[واقع الأيام]

من عيوني يا ام بيدو العسل
ان شاء الله اول ما افتكر ادخل اكتبلكوا علطول

[بيدووجنة]

ايناس حبيبتي حمدلله عالسلامة وحشتيني جدا انا بردو توقعت الاختفاء ده يكون وراه النت طبعا
وضحكتييييييييييني عالموقف ده جدا هههههههههههههههه
حتة موقف مليان احراج وكسفة وكبسه
بس حاليا بنضحك عليه سوا مع بعض
الاطفال دول بيعملوا فينا حاجات تجنن واللهي
نفس الموقف تقريبا حصل معايا
كان فيه ازايزبيبسي فاضية هحطها للبواب عشان يطلع يغيرها ويدوب فتحت الباب وحطيتهم بيدو حدف الكورة عالسلم روحت اجيبها سمعت طرااخ
والباب مش اتقفل لا اترزع
مبقتش عارفة اعمل ايه ومكنوش الجبران لسه سكنوا جنبنا فدخلتالاسانسير وقعدت انده عالبواب ومليته نمرة جوزي وقلتله روح اتصل بيه من تحت والحمدلله كان قريب م البيت فجه علطول وفتح الباب وطبعا بدابيدو كان هرى نفسه عياط وانا عمالة اهديه وانا اصلا قلبي بيوجعني عليه جدا
بس الحمدلله جت سليمة
مش بقولك لا وايه بمنتهى البرااااااااااااااااءة
هههههههههههههه
ربنا يخليهم لنا يارب
ومستنية مواقف تانية نقولها لبعض ونستفيد سوا منها يا قمر

[ايناس عادل]

1. :36_1_5[1]::36_1_5[1]::11_12_13[1]:بصى بقى الموقف ده مع ابنى الكبير برضه وهوه صغير كنت بالم الغسيل وراح اوديه الاوضة وفاكراه بيلعب لانه مالوش صوت رحت اشوفه لاقيته واقف ببراءة 00وفى ايده ماسك فردة جزمة قلت عادى ماهوه من يوم ما بدأ التسنين وهوه غاوى الجزم وحتى رمى العضاضة اللى اشترتها من الصيدلية واصر على الجزمة وخصوصا بتاعة باباه 00المهم مش فاهمة هوه ليه واقف جنب الشباك 00وهوب رماها من الشباك ورايحة اشوفها لاقيت الانقح 0000لاقيته رمى كل محتويات البيت من الاحذية 00حريمى ورجالى وشباشب 00وكل واحدة طارت فى حتة 00اعمل ايييييييه :36_1_29[1]::36_1_29[1]:00رحت ماسكة كيس كبير وجريت نزلت الم الجزم من السشارع وكان منظرى تحفة:23_11_62[1]:والناس بتتفرج 00ويعملوها الصغار ويتبهدل الكبار

[واقع الأيام]

ههههه
تحفة يا ايناس ما شاء الله
بس كويس انك عرفتي تتصرفي
انا لو مكانك اتكسف من منظري فمش هرضى انزل ومش هبقى عارفة اتصرف
بس انتي كده كويس ما شاء الله ههه
جميل اوي الموقف

[tafy80]

:36_1_39[1]:مرمر وحشانى اسفة للاختفاء النت كان بايظ والله 00وايه الجمال ده ما شاء الله موضوع هايل 00واللى حصل معاكى ومع الاخوات فعلا يضحك ويغيظ الاتنين مع بعض بس برضه بيحصل بمنتهى البراءة00هههههه 00انا بقى حصلى مع اولادى عاوز يوم كتابة بس مرة وابنى صغير وجوزى قالى اوعى اوعى تسيبيه لوحده فى البيت وتنزلى المهم عملتها ونزلت اجيب حاجة من تحت البيت على السريع
وقلت 5دقايق وقفلت الحمام والمطبخ وفتحت له الTVونزلت وجيت بسرعة وبفتح الباب والاقى ايه 000علشان انكشف قدام جوزى ابنى قفل الباب من جوه لان كان فيه ترباس واطى وقعد ورا الباب اقوله افتح يا حبيبى 00ابدا 00يا حبيبى حاول تفتح 00لايمكن00ونزلت اتصل بجوزى وعرفته اللى حصل فجاب واحد وسبقتهم واول ما رحت بحاول افتح الباب 0000:36_1_4[1]:00لاقيته فتح الباب من نفسه والمهم انه حطنى فى موقف 000:36_1_10[1]:باييييييخ00وحرمت يا بوجى

