[الفراشه الذهبيه]

ازيك يا ورده

يارب تنزلى الفصل التالت

ويكون فيه حل لانها مشكله صعبه

يارب فى الايام المفترجه دى

يستر كل البنات امين

[temoon.pompa]

ايه يا ورده فين الفصل الجديد
انتى بتشوقينا يعنى ولا ايه ..

عالعموم احنا مستنين على نااااااااااااااار لان اسلوبك خطييييير ويشد ويلفت الانتباه
ربنا يوفقك ياقمر ويكرمك يارب

[وردة لبنان]

الفصل الثالث

امسك الدكتور علاء ميزان الحرارة وهو جالس على السرير الى جانب سلمى التي تهزي بكلام غير مفهوم... نظر اليها بقلق كبير امام عيون العمة فتحية المتخوفة من وضع سلمى...

- خير يا دكتور طمني...
- قال بأسى: الحالة ما تطمنش..حرارتها عالية اوي وانا خايف ان الحرارة ما تنزلش...لازم تدخل المستشفى .........
- صفعت العمة فتحية وجهها وقالت: ياربي..مستشفى هو فيه ايه يا دكتور ارجوك قلي...
- من الواضح ان الانسة سلمى اتعرضت لحالة معينة او لحادث معين اثر عليها بالطريقة دي وخلاها تنهار تماماً وده الي اثر على جسمها بالطريقة دي...اهم حاجة لازم مستشفى عشان الحرارة تنزل والا حيعرض حياتها للخطر...
- طب اعمل ايه ادخلها المستشفى دلوقت يا دكتور..
- لو تحبي انا معاية عربية ...بس عم جابر يساعدني نسدنها عشان اخدها...
- قالت العمة بتوتر وهي تكاد تبكي: يا حبيتي يا بنتي....سلامتك يا حبيتي...ماشي يا دكتور يلا حالاً..


ادخلت سلمى الى سيارة الدكتور علاء وهي في غير وعيها تهزي بكلمات غير مفهومة...في المستشفى بقي الدكتور علاء الى جانبها واوصى بها الأطباء الى أن وصلت الى غرفتها واطمأن عليها..

- ست فتحية انتي حتفضلي معاها لبكرة وانا حجيلكم من الصبح واطمن على حالتها انا وصيت الداكاترة يهتمو بيها..لأني ما قدرش لسه اعالج انا مجرد طالب بعمل تدريب في المستشفى دي ....
- قالت العمة فتحية وهي تبكي : انا متشكرة اوي يا دكتور انا مش عارفة اقلك ايه جميلك على راسي ...حضرتك عاوز كام...
- عيب يا ست فتحية انا مش حخد منك حاجة خليها علية المرة دي....
- بس يا دكتور..
- خلاص يا ست فتحية قلت المرة دي عليه....
- انا مش عارفة اشكرك ازاي...
- ما تقوليش كده الناس لبعضيها عن اذنك...
..

خلال عودة الدكتور علاء الى المنزل في ساعات الفجر الاولى وقبل ان يدخل الى غرفته استرعى انتباهه ضوء يخرج من غرفة نادر...طرق الباب بهدوء وفتحه وجده على جهاز الكمبيوتر...

- ايه ده يا علاء كنت فين؟؟؟
- تنهد قائلاً: كنت عند بنت عيانة...وديتها المستشفى وجيت...
- وتعبان كده ليه مالك..
- لق بس مرهق شوية....انت بتعمل ايه لحد دلوقت....
- ضحك قائلاً: ايه ياعم هو عشان ماما وصيتك عليه حتعمل الشويتين دول ولا ايه...
- ماشي ليه كلام معاك بكرة الصبح..
- صبح ايه قصدك ضهر هو انت عاوزني اصحى الصبح كمان..
- ايه ده وجامعتك..
- مش رايح بكرة...
- لما تجي عمتي من السفر حقلها على عمايلك السودة...
- ضحك وقال: انت بتحبني مش ممكن تقول..تاخد سيجارة...
------قال بعصبية: ماشي يا نادر...

ارتمى علاء على سريره وهو متعب وصورة وجه سلمى الحزين لا تغيب عن باله....

.................................................. .................

