[RORO_H]

بسم الله الرحمن الرحيم

بصو يا فتوكات انا بكتب قصص من زمان وقلت انزلكم القصه دى انا لسه مئلفاها والى شجعنى انى انزل لما لقيت عضوات منزلين بردو قصص قلت انزلكم حاجه من عندى

القصه اسمها كدا مش تستغربو يالا ندخل في الموضوع ....:36_1_39[1]:


تدور احداث القصه حول شابه تبلغ من العمر 35عامه متزوجه و لديها فتى يشبهه اليابانيون قليلا وهوا يبلغ من العمر18 عام فى احد الايام كانت جالسه هذه السيده وهى تدعى((روان))

في احد الايام .............
كانت روان جالسه على الاريكه تشاهد التلفزيون جاء لها فتى هذا الفتى ابنها يدعى ((امجد))
وجلس الى جانبها وقال::بتعملى ايه يا ماما انتى ....اعدا متنحه كدا ليه طيب؟؟
نظرت له روان وقالت::ايه متنحه دى ...ها عايز ايه قول مانت مبتبطلش طلبات؟؟
نظر لها امجد نظره حزينه وهو يبدو عليه انه يصطنعها وقال::ياااااااا يا ماما دانتى قاسيه اوى وخصوصا وانتى بتتفرجى على البتاع ده
فنظرت له مره اخرى وقالت::امجد قول يا بابا عايز ايه والا تعد تتفرج معايا وانت ساكت
نظر لها امجد وقد ياس انها تمزح معه كالمعتاد وقال::ماشي بصي بقي انا عايز الاجازة دى .....
وقبل ان يكمل حديثه قالت له::نعـــــم اياك تقول رحله والكلام ده
قال لها وهوا يتعجب ::وفيها ايه يعنى يامااما متخليكى حلوة كدا اقلك تعالى روشي معانا
نظرت له روان وقالت::روح يا امجد من قدامى روح كل اعمل اى حاجه روح النادى يالا يا بابا
نظر لها امجد واسرع الى غرفه والده واطرق الباب ودخل وجد والده امام الحاسوب فقال له: بابا بص بقي ماما عامله الرحله حوار ومش راضيه تطلعنى
نظر له والده وقال.::الى اعرفو انك ممكن تدخل تقول صباح الخير او تقول ازيك يا بابا اى زفت على دماغك
نظر له امجد ورفع حاجبيه وقال::ماشي يا بابا خلينى بس في الى جيلك فيه خليه توافق
نظر والده للحاسوب مره اخرى ولم يرد عليه
وقف امجد بقرب الحاسوب وقال::ممكن تخليها توافق
نظر له والده وقال::هوا انت هتعد اد ايه
ابتسم امجد وقال::هنعد اسبوع
فنظر والده الى الحاسوب وقال::طيب روح قول لماما تجهز الشنط عشان احنا طالعين الرحله دى معاك
تفاجاء امجد وخرج من غرفه والده وهو على وجهه نظره تعجب على غضب واخذ يتكلم بصوت منخفض::ايه ده هما لسه صغيرين عشان يجو معايا
شكلهم مصدقو والله ماشي يا بابا ان شوفت وشي والله لعد مع صحابي طول الرحله
وفجئه وجد والدته في وجهه وقالت::اااااااااه قول كدا بقي
فقال لها وهو يبتسم ::ايه يا ماما بس مالك دانتى حتى جايه معايا الرحله انتى وبابا
وركض من امامها بحجه الهاتف ليتصل على اصدقائه
وفي اليوم التانى بعد ان جهزو اغراضهم وركبو السياره قالت له والدته وهو جالس بالجزء الخلفي من السياره
::انزل يا امجد اركب عربيتك واستنى (منار ) عشان تخليها تسوق هيا
فغضب امجد وقال::مش كفايا مش هتخلينى اسوقها كمان تقولى هيا تسوقها ليه هيا الولد ولا انا
نظرت له والدته وقالت ::خلاص خليها تركب معانا وبلاش عربيتك خالص
قال لها وهو يفتح باب العربيه ويفتحه ثم اغلقه بشده ::ماشي ماشي يا ماما هستناها انا مش عارف هيا ورانا ورانا في كل حته ليه خلفناها ونسيناها
تركه والده ووالدته وذهبو ليضعو بنزين في السياره وهو انتظر منار
___لحظه____((منار دى تبقي بنت خالتو وهيا عندها 21سنه ونوران بتحبها جدا لان مش عندها بنات فديما بتحب تاخدها معاها في كل حته والبنت كمان بتحب نوران ....نرجع نكمل يالا))
هاهو امجد جالس في السياره يستمع الى اغانى وصوت الاغانى على اعلا درجه
جائت منار و اطرقت على زجاج السياره فلم يسمعها
ففتحت الباب وقالت :::ايييييه الى انت عاملو ده عايز تبقي اطرش انت ايه يابنى
اخفض صوت الاغانى وقال لها::في ايه يا منار مالك ومالى
قالت له::انزل يالا يا امجد خلينا نلحقهم وبعدين نتكلم مالى ومالك
نظر لها امجد وهو يقول في عقله ::وكانها عربيتها ال انزل ال يا ست روحى
صعدت منار الى السياره وشغلتها وهاهى ذاهبه الى المكان المنتظر فيه