يا خبااااار ده أنئح من الموقف بتاعي

[tafy80]

1. :36_1_5[1]::36_1_5[1]::11_12_13[1]:بصى بقى الموقف ده مع ابنى الكبير برضه وهوه صغير كنت بالم الغسيل وراح اوديه الاوضة وفاكراه بيلعب لانه مالوش صوت رحت اشوفه لاقيته واقف ببراءة 00وفى ايده ماسك فردة جزمة قلت عادى ماهوه من يوم ما بدأ التسنين وهوه غاوى الجزم وحتى رمى العضاضة اللى اشترتها من الصيدلية واصر على الجزمة وخصوصا بتاعة باباه 00المهم مش فاهمة هوه ليه واقف جنب الشباك 00وهوب رماها من الشباك ورايحة اشوفها لاقيت الانقح 0000لاقيته رمى كل محتويات البيت من الاحذية 00حريمى ورجالى وشباشب 00وكل واحدة طارت فى حتة 00اعمل ايييييييه :36_1_29[1]::36_1_29[1]:00رحت ماسكة كيس كبير وجريت نزلت الم الجزم من السشارع وكان منظرى تحفة:23_11_62[1]:والناس بتتفرج 00ويعملوها الصغار ويتبهدل الكبار

هاهاهاي نفس الموقف حصل معايا بس انا المرة دي أنئح منك
كنت بنشر الغسيل وبنتي واقفة جنبي وكنت شبه خلصت وفاضل بس ملابسي الداخلية وشرابات جوزي كانو لسه في طبق الغسيل وجوزي نده عليا فخرجتها من البلكونة وقفلت باب البلكونة بس مش كويس قوي مسافة ما جوزي كلمني كانت هي دخلت البلكونة ورمتهم كلهم اللي وقع عند الجيران واللي في مدخل العمارة وقعدنا نخبط على الجيران نلم الحاجة والناس الللي تحتنا كانوا مسافرين فجبنا مقشة وحاولنا نصطاد غسيلنا من عندهم وفلتت المقشة من إيد جوزي ووقعت على ناس كانو واقفين تحت وكانت فضيحة

[بيدووجنة]

ههههههههههههههههههههههههههههه
ايناس عادل مش قادرة امسك نفسي م الضحك بجد:36_1_19[1]:
وف نفس الوقت صعبانة عليا اوي من الل حصلك:36_1_38[1]:
اما حتة موقف ياربيييييييييييييييي
ابنك يا بنتي غاوي يحطك ف مواقف انما ايه وكل موقف والتاني اصعب من الل قبله
يلا معلش المهم ان ربنا يخليه ويحافظ عليه
ههههههههههههههههههههههههههه كل ما اتخيل الموقف ده مقدرش:36_1_19[1]:
مستنياكي تاني يا قمر بس قوليلي اسم ابنك العسول ايه

[بيدووجنة]

tafy 80 انتي فعلا موقفك انئح واللهي
ههههههههههههههههههههههههههه:36_1_20[1]:
الجزم والكوتشيات اهو مقدور عليها مع انه موقف بردو صعبببببببب موت
بس بئا حكاية الملابس الداخلية والشرابات فدا بئا فضيحة بجد
تخبيط عالجيران ومقشة متشعلقة لا وكمان كملت الحكاية لما المقشة وقعت ف الشارع عالناس ههههههههههههههههههههههههههه
ربنا يكون في عونككم يا بنتي
وومستنية يا قمر حواديت وحكايات حلوة زي دي
وعلى ما افوق كده من الفطار وافتكر حكايات تانية هدخل واكتبها
هههههههههههههههه قال الملابس الداخلية والشرابات قال هههههههههههه

