[parby]

السلام عليكم ورحمة الله وبركاته ازيكا جميعا وكل عام وانتم وبخير ورمضان كريم الحقيقه فى سؤال بيدور فى ذهنى هل لما يبقى واحد كان خاطب واحده ومحصلش نصيب بينهم وكل واحد فيهم راح لحاله وكان سبب الفسخ غدر من واحد منهم سواء الراجل او البنت اللى كانت مخطوبه يعنى مثلا سابها بدون اى سبب مش ده يعتبر غدر وخيانه السؤال بقى ربنا ممكن ينتقم من اللى غدر وياخد حق المغدور بيه طيب ممكن تكون اشكال انتقام ربنا ايه اذا كان الراجل بعد كده بيتجوز ويعيش ويخلف كمان ولا كأنه غدر وضحك على بنات الناس وتبقى البنت هيا الضحيه ممكن حد يفيدنى؟؟؟

اذا اعجبك الموضوع و اردت نشره في المنتديات الاخرى فاستخدمي هذا الرابط:
نفسى ربنا ينتقم ليا
http://forums.fatakat.com/thread56394

[مها5215]

من عمل يعمل ولو بعد حين
انت مدخلتيش جواه وعرفتى اذا كان مبسوط ولا لاء
ولسه الله اعلم بكره فى ايه
انا بقى هسالك نفس السؤال
لو واحد لعب بمشاعر وحده بعد كده قلها انا مقلتش حاجه ولا حسستك بحاجه
يبقى ده اسمه ايه
ومش لوحدها شايفه ده كل الى حوليها كمان

[parby]

شكرا على مرورك يا مها واللى انتى بتقول عليه ده برضه نوع من الغدر بس اللى أنا بحكيه افظع لانها كانت خطوبه وشامله بقى اللى انتى بتقولى عليه من كلام وغرام يعنى انهى نوع بقى اسوأ؟

[شكران]

السلام عليكم ورحمه الله وبركاته
بصي يا حبيبتي ياما ناس إتخطبو ومحصلش نصيب دا غير اللي بيتزوجو وبينفصلو ..لكن الحكايه ما بتبقاش إنتقام ونستني ربنا هيعمل فيه أو فيها إيه لكن لازم تعرفي إن الارتباطات اللي ما بتمش تأكدي إن النصيب لسه مجاش لأن مجرد النصيب لما بيجي بتلاقي الموضوع والإتفاقات وحصل راحه نفسيه جامده جدا وكأن ربنا منزل ملايكه هيا اللي بتمشي في الموضوع ....وبرضه فيه حاجه وعسي أن تحبو شيئا وهوشر لكم وعسي أن تكرهو شيئا وهو خير لكم
مجايز اللي سابها في الفتره دي كان ممكن يسيبها بعد الزواج وتكون كمان خلفت لها عيل ولا حاجه يبقي كدا أرحم وكمان أكيد ما يستهلهاش يبقي الأحسن ما تفكر فيه ولا في عقابه هيكون شكله إيه وتفكر في نفسها وحياتها

[parby]

شكرا ليكى يا شكران بس متهيأ لى صعب الواحد ينسى الجرح او بمعنى اصح الظلم

[شكران]

ربنا أنعم علينا بنعمه النسيان ومن رأي كل حاجه بتاخد وقتها وبتعدي وحاولي متفكريش في حد ظلمك أو جرحك ما تديلوش أكتر من حجمه وقيمته والايام كفيله إنها تنسيكي وربنا إن شاء الله هيعوضك بالخير والأحسن

[موكيكا]

اشكرى ربنا انها كانت خطوبة فقط وتاكدى ان ربنا كبير وكريم وبيعوض المظلوم وعوض ربنا اكبر واعظم بكتير ارمى خلفك كل القديم وانظرى امامك كل خير انشاء اللة احبك فى اللة

[monee_2020]

السلام عليكم
ياستى ربنا ما بيعملشى حاجه وحشه وبعدين هو مشى وراح لحاله وان شاء الله ربنا يرزقك باللى احسن منه ليه تشغلى نفسك وتخليها تتمنى الانتقام للغير والله انا باقول لك كده علشان مصلحتك انتى كده مش عايزه تنسى سيبيها لله واحمدى ربنا انه ماكانش فيه جواز ولا حاجه زى غيرك كانت تبقى مصيبتك اكبر احمدى ربنا وبعدين يا جماعه الشرع بيقول انه الخاطب زى الغريب لحد ما يكتب الكتاب ويعقد على الواحده يعنى لو كل واحده مشيت حسب تعاليم ربنا كانت ارتاحت يعنى انتى بتقولى انك كنتى مخطوبه يعنى لو ما كانش فيه خروج ودخول وكده وكان اللى عايز يقوله يقوله لباباكى وانتى قاعده معززه مكرمه فى بيتك لانه والله العظيم دلوقتى الشباب عادوا بيخافوا من الواحده الجريئه اللى بيكونوا حتى خاطبينها يعنى قدر الله وما شاء فعل لو كل واحده تكون ملتزمه بتعاليم الله ومعززه مكرمه فلا بيتها لا بتخرج معاه ولا حاجه ولا تتعلق بيه وكل الناس شافوهم رايحين جايين وبعد كده تنصدم انه سابها
لو فىقاعده فى بيت باباها بتكون عادى مش اتعلقت بيه
وبعدين ياستى انتى كده بتتعبى نفسك انك عايزه ربنا ينتقم منه
طبعا اللى ظلمك من غير ما تقولى ربنا بينتقم منه لان الله عز وجل لا يرضى الظلم
فما تشغليش بالك ايه هيا اشكال الانتقام اللى ربنا حيوريهاله والله حتعيشى تعيسه
هو مش نصيبك دلوقتى بصرف النظر عن اللى حصلك خلاص ما تتعبيش نفسك وهو قاعد مستريح ونسى انسى انتى كمان و الله ما حد يستاهل
قولى اللهم اجرنى فى مصيبتى واخلف لى خيرا منها
واحمدى الله وربنا يرزقك باللى احسن منه ابتلاء من الله مش حتصبرى يعنى
واهتمى بصلاتك وقرانك واشغلى نفسك احنا فى رمضان
وكل سنه وانتى طيبه

[toto s]

الله معاه
وانت متتمنيش ان ربنا ينتقم منه
بالعكس انتي كوني احسن منه
واطلبي من ربنا يوفقه ويسعده بحياتو مع البنت اللي اتمناها شريكه لحياته
وان شاء الله ربنا رح يعوضك باللي احسن منه وباللي يقدر ويحترم مشاعرك