[المشتاقه الى الجنه]

ممكن اعرف ليه كل ما عمل بسبوسه تتطلع تخينه ونشفه مش عيب يكون اصحابى شطار كده وجوزى يعايب عليا ويقولى نشتريها احسن بدل ما تترمى والصراحه بتترمى هو ما بيكذبش قولولى طرقتها بس وانا اعملها

[heba saad]

انا بعملها مرة تصيب ومرة تخيب بس انتى جربي كدة الوصفة دى وقوليلي بصي يا ستى كيس البسبوسة بتعنا العادى دة جيبي كوباية ذبادى +كوب سمنة بلدى+نص معلقة بيكنج بودر+واعجنى مع بعض ولو لقيتيها مسكة شوية حطيلها حبة مية مش لبن اوكى ولما تجلطى المقادير ما تدخليهاش في الفرن على طول سبيها شوية اد نص ساعة كدة وبعدين دخليها الفرن وتكونى عاملة العسل قبليها ويكون بارد وانتى بتحطية على البسبوسة وقوليلى عملتى اية

[أم الطيب]

بصي يا قمر.. اولا احلى نوع في السوق عندنا للبسبوسة هي "الماركيز" حطي عليها المقادير اللي مكتوبة عليها مع زيادة 1/4 كوب جوز هند مبشور ولو عايزة زيادة سوائل زوديلها شوية لبن بحيث انك لما تصبيها في الصينية تفرش لوحدها ما تنزلش كتلة وانت اللي تفرشيها والكيس ده يحتاج صينية مقاس 30 او 32 علشان ما تبقاش سميكة وبعدين حطيها في فرن ساخن شوية على الرف الاوسط على درجة 190 (متوسطة) لمدة 20 او 25 دقيقة وبعدين افتحي الشواية لتتحمر من فوق واول ما تطلع صبي عليها الشربات الدافئ (تحطيله بعد ما تقفلي النار عليه ملعقة كبيرة سمن) بحيث ان الشربات يبقى مغطي البسبوسة وفوقها كمان بنص عقلة صباعك اول ما تصبيه مش على قدها وسيبيها تتشربه لغاية ما تحسي انها طرية ولو لقيتي شربات كتير في قعر الصينية اغرفي جزء من الجنب وميلي الصينية بحيث يصب الشربات في الجنب الفاضي ده. جربيها وهتدعيلييييييييييييي

[ام بسنت]

انابجيب الكيس وبعمل نفس المقادير اللى عليه واهم حاجه انك تحطى الشربات وهو سخن وهى كمان سخنه بتبقى حلوه جدا

[رونا]

بصى يا مشتاقه
سيبك من كل الوصفات دى وركزى معايا هههههههههههههه

لا بهزر أنا كنت زييك لغاية ما اتعقدت
لغاية ما عرفت وصفه جميله جداً وبتنجح على طول
مكوناتها ولكن هتبقى أحلى لو قدرتى تحصلى على دقيق سميد صافى مش كيس بسبوسه جاهز لأنى أوقات بتبقى عليها مكونات بتبوظ الوصفه
ولكن انا جربت ده وده ونجحو الحمد لله
إليك الطريقه::
أول حاجه تعمليها تشغلى الفرن على درجة حرارة (175)
وتدهنى صنيه مدوره بالزيت يكون قطرها من 20 إلى 23 سم
وتكون حيطانها منخفضه
وممكن أى صنيه مقاسها متوسط عندك مش شرط مدوره

المكونات
كوب ونصف سميد أو " كيس بسبوسه"
كوب حليب
2 بيضه
كوب سكرخشن
كوب زيت نباتى
2 معلقه صغيره بيكنج بودر
ذرة ملح
وفانيليا " ويفضل تكون سائله" وتسمى " روح الفانيليا الأصلى"


((الطريقه))

تجيبى الخلاط العادى وتخلطى البيض والفانيليا على سرعه متوسطه
بعد كده تضيفى السكر والزيت
تخلطيهم كويس جداً لمده دقيقتين كده

بعد كده تحطى السميد أو " البسبوسه" والحليب بالتدريج

تصبيهم فى الصنيه وتحطيها فى الفرن من فوق مش من تحت
وهى هتحمر لوحدها كلها من فوق وتحت خلال نص ساعه،،
ولو محمرتش من فوق وحسيتى انها حمرت اوى من تحت حمريها من فوق بالشوايه بسرعه

على طول تحطى عليها شربات بس يكون فى درجة حرارة الغرفه ومش كتير لأنى هى أصلاً جواها سكر
أنا برش كده بالمعلقه لغاية ما أحس إنى غطيتها ،، وبحط بالكتييييير نص كوب ماء من الشربات
خلى بالك لا تسكر ولكن لو بتحبو سكر زودى براحتك