[بيدووجنة]

استنوا افتكرت موقف صحيح

اخويا الصغيركان متعود يعدي عليا وياخد بيدو معاه عشان يفسحه شوية ف النادي

ودا كان بيخفف عليا بصراحة وبيخليني اقدر اعمل اي حاجة بيدو بيمنعني منها كأني في اجازة يعني :36_1_69[1]: واهو بالمرة بيدو كمان بيغير جو

المرة دي بئا اخويا عدى وخد بيدو معاه النادي
ولما رجعوا بئا احضان وبوس ف بيدو :36_3_15[1]:كأنه واللهي بقالو سنين مش ساعة او ساعتين
فبسأل بيدو بئا وكان أخويا لسه موجود:

ها يا بدابيدو شفت ايه ف النادي بئا؟ وكنت مستنية الجواب شفت لعب ومراجيح او يعني عمل ايه ف النادي

فرد عليا بيدو بكل براااااااااااااااااااااءة:
شفت ايمان صاحبة خالو !!!!!!!!!!!!!!!!!!!:36_1_62[1]:

أنا مقدرتش امسسسك نفسي م الضحك واللهي وبصيت لأخويا بحاجب مرفوع وقلتله أماني مين يا استاذ:36_1_5[1]:

وأخويا بئا وشه احمر واصفر وبقا مكسوووووووووف عالاخر وعمال يقول لبيدو: ايه يبني انت هتودينا ف داهية ولا ايه؟!:36_1_29[1]:!أماني مين تلاقي كان فيه بنت هناك بتلاعبه ولا حاجة
ففوتها بمزاجي وعديتها ومرخمتش عليه تاني بالسؤال

فبقول لبيدو بئا: ها وخالو جابلك يا حبيبي حاجات حلوة؟

فرد بيدو بنفففففففس البراءة: لا خالو مجابليش حاجة خالص بس ايمان جابتلي شيبسي وشكولاتة وحاجات حلوة
لقيت بئا ساعتها اخويا انفجر م الضحك اوي:36_1_20[1]::36_1_20[1]::36_1_20[1]: وقالي: تصدقي الواحد غلطان انه بياخد معاه عيال , وادالي بيدو وقالي خدي ابنك الفضحي ده انا ماشي
هههههههههههههههههههههه
كل ما افتكر الموقف ده بجد اضحك جدا من براءة الاطفال الغريبة دي:36_3_17[1]:

[بيدووجنة]

حصل موقف فريش دلوقت مع جنة قلت أما أحكيهلكم
في اعلان بيجي بتاع زبدة او سمنة
بيقول: جنة جنة اه جنة الزبدة الصفرا يعني جنة
فلقيت جنتي جاية تضحك اوي زي العسل وبتقول الحقي الحقي يا ماما وتضحك تاني
فبقولها ايه مالك بتضحكي كده ليه
قالتلي السكراية بيقولو الزبدة الصفرا يعني جنة
بس انا جنة بس مش الزبدة الصفرا ههههههههههه
وقعدت تضحك اوي هيا وبيدو
وكل ما يجي الاعلان تروح جري عليه وتغني معاهم جنة جنة اه جنة
واول ما يقولوا الزبدة الصفرا يعني جنة تقعد تقول بصوت عالي
لأ لأ انا مش الزبدة الصفرا
هههههههههههههههههههههههههه

[أم أدهم ولولوو وسيف]

