[واقع الأيام]

:23_11_62[1]:
ممكن تستغربوا من عنوان الموضوع
بس بجد انا عينيا بقت عاملة زي اخينا الأزرق اللي فوق ده

نفسي انام ومش عارفة
بقالي 3 ايام بنام مقطع ما نمتش غير ساعتين على بعض بس وكنت امبارح بالليل هموت وانام ومعرفتش وقمت برضو
بنام كام دقيقة واصحى كأني نمت كتير واقوم فايقة
بس عينيا حمرا وجسمي مهدود ونفسي انام
اعمل ايه؟ :23_11_62[1]:

اذا اعجبك الموضوع و اردت نشره في المنتديات الاخرى فاستخدمي هذا الرابط:
عايزة أنام
http://forums.fatakat.com/thread58364

[رانيـــا الشقية]

مش معقولة مفيش سبب لعدم النوم ده
أكيد أنتى قلقانة أو تعبانة من شئ

[رانيـــا الشقية]

من رأيى تروحى على سريرك
وتستعيذى بالشيطان الرجيم
وهيئ لنفسك جو مريح وهادئ وباذن الله مش هتقومى غير على الفطار

[واقع الأيام]

كل شوية اعمل كده والله يا رنيام
واطفي النور واقول الاذكار وكله على اساس اني هنام بعدين كبيري انام 5 او 10 دقايق واقوم مفزوعة وافضل قاعدة بقى

[رانيـــا الشقية]

طيب أنتى فى حاجة معينة بتفكرى فيها

[واقع الأيام]

بصي هي الحالة دي كانت عندي على أسوأ من حوالي شهر مكنتش بنام خالص فعلا ولو نمت بقوم اصوت هههه
بس عشان كنت لسه متعرضة لصدمة جامدة وكده
بس المفروض خلاص يعني اني هديت
معرفش ليه رجعت كده تاني

[رانيـــا الشقية]

معلش ياقمر
استهدى بالله كده واقفلى الجهاز وحاولى تشغلى راديو على القرآن بصوت ما يزعجك
وابعدى أى تفكير عن بالك محدش يستاهل توجعى دماغه عشانه
يلا بقى نامى أحسن أنا اللى نعست ونفسى فعلا أناااااااااااااااام
هههههههههههههههههههه

[واقع الأيام]

هههههه
طب يلا نامي يا جميل ههه

[temoon.pompa]

حبيبتي ممكن بعد الفطار ان شاء الله تاخدى حاجه دافيه
ولو بتحبى الاعشاب فى اعشاب اسمها بردقوش دى مهدئه وجميله جداااااا
تاخدى حمام دافى وتشربيلك شوب بردقوووووش وايه هتلاقى نفسك هديتي كده وان شاء الله تنامى وانتى مرتاحه
ربنا ياحبيبتي يريح بالك ويهدى سريرتك ويوفقك فحياتك اللهم امين
احبك فى الله

[واقع الأيام]

ربنا يكرمك يا تيمو
دي اجيبها من العطار؟ معروفة يعني؟
يعني لو قلت للبواب يجيبلي بردقوش من عند العطار مش هيضحك عليا؟ هههههه

[رانيـــا الشقية]

ربنا يكرمك يا تيمو
دي اجيبها من العطار؟ معروفة يعني؟
يعني لو قلت للبواب يجيبلي بردقوش من عند العطار مش هيضحك عليا؟ هههههه

ههههههههههههههههههه
لا مش هيضحك عليكى ولا حاجة
لأن ده عشب معروف
أو ممكن أى مشروب تانى دافى

[زهرة البنفسج]

ريحي ياحبيتي يافتكوته خلي الدنياوهمومها ومشاكلها ورحك:23_11_62[1]: كنت في مثل حالتك وسوئ! بس الحمدالله اترحت اشوي برغم اني الحين اظل باليومين مانام انا من امس تصدقين انا من امس مانمت:36_1_38[1]: وبصراحه كل هذا بسبب القلقل والتفكير اعوذبالله من ابليس

[واقع الأيام]

هههه
ماشي يا حبيبتي
خلاص ان شاء الله بعد العشاء اصليه واخد حاجة دافية وانام ان شاء الله
بس يارب انام

...

زهرة
ربنا يكرمك يا حبيبتي
حاضر ان شاء الله
هو انا يمكن بفكر شوية
بس والله شايلة الموضوع من دماغي كتير
يعني مش عارفة انا ليه عاملة كده الصراحة
يارب انام لأني عندي عين ضاعت خلاص بقت كلها حمراااااااااا دراكولا وبتحرقني

[Somanto]

ايه يا بنتى ليه كل ده
ربنا يريح بالك و يبعد عنك كل شر بإذن الله
كلام تيمون بومبا صحيح 100%
املى البانيو مايه دافية.......أو بمعنى أصح ماية سخنة على قد ما تقدرى تستحمليها
و اقعدى فيها لمده عشر دقايق (بس تكملى العشر دقايق مهمه كنتى حرانه) و روحى نامى بعدها علطول
بجد مفعولها جامد جداااااااااااااااااااا مش قادرة اقلك قد ايه
و بعد الفطار اشربى نعناع بيهدى الأعصاب جدااااااااااا....بجد عن تجربة فالشتا أنا كنت بشرب نعناع كتير جدا عشان حاجة دافية مع البرد و كنت مستغربة إنى بنام كتير و لما بطلته رجعت تانى عادى، هو أنا معرفش علميا النعناع بينيم وللا لأ بس أنا كان بينيمنى عن تجربة

[واقع الأيام]

جزااااكِ الله خير يا سومانتو
الف شكر يا حبيبتي
وان شاء الله اجرب اللي قلتوا عليه

[monee_2020]

يارب تكونى احسن دلوقتى

[واقع الأيام]

الحمد لله رب العالمين انا بخير يا موني يا حبيبتي
جزاكِ الله خيرا يا قمر

[الزهره الحزينه]

حبيبتي اكيد في سبب
لقلقك
حاولي قبل ما تنامي انك
ما تفكري بشيئ
وتاخدي حاجه سخنه
وتقرئي قران
واستعيذي بلله من الشيطان الرجيم
هدي من عمايلو

[واقع الأيام]

صح حبيبتي الزهرة
بس الحمد لله رب العالمين
زي ما بيقال:
تبات نار تصبح رماد
يعني مفيش حاجة بتفضل مهما كانت اليمة ما بتفضلش مؤثرة نفس التأثير
وهذا من نعمة الله علينا
فالحمد لله

مشكورة يا حبيبتي

[banootaoneline]

انصحك انك تروحى عيادة متخصصة مكن يكون عندك اضطرابات فى الهرمونات او اضطرابات فى بعض الغدد النخامية
ربنا يبعدنا عن المرض تعرفى لو رحتى للدكتور هيكتب لكى اية
مهدئات تتعب الجهاز العصبى علاج التوتر العصبى
انتى كويسة بس عايزة راحة
بس اعلى زى ماما......
كانت بتقولى خذى دش دافى واضغتى ونامى واطفى النور
وان شاء اللة هتكون كويسة