وعندما كانت في السياره قال امجد::ماما قالت ان انا هسوق واحنا جوا اسكندريه
ابتسمت منار وقالت ..::مش قالتلى يعنى
نظر امجد امامه وكان يشرب عصير وقال::لا قالتلى انا كبري دماغك بقي واسمعى الكلام
وعندما كانو داخل مدينه الاسكندريه صعد امجد وقاد السياره مكان منار
وهاهى اول مشكله تحدث بسببك يا امجد
انها حادثه في منتصف الطريق لقد صدم امجد سيده سائحه
اوقف امجد السياره وركض عليها وقال انتى بخير فوجد لغتها غريبه
فنظرت له منار بقلق وخوف وقالت::قلتلك بلاش يا امجد عاجبك كدا هنعمل ايه دلوقتى بس اعمل ايه اتصل على خالتى اقلها
قال امجد وهو في غايه الغضب ::اسكتى بقي ده وقتو خلينا ناخدها قبل ما يجو الناس خلينا نوديها المستشفي
اخذها امجد وذهبو الى المستشفي
قالت منار لامجد وهى تقف قرب باب غرفه السيده::هنعمل ايه يا امجد لو عرفو انك خبطها هتبقي مصيبه تانيه لان انت مش معاك رخصه انا هقول ان انا الى كنت سايقه
قال امجد وهو عصبي::لازم اكلم ماما لازم
وضعت منار يدها على رائسها وقالت::معرفتش جنسيتها ايه يا امجد
قال امجد::شكلها اسيويه يعنى مش طالبه ذكاء
قالت منار ::بص يا امجد ندخلها انا وانت الاول نتكلم معاها
الدكتور خرج من الغرفه وتحدث لغه انجليزيه وسائل امجد::انت ابنها؟؟
نظر امجد الى الدكتور وكاد يقتله بعينيه وقال::ايه نعم ...ازاى يعنى ابنها يا دكتور شايفنى من اسيوى اوى كدا
ارتبك الدكتور وشعر انه سبب الاحراج للفتى وقال::لالا هوا بس سوء تفاهم عشان انا مشوفتكش اتكلمت خالص
نظر امجد الى منار وجدها تسرق الضحكات في صوت منخفض فاستدارر وجهه للطبيب وقال::هيا فيها ايه يا دكتور؟؟
قال الطبيب::متقلقش دى بس ذراعها اتكسر وحبه كدمات ممكن تدخل تتفاوض معاها قبل ما حد من الصحافه يشم خبر وشرطه السياحه وموال انت مش ادو
قالت منار::ينفع ندخلها دلوقتى يعنى
قال الطبيب ::ايووووة تقدرو تدخولولها بس شوفو هتتكلمو معاها ازاى
قال امجد ::شكرا يا دكتور لحد هنا مشكلتنا بقي
ذهب الطبيب من اماهم ووجد امجد منار مبتسمه
فقال لها وهو غاضب::افهم يعنى ايه الفرحه الى على بقك دى
قالت منار ::فرحه ايه اه اه يعنى عشان الاسيويه دى طلعت بخير
قال امجد وهو ينظر لها نظره غضب وغيظ وقال::مااااااااشي يا ست الفرحانه مين هيدخلها انا ولا انتى
ابتسمت منار اكثر وقالت ::انت طبعا يا ابن خالتى على الاقل الدم بيحن ....وجلست تضحك
((ثانيه)(كل الموضوع ان امجد شبهه الاسيوين شويا يعنى يدى صينى فلبينى*_*))
عدنا
نظر لها امجد وقال:: دم ايه والله اسيح دمك هنا ولا اكسرلك دراع زى الى جوا دى
قالت منار ::لالالا وليه ده كلو ادخلها انا
ومشيت تجاه الباب فشدها امجد وهو يقول::انا الاول يا ست الفرحانه
وعندما دخلو اول تفاجاء امجد بالفرحه على وجهه السيده واخذت تحدثو بلغتها
فتلوت منار ضكحاًعلى موقف امجد وقالت::مش قلتلك الدم بيحن ولا بلاش اتفضل قلها ان انت مش من بلدها
واخذت تضحك
ابتسم امجد ابتسامه مصطنعه وقال::وربنا لوريكى يا منار
واخذ يحدث السيده لغه فرنسيه لانها كانت تتقن تلك اللغه وامجد ايضاً يتقن تلك اللغه بسبب والديه يتحدثونها وبسبب اقامتهم منذ زمن بفرنسا
ما دار في حديثهم ان امجد تاسف للسيده واخبرها بانه سوف يقوم بصطحابها هيا وزوجها وابنتها الى المكان الذي يريدونه في الاسكندريه كل ذلك بسيارته الخاصه وتفاوض امجد مع السيده واتفق معها ماذا تخبر الصحفين اذا جاء اى شخص وخرج امجد وهو متفق مع السيده على كل شئ
وعندما خرج قال لمنار::كلمه بقي مسمعش منك يا خفيفه عشان انا عارف ان بقك ده هيخنقنى وكدا هبقي مضطر اخيطهولك هنا قبل مانمشي فسكتى احسن
سكتت منار واخرجت الهاتف وقالت::اذا كان كدا بقي اكلم خالتى الى زمانها قلقت علينا وانا كنت قافله الموبايل
نظر لها امجد وايضا اخرج هاتفه وقال::ايوووووة ازيك يا ماما جاين يا حببتى في الطريق متقلقيش اصل منار كانت جعانه اوى واضطريت اخدها تاكل في اى حته اه جاين اهو
فنظرت له منار نظره سخريه وقالت::وفرتلى رصيدى