موضوع جميل جدا وربنا يخليهم ليكم ويخليكم ليهم
انا بقى ادهم ابني وهو صغنن لقاني بعمل قلقاس في المطبخ راح جري على باباه وقاله الحق شوف ماما بتعمل ايه فراح باباه قاله ايا يا ادهم ؟القوا دي بتحط الملوخيه على البطاطس . شوفتوا الاطفال حلو اوي موقف بيدوا مع خاله

[بيدووجنة]

أم أدهم ولولوو وسيف... نورتيني يا قمر بمرورك الجميل
وههههههههههههه :36_1_21[1]:ضحكتيني أوي على ادهم العسول ربنا يخليهولك

شفتي يا عيني استغرب واتخض ازاي

لا وكمان رايح يستنجد بباباه ويشهدوا عليكي

ههههههههه الأطفال دول عسل أوي واللهي ربنا يخليهم ويبارك فيهم ان شاءالله

وموقف بيدو مع خالو بجد كل مفتكره اضحك عليه وعلى أخويا الل بيدو حطه في موقف بايييييييييييخ:36_1_10[1]:

مستنية مواقف حلوة تاني يا قمر وتنورينا ديما بحكاياتك يا جميل

[بيدووجنة]

فينكم يا بنات مستنياكم؟

[هناء999999]

انا كان نفسى اشارك معاكم لكن لسه ربنا مارزقنيش بالذريه الصالحة ادعولى
ربنا يبارك لكم فى اولادكم ويعطى كل محتاج
تسلمى يابيدووجنة على الموضوع الحلو ده

[بيدووجنة]

هناء99999999
نورتينا هنا يا قمر
وربنا يكرمك بالذرية الصالحة يارب
ويكرم الجميع ان شاءالله
وبعدين يا حبيبة قلبي احنا كفاية علينا اوي مرورك ومشاركتك الحلوة معانا
وكمان ممكن تشاركي عادي خلاص لو افتكرتي حكاية طفل تعرفيه ابن اختك صحبتك قريبتك او ابن الجيران
المهم اننا نشوفك معانا ونسمع ضحكتك الحلوة مع المواقف الطريفة الل تضحك اوي بتاعت البنوتات العسولات
توتة وايناس عادل و عبير السداوي و تافي80 وام أ دهم ولولو وسيف وواقع الأيام
وكل البنوتات الحلوين الل مشاركين معانا هنا
وكل سنة وانتي طيبة يا قمر العيد عالأبواب خلاص
وكل سنة وكل الفتكوات بخير

[هناء999999]

كل سنة وانتى بألف خير وهنا
تسلميلى يابيدو ان شاء الله اشارك معكم

[عبير السداوى]

