[habeeba]

ازيكو يا بنات..
بصو انا دلوقتي ليه أخو زوجي ..هو انسان محترم ومؤدب بس المشكله اني مبحبوش لأنه فيه شوية صفات تكره الواحد في عيشته..بناءا عليه وبما اني مبعرفش اجامل .. (ولو اني ضغطت على نفسي في البدايه عشان جوزي ميزعلش وعشان كنت بقول أحط اخويا او ولادي في مكانه..) ..بدأت ان كرهي له يظهر في تصرفاتي..فا هو عنده دم وحس ومبقاش ييجي عندنا ..انا مرتاحه جدا انه مبيجيش لأن مجرد لما بييجي انا بتخنق اووووووووووووي ..سؤالي بقه هل كده حرام عليا ولا ايه؟؟يعني قطع لصلة الرحم ..مع ان عادي انا مبقسيش جوزي عليه نهائيا و لاكن انا مش قادره اتعامل معاه ..وبعدين عادي بنروحله وبنكلمه في التلفون طولت عليكو بس بالله عليكو تردوا عليا متطنوشونيش ..
اختكم في الله

اذا اعجبك الموضوع و اردت نشره في المنتديات الاخرى فاستخدمي هذا الرابط:
عاوزه رايكم يابنات لوسمحتو..
http://forums.fatakat.com/thread57499

[habeeba]

ايه يا بنات محدش معبرني ليه بقه

[ام رسل / بغداد]

بيني وبينك محدش بيحب اخوان الزوج ولكن مجبورين نحكي معاهم لان صلة الرحم واجبة

[habeeba]

صح انا بحكي معاه بس بتحفظ.. والأمور عاديه ..لكن من كتر ان كرهي ليه باين عليا هو حس ومبقاش ييجي عندنا خالص في حين انه قبل كده كان تقريبا عايش معانا..هل كده انا اشيل ذنب ولا ايه؟؟

[أم مريم]

ليه تخلى تصرفاتك تغلبك و تبعدى الاخ عن انه يزور اخوه
انتى ممكن متقعديش معاه اصلاًُ سلمى عليه او قدميله حاجة و خلاص
و بعدين ممكن ده مستقبلاً يعمل مشاكل و الكلام يزيد و انتى عارفة كلام الستات الفاضيه
دى خلت اخوه ميجيلوش بيته و الكلام يكتر و المشكله تكبر
ليه كده و بعدين متزعليش منه اخوه ابقى ليه من مراته
انا اسفة انى قاسيه عليكى بس دى الحقيقة و بعدين عشان مصلحتك
فى الدنيا فى حياتك مع جوزك و اهله و فى الاخرة عشان ربنا يرضى عنك
لأن ممكن الموقف ده يكون مدايق جوزك عشان اخوه مش بيزوره و انتى السبب

انتى مش مجبورة انك تقعدى معاه و تجامليه و تستحمليه ده يا دوب اخو جوزك
سلام خلاص و تقدميله حاجة و انتى بتسألى عن صحه امه و اخواته او مراته و اولاده لو متجوز و خلاص

حاولى تصلحى الامور و ربنا يوفقك فى حياتك ان شاء الله

[habeeba]

يا ام مريم المشكله انه مبيجيش زياره ويمشي لأ ده هو ممكن يبات معانا كمان يعني كأنه مقيم معانا مش مجرد ود.. ويمشي..وانا مبعرفش اقعد في البيت الا بالإسدال طول ما هو موجود وده خلى جوزي يبحث بره عن واحده مهتميه بأنوثتها..غير كده جوزي مبيطقش اخواتي وطفش اختي من بيتي وكانت حجته انه يقعد ازاي ويرتاح في بيته قدامها..ايه رايك بقه بعد الكلام اللي قولتهولك ده

[habeeba]

وبعدين اخوه انا مبحبوش مش من لا شيء لأ .لأنه شخص بتاع مصلحته ومبيحترمش حد ودايما بيعصب جوزي ووجوده معانا بيعمل مشاكل كتير..يعني ده السبب في كرهي له .وانا لسه متجوزه بقالي سنتين ومعشتش حياتي مع جوزي ومش في حمل لإستحمال حد.

[أم مريم]

يبقى خلاص لازم تفهمى جوزك بينك وبينه فى لحظة صفا كده وبهدوء و من غير ما تتخانقوا انك برضه مش واخدة راحتك فى بيتك و انه اصلاً حرام يبقى فيه راجل غريب فى البيت مهما كان
و انك مرحبة بيه فى اى وقت بس كضيف
وحاولى يعنى كده بدلال توريله ازاى بتبقى واخدة بالك من نفسك و منه و اخوه مش معاكوا

و أولاً و أخيراً حراااااااااام ده راجل غريب ميصحش انه يبات معاكوا
و فعلاً برضه هو عنده حق برضه حرام ان اختك تقعد معاكوا و فيه راجل غريب اللى هو جوزك ده لو هى بتبات معاكوا انتوا كمان

وبعدين مش كل واحد ليه بيت ايه اللى يخلي اخوه او اختك يباتوا معاكوا؟؟!!!
فين الاستقلاليه ليكى او ليه

وربنا معاكى و يصبرك

[أم مريم]

وبعدين متزعليش انا رديت عليكى فى الاول بناءً على الكلام اللى انتى حكتيه انتى مقلتيش الموضوع كامل على بعضه