هنشوف بقي هيحصل ايه بعد كدا بس المره الجايه

:36_1_11[1]:

..................................يتبع............ .............

اذا عجبتكم انزل الباقي بس عايزة رائيكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
قصه((حظو جه كدا))
http://forums.fatakat.com/thread57826

[RORO_H]

ايه يا جماعه كل الى يدخل مش تعجبو ولا ايه ؟؟
الفيلم بتاعى سقط خلاص من قبل ماعملووو

[القمر الاسكندراني]

بداية جميلة يارورو

[RORO_H]

ميرسي ربنا يخليكى وشكرا على مرورك

[القمر الاسكندراني]

العفو يا حبيبي

[موحده بالله]

كويس يا رورو

مستنيه الباقى
انتى عندك كام سنه يا رورو

[RORO_H]

شكرا ليكى يا موحده بالله انا عندى 20 سنه

[RORO_H]

فين ارائكم

[مشتقالك اوى]

اوووووووه القصه جامده موووووت

مستنيا الباقي يا رورو نزلى بقي ولا انتى بخيله؟
لووووول

[snoopy]

رورو : لو عايزة رأي صريح فعلا" , يبقى ما تزعليش لو قلتلك إن اللغة و الأسلوب محتاجين إنك تشتغلي عليهم شوية .. عن طريق قراءة المزيد من الأعمال الجيدة للأدباء المعروفين .
و أتمنى لك التوفيق يا عزيزتي ..

