خس جدا

[heba saad]

بصي يا مشتاقةانا عندى اخوية في نفس سن ابنك وانا اللى اعدة معاة ومربيا
وهى العيال في السن دة كدة عاوزينك تبقي شيلاهم وماتعمليش حاجة طب انتى ممكن تخلي اولاد الجيران الصغيرين يلعبو معا جيبيلو لعب وايدى يلعب بيها ولو مش بياكل من ايدك اديلو الطبق هو ياكل يعنى لو مثلا اقلي بطاطس وشيلى منها الاجزاء النشفة وقصعيها على اد القطمة واديهالة ياكلها بايدة بسكوتة بايدة بردة انا بعمل كدة مع اخوية وربنا يعينك
جربى وقوليلي عملتى اية

[مروشكا]

ليه ما تجيبيله أخ؟؟؟؟
لا تقولي مش عاوزه والله بيتسلو مع بعض بس يكبر شوي
وبعدين صار كبير أحسن ما يكون في فرق كبير بينه وبين أخوه أو أخته

[المشتاقه الى الجنه]

يا هبه كل ما ولاد الجيران يجلنا وهما اصلا مابيجوش غير كل فين وفين بيخاف منهم وبيسبهم ويجرى عليا دنا مره رحت عند صحبتى وكان معايا ابنى اولاد صحبتى فرحنين بيه وهو اول ما شفهم جنبه اتخد ويعيط لحد ما خنقنى وخنقهم كمان وبالنسبه ليكى يا مرشكا انا بس خيفه اجيب له حد علشان مش معايا حد يسعدنى فى ولاده ولا وانا حامل انا مليش حد هنا خالص غير ربنا طبعا

[أم لوجى و ملك]

بصى حبيبتى انا عندى نفس المشكله مع بنتى11شهر متعلقه بيه بشكل غير عادى حتى ما بترحش لابوها
بس دى فتره كل الاطفال بيمروا بيها
وبالنسبه للاكل مادام عمره سنه وشهر ابدأى بالفطام وهو هياكل غصب عنه
كانت بنتى الكبيره كده ولما فطمتها ما بقيتش ملاحقه عليها اكل
سنه رضاعه كفايه اوى

[رونا]

يااااااااااااااه أخيراً لقيت حد نفسى يصبرنى
واللهى عيطت وأنا بقرأ كلامى
لأنى كأنك بتكلمى عليا

حاسه بيكى وأد ايه صعب الوضع ده

لما تكونى نفسك تنامى ومش قادره لانى مفيش حد يشيل عنك الطفل شويه
ولا لما عايزه تخلصى الأكل وابنك متشعبط فيكى ويطلع الأكل من كتر التوتر" استغفر الله العظيم" يسد النفس
ولا تكونى عيانه وبتراعى ابنك وزوجك فى حين إنتى محتاجه إللى يراعيكى

حتى الجيران مش محتكه بيهم أوى
ومش بتشوفى حد كتير
وخلاااااااااااص أوقات بتبقى عايزه تنفجرى
ولكن ترجعى تصبرى نفسك وتحتسبى وبمساعدة زوجك طبعاً
بتحاولى تمشى أمورك
والخ والخ الخ...............

مشتاقه حبيبتى افطمى ابنك زى ما قالو أخواتك
وهو فعلاً هياكل
وحاولى كررى أى صنف بيحب ياكلو
ومتجبرهوش على الأكل هيكرهو
ومتشعريش بالقلق والذنب علشان مش بياكل

أنا الدكتور قالى الطفل حتى لو أكلو قليل هو بفطرتو بياخد ما يحتاجه جسم من خلال أكله

لكن مشكلة إنه متعلق بيكى
حاولى يخرج مع والده لوحده حتى لو قعد يعيط لما هيخرج فى الشارع هيسكت
يعنى خلى والده يروح بيه عند اصحابه وكده
وحاولى تنوى قريب تجبيلو أخ أو أخت
ووقت الولاده تنحل يا حد يجليك يا تنزلى على بلدك تولدى
أنا عرفاكى تلاقيكى بتقولى بعد الويل إللى شفتو خلااااااااااااص محتاجه راحه سنتين كمان
المهم شوفى إللى يناسبك ويريحك
والمشكله صعبه وحاولى متجهديش تفكيرك فيها
لأنى النتيجه هتكون إرهاق نفسى كبير

