[سوكة الددة البيضة]

عايزة كل فتكاتة متزوجة وعندها اولاد تقولى اولادها شكل مين؟
وبصراحة كده كان نفسك ابنك يكون شبه مين؟

اما بخصوص الفتكوات الغير متزوجات يقولولى هما نفسهم بعد الزواج والانجاب يكون اولادهم شبه مين؟

وكله بأمر الله وارادته ............
قال تعالى ((فتبارك الله احسن الخالقين))
صدق الله العظيم.

[preatywoman]

انا عندي بنت والجميع يقولوا انها شبهي انا انا بقه عايزه لما يكرمني بولد يكون شبه ابوه

[ام بسنت]

انا عندى بنتين واخدين من ام زوجى وام ابو زوجى والحمد لله حلوين

[omyaser]

ana 3andy walad nis5a tania 3n bayo bkil she

[سوكة الددة البيضة]

انا بقى اولادى محسسنى انى بشتغل فى مشروع تاجير الارحام الى بيقولو عليه.
من كتر ما هما شكل باباهم وجدتهم فى الشكل والطبع كمان.

وبصراحة كان نفسى البنوتة تكون شبهى . لكن الحمد لله على كل شى .
وانا بحب اشكر كل من شاركتنى فى الموضوع.

[مروشكا]

أنا أولادي الأربعه بشبهو أبوهم وأهل أبوهم أكتر مني ومن أهلي وخصوصا التاني نسخه عن أبوه
أنا كنت بتمنى جيب البنات أحلى من هيك بس المهم الأخلاق والخلقه التامه
أنا ما بيهمني بس المجتمع عندنا يقيم جمال البنت بالبياض والعيون الملونه
الله يبعتلهم أيام حللللللللللللللللللللللللللوه

[مورة]

انا عندي ولدين الكبير شبهة بابة امور وشعر بني والتاني الناس كلها بتقول انة شبهي مسمسم وملمحة صغيرة ربنا يحافظ عليهم ويحميهم من كل شر

[ريري]

انا عندى البنت بيقولوا نسخه منى وانا صغيره (حتى بينادولها باسمى)
اما الولدين هما فيهم من ابوهم بس اللون متغير ...املى فى ربنا كبير انهم لما يكبروا يبقوا شبه باباهم وياريت فى اخلاقه....ياااااارب

[سوكة الددة البيضة]

ربنا يخلى ليكو اولادكم واولادى.
وفعلا يا جماعة مش مهم الشكل المهم الأخلاق

بس مش ملاحظين استحواز الأب على الشبه فى اغلبية الأحوال؟
بالزمة مش حاجة تغيظ؟:d:d

[eltourky]

انا عندي بنتين
الاولي نسخه مصغره من باباها ف كل حاجه زي مابيقولوا بالميلي
والتانيه تشبه خالها شويه

[أم لوجى و ملك]

انا عندى بنتين
بس المشكله انى انا وابوهم شبه بعض فمتقدريش تحددى هما شبه مين بالظبط
بنتى الكبيره بيضا وشعرها بنى وعيونها عسلى نسخه من ابوها
والصغيره ملونه شويه عيون زرق ممكن منى وشعر اصفر وبياض حاجه قمر والله مش عشان بنتى
ربنا يحفظهم يا رب

[جيهان السيد]

انا عندى اربع اولاد بنتين وولدين محدش منهم شبهى فى الملامح كتير اوى بباهم ومامته لكن ربما بعض الطباع والروح شويه منى ويارب يحفظاولادنا واولاد المسلمين ويجعلهم فى خدمة الاسلام والمسلمين

[أم الطيب]

عندي ولدين الكبير شبهي انا وباباه لاني وجوزي فينا من شكل بعض والولد التاني شكلي انا خالص. ربنا يحفظهم ويجعلهم من حفظة القرآن ومن العلماء ياااااااااااااااااااااااااااااااارب

[annos]

انا بنتى الكبيرة شكل عمتها وبنات عمتها لما بتكون وياهم بحس انها اختهم لان الشبية طبق الاصلـــــــــــ

اما التانية شبة ابوها بس واخدة كل طباعى تشبهنى بالاحساس

[nehal hassan]

انا مخطوبة بس خطيبى نفسة يكون ولادنا إن شاء الله يكونو شبهى انا بقى نفسى يكونو شبهه هو عشان لما يكون مسافر احس إنه معايا

[ام مهند]

انا اولادي الحمد لله فيهم من باباهم كتير بس ملامح
يعني ابني الكبير ملامح مسمسه واسمر مش طالع لابوه في موضوع اللون بس الطبع باباه ثقيل وراسي قوي ربنا يحفظه ليا واشوفه احسن الناس في اخلاقه وعلمه

ابني الوسط ابيض وشعره اصفر وعيون عسلي واسعه وهو واخد مني ملامح وجهه بس انا ابيض واسود مش ملون
الصغير تحسي انه خليط وزي العسل باباه كتييييييييييييير طباع ومشيه وملامح
المهم انه في الموضوع كله كان نفسي حد يطلع شكلي وياحبذا لو بنت ولكن الحمد لله رب العالمين هما بقا يجيبوا

[البرنسيسه]

انا عندي اربع اولاد اول اتنين توأم والحمدلله ولد وبنت الولد يشبهني والبنت تشبه باباها وجبت بنت بعدهم فيها مني كتير والاخير ولد ماخد مني ومن باباه الله يحفظهم ويهديهم

[سندريلا79]

انا عندى ولد واحد والحمدلله شبه والده وشبه حماتى بالظبط نسخه طبق الاصل
مش واخد منى اى حاجه خالص
لإن زوجى كله حماتى وابنى كله ابوه وحماتى بالظبط لدرجه لا تتخيلوها والله

[hana]

انا عندى بنت واحدة وهى شبه باباها ربنا يحفظها من كل شر
وان شاء الله ربنا يرزقنى بنونو تانى يكون شكلى

[ام شوكت]

انا عندى اربعه
البنات 3 كل واحده مختلفه عن الاخرى عندى البيضاء والشعر اشقر وعندى الحنطيه والشعر بنى وعندى سمراء والشعر اسود والشبه منى ومن ابوهم
والولد ابيض وشعر كستنائى فاتح شبه والده بالضبط حتى في الطباع والعقليه
الحمد لله جمالهم فوق المتوسط ، تبارك الله احسن الخالقين