[RORO_H]

ميرسي ليكى يا مشتقالك وان شاء الله هنزل الباقي بكره او بعدوو

ولا يهمك يا سنوبي ان شاء الله هحاول اغير الاسلوب بس طموحى مش ابقي اديبه دى قصه عاديه يعنى زى ماتقولى كدا سيناريو فيلم ههههههههههههه
بس عادى هشتغل على اللغه ولا يهمك و كمان انا كاتبه قصه عاديه مش قصه في كتاب يعنى بس وربنا يوفق الجميع :36_1_39[1]:

[RORO_H]

الجزء التاااانى

وعندما وصلو الى الشقه التى سيقضون بها العطله اسرع امجد الى والدته لانه كان يعلم ان منار ستخبرها ان لم يخبرها
وقال لها وهو جالس بجانبها على الاريكه
::بصي يا ماما حصل حاجه وانا صلحتها بس ياريت تسامحينى بقي ومنخليش اجازتنا جنازتنا
نظرت له الوالده وجاء على وجهها الذهووول وخافت وقالت::ايييه حصل ايه قلي فهمنى ايه جنازة ايه في ايه
قال امجد ::لا يا ماما ولا جنازة ولا حاجه
ويتفاجئ امجد بوالده يخرج من الغرفه الداخليه ويقول::ابنك خبط واحده يابانيه يا روان
قالت الام::ايييييييه ازاى انا مش قلت ميسوقش يا منار


وحينها نظر امجد الى منار وكان يتمنى ان يضربها فلقد سبقت واخبرت والده بكل شئ
نهضت الوالده من على الاريكه وقالت ::خبطها ازاى فهمونى وايه الى حصل ليها والشرطه بتاعت السياحه عرفت
قال لها امجد:: اولا يا ماما ده مجرد كسر في ايدها وخدوش بسيطه وبعدين انا كنت عايز اسوق عربيتى وانتى عارفه انا مش اول مره اسوقها هوا الى حظ جه كدا
فقالت الام::كسر دماغك انت لسه بتتكلم انت تسكت خالص لما اعرف انت هببت ايه
قال الاب::عشان متقلقيش هوا اتفاوض مع الست دى واتفق هوا ومنار على انهم هيفسحوها طول الاسبوع او الفتره الى هيا اعداه
نظرت الام الى امجد وذهبت الى غرفتها واخذت والده
نظر امجد الى منار وتركها وخرج من الشقه

