[بيدووجنة]

كنا عند واحدة صاحبتنا مرة
وكنا لسه يدوب هنقعد وهتبتدي تقدملنا بيتزا وحاجات خفيفة كده
فجوز صحبتنا الل جايبنا اتصل بيها وقالها انه هيجي دلوقت يروحنا عشان طلع ه مشوار مهم واحتمال يتأخر علينا
صحبتنا زعلت اوي وقعدت تقول ايه ده انتوا لسه مقعدتوش ولا كلتوا حاجة
طيب واللهي للفلكم الاكل وتاخدوه معاكم تيك اواي
احنا طبعا قعدنا نقولها لا مينفعش وهيا مصممة
وخدت طبق بيتزا كبير وأدته لابن صحبتنا وقالتله خد ده ليك يا اصيل
فمامته قعدت تقولها لا مينفعش واللهي
بس هيا صممت
فمامت اصيل قالتلها واللهي ف البيت عندنا كتير
وبردو صحبتنا صممت
وأصيل واخد طبق البيتزا ف حضنه هههههههههه
فمامته بتقوله ايه يا أصيل مالك ماسك ف الطبق كده
ايه انت محروم منها
فرد أصيل وقالها أه هههههههههههههههههههههههههه
وقعنا م الضحك كلما بهستيريا
كلنا احنا ومامت أصيل وكل صحباتنا الل كانوا موجودين
ونزلنا فيها تريئة
هههههههههههههههههههههه
وهيا تضحك وتقول بئا محروم طب واللهي لوريك ههههههههههههههههه
مش بقولكم عيال تكسف

[واقع الأيام]

ربنا يكرمك يا ام بيدو يا حبيبتي
انا الحمد لله بخير
انتي عاملة ايه؟
وحشتيني اوي انتي كمان

...

أم كيكي
بجد كيكي براءة مش ممكن اللهم بارك
احب انا الاطفال من دول اللي يعملوا العملة وبعد كده ولا كإنهم هنا ولا الهوا
ربنا يبارك لك فيها ويخليهالك



---


هحكيلكوا موقف حصل معايا في رمضان بقى يفطس من الضحك
.
.
.


(( تابعونا ))

[واقع الأيام]

في رمضان كان عندنا عزومة
وكان معاهم طفل صغنتوت عسل كده اللهم بارك عنده 6 سنين
ولد مش ممكن تبارك الله حبيته جدا
اسمه شادي

ده بغض النظر عن اني اصلا بموت في الاطفال

المهم قعدنا انا وهو مع بعض شوية كده نتكلم
واكلمه على المدرسة والالعاب والكرتون وكده

الاقي الولد في النص كده بيبصلي ويقوللي ايه؟؟






توقعوا!!


بيقوللي:
انا حبيتك من اول ما شفتك!

قلتله:
انت بتتفرج على افلام كتير يا حبيبي ؟
هههههههههههههههه






بعديها بقى راح قايللي ايه؟

طب انتي تحبي اني ابقى اخوكي؟
قلتله اه طبعا يا حبيبي
انت زي اخويا بالضبط


راح قايللي
طب انا عايز اتجوزك!

قلتله
بس انا كبيرة يا حبيبي وانت صغير لسه

قاللي
مش مشكلة استنيني لما اكبر وادخل الجامعة
مش انتي في الجامعة دلوقتي؟

قلتله
اه

قاللي
طيب .. انتي خليكي في الجامعة لحد ما انا اكبر وادخل الجامعة


قلتله
بس انت عقبال ما تكبر انا كمان هكون كبرت

قاللي
لا لا مفيش مشاكل
انتي بس استنيني في الجامعة

قلتله
ماشي


بعدين قعد يفكر شوية كده وراح قايللي:
بس هو انا كده هتجوز عليكي؟؟

لا لا مش هتجوز عليكي طبعا
بصي احنا هنعمل فكرة

انا هتجوز عربية واضحك عليهم
وبعدين اتجوزك ونركب العربية وتبقى بتاعتنا
ايه رأيك؟

((هو تفكيره انه اي حاجة عايزها تبقى بتاعته او معاه .. يبقى يتجوزها .. فهمتوا؟))

قلتله
خلاص ماشي
بس هو ينفع واحد يتجوز عربية؟


قاللي
استني بس
وبعدين هجيب لاب توب زي بتاعك
ونجوزهم لبعض

قلتله
خلاص ماشي


هههههههههههههه


ايه رأيكوا في العسل ده؟
الله اكبر عليه بجد
بموووووووووووووووت فيه

[ام كيكي]

