تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
رد: يلا بينا كل واحدة فينا تحكي موقف طريف حصل مع طفلها
ازيك يا كنوز الشرق يا قمر وحشاني موت
انا كنت لسه بقرأ القصص الحلوة بتاعتك عشان احكيها لبيدو وجنة
وبجد تسلم ايدك
ومتعرفيش انا بتبسط ازاي كل ما بشوفك منوراني هنا يا قمر
رد: يلا بينا كل واحدة فينا تحكي موقف طريف حصل مع طفلها
كنت ف مرة بتوضا عشان العصر
فجنة واقفة بره الحمام وعمالة تنده عليا
انتي بتعملي ايه يا ماما بتتوضي؟
اهزلها راسي علامة اه
بردو مفيش فايدة نفس السؤال بردو
فهيا متعودة ان باباها لما بيبتوضا مبيكلمش حد ولا بيرد على حد
فلما لقتني انا كمان بهز راسي مبتكلمش
لقيتها بتضضضضضضضضضحك اوي وبتنادي على بيدو وبتقوله :
الحق الحق يا بيدو ماما بتتوضا زي الرجالة هههههههههههههههههه
قعدت اضحك اوي لما سمعتها وافهمها ان الرجالة والستات والولاد والبنات بيتوضوا
ودي مخها متركب شمال
ومصممة اني بقيت رجالة خلاص وبتوضا زي الرجالة هههههههههههههههههه
رد: يلا بينا كل واحدة فينا تحكي موقف طريف حصل مع طفلها
بس ايه الجمال ده
موضوع بجد ممتاز
وانا لسة بنتي عندها شهر ملهاش مواقف
الا انها مش بتنيمني بالليل وفي عز زهقي وتعبي
الاقي بسمة عريضة علي شفايفها وكانها بتواسيني
وتقولي استحملي عرفتي تعبتي مامتك ازاي لحد ماكبرتي
الظاهر ان الاطفال هما اللي بيربونا مش احنا اللي بنربيهم
رد: يلا بينا كل واحدة فينا تحكي موقف طريف حصل مع طفلها
زى ما قلت لكم ابنى كان شقى شقى شقى
كان عندة اربع سنوات
صحينا بدرى كعادتنا واخته نزلت المدرسه وهو فضل صاحى
حسيت ان فيه تدبير كبير بيحصل
فى الوقت دة كنت شايله كل حاجه فى دواليب المطبخ ورفعاها اللى فوق التلاجه واللى على الرخامه وكل الادراج والرفوف السفليه فاضيه تماما
دخل ابنى المطبخ وغاب دقيقه
رجع وفى ايدة مسمار صغير ولاقيته بيقوللى 000ماما لاقيت الممار دة
قلت له جبته منين
قال من الدرج
قلت له رجعه تانى مكانه وارجع علشان نتفرج على الكارتون سوا
مجرد ماخرج من الغرفه انتبهت الى ان تكون هذة هى الجريمه الجديدة
ناديت عليه بسرعه تعالى تعالى بسرعه الحق الكارتون
علشان يرجع واخد منه المسمارفى ايدى
لاقيته رجع وهو ساااااكت خااااااالص 0000فسالته 00انت وديت المسمار فين 0000
تفتكروا فين
شاور لى على بطنه وقال لى هنا!!!!!!!!!!!!!
ايييييييييييييييييه يالهووووووووووى فيييين
حاولت اهدى نفسى وسالته تانى
فين المسمار فاشار الى معدته وقال لى هنا
لما ناديت عليه وكان عايز يرجع لى بسرعه فيعمل ايه علشان مايتاخرش عليا وعلى الكارتون 0000بلع المسمار ورجع بسرعه هو لسه هايروح لحد المطبخ!!!!!!!!!!!!!!