اسرعت ام احمد لتفتح الباب وهي تموت من الخوف قائلة( استر يارب استر يارب)وتغير صوتها عندما وجدت احمد يدخل البيت...
- احمد كنت فين لحد دلوقت...
- كان وجه احمد متعب وكأنه في غير وعيه ويتحرك في غير اتزان: مالك يا ماما...
- مالي ايه يا واد انت مش عارف الساعة كام ده احنا بقينا الفجر كنت فين؟؟؟
- حكون فين يعني يا ماما مع صحابي عاوزة مني ايه( وبدأ يرتطم بالجدران يبحث عن غرفته)
- - ايه ده انت مش طبيعي...
- ماما انا عاوزة ادخل قودتي بكرة الصبح نتكلم...
- دخل غرفة ظنها انها غرفته فصرخت والدته فيه: انت داخل قودة اختك....انت مالك..
- يوهههههههههه اسف اي ماما خلاص...( دخل غرفته وارتمى في سريره بالثياب التي كانت عليه غير ابه بكلام والدته التي تؤنبه على تصرفاته)

.................................................. .......

- صباح الخير يا ست فتحية...(ايقظت هذه الجملة العمة فتيحة من نومها على الكرسي الى جانب سلمى وتنبهت انها في المستشفى)
- قالت بتثاقل وهي تطرد النوم من جفنيها: صباح النور يا دكتورة انا اسفة اصلي طول الليل مش نايمة..
- ابتسم قائلاً: يارب يجازيكي خير..اخبار الانسة سلمى ايه..
- كويسة النهاردة الحرارة نزلت والداكترة طمنوني...
- طب لما تصحى انا حرجع واطمن عليها ولو عزتي حاجة انا في المستشفى دكتور....
- متشكرة اوي يا دكتور

.................................................. .......
استيقظ احمد في الصباح ليجد والدته ممتنعة عن الكلام معه...
- صباح الخير يا ماما..

لم يجد جواباً من والدته بل ادارت وجهها عنه بسرعة...
- قال بحزن: ماما انتي زعلانة مني...
- قالت وهي تبكي: هو ده ابني الي طلعت بيه من الدنيا ماشي في السكة البطالة...
- قال محاولاً تبرير موقف: ماما!
- ما تكملش...اسكت خالص....مش عاوزة اسمع منك ولا كلمة..انا غضبانة عليك لو فضلت في السكة دي..
- قبل يدها وهو يقول: ماشي يا ست الكل بس ما تزعليش..
- انا كنت عاوزة اقول لأبوك بس ما حبتش اعمل مشكلة...
- اوعي يا ماما ده كان طردني..اوعدك مش حعمل كده تاني...والنهاردة انا رايح ادور على شغل زي ما وعدتك...

.................................................. ...


- الو بابا ازيك اخبارك ايه يا شيخنا العزيز..
- ضحك الاب قائلاً: هو عشان حجيت ولية دقن حتعملني شيخ حتكبرني يا واد...
- انتي سيد الكل ازيك يا بابا...
- الحمد الله يا علاء انت بتتكلم منين يبني..
- من المستشفى...
- اخبارك ايه مش جية طنطا قريب..
- لق يا بابا اصلي مشغول في المستوصف الي استلمته من فترة.ادعيلي يا مبروك دعواتك بقة...
- حدعيلك يا حبيبي انت بتصلي؟؟؟
- اه الحمد الله بصلي يا بابا..اخبار ماما واختى رنا ايه..
- حبعتها لعمتك تقعد معاها في الاجازة تغير جو...
- ماشي يا بابا اهي تكون عمتي رجعت من السفر هي وجوزها....ارضى عني يا والدي وسلملي على ماما اوي..
- قلبي وربي راضيانين عليك يبني...


اقفل والد علاء سماعة الهاتف ونظر الى والدته قائلاً...
- الولد ده حيكون حاجة مهمة اوي وربنا حيعوضني خير فيه..
- ان شاءالله يابو علاء..
- انا قسيت في دنيتي كتير يا سعاد انتي عارفة......بس انتي ما تخلتيش عني ...وربنا انتقم مني وحرمني من الفلوس خسرناها لولا اختي الي حاضنة ابني وبتساعده في مصاريف الكلية مكناش قدرنا على حاجة...
- ربنا بيسامح يا ابو علاء انت دلوقت رجل عندك دين وحجيت ربنا حيعوضك خير فيه وفي رنا بإذن الله....
- نظر بعيداً وهو يقول: ان شاءالله...


.................................................. .............................................

كان احمد مع صديقه سمير في حارة ضيقة يتحدثين سوياً...