طب خدووا دي بقى جديده نوفيييي ... ودي محصلتش مع بنتي دي حصلت مع بنت الشغاله ... اتفرجوا بقى على المصيبه دي

الشغاله جت في يوم وقالتلي يا مدام انا بنتي بسمه عندها 8 سنين بس ايه اروبه وبتشطب المواعين فله يا ريت تخديها عندك واهي تساعدك وتلعب مع كيكي ... اممم انا فكرت كده شويه وقلت ماشي اهه منها تلعب مع كيكي وافضى شويه لشغل البيت والذى منه ومنها اهتم بيها وانشلها من البيئه اللي هي فيها وتتفسح وتاكل ومافيش مانع برضه تشطب المواعيين هههههه ... المهم جت بسمه وشوفوا بقى السيرك اللي كنت عيشه فيه
اولا ماعنديهاش حاجه اسمها استئذان يعي في اي وقت وانا وجوزي نايمين تقوم تنط علينا في الاوضه من غير احم ولا دستور والاقيها فوق دماغنا
- يامدام يامدام ...
- يا ست بسمه لازم نستأذن قبل ماندخل ...
- طيب حاضر هابقى استأذن
بعد شويه تخبط وتدخل فرييره من قبل حتى ما رد ...
- يا مدام يا مدام ...
- فيه ايه يا ستي هو احنا مش قلنا نستأذن؟
- مانا خبط اهه...
- يعني ينفع تدخلي على ماما وبابا كده وهما نايميين.
- اخل فين ؟ مانا ببقى داخله اصلا احنا كلنا في نفس الاوضه.
وفين وفين لما فهمت انها تخبط وتستنى الرد ...
ما علينا ... الحلوه جت في يوووم وقالتلي انا عاوزه اجازه يوم الاتنين ... قلتلها اشمعنى يوم الاتنين ... قالتلي عشان هاروح مع بابا وماما الزياره !!!! زياره مين يا حبيبتي ...؟؟؟ زياره عمتي ... هي عمتك عيانه في المستشفى ... لا في السجن ...!!!! ايه يا لهووووييييي سجن سجن ايه دا وليه ... ماتخافيش اوي كده يا مدام دي مظلومه ... مظلومه مظلومه ازاي ... ودخلت السجن ليه ان شاء الله .... اصلها خطفت عيل ... يا خرابى انا كان هايغمى عليا ومابقتش عارفه اعمل ايه انط من البلكونه ولا ارميها هى ولا اطفش واسيبلها البيت ... انا انهرت خلالالالاص الحقوني ... قالتلي يا مدام متخافيش دي مظلومه هى راحت المستشفي بتاعة الولاده وخدت العيل دا من ورا مامته عشان تلعب بيه بس شويه وكانت هاترجعه تاني بس البوليس مدهاش فرصه وخدها قبل ما ترجعه !!!! مش بقولك مظلومه

[mahou]

عسل موقفك أوووى يا أم كيكى ....
ربنا يكون ف عونك ...

انا ليا موقف مع ابنى محمد عنده 3 سنين ....
مره كان بيتفرج على التليفزيون ...وسمع مره كلمه عبيط .. وعلقت معاه فتره ...
ف يوم رحنا نزور اهل جوزى ... و بعدين حمايا اللى هو جده .. كان بيلاعبه و بيزغزغه ... و محمد فطسان على نفسه من الضحك .. وف سط الكلام يقوله إيه ؟؟؟؟
إيه ؟؟؟؟
يا عبيط ...
انا اتصدمت و بقيت اغلوش على الكلام عشان حمايا مايخدش باله ...
بس كان موقف ....
ولسه ....و لسه ....

[كنوز الشرق]

المواقف فعلا تجنن.ز جميلة اوى

[بيدووجنة]

واقع الأيام يا قمر
ايه الطفل ما شاءالله السكر ده
شوفتي واللهي بيفهم وبيقدر هههههههههههههههههه
لا بجد شادي عسول جدا ما شاءالله عليه
لما يجيلكم تاني بوسيهولي بوسه كبييييييييييييييرة اوي

[بيدووجنة]

أم كيكي هههههههههههههههههههههههه
مش قادرة اما حكاية بسمة بنت الشغالة دي حكاية هههههههههههههههه
سيبك من النط فجأة فوق راسك انتي وجوزك
انما عمتها ف السجن ومظلومة وخطفت عيل هههههههههههههههههههه
دا انتي عاملة زي الأفلام الكوميدية هههههههههههه