و ان شاء الله ربنا يهديلك جوزك

[أم الغاليه]

حرام عليك يا أختي .. محد طلب منك تحبيه حب رومنسي ولكن الأحترام والحب الأخوي واجب عليك لأنك اذا تحبي زوجك حتبي كل شي هو يحبه وبالذات أهلة .. أعكسي السألة وحطي ببالك لو أن زوجك يكرة أخوك واذا جاء أخوك عندك بحسن نية وحب بداء زوجك يطلق العيارات والعبارات التي قد تسبب جرح لأخوك أية مشاعرك وأحساسك .. هذا أخوة عشرة تربية رضاعة مشتركة أتقي الله نحن نعيش دنيا فانيا وليست دائمة لأحد .. اليوم دنيا وبكرة أخرة .. ربنا يهدذيك وينوربصرك لما يحب ويرضى .المعذرة عزيزتي أعتبريها نصيحه لوجة الله .

[habeeba]

انا برحب بيه جدا يا أم مريم والله واحنا في بلد غربه .. عشان كده اللي بييجي بيعد عندنا ..لحد اما يلاقي شغل ويستقر .. اختي سابت البلد ورجعت مصر لأنه مأحسنش استضافتها لفتره مؤقته ..وانا استضفت اخوه سنه بحالها .. لكن خلاص طفح الكيل .. لأنه مش متحمل مسؤوليه وبيرمي كل حاجه على اخوه و احنا في غربه ولازم كل واحد يتحمل مسؤوولية نفسه..
أنا يمكن محكتش الموضوع بالضبط في الأول لأني مبعرفش أحكي كويس الا لما حد يسألني وأنا أجاوب..ايه رايك بقه في اللي قلته؟

[habeeba]

[quote=أم الغاليه;773171]

يا ام غاليه .. انا قلت ان كرهي ليه ظهر عليا ..ده مش معناه اني كنت بضايقه في الكلام ..نهائيا لأني متربتش على كده..
أنا كرهي ليه ظهر عليا في اني لما بيكون موجود وقاعد مع جوزي مثلا في الصاله بسيبهم وادخل اقفل على نفسي الأوضه بتاعتي..لأني موظفه وطول النهار في الشغل وببقى عاوزه اروح أخلع الحجاب بتاعي في بيتي ودي اقل حقوقي ..فا بضطر ادخل غرفتي واقعد براحتي..
هو ده اللي بعمله .. ومش بوجهله اي كلام خالص في اي شيء لأن طريقته سخيفه ومستفزه جدا .. حتى اخوه مش بيستحمل كلامه..بس هو ده الموضوع وبعدين فعلا جوزي من البدايه عمل كده مع اختي مع ان اختي مقعدتش غير اسبوعين بس وطفشت .. واخوه قعد سنه .. ده معناه اييه؟؟ان جوزي ماستحملش اختي واحنا في بلد غربه انما انا استحملت اخوه لحد اما زهقت..

[toto s]

شوفي يا حبيبه
راي ام مريم صحيح
مفيش غير انك تقعدي مع جوزك وتتفاهمي معاه بخصوص اخوه
واكيد هو رح يتفهم

[مسز باسم]

ما ينفعش حد يبات معاكى فى البيت حتى لو كان اخوه دى كارثة كارثة

[habeeba]

ميرسي لردودكم كلكم يابنات

[امراه مسلمه]

تعاملي معاه في حدود على انه اخو زوجك فقط بحيث الموضوع مياثرش على علاقته باخوه عشان متاخديش ذنب وخلي الزيارات موجوده اصل بيتك ده بيت اخوه مش معقول ميدخلوش خلي العلاقه موجوده بس رسمي وفي حدود عشان انتي ترتاحي وكمان جوزك ميزعلش فهمتيني

[فنانه صغيره]

اوعى تنسى انه هو اخو جوزك وممكن الانت مش بتحبى تصرفاته ده يبقى واحد يفق معاكه فى اى مشكله ما بعد الشر يارب مايجيب مشاكل بس اتعاملى معاه بحدود قدميلى حاجه سلقعه حاولى تتحملى شويه عشان خاطر جوزك وكمان مش بيعد معاكوا على طول دى زياره وهيمشى واوعى تقطعى علاقتك باى حد مهما كان

[habeeba]

ميرسي اوي اوي لإهتمامكم وردكم يا فتوكات

[senderlla_al_a7zan]

حبيبتي حبيبة وحشاني قوي ومفتقداكي قوي قوي
المهم ردا على موضوعك مش قلتلك قبل كدة متحطيش في دماغك ان جوزك عاملني وحش وانا عندك لان كان ساعتها انتو عرسان جداد ويمكن انا اللي جيت في الوقت غير المناسب وبعدين تنسي ده علشان تعرفي تتعاملي معاه وخليكي انتي الكويسة للاخر. سلامي للاولاد:36_3_5[1]:
أختك
سندريلا الأحزان

[ام سيف ومريم]

بصي يا حبيبو هو اصلا شرعا مينفعش يجي يزوركم وجوزك مش موجود في البيت

وموضوع انه يجي يبات ده شيء يضايق لان ده بيتك ومن حقك تاخدي راحتك فيه

وانتي مش ملزمه تكميه بس اقل حاجه لما يجي البيت تضايفيه وتقومي بواجبات الضيف

بس لكن انك تقعدي معاه وتتكلمي وتهزري فده مش مسموح شرعا