- اخبار الوظيفة ايه يا احمد..
- رفضوني عشان ما معاييش واسطة...
- زيي طبعاً....
- انا مش عارف اعمل ايه مش عارف الاقي شغل..انا اشتغل زبال احسن...
- انت ترضاها على نفسك طالب جامعة يشتغل كده..
- ومالو الشغل مش عيب..
- اوعي يا واد انت بكرة كم سنةوتبقى خريج تجارة قد الدنيا...
- ياعم اسكت هو حد لاقي......انا تعبان حطلع ارتاح....
- ايه ده مش حتيجي الليلة ...
- لق حد الله....مش عاوز ماما غضبت علية..هي كانت ليلة بعقل ده انت وصحابك كنتو حتودوني ورا الشمس..

- قال سمير: ايه مالك هو عشان الكلمتين ال يقالتهم امك مش عاوز تيجي معاية الليلة..
- دي غضبت علية يا سمير بعد ما رجتعلها امبارح بالمنظر ده..
- بكرة تتعود...انت بس عشان تقلت العيار حبيتين كأنك بتشرب الصنف من زمان..اناكنت عاوزك تفرفش بس..عادي يبني عادي..فرفشة زي الناس الكلاس الي كنت معاهم....
- طب انا مش معاية فلوس اعمل ايه..ولا يهمك انا سداد ..مستنيك الليلة فاهم...
- ماشي ححاول..

.................................................. ..................

ددخل الدكتور علاء الى غرفة سلمى وجدها جالسة على السرير وتأكل م ن يد عمتها...وما ان دخل حتى ابتسمت العمة فتحية قائلة..
- هو ده يا سلمى الدكتور علاء الي قلتلك عليه...
- ابتسمت سلمى قائلة: انا بشكرك يا دكتور علي عملته معاية ومع عمتي..
- ايه الكلام ده..ده واجبنا..اخبارك ايه النهاردة...
- كويسة الحمد الله....حاسة اني بقيت احسن..
- حشوف الدكاترة واشوف التقرير بتاعك عشان يكتبلوك على خروج النهاردة ...وبالنسبة للأدوية حأمنهم من المستوصف الي بشتغل فيه..
- قالت العمة فتحية: كتير خيرك يا دكتور انا مش عارفة اودي جمايلك دي فين..
- عن اذنك..(غادر الغرفة )

- قالت العمة فتحية: شفتي مش قلتلك...الدكتور ده يجنن...

- قالت سلمى وهي تسرح: هو الي جبني المستشفى..
- اه يا حبيبتي وما سابكيش غير لما اطمن عليكي..
- يارب يجازيه خير...اخد منك حاجة..
- ولا ملليم....
- ان شاءالله حبقى اروحلو واديلو فلوس احنا مش بنقبل عوض من حد..
- زي ما تحبي يا بنتي...انتي بس قوليلي مالك حصلك ايه؟؟؟
- قالت بفزع: ايه حصلي ايه يعني..
- ايه الي خلاكي توصلي للحالة دي وتنهاري كده...
- مافيش حاجة يا عمتي..انسي انا كمان عاوزة انسى..مش حخسر عمري من تاني....حنسى..بس مش حسامح..
- قالت العمة وكأن الموضوع لفت انتباهها: قصدك ايه بتتكلمي عن ايه...
- مش مهم يا عمتي مش مهم...المهم اخرج من هنا..

.................................................. ..........................

استيقظت سلمى في الصباح لتجد نفسها في غرفتها وقد حل بها نشاط غريب لا تعرف من اين اتى اليها فمنذ فترة وهي تشعر بإحباط كبير والم لا يمحى...استجمعت قواها وانتفضت من سريرها ودخلت المطبخ.كانت تريدها مفاجأة لعمتها التي سهرت وتعبت معها كثيراً في الفترة الماضية فحضرت فطور الصباح واتجهت الى غرفة عمتها لتيقظها..