أنا بنتى عندها سنه وثلاث شهور ونفس حالة ابنك بالظبط
وأنا نفس حالك بالظبط
وبفكر انزلها عند ماما تقعد معاها علشان تتعود على الناس
بالرغم إنى ده شئ صعب عليا كتييييييير إنى أسيبها
ولكن من كتر الفزع إللى بتعملو والعياط الهستيرى لما أى حد يحتك بيها أو لما أروح أطعمها
حتى أوقات والدها
بتعيط منه

ربنا يعينك ويعينى ويعيينا جميعاً

[مروشكا]

لا تقولي مفيش حد يساعدني الولاده تهوين من رب العالمين طبعا ولا امك أو أختك بتهونها عليكي
ولما تقرري تحملي بعد ما تفطمي لازم تمهدي له بالكلام وأكيد هيعرف أنو في بيبي
جاي على الطريق
وطبعا زي ما قالت رونا خلي أبوه ياخده معاه حتى لو عيط لا يرد عليه
وأنا عايشه ببلدي وبين أهل زوجي وأهلي ومافيش حد بيساعد فمافي مشكله المهم الخطوه الأولى بتكون دايما صعبه

[رونا]

عندك حق مروشكا

ممكن نكون وسط أهلنا ومحدش بردو يساعدنا

المهم فعلاً إحنا نتغلب على مشاكلنا بنفسنا.

وكلو فى الأول والأخير توفيق من عند ربنا

وإلا لو إنتظرنا أحد يساعدنا البيوت هتخرب

[Marwa Esmael]

اناا ظروفي ممثله بنتي هتم سنه بعد عشر ايام ان شاء الله ومتعلقه بيا وبأبوها بطريقه بقت تخنقنا وقبل مانبعد عن بلدنا كانت اجتماعيه جدا بتروح لأيي حد وتضحك للجميع دلوقتي عنيفه وعصبيه جدا ومش بترضى تروح لحد وملتصقه بيا لدرجة اني بجد صعوبه مش بس في الطبخ وتنظيف البيت ولكن ايضا في دخولي الحمام لقضلء حاجتي تترعب وتصرخ وتبكى وتخبط علي الباب رغم ان غيابي لحظات. بلنسبه للأكل جربي الجربر العيل كلها بتحبه سهل وطعمه حلو أو اعمليه في البيت
هقولك ازاي قطعي خضار بطاطس,جزر,كوسه,بروكلي وحطيهم في مصفي وحطيهم علي حله ميه بتغلي يعني سويهم علي البخار وبعدين اضربيهم في الخلاط وجهزي مياه علي معلقه نشا ومعلقه نيدو قلبيهم علي النار وضفلهم الخضار ولما يربط اطفى عليه ممكن تعمليه بالفواكه
ان شاء الله يحبه,جربي السيريلاك بالعصير اعجنى السيريلاك يعصير برتقال اة اناناس مثلا,اديلو بسكويته ىو لقمه خبز في ايده.حاولي تنوعي علشان مايملش هتيلو زبادي بالفواكه حاولي واصبري ولاتيأسي كل العيال بتغلب في الأكل وقللي الرضعات بالتدريج علشان يجوع وياكل يارب اكون افدتك وهونت عليكي ربنا معاكي ومعايا ومع اللي زينا

[lidia]

