[*لارا*]

H E L L O

عاملين ايه يافتوكات انا جايبلكم النهاردة

[COLOR=Green]طريقة عمل الكريب المالح + الحشوة الرهيبة [/color]

احلى مليون مره من اللي بنشتريه من برا

انا هبتدي الاول بـــ

طريقة عمل عجينة الكريب

معلش هي مش مصورة بس انا مش توقعت ان العجينة هتطلع حلوووه ومضبوطة

انا هقولكم ع مقاديرها بالضبط


المقادير


*كوب دقيق.

*4 بيضات.

*2 كوب لبن.

*رشه خفيفه ملح.

*ملعقة كبيرة زبدة..(مكعب متوسط)...50جـ وتكون سايلة في حرارة الغرفة.




الطريقة


1_ننخل الدقيق في طبق كبير وبعدين نحط كل المكونات الجافة ونخلطها مع بعض ونعمل حفره في النصف .

2_نجيب طبق كبير تاني ونحط فيه البيض ونضربه كويس مع رشه ملح .

3_وبعدين نحط الدقيق على خليط البيض بالتدريج ونخلط شوية بشوية هيعمل كتل في الأول بس ده عادي اعقدي

اضربي بالمضرب.

4-ضيفي اللبن للخليط بالتدريج .

5-نضيف الزبدة السايلة واوعي تكون سخنة علشان البيض اللي في العجينة مش يستوي.

6-نعقد نخفق لمده دقيقتين لغاية ماتكون سايلة ومش فيها كتل.

7-نغطيها بطبقة بلاستيك في الثلاجة لمده ربع ساعة .



طريقة طهى الكريب على النار

1_نجيب طاسة واسعة تيفال مسطحة.

2_نمسح الطاسة بفرشاة مغموسة بالزبدة.

3_نسخن الطاسة ع درجة حرارة متوسطة.

4_نجيب العجينة السايلة ونغرف منها فنجان قهوة

ونسويها لمدة 3 دقايق أول مايكون لونها ذهبي

ونقلبها على الوش التاني لمده 3 دقايق.

5_ولما نصب العجينة من الفنجان نعقد نحركها لغاية ماالعجينة تغطي الطاسة كلها.

6_نحط الكريباية على الطبق ونغطيها علشان مش تنشف ونستمر لغاية مالعجينة كلها تخلص.



يـــــــتــــــــبع

[*لارا*]

بعد ما خلصنا طريقة عمل عجينة الكريب

نيجي بأة لطريقة عمل حشوة الكريب الهايلة مصورة صورة صورة

المقادير+ طريقة تحضيرها

*1/8 كيلو زيتون أسود مقطع حلقات.




*كيس سوسيس بقري مقطع حلقات.







*3/4 كيلو صدور فراخ مخلية مقطعة قطع متوسطة ومتبلة بخلطتي السرية .




ونسوي الفراخ في طاسة مدهونة بفرشاة مغموسة زبدة شوية صغننين خالص














وبعد ماتستوي نحطها في ورف فويل ونقفل عليها علشان الفراخ تتشرب العصارة ومش تكون ناشفة
وتكون طرية ومليانه عصارة



يـــــــتـــــــــبـــــــــــع

[*لارا*]

*نجيب 3 انواع جبنة حسب الرغبة طبعا

موزاريلا+شيدر جودة+رومي











نخلط السوسيس المقطع مع الفراخ




ونجيب قطعة كريب ونعمل خطوات زي اللي في الصور








نرش انواع الجبن المختلفة والزيتون




وبعدين نحط حشوة السوسيس والفراخ





ونضيف المايونيز والكاتشب




ونطبقة بالشكل ده








وبعدين نحطهم ع جريل او شواية او نجيب طاسة ندهنا بشوية زيت صغيرين




وده شكله النهائي




ودي صورة كمان




ودي صورة ليه من جوا





وبكده أكون خلصت طريقة عمل الكريب
بليز قيموني
انا تعبت اوووي والله بقالي اربع ساعات اعمل في الموضوع

[ويجي]

بجد هايل يا قمر تسلم ايدك

[*لارا*]

بجد هايل يا قمر تسلم ايدك

شكرا ويجي
منوره ياسكره

[*لارا*]

محدش قيمني ياشماتة أبله ظاظا فيا

[ام نشوى]

طريقة سهلة وخفيفة وجميييييييييييلة وخصوصا الحشو ...تسلم ايدك ياقمر

[*لارا*]

الله يسلمك ياسكره

[بيبى نور]

تسلم الايادى يا قمر

[AMOULA]

الله يعطيكى الف عافية يارب
وتسلمى على الفطائر الجميلة
والتقييم ممتازززززززززززززززززززززز