- اقتربت من عمتها وملست وجهها بيدها وابتسمت لها قائلة: صباح الخير يا قمر
- فتحت العمة عيناها على وجه سلمى الضاحك فلم تسعها فرحتها: صباح النور يا عنينة...
- محضرالك مفاجأة تعالي...
- اتجهت سلمى نحو المطبخ ولحقت بها عمتها التي وجدت الفطور فقالت بفرح: مش مصدقة...سلمى حبيتي فاقت وعملت كل ده..
- ليه هو انا عندي كام عمة...
- ضمتها بحنان: يارب ديماً اشوفك بصحة كويسة...
- طب تعالي نفظر يلا..
- ماشي جاية استني...بس قبلها قولييلي ناوية تعملي ايه النهاردة..
- قبل اي حاجة لازم اروح المستوصف الي بيشتغل فيه دكتور علاء اديلو فلوس مجيتو هنا..
- طب وتاني حاجة؟
- ادور على شغل لسه شهر والجامعة تخلص ولازم في الصيف ادور على شغل مش حقعد كده حاطة اييدي على خدي...هو انتي يا عمتي حتلاحقي على ايه ولا ايه..
- تنهدت العمة قائلة: ييييياه منى عيني وقلبي اشوفك في بيت العدل مع جوز كده غني ومريحك..زي الدكتور..(لم تكمل كلمتها الاخيرة لأن سلمى قاطعتها بغضب قائلة)..
- مش عاوزة اتجوز يا عمتي الموضوع ده شيلي من دماغك بالمرة..مش عاوزة اتجوز خالص...
- طب مالك اتعصبتي ليه....
- وضعت يدها على وجهها وكادت تبكي واتجههت الى غرفتها حزينة وعمتها تحاول ان تهدء من روعها دون جدوى وكأنها فتحت عليها باب الشيطان...وسلمى تردد جملتها الاخيرة: مش عاوزة اتجوز خالص خالص ...

.................................................. ...............................................

-يتبع...........................

[واقع الأيام]

وردة لبنان
اسلوبك في الكتابة روووووعة ما شاء الله
وموضوع القصة جدير بالاهتمام خاصة بعد ما أصبح يحدث الآن والله المستعان
والمشكلة ان الاهالي مهما سمعوا يصدقوا ماشي بس يقولولك لا استحالة ابني يعمل في اخته كده
استحالة ابوها يعمل فيها كده
خالها؟ ده بيحبها زي بنته!
وما يصدقوش الا بعد ما تحصل الكارثة

وعلى فكرة في حاجة كمان انا شايفاها سبب مباشر لحاجة زي دي ولو انه ليس مبررا
ولكن في بنات بتتجاوز في لبسها امام المحارم على اعتبار ان دول محارم
وفي البيت يبقى اخواتها شباب وكبار وتبقى لابسة بنطلونات ضيقة وحمالات وقمصان نوم قدامهم عادي
اصل اخوها!

احنا لازم ننتبه للنقطة دي جدا بجد لأني مش بتكلم من فراغ
انا واحدة ما كنتش براعي النقطة دي خالص (اللي هي لبسي في البيت) كنت فاكرة انا في بيتي يبقى حرة .. ده جر عليا حاجات خلتني اخد بالي الحمد لله وعدلت لبسي في البيت خالص

معلش يا قمر طولت عليكي
بس اسلوبك جميل جدا وشيق ما شاء الله
وموضوعك مهم جدا
ربنا يبارك فيكِ

وبانتظار الجزء الجديد على أحرّ من الجمر
اختك ..

[soura]

الفصل في تلميحات مش هقلهم دلوقتي
هبقى اقلك تخميناتي على الخاص عشان محرقشي الفيلم

[mahou]

ورد حبيبتى ....
مبروك على الروايه الجديده ....
فكره الروايه حلوه و منتشره .. انا برضه كان ليا واحده زميلتى ف الجامعه خالها اعتدى عليها ...
حسبى الله و نعم الوكيل ...
و بتسيب رواسب سيئه ف نفسيه البنت ....

مستنيه الفصل الجديد يا قمر ....
و كل سنه وانتى طيبه ....

[sarah-ksa]