ذهب امجد وجلس بقرب البحر وظل صامت حتى جاء له اتصال فوجد رقم غريب فرد على الهاتف وقال::ايوة مين معايا
علم ان من على الهاتف السيده التى صدمها بالسياره ومازالت في المستشفي
تحدث اليها وعلم انها تريده
وعندما ذهب امجد ((متنسوش بيكلمها فرنساوى)) عندما ذهب امجد ودخل غرفه السيده سئلها ::عامله ايه النهارده؟؟
ردت عليه السيده وهى تبتسم وقالت::انا بخير معلش لو كنت اتصلت عليك وخليتك جيتلى تانى
قال امجد::ولا يهمك دانا الى اقلك انى اسف عشان خبطك
نظرت له السيده نظره فيها خجل وقالت::انا اتصلت عليك عشان ليا عندك طلب صغير جدا
ابتسم امجد وقال:: قوولى انا في الخدمه
فقالت السيده ::بنتى ((ميوكى)) في مشكله ومش لاقيه مواصله
قال امجد::قوليلي هيا فين دلوقتى وان اروح اجبها
..ذهب امجد واحضر ((ميوكى)) وكانت ميوكى جالسه في صمت تعتقد ان امجد احد المرشدين السياحين ولم تكن تعلم انه هو من صدم والدتها
وعندما كانو بالطريق قال امجد بصوت منخفض::بقي بدل ماتفسح مع صحابي هودى واجيب يابانين ايه الحظ ده
نظرت له ميوكى وقالت ::في حاجه؟؟
ابتسم امجد وقال::لا مفيش حاجه انتى عامله ايه؟؟
قالت ميوكى::وانت يخصك ايه انت مش السواق الى ماما بعتتو
نظر امجد نظره سخريه وقال::سواق مين...ثم تحدث بالمصري وقال:: سواق ال سواق مين يا امو سواق
فنظرت له ميوكى نظره تعجب وقالت:: بتقول ايه انا مش فاهمه حاجه
نظر لها امجد وقال::يالا ياختى انزلى وصلنا مهى خروجاتى اليومين دول هتبقي خروجات يابانيه هشتغل مرشد((وايضا كان يتحدث بالمصري))
فنظرت له ميوكى مره اخرى وهى غاضبه وتقوول::انت بتقوووول ايه يا بنى ادم انت
فقال لها امجد بالفرنسي::اتفضلي انزلى وصلنااااا
فلم تنزل ميوكى وقالت:: انت اسيوى صح
غضب امجد وذهب تجاه بابها وفتحه وقال::لاااا مش اسيوى مصري مصري مصري اتفضلي وصلنا
فابتسمت ميوكى وقالت::اوك متتعصبش اوى كدا يا مصري مع ان شكلك اسيوى
واخذت تضحك كثيرا
ثم رن هاتف امجد فرد على الهاتف وقال:: ايوووووة
فقال صدديق امجد وهو يدعى (عادل) :: ايه يابنى ده اول يوم ولحد الان في الشارع مع مين ياباشا كل ده
قال امجد::هكون مع مين مع اليابان اتحدفت في بلوى لما اجيلكم هقلكم ومعايا مزة اسيويه كمان بس غبيه
فضحك عادل وقال::وصلت للاسيوى كمان يا معلم ماشي احنا على البحر لما تخلص الى معاك تعالا علينا
وكان حينها امجد يفتح باب غرفه السيده وقال لصديقه::بص يابنى انا على الباب اهو هخلص وهكون عندكم في اقل من عشر دقايق
فقال عادل::يخربيتك باب ايه؟؟؟؟
فقال امجد::غور يا عادل يخربيت مخك انت انا جيلك يا .........سلام
وعندما فتح امجد باب الغرفه ركضت ميوكى على والدتها
فقال امجد وهو يبتسم:: اييييه امشي انا بقي خلصنا
ابتسمت ميوكى وقالت لوالدتها وتحدثت بلغتها وقالت لوالدتها ::الواد ده بيضحك اوى يا ماما انتى هتديلو كام
قالت لها والدتها ::مش هديلو حاجه لانو عاملها خدمه
فنظرت له ميوكى وابتسمت فقال اامجد بصوت منخفض::ايه البت الهابله دى بتضحك على ايه انا عارف انو يوم مش معدى
ثم تحدث بالفرنسي وقال لها::في حاجه يا انسه في ايه هيا بنتك مالها
فقالت السيده وهى تبتسم ::ياريت منكونش عطلناك عن حاجه يا امجد بنتى بس عايزة تشكرك
فقال امجد ::لا شكر على واجب ولا يهمك يا..........اسمك غريب معلش
فقالت ميوكى::لا مش غريب اسمى (م ي و ك ى) جرب كدا تقولو
فابتسم امجد ابتسامه مصطنعه وقال بصوت منخفض :: اه دخلنا في حوار الاسم بقي وهتعد تشتهجا وشكلى هضربها
فقالت ميوكى ::بتقول ايه
فقال امجد بقول (م ي و ك ى)) اسم سهل فعلا
فقالت ميوكى ::شكرا
فقال امجد :: لا ولا يهمك كل ما اشوفك هقلك كدا يالا بقي اترحل انا
فقالت ميوكى ::يعنى ايه تترحل هيا دى مش بلدك
فابتسم امجد وعلى وجهه الغضب ايضا وقال:: اه داحنا مش هنخلص بقي لا بصي اترحل يعنى اروح بيتنا يعنى يالا اسيبكم في الجو الاسري ده
