بسم الله الرحمن الرحيم
السلام عليكم ورحمة الله وبركاته
أنا محتاجة نصيحتكم ومشورتكم لأني محتارة وخايفة ومش عارفة أعمل إيه
أنا مش عارفة الكلام اللي هأقوله ده يعتبر غيبة ولا لأ ، بس ربنا يشهد إني طالبة النصيحة
المشكلة هي إن زوجة أخوي- مش عايزة أقول بتحب- بس علي الأقل مالت لراجل تاني غير جوزها يعني أخوي ، ماشفناش عليها حاجة وحشة دي هي اللي قالت بنفسها لماما يعني حماتها تخيلي لما واحدة تحكي لحماتها كلام زي ده،هو الراجل ده بياع وبتشتري منه حاجات وبدأ يكلمها بطريقة مش المفروض يكلمها بيها ولا هي المفروض كانت تسمحله بحاجة زي كده أولا لله ثانيا علشان هي متزوجة وعلشان ماتبقاش خيانة لزوجها ، والله الحمد لله هي عايشة كويس جدا مع أخوي وباسطها ومابيتأخرش عنها بحاجة وهي كانت مبسوطة،بس زي ما بيقولوا (الزن علي الودان أمر من السحر) والشخص ده عايز يجيبلها موبايل علشان يكلمها علي طول ومعني كلامه معاها إنه عايز يتجوزها-طب حد يقولي إزاي وهي متجوزة!!!!!!!!!!!!
هي بصراحة كويسة معانا وبتصلي واتنقبت بقالها فترة بعد وفاة والدها وقالت لماما إن هي متمسكة بالنقاب أكتر علشان الراجل ده مايعرفهاش ومايندهش عليها ، بس هي ساعات بتروح له ، بصراحة مش بتروح له علشانه علشان تشتري منه بس ما هي الحاجات اللي عنده عند غيره ، ومش المفروض تروح له تجيب منه حاجة لأنه بيفتح معاها كلام برده ، وقالت لماما إنها جه عليها وقت كرهت أخوي فيه بسببه وساعات تقول اللهم اخزيك يا شيطان،ماما نصحتها وقالتلها إنها مش المفروض تروح له قالت لها بحاول ، يا ناس دي ما فيش فيها محاولة دي زي مابيقولوا -اقطع عرق وسيح دم،يعني مش المفروض تروح له خاااااااااااااااالص
ما حدش يعرف الكلام ده غير أنا وماما وأختي ، هي قالت الكلام ده لماما بس-أنا مش عارفة ازاي-وماما حكت لي أنا وأختي بتفضفض لنا يعني ، وإحنا بنتمني لها الهداية وبندعي لها بس بصراحة خايفين علي أخونا من الحوادث اللي بنسمعها -لاقدر الله لا الشخص ده أو هي أو هما الاتثنين يفكروا يعملوا حاجة فيه
ياااااااااااااااااااااااااااااارب سلم
ومش عارفين نقول لبابا لأنه راجل كبير ومايستحملش ولا أخوي طبعا ولا أي حد ومش عارفين نعمل وهي أصل ماتعرفش إن أنا وأختي عارفين يعني لو أي حاجة حصلت هتعرف إن ماما هي اللي قالت
دلووووووووووووني أعمل إيه بالله عليكم وادعوا لها بالهداية
آسفة جدا إني طولت عليكم
والسلام عليكم ورحمة الله وبركاته
اذا اعجبك الموضوع و اردت نشره في المنتديات الاخرى فاستخدمي هذا الرابط:
عندي مشكلة جامدة جدا ومش عارفة أعمل إيــــــــــه؟؟؟
http://forums.fatakat.com/thread56874
bobo