وترشى فوقيها الجوز الهند
وممممممممم يم يم يم هتلاقيها لذيذه إن شاء الله

ولو عايزه افضل طريقه للشربات
أفضل حاجه تكون كمية السكر أكتر من الميه
انا كنت الأول بعمل العكس والشربات يقعد سنه على النار
لكن الطريقه دى مش هياخد منك 10 دقايق

2كوب سكر
1 كوب ماء
نص ملعقه صغيره لمون

أفضل شئ تضعى الليمون فى الأول
علشان الشربات بعد كده ميحجرش
بعد ميخلص ضيفى شويه فانيليل بودر للنكهه

يارب أكون قدرت افيدك
ولو جربيها بامانه تقوليلى

[coca]

بصى يا قمر انا بجيب الكيس بتاع البسبوسة و اضع علية ملعقة سمنة كبيرة و اضيف اليها 2 كوب زبادى و نصف ملعقة بودر و لوكانت محتاجة لسائل بضيف قليل من اللبن و بعد ذلك اضعها فى صنية مناسبة و اضعها فى الفرن و عند خروجها اضع عليها الشربات يكون بارد حتى تكون مقرمشة قليلا ،،،، يارب اكون اديتك فائدة ربنا معاكى ،،،،،،،

[coca]

نسيت اقولك الشربات 2 كوب سكر على كوب ماء و بعد ما يغلى بشوية ضعى علية نقطتين من الليمون و قليل من الفانيليا بعد غليهم بقليل اغلقى النار ،،،،،،،،،

[رانيه]

انا عندي طريقه سهله المقادير:علبه قشطه-نص كوب سكر-2ونص كوب سميد ناعم-بيضه-ملعقه كبيره باكينج باودر-ملعقه صغيره فانيلا-ربع كوب ماي
ندهن صنيه متوسطه طحينه مش طحين ونحمي الفرن شوي بعدين نخفض الحراره ل170 ونضع البسبوسه في الوسط ل 25 دقيقه وبعدين نحمر وجها في اشوايه ونصب القطر (الشربات)وهو سخن وصحه جربي وادعلي

[المشتاقه الى الجنه]

ياااااااااااه دنتو طلعتوا شطرين اوى مش زى وكمان جدعين ربنا ما يحرمنى منكم ابدا انا كل ما احتاج لحاجه هقولكم وانا حبتكم ونفسى اشوفكم اوى بس ان شاء الله ربنا يجمعنا فى الجنه واشوفكم هناك يارب

[مدام ديدى]

السلام عليكم ورحمة الله وبركاته
معاكم مدام ديدى ان شاء الله
انا يوزر جديد هنا ويارب اكون خفيفه عليكم
احب اضيف انى اعرف فى كثير من انواع الحلويات اضافة الى المارون جلاسيه
واى حد يحتاج لأى حاجة هنا انا موجودة على الأيميل
ويا رب انا ابقى زميلة ليكم يا رب
السلام عليكم ورحمة الله وبركاته

[ريري]

ملحوظه:تم حذف الايميل الخاص بمدام ديدى لعدم سماح المنتدى بذلك
اذا اردتم مشاركة مدام ديدى باى شىء يمكن مراسلتها عن طريق الرسائل الخاصه بالمنتدى

[مدام ديدى]

السلام عليكم ورحمة الله وبركاته
معاكم مدام ديدى
انا احب استفسر ليه اليوزر بتاعى لا يتقبل على الايميل الخاص بى
وتحياتى لريرى

[مدام ديدى]

السلام عليكم ورحمة الله وبركاتهانا احب استفسر ليه اليوزر بتاعى لا يتقبل اى رسائل على البريد الالكترونىوانا ايضا احب اقول للاخت ريرى ان تهتم اكثر بالاراء الى احنا نبعتهاوالسلام عليكم ورحمة الله وبركاته

[مدام ديدى]

اختى المشتاقه الى الجنه كتبت طريقه هايله للبسبوسه موجوده فى وصفات الحلويات انشاء الله تطلع معاكى جنااااااااااان باااااااااااااى

[دوللى7]

بصى حبيبت قلبى انا بجيب اكياس بسبوسة اسمها بونو وبعمل نفس المقادير اللى مكتوبة على الكيس مع اضافة شوية ماء مقدار اقل من كوب الزبادى بشوية وبعملها فى الصنية الخاصة بالبسبوسة وبتطلع ما شاء الله جربيها

[أم البراء2008]

خلييييييك معايا جوزى كان بيأكلها ويضحك ويقولى نفس النظام نشتريها احسن -لحد ما لقيت طريقة جنان والله روعة وخلصت فى وقتها- وكمان أخدت وسام الشرف من جوزى-موجودة بعنوان(أخيرااااا عملت بسبوسة رائعة0000