[بيدووجنة]

mahou ازيك يا قمر وحشاني جدا
نورتي الموضوع بجد
دا التلفزيون دا عليه حاجات وبيعلمهم تعليم ههههههه
موقف يضحك بجد
مستنية مواقف ابنك العسول نضحك سوا عليها

[بيدووجنة]

كنوز الشرق عندنا يا مرحبا يا مرحبا
ايه النور دا يا قمر
بجد بتسعديني بمرورك ومشاركاتك الحلوة
نورينا ديما ومستنيين حكاياتك الحلوة

[بيدووجنة]

مرة جنة كانت ماسكة كرسي السفرة وبتحاول توقعه وانا مكنتش واخدة بالي

ولما شفتها كنت لسه هزعقلها بس لقيت بيدو سبقني وقالها:

لا يا جنة كده غلط

اتبسطت اوي وفرحت ولسه هقوله برافو عليك يا بيدو

لقيته قام نزل تحت الكرسي وزقه مرة واحدة وقالها :

لازم تنزلي تحته كده وتزقيه برجلك هيقع على طول !!!!!!!!!!!!!!!!!!!!!!

هههههههههههههههههه طبعا الضحك ده معاكم انتوا بس

لان ساعتها قعدت ازعق لهم

بس كل ما افتكره اضحك عليهم جدا

[عمرنا]

ابنى الصغير شيبنى بمعنى شيبنى من شقاوته المفرطه وهو صغير
1- طلب هو اخته اعمل لهم حاجه فى المطبخ ودخلوا معايا هما الاتنين بنتى وقفت عادى اما اخوها فطلع على تربيزة المطبخ ووقف يتامل الموقف من فوق حسيت انه بيدبر جريمه من نظرة عينيه
فجاة بدون اى انذار لاقيته شد صمام الامان بتاع طفايه الحريق المعلقه على الحائط منذ سنوات من اول ما سكنت هذة الشقه ولم تمسسها يد لمدة 6 سنوات الا على يد ابنى
نزلت ابنى من على الترابيزة وقف جنبى وكملت شغلى
طلع تانى وفجاة مسك يد طفايه الحريق وفى خلال تانيه واحدة سمعت صوت هائل ولم ارى اولادى اللى طبعا اتفزعوا هما الاتنين وطلعوا جرى على برة المطبخ وهما بيخبطوا فى بعض
وانا وقفت اتسمرت مكانى لانى مش شايفه قدامى لان الطفايه طلعت بخه كبيرة جدا من مسحوق ناعم جدا يشبه الرمل
طبعا المطبخ اتردم بودرة فى ثانيه من فوق لتحت وعينيا وانفى وفمى والاولاد كذلك وفيييينن لحد ما نضفنا المكان ومن يومها تركنا الصمام مفتوح الى الان
2- كنت فى احد المولات الشهيرة هنا وفيه بدل السلالم الكهربائيه حصيرة كهربائيه وفى كل دور طبعا يوجد افراد امن وحراسه
انا والولد والبنت كنا لوحدنا ولسبب ما سبقنا ابنى وكان عمرة اربع سنوات ومشى الى اخر الحصيرة وقرب يوصل للدور التالى وانا اراة بوضوح امامى لان المكان كان مش مزدحم
فجاءة وجدت ابنى ينحنى ويضع اصبعه فى ثقب صغير فى جانب الحصيرة
انتبهت الى ان الحصيرة توقفت عن الحركه وابنى وصل فوق وانا بنتى لسه على الحصيرة المتوقفه وكملنا مشى لحد فوق
لاقيت فجاءة صفارات انذار وحركه مريبه فى الطابقين العلويين والامن عمال يبرطم بالهندى وفيه ثورة حصلت
اقترب فرد امن هندى من الحصيرة وبدا يكلم رؤساؤة بالتوكى ووكى
فهمت اخيرا ايه اللى حصل
ابنى ضغط على زر جانبى احمر يوقف الحصيرة الكهربائيه فى حاله الطوارىء وهذا الزر صغير وغير واضح
طلعت اجرى وشديت بنتى علشان تلحقنى وابنى واقف يضحك ومبسوط جدا للى حصل ولاقيت فرد الامن عمال يجيب الوان
كلمته واعتذرت له وفييييين لحد ما فهمته الموقف بس بعد ايه المول كله اتفرج عليا