مرمورة حبيبتى
وحشتيييييييييييييييييييينى كتييير جدا
انا نيمت الولاد علشان احكى لكم براحتى من غير دوشة
انا ساكنة فى الدور الرابع(اخر دور) وزى ما نتى عارفة انا منقبة
وفى يوم كنت رايقة ولابسة حاجة شفتشى وحطة ميك اب كامل وفاردة شعرى
والحياة كان لونها بمبى على الاخر
وكان عندى شوية زبالة فقلت اطلعهم بالمرة على باب الشقة قبل بتاع الزبالة ما ييجى
وطبعا قلت لنفسى انا هحط الزبالة على طول والموضوع مش مستاهل انى البس السيدال والنقاب وخصوصا انى اخر دور ومفيش حد بيطلع سطح العمارة
فاستسهلت وطلعت ارمى الزبالة وفى نفس اللحظة اللى فتحت فيها الباب جرس التليفون رن
وعبد الله المجرم بيحب قوى يرد على التليفون بس انا بزعقله
هو سمع جرس التليفون من هنا
جرى بسرعة على باب الشقة رزعه وقعد يضحك ويقولى حبستك وهرد على التليفون
وفجاة لقيت نفسى برة الشقة وانا بالمنظر الشفتشى ده
المصيبة ان بتاع الزبالة كان خلاص دخل العمارة وبدأ يلم الزبالة
وقعدت اقول طب اروح فين
اطلع استخبى فى السطح
انزل اخبط على اى حد ازاى بالمنظر ده
وحسيت انى بمووووووووووت
كل ده وعبدالله عمال يضحك وهو بيغنيلى حبستك ورديت على التليفون
المهم اما لقانى بعيط حاول يفتح الباب بس القزعة ما كنش طايل
وفجاة
سمعت صوت رجلين طالعة على السلم بتاعى
وطبعا كنت عارفة انه بتاع الزبالة
فطلعت اجرى على السطح وحاولت ادارىنفسى بحيث انى ما بنش لبتاع الزبالة ولا للناس اللى واقفة فى البلاكونات
وكنت بحاول اكتم صوت عياطى علشان ما يحسش بيا
وسمعت صوت مفاتيح بتفتح الباب وكان جوزى حبيبى رجع من شغله قبل معاده بساعتين صدفة
واول ما لقيته نزلت اجرى من على السلم وانا بعيط بهيستيريا
وعمالة اقوله خبينى
ودخلت اجرى على الشقة وانا بدور على مكان استخبى فيه
وانا متخيلة ان برضه بتاع الزبالة هبشوفنى
هههههههههههههههههه
انا كان عندى الموت اهون من ان حد يشوفنى كدا
وقعدت فترة كبيرة جدا على ما هديت
وكل ده وعبدالله ولا على باله
ولما حاول يفتح لى الباب ومعرفش قالى انا رايح بقى اتفرج على توم وجيرى
ههههههههههههه
ومن يومها ما لبستس شفتشى ولا عملت ميك اب ههههههههههههههههه

[عبير السداوى]

مرمورة الموضوع هايل جدا جدا
وكل مواقف بيدو وجنة تجنن
وانا كنت فطسانة على نفسى من الضحك وان بقرا مواقفهم ومواقف كل الفتوكات
ويارب يبارك لنا فى عيالنا ويحفظهم لنا
يا رب ما تحرم اى مشتاق ولا مشتاقة للاطفال من زينة الحياة الدنيا
وارزقنا يا رب بالبنين والبنات
واعنا على تربيتهم بالنحو الذى يرضيك عنا

[بيدووجنة]

حبيبة قلبي بيرو
واللهي مكنتش عارفة اضحك:36_1_21[1]: ولا اعيط علشانك:36_1_4[1]:

وبجد شر البلية ما يضحك:36_1_20[1]:

بس مش قادرة امسك نفسي من الضحك على عبدالله هههههههههههههههههه

قال حبستك حبستك قال وبيغني لا وكمان سابك وراح يتفرج على توم &جيري
دا العيال دول بيكون عليهم حاجات تجنن وتطير العقل واللهي
وانتي بجد مريتي بأصعب ساعة بجد يا عيني:36_1_10[1]:

وزي ميكون اتفتحتلك باب النجاة لما جوزك جه

ويا بنتي ولا يهمك ألبسي وأدلعي وحطي ميكاب :36_1_62[1]:

حد واخد منها حاجة؟؟!!

بس اهم حاجة نخلي بالنا من ولادنا الل هيجننونا ونبقا عاملين زي المحقق كونان ونتوقع منهم اي حاجة
ههههههههههههههههههههههههههه
والحاجة بئا يا بنات يا حلوين الل استفدناها من موقف الباب ده
اننا لما نطلع نلبس الايشارب احتياطي ونحط اي فردة شوز بين الباب عشان لما يترزع ورانا ميتقفلش ساعتها نطلع لسانا لولادنا ونقولهم
أأءءءءءاااااااااااا متقفلللللللللللللللللش:23_50_3[1]:
شفتوا ازاي بجد بنستفيد هههههههههههههههههههههههه
تقريبا كل واحدة فينا معاها موقف مع الباب
هههههههههههههههه
وربنا يخليهم يارب