وخرج امجد وذهب الى اصدقائه وهناك قابل صديقه عادل وقال له عادل:: ايه يا معلم ايه اخبار المزة اليابانى
قال له احد اصدقائو الاخرين ::اكيد اصلـــي يا مان
فقال امجد::الله الله حورتو وعيشتو وتلاقيكم تخيلتو البت كمان لا بصو بقي زمان امى هتتجنن عليا انا قلت اسلم عليكم وبكره نتقابل
وترك امجد اصدقائه وذهب الى والدته واخبرها بما حدث
وفي اليوم التانى جاء اتصال لامجد من ميوكى واخبرتو انها تريد ان تذهب للغطس وتريده ياتى معها
وحينها كان امجد مع منار فقالت له منار::مين يا امجد؟؟
قال امجد::هيكون مين يا وش الهنا الناس الى خبطهم طبعا البت بنت الست الى خبطها
ابتسمت منار وقالت::الله هوا احنا هنخرج معاهم النهارده
نظر امجد لمنار نظره بها استحقار وقال:: انتى هابله صح ايه الى مفرحك بصي يا منار اطلعى من دماغى بجد اوقات بحس ا ن انا الى اكبر منك يا بت دانتى اكبر منى ازاى مش عارف مخك صغير ياعينى
نظرت له منار وقالت::عادى عادى مخى صغير طبعا جمب الامخاخ اليابانيه توشيبا بقي وخد عندك ماركات
قال امجد ::بت كفايا خفه
دخلت والده امجد عليهم وجدت النار مشتعله بين الاثنين
فنظرت لهم هما الاتنين وقالت::ايييييييه بتتخانقو على اييييه ارحمونى ده عذاب انتو الاتنين والله ولا كانك انتى الكبيره يا منار في ايه يا بينتى
نهضت منار عن الكرسي وقالت ::يا خالتو الواد ده قرفان من كل الى حواليه وانا مش عملتلو حاجه هوا غاوى خناق
فقالت الام ::ايه سبب الخناق يا منار
فقال امجد ::يا ماما .........فقاطعته الام وقالت::امجـــــــــــــــــــد انا قلت يا مناااار اسكت انت خالص فاهم ولا لا
فقال منار ::يا خالتوو البت اليابانيه اتصلت عليه وكل ده عشان بسئلو في اييييه؟؟
فقالت الام ل امجد::هوا في ايه يا امجد تانى
قال امجد وهو غاضب ::يا ماما البنت دى عايزانى اروح معاها عشان هتغطس وانا صحابي المفروض انزل معاهم
قالت له والدته::هوا مش انت الى عرضت كدا اتفضل خد منار وروح
ارتدى امجد ملابسه واخذ منار معه وذهب الى الفتاه
وهناك استمتع امجد ومنار مع ميوكى بالبحر وكانت هذه اول مره لمنار تدخ بقارب الى البحر وترى الغواصين وكل ذلك
وهم بالسياره كان امجد يوصل ميوكى فقالت ميوكى::ا(ا م ج د) انا فرحانه اليوم كان جميل شكرا اوى ليكم انت ومنار
فقال امجد::ايوة وكان يوم جميل لينا احنا كمان
قالت منار وهى تبتسم ::قلها يا امجد انى كنت مبسوطه وانها لذيذه اوى وهتعلم الفرنسي عشان اعرف اتكلم معاها
فقال امجد ما قالته منار لميوكى وكانت ميوكى سعيده بهم لان اصبح لديها صديقين جدد
وعندما وصل امجد الى المنزل اتصلت عليه ميوكى وقالت له ان والدتها معها الان في الفندق وتريد ان تتحدث اليه
تحدث امجد مع السيده واخبرته انها خرجت من المستشفي كانت تتاسف له على ازعاجهم له
فرح امجد وقال::لا لامتتاسفيش خروجات ميوكى كانت جميله جدااااا وبنتك لذيذه جدا وانا سعيد انك بقيتى احسن
كان امجد في غايه السعاده لان ابحت السيده بخير وانتهى الامر ولن يطلبوة مره اخرى
وهاهو اول يوم لك يا امجد مع اصدقائك
......................يتبع......................

[lolo 2008]

ههههههههههههههههههه
ايه يا رورو بس القصه الجامدة دى حلوة قووووووووووووووووووى
يللا مستنين البااااااااقى ....

[RORO_H]

ميرسي ليكى يا لولو باذن الله هنزل الباقي وميرسي على مرورك:36_1_39[1]:

[RORO_H]

?????????????????????????????????

[RORO_H]

فين ارائكم يا فتوكااااااات

[RORO_H]

سورى يا فتوكات انا خلاص مش هكمل القصه لانها شكلها مش عاجبه حد ان شاء الله المره الجايه بقي في قصه افضل الى اللقااااء

[اية نادر]

لااااااااااااااااااااااااااااااااا كمليها علشان خاطرىىىىىىىىىىىىى ربنا يكرمك