دورت فى كل مكان فى المسافه بين الغرفه والمطبخ وطبعا كل ما دور يشاور لى على بطنه يعنى ماتتعبيش نفسك دة فى الامانات فى بطنه
ذهبنا الى المستشفى وعملوا له اشعه وجابتها الممرضه للدكتور يشوفها
اول ما الدكتور حطها على الشاشه وبدا يشوفها انفجرابنى ضاحكا بهستيريه ووقع فى الارض وهو يقول000000جمجميه0000جمجميه00000يعنى الهيكل العظمى بتاعه 000اة 000نسيت اقولكم ان ابنى دة ارفع طفل ممكن تتخيلوة وبالتالى الهيكل العظمى باين فى الصورة مضحك جدا0000الدكتور والممرضات يضحكوا وانا ميته من الرعب وابنى واقع على الارض يضحك 000جمجميه 0000جمجميه000وانتظرنا يومين الى ان خرج المسمار
--اخدنا فترة فى حكايه ابتلاع الاجسام الغريبه
زراير --خيوط--مناديل ورق---ومرة جرب كان عايز يبلع نفتالين لكن طعمه لم يعجبه فتركه وشاور لى عليه انه وحش بلاش البنبون دة يا ماما 0000مش بتاعك ياحبيبى دة بنبون بتاع العته ياروحى
الى ان فاض بى الكيل من هذة المشكله لان كل يوم والتانى رايحه جايه على المستشفى يطلعوا لى حاجات منه المهم
كنا بناكل سمك وارز وباكله 00فجاءو اخد حبتين ارز وبسرعه حشرهم فى انفه وهو يبتسم000كالعادة اخدته ورحت دكتور الانف والاذن 0000جلسنا ننتظر الدور 000انفتح الباب ومن خلاله راى ابنى جهاز تعقيم ادوات الطبيب بيشتغل ومطلع بخار كثيف
والممرضه واقفه جنبه ونادت علينا ندخل
وانا داخله على الباب سالنى ابنى ايه اللى بيطلع دخان زى الشوربه بتاعت تيتا ما بتطلع دة
وفجاءة خطرت لى فكرة جهنميه!!!!!!!!!!!!!!!!!!!!!!
فقلت له احنا داخلين علشان الدكتور ياخد مناخيرك يسلقها فى الجهاز دة
اصيب ابنى بدهشه غريبه غريبه(اعتقد انه افتكر ان الدكتور بيعمل شقاوة هو كمان وبيسلق مناخير الاطفال وازاى هو ماعرفش الشقاوة دى قبل الدكتور) عينيه كانت بتقول كدة
ددخل الغرفه وعينه على الجهاز
وفجاءة فتحت الممرضه الجهاز وطلعت ادوات الدكتور فقال لى ابنى 00انتى بتضحكى عليا 00دة علشان المعالق والشوك بتاعت الدكتور مش علشان يسلق مناخيرى!!!!!!!!!!!!
كرسى فى الكلوب
الدكتور سمع الحديث فسالنى فيه ايه قلت له فيه ارز وسمك فى انفه
ابنى رد لاااااا ماما قالت لى انك هاتسلق مناخيرى
الدكتور زغر لى زغرة معناها ايه الست الجاهله دى
قلت له 00دكتور على فكرة قبل كل حاجه انا كيميائيه وعامله دراسات عليا 000ابنى ورانى المر بسبب الاجسام الغريبه اللى مرة يبلعها ومرة فى اذنه ومرات ومرات فى انفه وبصراحه زهقت من الحكايه دى وقلت له كدة علشان يبطل
ببساطه رد على الدكتور سيبيه يحط وهاتيهولى وانا اشيل له لكن كدة هايخاف ييجى معاكى مرة تانيه
رديت وانا شبه هانفجر من برود الدكتور00هوة دة شكل عيل بيخاااف اصلا
والحقيقه ان من يومها فعلا بطل تماما انه يعمل كدة
الظاهر حكايه المناخير المسلوقه جابت نتيجه
رد: يلا بينا كل واحدة فينا تحكي موقف طريف حصل مع طفلها
1[1].gif
اناعضوةجديدةاتمنى الانضمام اليكم ...
