[بيدووجنة]

انتوا فين يا بنات؟

[بيدووجنة]

ايه ده ؟؟؟؟؟؟؟؟؟؟؟؟؟
انا زعلانة خالص مالص
ليه مفيش مشاركة خالص كده؟
انتوا فين يا بنات بجد مينفعش كده
يلا مستنياكم

[toty5858]

ازيك يامرمر وحشاني يا جميل

الف الف مبروك علي تثبيت الموضوع

ويارب ديما في تقدم

بوسيلي بيدو وجنه حبايب قلبي

[مصراويه]

موضوع جميل خالص******

انا بقى خالد أبنى كان عنده5سنين ووخداه ورايحه لماما

وهو مش عاوز يمسك إيدى خالص وإحنا ماشيين

يا بنى تعالى هنا -- طب أطلع على الرصيف

وبعدين معاك أقول لبابا عليك ---- وهو ولاهو هنا

وفى الأااااخر خالص قالى طب والله لأصرخ وأقول للناس إنك خطفانى

أقولك بصراحه أتخضيت أكتر مما أتغظت اصل دى مصيبه وبقيت ماشيه أكلم

نفسى لو عملها أنا حأتصرف أزاى؟؟؟؟

تصدقى من يومها وإحنا خارجين أحفظ شكل ملابسه الداخليه وأعلمها بعلامه

عشان لو عمل فيه الحركه دى أقدر أدى الناس أماره أنه أبنى .

دول هما إللى بيربونا ياماما مش إحنا.

[بيدووجنة]

توتة حبيبتي الله يبارك فيكي
انا فرحت اوي لما لقيت الموضوع اتثبت هيييييييييييييييييييه

[بيدووجنة]

مصراوية ههههههههههههههههههههههههههه

اما حكاية تموت م االضحك واللهي

قال خطفاني قال
واللهي مش بعيد يعملها ههههههههههه

فعلا هما الل بيربونا واللهي

[بيدووجنة]

بجد انا مبسووووووووووووطة خالص وفرحانة اوي ان الموضوع اتثبت
ومستنية مشاركاتكم يا بنات
واحكولنا طرائف الاطفال الل تعرفوها
وحتى لو كانت حاجة قريتيها او سمعتيها قوليلنا وضحكينا عليها

[روضه الجنه]

فكره لذيذه جدا خدي عندك الضحك كله من شهودة
عماله تعيط وتزن وتقولي انتي فين ياماما انتي فين 5 6 مرات مع اني واقفه في المطبخ وهي وراي فزهقت قلتلها انا مرزوعه اهو وسكتت وبعد شويه قالتلي انتي لسه مزروعه في المطبخ ياماما؟ ههههههههههههه

[بيدووجنة]

هههههههههههههههههههههههههههههههه
أم شهود بجد تموتي م الضحك
والعيال ولادنا دول يجننوا بلد
بس الحمدلله دا طلع الكل زنان
واسئلتهم غريبة
زي بيدو اكون نايمة يجي يقولي ماما بتعملي ايه!!؟؟
اقوله انت شايف ايه بلعب
يجي جري يقولي بتلعبي ايه وهيتنطط بئا ويلعب
وبكون فعلا نايمة ومغمضة
اقوله اطلللللللللللللللللللللع بره عايزة ارتاح شوية ههههههههههههه
عليهم غلاسة بس سكر
ربنا يخليهم لنا يارب

[كنوز الشرق]

والله حلووووة اوى
انا بدخل بس اقرا بس معنديش مشاركاااااااااااااات

[بيدووجنة]

كنوز الشرق يا قمر يسلملي مرورك الجميل
نورتي الموضوع بجد
بصي مش لازم المشاركة تكون عن أطفالنا بس
ممكن كمان لو واحدة ولاد اختها او اخوها او قرايبها عفاريت تحكيلنا عن موقف
معفرت وتضحكنا معاها عليه واكيد كلنا بردو هنستفيد منه
ولو كانت بنت صحبتك او بنت ف الشارع مع مامتها عملت موقف يضحك ممكن بردو ويسعدنا تحكيلنا عنه

أنا أقصد بده ان المشاركة مش حصرية فقط على الأمهات ... لا خالص
انما اي بنوتة فتوكة عندها موقف طريف للأطفال حصل معاها او مع غيرها وحبت تحكيهولنا
ده هيسعدنا جدا جدا
ومستنية مشاركاتكم يا فتكوات

[هناء999999]

الف الف الف مبرووووووووووووووووووووووووووووووووووك على التثبيت يابيدووجنة ياحبيبتى
دايما الى الامام ربنا يبارك فيكى

[ام ياسمينا]

انا بنتى عندها سنة بتطلع على السلالم كنت بنظف الشقة فى العيدوكنت فتحة باب الشقة وياسمينا سهتنى وطلعت فى الشقة اللى فوقى طبعا فاضية مفيش فيها حد وبعد ما طلعت ياسمينا لقيت اللى بتتكلم وبتقول ماما ماما ماما انا اتخضيت على البت وطلعت جرى لقيتها قاعدة بتضحك ومبسوطة المهم ان صابع رجلى اتنى تحتى وورم وروحت عملت اشعةوكان يومكلب دة كان يومالوقفة
امال لما تكبر شوية هتعكل فى اية

[بيدووجنة]

هناء9999999999999
وحشتيييييييييييييني خالص
الله يبارك فيكي يا حبيبة قلبي
ونورتيني بجد

[بيدووجنة]

أم ياسمينا يا قمر
نورتي موضوعي ونورتي فتكات اكتر واكتر
شفتي بنوتك السكر سهتك وعملت فيكي ايه
ههههههههههههههههههههه الاطفال دول يجننوووووووووووا
وكمان الف سلامة عليكي يا قمر
بوسيلي ياسمينا كتير

[بيدووجنة]

انا جيت يا بنات وجايبلكم موقف حصل مع واحدة صحبتي وبنوتتها

صحبتي دي انتيمتي عسولة جددددددا بس تنكة شوية وبتحب البرستيج وترتن بالانجليزي
صاحبتي في مرة كانت بتزور واحدة صاحبتها
فبنتها كنزي بتقولها مامي عايزة عصير
فصاحبتي قالت لكنزي بنتها نو نو يا كنزي اسمه جوس
فكنزي قالت لمامتها نو نو يا مامي الشوز اهو وشاورت على الجزمة بتاعتها سوري اقصد الشوز هههههههههههههههه
بتقولي هيا وصاحبتها وقعوا من الضحك على كنزي
فقلتها وانا بضحك جدا ان الارض بتتكلم عربي الارض الارض
وادي اخرة علام الخواجات وبلاد الفرنجة ههههههههههههههههههه

[toty5858]

ازيك يامرمر عاميه ايه ياجميل وازي بيدو وجنه

وحشاني قوووووووووووي كنتي فين مش باينه النهاردة خالص طمنيني عليكي

[بيدووجنة]

وحشتيني خالص يا توتة كنت بشارك في مواضيعك الحلوة
وفعلا مدخلتش كنت الصبح تعبانة مش عارفة مالي
او بمعنا اصح من امبارح واللهي يا توتة
بس الحمدلله احسن دلوقت
طمنيني عليكي وعلى رنا حبيبتي السكرة

[روضه الجنه]

هلا يا ام بيدو العيال عاملين معاكي ايه ربنا يخليهم ويبارك فيهم

[ام ياسمينا]

البوسة وصلت يام بيدووجنةربنا يخليهملك