عزيزاتى انا عن تجربة بقول لكم ان السبب مش وجودكم لوحدكم بالخارج هو سبب ارتباط اولادكم بكم , دى بتكون طبيعة فى البيبي نفسه يعنى انا بنتى رغم اننا عايشين بالخارج ولا نرى احد الا نادرا كانت فى البداية بمجرد رؤيتها لحد غريب تبكى , ولكن لنا كبرت شوية بقيت عادى ما بتخاف , اما ابن اختى ورغم انه عايشفى مصر وسط العائلة الا انه للآن وعمره عامين بيخاف من اى حد غريب وما بيرضى يسيب امه حتى وهى داخلة التواليت وانتوا بكرامة .
فلا تقلقى ممكن بعد فترة تتعود على وجود ناس انتى اخرجى بها كتير علشان تعتاد على وجود ناس غيرك حولها .
انا وبنتى عندها سنة و3 شهور فكرت اجيب لها اخت علشان تتسلى معاها ويكبروا سوا والحمد لله رزقنى ببنتين تؤم ما شاء الله عليهم وولدتهم بالخارج و ما كان معى حد و مشى الحال , يعنى لا تقلقى ربنا عالم بحالنا وبيسهل الأمور

[coca]

انا بجد متأسفة علشان مش حقدر افيدك علشان متعملتش مع اطفال قبل كدة بس انا اهتميت علشان ابقى عارفة مشاكل الاولاد من قبل ما يجى ان شاء الله تعرفى تحلى مشكلتك ربنا معاكى ،،،،،،،،،،

[هبة فؤاد محمد]

انا كمان زيك بالطبط بس لان الطفل بيكون الام اقرب لية بسبب الرضاعةو ارتباطة بيها دة شىء طبيعى

[monee_2020]

السلام عليكم حبيبتى انا الحمد لله معى 3 بس اللى غلبتنى بنتى الكبيره اه الحمد لله هى عندها 5سنوات دلوقتى بس مش انا اللى كنت باشتكى منها دى العيله كلها غير القدره العجيبه على العايط بصوت عاالى توصل اكتر من ساعه تخيلى لكن صدقينى الطفل لسه صغير وانا اتعلمت فى بنتى دى حاجات كتير ولما ايجه ابنى التالت كنت ارضعه واشبعه ولما كان يعيط وهو صغير كنت اسيبه البامبرز نضيف وشبعان اتعود ان انا لما يعيط مش حاسال عنه ابتدى هو يسلى نفسه وانا اراقبه دلوقتى عنده سنه واربع شهور وابوه مسافر باسيبه مع اخته على الكمبيوتر اللى كانت معزبانى هو الطفل بيبكى وعارف انه لما يبكى انتى حاتشيليه فيبكى مشلازم لما يبكى نسرع ونشيله خليه يعيط وبعدين البكاء مفيد انا كنت اكتر واحده بتموت فى الاولاد ولكنى اتعلمت فى ابنى ان انا ازاى اخليه مش ملتصق بى بالراحه جيبله لعب او شىء بيحبه عينيه ولما يبكى طلعيه له خليه يطلع مع حد غيرك ويشترى له مثلا حاجه ابوة مثلا وسنه لسهصغير وخصوصا انه لوحده الاولاد بتسلى نفسها مع بعض

[ام شوشو]

عليكى نور فعلا الاطفال وهم فى السن الصغير بيحتاجه زكاء وصبر فى تربيتهم
وتجربتى مع بناتى الاثنين شفت فيهم نفس المشكلة .البكاء المستمر والعناد وعدم الاختلاط بلناس ولسة بعانى من المشكلة مع ان بنتى عندها 6سنين ولسة بتعيط علطول ومبعرفش ارضيها حتى لو عملتلها ايه بس خلاص خدت على كده
ويارب يهدى اطفالنا جميعا ولازم الصبرررررررررررررر

[أم الطيب]