اعجبنى جدا الموضوع وحبيت اشارك فيه انا عندى حكايات متنتهيش مع اولادى يوسف 5سنوات وسلمى سنتين
يوسف كان عمره حوالى سنه ونص وماكانش بياكل خالص حاولت بكل الطرق لحد ما لقيت طريقة عشان ياكل وهى انى احط البطاطس المحمرة او قطعة اللحم و الدجاج بين اسنانى وهو ياكلها وفمرة بدل مايمسك البطاطس مسك شفايفى طبعا صرخت وهو من خضته داس باسنانة اكتر ..طبعا شفايفى ورمت جدا لمدة اسبوع او اكتر وهو كل ما يبص فى وشى يضحك ويقول ماعلش ياماما كنت فاكرها حتت كوكو.....
رد: يلا بينا كل واحدة فينا تحكي موقف طريف حصل مع طفلها
السلام عليكم
الموضوع حلو اوى يا ام بيدو وجنى وحكاياتكم زى العسل ربنا يخلى اولادكم واولادنا ويحفظهم ويبارك فيهم
النهاردة حنحكيلكم موقف لنا واحنا صغيرين احنا بنتين وولد وفى مرة زميلة ماما جت عشان تزورناوجايبة علبة بسكوت وطبعا العادة ان الاطفال الحلوين يستنو لما طنط تنزل
لالالالالالالالالالالالالالا مش ده اللى حصل طيب نستاذن ماما وناخد بسكوتة لالالالالالالالالالالا مش ده اللى حصل الى حصل وطنط قاعدة وجايبة ابنها معاها
فتحنا علبة البسكوت وخلصناها كلها اه والله كلها حتى من غير منعزم على ابنها بواحدة
طبعا تخيلو فرحة ماما بينا
رد: يلا بينا كل واحدة فينا تحكي موقف طريف حصل مع طفلها
أمة الله
ماشاء الله عليها بنتك عسولة خالص ربنا يخليهالك ويحفظهالك يارب
وفعلا عندك حق هما الولاد الل بيربونا
بس ربنا يكرمهم ويحفظهم يارب
وتكبر وتحكيلنا مواقفها الجميلة يارب
رد: يلا بينا كل واحدة فينا تحكي موقف طريف حصل مع طفلها
هههههههههههههههههههههههه
أمة الله حبيبة قلبي
ماشاءالله عليها ليلى بنت اختك عسولة وزكية بجد
وكمان عندها سرعة بديهة ربنا يكرمها ويحافظ عليها ان شاءالله
وموقف سكر جدا
وسواء حافظتي على صوتك او ضيعتيه
في نزاااااااااااااااهة يا بنتي ومحافظين على صوتك من الضياع ههههههههههههههه
وفعلا شر البلية ما يضحك
رد: يلا بينا كل واحدة فينا تحكي موقف طريف حصل مع طفلها
عمرررررررررررررررررررررررررررررررررررررررررررررررر رنا
ايه يا بنتي الافلام والمغامرات الل انتي عايشة فيها دي
ههههههههههههههههههههههههههههههههههه
ههههههههههههههههههههههههههههههه لا مش معقول يا بنتي كمية الحاجات الل بيبلعها دي هههههههههههههههههههههه
فعلا ف الامانات يا ااااااااااااااااااربي
وضحكتني اوي حكاية المناخير المسلوقة دي ههههههههههههه
اما نكتة صحيح ههههههههههههههههههه
منوراني ديما يا عمرنا بأحلى حكايات وطرائف زي السكر
رد: يلا بينا كل واحدة فينا تحكي موقف طريف حصل مع طفلها
أزار يا قمر منوراني ومنورانا ومنورة المنتدى
اهلا بيكي وسط أصحابك واهلك وناسك
يا لهووووووووووووووووووووووووووووووووووووووووووووي عضة الشفايف دي بشعة جدا يا نهار ابييييييض
معلش يا قمر تعيشي بس ما تتعضيش غيرها ههههههههههه
وشفتي ابنك السكر بيقولك معلش افتكرتها كوكو يا ماما ههههههههههههههههه
ربنا يخليهولك يارب ويحفظه
ازيييييك بيدو وجنة
اذا شعرت يوما بضيق فلا تقل يارب عندى هم كبير ..لكن قل يا هم عندى رب كبير