الصراحه اسلوب رائع وسلس ويخلينا نتصور الاحداث كاننا بنشوفها

احد الاسباب لحدوث هذي الامور البعد عن الدين والوقوع بالمحرمات كشرب الخمر والمخدرات والقنوات الفضائيه وقلة الرقابه والثقه الزائده
لانه لايقوم بهذا الفعل انسان يخشى الله وعقابه انما يقع به انسان بعيد عن الدين وقد يقع بها وهو تحت تاثير مسكر او حشيش او مخدرات حمانا الله منها وجميع المسلمين
في حلقة من حلقات برنامج اوبرا التلفزيوني تحدثوا عن الزنى بالمحارم وذكرت انه ثلاث ارباع حالات الزنى في امريكا تقع من المحارم كالاب او الاخ او العم و او الخال او غيرهم من الاقارب
البنات امانه فيجب حمايتهن فلا نسمح لهن بالنوم عند احد من الاقارب حتى لو كان عند خالتها او عمتها
اذكر حادثه حصلت لاحد الفتيات اخذتها خالتها لبيتها لتنام عندها لتلعب مع بناتها
دخلت الخاله ونامت وبقيت البنات بالصاله وغلبهن النوم وكانت البنت صغيره لكنها جميله وملفته للنظر فلما دخل زوج الخاله وراءها ممدة بالصاله لعب به الشيطان فحملها الى احد الغرف واغتصبها:36_1_29[1]:
لاتسمحي لابنتك للنوم بعيدة عنك حتى لو كانت عند احد تثقين به
فالمثل يقول بنتك لاتأمنها صديق ولاتضربها طريق
في هذا الزمن اصبح الانسان يخاف على الولد كما يخاف على البنت
الله احفظنا واحفظ ابنائنا فانت خير حافظ

[الزوجة الاولى]

عندك حق ياسارة فى الكلام الاقلتيه
ورد رائع ياورد رائع وانا تقريبا خمنت القصة بس مش هقول
بس القصة جميلة جدا وهادفة واحلى حاجه فى قصصك انها من الواقع
ماشاءالله عليكى ربنا يحفظك وياريت متتاخريش علينا

[نشوة]

القصة مشوقة يا قمر
بس انا ليا تعليق على ما بنقبلش عوض
احنا بتقول الكلمة دى على الحاجة الى لما حد يكسرها مش بناخد منة فلوس
لكن ممكن يكون الرد احنا مبنقبلش حسنة من حد

[sasso sasso sasso]

برافوا عليكى اسلوبك جميل جدا

[beta]

شكرا ورده على الفصول الجميله دى وفى انتظار القادم
وانا مع رأى واقع الايام وساره فى كلمهم وفعلا بشوف ناس عندها الامور عادى فى البلس امام اخواتهم والمحارم لهم ممكن يكون دا سبب لذلك
وكلام ساره فى البعد عن الله دا طبعا اكبر سبب
وكمان الخمر والمخدرات والاشياء التى تغيب العقل لها سبب مباشر فى حدوث ذلك
شكرا ورد على طرحك للقضيه دى لازم الكل ياخد باله من الموضوع دا

[ام سيف الدين]

ورد عجبنى جدا الفصل الاخير
بس فى نقطة انا عايزة اعرفها او استفسر عنها
اعتقد ان زنا المحارم بيزيد فى البيئات الفقيرة لانها بتكون منبع جميع الانحرافات زى الادمان و الكحوليات و غيرها كتير و كذلك المستوى العلمى المتدنى
يعنى اقصد من كلامى ان فيه علاقة طردية بين الحالة العلمية و المادية و بين الانحرافات الخلقية
و من امثلتها الموضوع اللى بنتكلم عليه المرة دى
و طبعا مش كل انسان فقير و مش متعلم منحرف بس اقصد ان الحالات دى صعب تكون بين الطبقات المتوسطة او فوق المتوسطة و كذلك المتعلمين
دا راى و يحتمل الصواب و الحطا
فى النهاية شكرا على القصة الجميلة

و بعدين يا ست ورد هو انتى متعرفيش فى مصر غير طنطا دا فية محافظات كتتتتتتتتتير كل قصة لازم تذكرى طنطا فى الموضوع كانها مصر كلها
لو عايزة اسامى المحافظات اسالى و احنا نقلك
يا ريت تعملى قصة من الاسكندرية و احنا الاسكندرانية نساعدك فى الاماكن و اللغة كمان عشان نتبقى محبوكة


مش كدة و لا ايه

[وردة لبنان]

- ام سيف الدين قبل كل حاجة عاوزة اقلك انك ضحكتيني اوي اوي بخصوص موضوع طنطا..معاكي حق هو انا مالي ملزقة على المنطقة دي..علكلن عديهالي المرادي واوعدك المرة الي جية حروح اسوان...ههه

