السلام عليكم ورحمة الله وبركاته
والله موضوع عسل جدا وانتم كمان كلامك ومواقفكم جميله
اما انا في يوم خطبتي كانت الكوافيره جيالي البيت ومتفقين علي الساعة 6 مساءا لان العريس هيجي هو واهله الساعة 8 وجت الساعة 7.5 والكوافيره مجتش وطبعا كنت هموت من الغيط وشديت مع كل اهلي الي في البيت وطبعا مكنتش عارفه اعمل ايه وبكيت بكاء شديد ونزلت الساعة 7.45 علي شان اروح لكوافير تاني وطبعا كان موقف لا احسد عليه ده كان في البدايه .
وبعدين بعد الخطوبه العريس طلب من بابا اننا ننزل نتعشي مع بعض وكنت اول مره اخرج معاه لوحدي وكنت مبسوطه جدا ووافق بابا بس علي شرط ساعة منتاخرش واول ما نزلنا من البيت ورايحين الكافتريا علي شان نتعشي افاجئ باصحابه واولادهم وخطيبي اولاد اصحابه بيحبوه جدا وقعدوا يلعبوا معاه لحد ما عدت الساعة وطبعا لكم ان تتخيلو كانت خروجه ما يعلم بها الا الله والله ندمت اني نزلت اصلا ورجعت بوزي ومش طايقه نفسي .
الحمد لله عدد ما كان وعدد ما يكون وعدد الحركات وعدد السكون