انا مع ليديا في ان الموضوع مش انك لوحدك ، يعني انا ساكنة حماتي تحتي واخو جوزي تحتها وعنده ولاد في عمر ولادي وامي واختي كل واحدة منهم بيني وبينهم 5 دقايق مشي، وكنت بروحلهم على طوووووووووووول وباخرج، ومع ذلك كان ابني الكبير لغاية 3 سنين متعلق بيا جدا والموضوع ساء اكتر لما رزقت بالولد التاني بعد سنتين من ولادة الكبير ولما اروح لامي يفضل برة الباب مش عايز يدخل ولما حماتي تطلع لنا ما ينطقش ولا كلمة طول ما هي قاعدة، ووديته لدكتور وطمني انه الموضوع ده ما يقلقش وهيتظبط لما يدخل الحضانة وفعلا تعبني لغاية الترم التاني في اولى حضانة لما بقو يشتكو من شقاوته.
اصبري عليه وخرجيه كتير مع اولاد في سنه ما يعرفهمش وفسحيه واهم حاجة ماتحمليش دلوقتي لان الموضوع هيزيد معاه زي ما حصل مع ابني.

[heba saad]

بصراحة انا مش متزوجة بس عندى خبرة في تربية الاطفال لانى انا اللى مربية اخواتى وانا من راى الاخت ام الطيب انك متخلفيش دلوقتى صعب شوية في الوقت الحالى انك تخلفي ومش هتقدري على الاتنين مع بعض اصبري شوية لغاية ما يشد حيلة ويكبر شوية وبد كدة فكرى في الخلفة التانية وربنا يعينك ويقويكى

[المشتاقه الى الجنه]

جزاكم الله خير بس وهو فى مصر كنت بتر كه مع اهلى بالسعات وما بيعيط الان كل لما يشوف حد يتششعبت فيا ويبكى ده حتى ما بيتكلم خالص ولا حتى ماما ولا بابا ولا يعرغف اسمه مع انى اعرف واحده ماشاء الله عليه 10 اشهر وبتكلم مش عارفه والله انا نفسلى تعبت من الوحده نفسلى حد يجيلى وحتى بكون مخنوقه ومش لقيا حد اكلمه ربنا يرزقنى الصبر انا عرفه انى احسن من ناس كتير وربنا يخليكم حسيستونى انى ممكن اتكلم مع حد واحكيله وانا فعلا هصبر شويا

[أم مريم]

انا بنتى عندها سنه و 3 شهوروهقولك بقى خبراتى و قراتى وتجاربى
اسمعى يا ستى بقى اهم سلاح عند الطفل هو دموعه فعشان كده مش مهم انها تعيط سيبيها تعيط هى من نفسها هتزهق و تسكت او تتلاهى فى اى حاجه بعد شويه.
- الطفل فى السن ده يرضع 3 مرات بس فى اليوم الصبح و بعد العصر كده و قبل ما ينام.
- مهما تعيط علشان ترضع متسأليش فيها و اديها اى حاجه تانيه اديها ميه مثلاً تشرب أو اى حاجه
- حاولى تخليها مع باباها يخرج بيها اى مشوار صغير أو سيبيهم انتى واخرجى مده قصيرة أ ادخلى قوضتك مثلاً و اقفلى عليكى المهم متهتموش ابداً لعياطها لانها ذكيه و فاهمة انها لما تعيط هتاخد اللى هى عايزاه
انا عملت كده مع بنتى يومين تلاته تعب شويه بس بعد كده بقت تمام واتعودت على كده
وبعدين لما تكون مش عايزه تاكل مش مهم لما تجوع قوى هتاكل بس المهم متضعفيش و ترضعيها.
يارب اكون قدرت افيدك

[دلوعة زوجها]

شوفيلك شي بيبي سيتر بنت حلال تساعدك فيه و تخليه يخف عنك

تاخده الحديقة .. تلاعبه .. تحممه .. تطعميه

[ام القاسم]

افضل طريقة علشان ابنك يخف عنك تجيبيلو اخ يلعب معه ويكبروا مع بعض تعب واحد زي تعب اتنين اما علشان ياكل من غير تعب لازم يجوع ومتخفيش علية اذا مكلش بعد شوي حياكل
حبيبتي ابن ابني الاخير عمره .سنة واربع شهور وبحاول ما اخلية ينام الا نصف ساعة بالنهار والنتيجة انة بينام الساعة عشره وبيصحى الساعة 11 تاني يوم بس بيصحى مرتين علشان يرضع والله يكون بعونك