[جورية]

بسم الله الرحمن الرحيم

هذا يوم تتمناة كل بنت ومحد ينكر
اولا مرة جربتة لما دخلت الغرفة الي فيها العريس بحضور اختي و اخويا واخواته هو اثنين يسالني وانا كل كلامي متلخبط وكاني بجري وانا بتكلم من الكسوف
وحدة قالتلي موقف بردة انها لما راحت تشوف العريس قلها اغسلي وجهك وتعالي وغسلت وراحت والله موقف مضحك ومحرج

تقولولي مواقفكم ونضحك مع بعض
اختكم جورية

[ام ايفان]

انا حاحكيلك موقف حصل يوم خطوبتي..
اتصوري بابا كان فاكر ان ابو خطيبي هو خطيبي لان خطيبي كان صغير عمره(21)سنة وابو خطيبي كان شاب جميل ..في نهاية الحديث عن المهر والذي منه بابا قال لابو خطيبي (انت مش شوية كبير على بنتي؟)هههههههههههههههه
ايه رايك ياجورية؟؟

[ريري]

مش معقوله يا ام ايفان .....!طب ليه ما راجعتيش نفسك وفكرتى فى باباه اللى زى القمر...........؟؟؟؟
انا يوم خطوبتى كان نفسى اقعد شويه مع عريسى ،بس السيد الوالد ما رضى...بس بعد كده قعدت معاه اكتر من مره (فى حضور اخى)وكانت من اجمل ايام عمرى لانها ....كانت كلها رومانسيه واشواق مداريه....

[preatywoman]

شكرا على موضوعك يا جوريةموضوع حلو اوي وبيرجع الذكريات بس ام ايفان قصتك حلوة اوي
انا بقه كان يوم غريب انا مكنتش عايزة اشوفه ولا هو عايز يشوفني ولا الافلام والله وجه يوم ما شافني الساعة 12 بالليل لظروف وكان اهلى مسمينه عريس نص الليل

[ام ايفان]

يا ريري زوجي كمان زي القمر ..
طبعا انا وزوجي كلما نتذكر الموضوع نضحك ..نسيت اقولك ياريري انا كمان زي القمر ههههههههههههههه

[منه الله عبد العزيز]

ادعولى اتخطب علشان احكيلكم عن يوم خطوبتى

[مروشكا]

أنا كنت مجهزه نفسي لادخل لخطيبي طبعا مجلببه يعني بجلباب وخمار وعند اللحظه الحاسمه جاء السيد الوالد وقال لي أنني يجب ان أدخل بدون جلباب وخمار وهذا الشرع أنا صعقت وصرت أبكي وبابا يقنعني ويجيب أحاديث وأدله (وكله والعريس مستني) وبعدبن دخلت وأنا ضاربه بوز يعني مبوزه وإلى الأن زوجي بيسألني ليش كنتي مش على بعضك ليكون مغصوبه!!!!!!!!!!!!!!!!

[جورية]

والله بصراحة يوم حلو ومشكورين على كلام الحلو الدة

[heba saad]

انا بقا من النوع اللى بيترعش لما اكون مكسوفة وطبعا من عادتنا المفروض تقدمى الحاجة الساقعة او الشاى للعريس ولااهلة وجيت عند العريس واطلخبت وكنت هوقع علية الشاى بس ربنا ستر
ههههههههههههههههههه

[ام الاء]

كنت مبسوطه جدا فى هذا اليوم وايضا مكسوفه وكانت مشكلتى تقديم اى اكرام الضيف بمعنى اقدم عصير وكانت هذه مشكلتى عدد الكاسات كثير وانا عمرى قدمت حاجه لاحد فى الصنيه والحمد لله لم اوقع اى شيى بس كنت خايفه وشكرة ربنا ان لم يقع اى شيى على احد

[جورية]

والله دمك خفيف ومواقف جميلة
انشاء الله لما عيالكم يكبرون ويتزوجون بناس صالحين بتذكرون وتضحكون

[boska]

انا بقى عايزة اقولك انى اول ما شوفته جريت

[ورده الحب الصافى]

بااااااااااااااااااااااااااااااااااااس أسكتوا بقى وأسمعوا دى
هما حاجتين أول واحد ساعة لما جه يلبسنى الشبكه الحاجه كانت عندنا فى البيت وتقريبا أختى نسيت تطلعها من الأوضه ولما طلعتها حطيتها قدامى وسابيتها ومشيت وفضلت أدامى كتير وبعدين قلت له ماتلبسها لى قالى يلا لبسها لى وبعدين قالوا لأ لازم الناس تتفرج عليها الأول وبعد كده قلعتها علشان الناس تتفرج عليها ده موقف التانى بقى محرج على كوميدى
عمى داخل يسلم عليا والناس كلها حواليا ومحمد جنبى قالى مبروك يابنتى قلتله الله يبارك فيك يا خالو ههههههههههه
مع أنى ماشفتش حد من خلانى ساعتها
معلش طولت عليكم بس أيه رأيكم

[rehab]

بجد قولتله يلبسك الشبكة يا وردة



بصوا بقي

أنا يومها كانت أختي والده وجت عندنا وهو جيه فالمهم أختي خرجت تسلم عليه قالها أزيك يا رحاب ههههههههه أصلنا تؤم صوت وصورة
كل أما أفتكر أقوله في عروسه هتخرج لعريسها بجلابية أمها وشعرها منكووش يتكسف جداااااااااااا
أااااااااااااااااااه كانت أيام وعدت

[جورية]

ذكريات محفورة في القلب

[أم روان]

انا جوزى قريبى من بعيد جالنا الصبح بدرى علشان كان جاىمن السفر فشافنى وانا لسه صاحيه ومنكوشه مش مشكله علشان شعرى ناعم ولابسه تى شيرت واسترتش طبعا ماقدرش يقاوم منظرى الروش وكان اول مره يجى عندنا راح طالب ايدى بعد نص ساعه**
اتارى كان واحد بيدعيلوا يتجوز واحده شايفها وهى صاحيه من النوم حكايه غريبه صح

[أم الطيب]

أنا كنت نايمة وأهلي وأخواتي مخبيين عليا ان فيه عريس جاي ولقيت أبي بيصحيني بيقولي قومي البسي.. طبعا أعدت أعيط أد كده..

[ناننو]

انا بقى حماتي اللي انتو عارفينها كويس من عمايلها اللي في موضوع اخبار الحموات لازم تتحفني بحاجه في اليوم دا فا الهانم قررت انها تقعد في الكوشه جنب عريسها قصدي عريسي اللي هو ابنها ولما جوزي قالها ان دا مكاني انا وماينفعش هي اللي تقعد ضربت بوز وولعت من الغيظ وكانت عاوزه تروح لوله الناس قعدو يهدوها وطبعا قومت حريقه بعد الخطوبه ... شوفته الهنا اللي انا فيه

[أمولة]

كل مواقفكم زي العسل ------ههههههههه

[أمولة]

انا بيكون ابن عمي اجى عندنا علشان اشوفه ويشفني وصار النصيب ما صار شي
محرج ابدا بس في حفلة الخطبه كان الحذاء ضيق وضليت مبوزه من الوجع--------