[ام نصر]

ازيكو يا بنات انا عجبنى الموضوع اووووىوححكى على موقف حصل لى مع ابنى كان عندو 3سنوات وقاعد بيلعب عاااااااادى وانا فى المطبخ وكل شوية اجى اطمن وارجع يظهر كدة هو خد بالو و راح استخبى منى وانا رجعت انادى مفيش حد يرد وادور علية مفيش فى كل مكان على السلم وعلى السطح وبعد نص ساعة وبعد ما عيطت حسيت بصوت ولقيتو نايم فى الدولاب وقام على الصوت يقولى بلعب معاكى يا ماما

[كوثر محمود احمد]

الاطفال دول حكايه وبمناسبه البلكونه انا ابنى 3 سنين من هواة الرمى فى الشارع مره كنت اصلى وانا حاسه انه بيروح المطبخ ويرجع على الاوضه رايح جاى ويبص عليا ويجرى حلصت وبسرعه دخلت عليه لقيته نازل ضحك واصوات ناس عاليه فىالشارع اتارى ابنى فتح درج المطبخ وكل حاجه يلقيها يرميها منها مفتاح الانبوبه وفتاحه العلب والسكاكين ووووووووو وبصيت لقيت الناس بتجرى وابص الاقى الحاجه كلها فى الشارع والناس طبعا فى حاله زعر اخدت الولد ودخلت من سكات وبعد شويه البقال اللى تحت جاب الحاجات وقلى خدى باللك شويه من ابنك دا كان هيعور الناس وربنا ستر وللعلم انا فى الدور الرابع ومن ساعتها حرمت افتح البلكونه واسيبها

[ايناس عادل]

مرمر ازيك وحشانى انتى وكل الفتوكات بجد المواقف تتضحك بتاعتكم وولادكم واعذرونى التاخير من المدرسه المره دى ابنى دخل تانيه ابتدائى عقبال بيدو وجنة وحاحكى معاكم عن مواقف اطفال قرايبى 00 بنت قريبتى يوم فرحى سابت كل اللى فى الفرح وجت لى فى الكوشه تقولى طنت عاوزه اشرب ده وهيه عماله تشد فى الطرحة اقولها طب روحى لماما تقولى لا عايزاكى انتى تشربينى وكان عمرها 6 سنين ومش عارفه كان اصرارها اكتر انى اشربها والا تشد الطرحه 00وبقيت ابص على مامتها انها تنادى عليها اوتيجى تاخدها ابدا مامتها فرحانه وبتبتسم ومش حاسه بالطرحة اللى حاتتخلع منى على ايد بنتها

[ام ياسمينا]

السلام عليكم
الموضوع بتاعى ما بيظهرشى لية

[بيدووجنة]

ههههههههههههههههههههههههههههههههه عمرنا مش قادرة امسك بطني م الضحك
موقف رهييييييييييييييييب بتاع الطفاية ده
ههههههههههههههههههههه
ابنك ما شاء الله عسول وشقي يا بنتي ربنا معاكي ههههه

ولا الموقف بتاع السلالم المتحركة رهيب بجد امما حتة كسفة بالتوكي ووكي هههههههههه
تعيشي وتاخدي غيرها يا قمر

مستنية مواقفك الحلوة تاني

[بيدووجنة]

أم نصر يا حبيبتي
موقف صعب اوي ساعتها بنعيط فعلا
لكن بعد ما بيعدي بخير بنفتكره ونضحك
ههههههههههههه
شوفتوا البراءة بعد يا عيني ما اعصابك راحت
بلعب معاكي يا ماما
سكر حبيب قلبي
بوسيهولي بوسة كبيرة كبيرة
ربنا يخليهولك

[بيدووجنة]

كوثر محمود نورتيني يا قمر
البلكونة فعلا عاملة عمايل للولاد بجد
بس مفتاح الانبوبة والسكاكين؟؟؟!!!
يلهوووووووووي جامدة دي
كويس انك خدتي ابنك من سكات ههههههههههههههههههه
وياعيني الناس لقت السما بتمطر عليهم سكاكين ومفاتيح الحمدلله محدش اتعور
وكويس انك بقيتي تقفلي البلكونة
انا كنت عاملة زيك سيباها عالبحري
بس اتقرصت فقفلتها بالضبة والمفتاح ههههههههههه
الحمدلله
وربنا يسترها معانا ويخليهم لينا