الطرح الي عرضتيه جميل اوي فكرتيني بأيام الجامعة لما كنت بدرس علم اجتماع وتطرأنا للموضوع دهه...وهو لما حطينا الفرضة التالية: كلما ما بيكتر الفقر كلما بيذيد الانحراف وكل اشكاله..وثبتت مع التحقيقات الي عملناها...وانا حقلك ليه...
اغلب الفقرا عندهم جهل وبيتلهيم مشكلة واحدة وهي انهم يجبو فلوس عشان ياكلو...وده بيبعدهم عن التعليم او التقف او الاطلاع على اي حاجة مفيدة ليهم في حياتهم الاجتماعية..وده بيخليهم اقرب من غيرهم انهم يتجهو للمخدرات وغيرو...والزواج شيىء صعب عليهم اوي اوي نظراً لغلاء المعيشة فبيكون الحل الاغتصاب واذا ما صحش تحت تأثير المخدرات الحل بيكون بزنى المحارم بالنسبة ليهم...ده غير اسباب كتير..بس زنى المحارم مش عند الفقرا بس..ده ممكن يكون تحت تأثير سكر او مخدر وبيحصل في عائلات كويسة..زي ببطلة القصة خالها مش فقير بس حصل الي حصل..هوس ممكن يكون او انتقام او اي حاجة تانية...عالكلن القصة حتبين حاجات متفرعة كتير ضمن موضوع الانحرافات...منورة ورأيك يجنن يا احلى اسكدنرانية...

- بتا حبيتي كلامك جميل طبعاً كل الي قلتيه سبب لعل اهمه الفقر هو الي بيجيب كل الجاجات دي..مش سيدنا علي رضي الله عنه قال(لو كان الفقر رجلاً لقتلته)...يعني هو سبب كل االبلاوي ..وغياب الددددددددين الدين والله الدين هو كل حاجة هو الاصل لكن للاسف اغلب الفقرا لابسين حجاب ومتدييني بالفطرة لكن ما يعرفوش ايه هو اصل الدين على العكس يمشو ا وراالخزعبلات اكتر من غيرهم ويحلو مشاكلهم بالسحر والشعوذة...يارب اهديهم يارب واصلح حالهم..

-مرسي يا ساسو عللى مروروك وياريت تشاركينا في الموضوع..

-نشوة حبيتي اهلاً وسهلاً بيكي منورة القصة وانا ناطرة تعليقك على الموضوع ورأيك يهمني ويهمنا كلنا وملاحظتك اخدتها بعين الاعتبار على عيني وراسي.

-يا شيماء اوعي تقولي الي تعرفيه لاحسن تحرقيلنا الحكاية اوعي يا شاطرة..ومرسي يا قمر على مداخلتك وانت يالي رائعة يارب ما يحرمن يمنك..بس قوليلي توقعاتك كده بيني وبينك على الخاص..

-الله يا سارة كلامك جميل اوي كأنك قاعدة في دماغي واخدتيالعبرة من القصة قبل ما تخلص..البنات ثم البنات ثم البنات خافو عليهم اوي لا تبعتوهم يشترو حاجة وحلرصو اوي لما يكبرو كمان حرصو بس مش لدرجة تقييد الحرية لكن افضلي متابعاها جداً ..كلامك حلو كتير يا سارة ....وعلفكرة المشكلة دي مش بس ف ياكريكا ف يالعالم العربي اكتر حقلك ليه..هناك في امريكا ممكن اي واحد يعمل الي عاوزه ما يخافش متاح كل شيىء متاح لكن هنا صعب يا دوب افلام وغيرو فتبقى مساحة زنى المحارم اكبر لكن الاغتصاب يقولو ان حد اغتصب حد لكن لو ضمن المحارم يخبوه يكتمو على الخبر عندنا كتير بس ما حدش بيتكاااللللللللللللللم...

- ماهو شكراً ليكي حبيتي يارب يبارك فيكي كلو بفضلكم..انا اضايقت على صاحبتك الى خالها اتغصبها حسبنا الله ونعم الوكيل عارفة الحاجات دي بتوجع اوي طبعاً...وبتأثر على النفسية...ولو كنتي لسه تعرفيها احكيلينا عن نفسيته ونظرتها للحياة بعد الحادث ده..

-سورا اوع يا جميلة تتكلمي هس ولا حرف اشوفك على الخاص...

-واقع الايام يا ميت هلا ومرحبا وكلامك كتير منطقي وصح..ما حدش بيصدق غير لما توقع المصيبة وكأن الشيطان مات...لق الشيطان ما متش...واللبس ياه اللبس نقطة مهمة اوي.....مع انو لا يجوز على فكرة..لكن تقلك اخوية ابوية خالي عمي...ومعظم الاحيان اللبس ده سبب للتحضير النفسي لحاجات زي دي...كلامك جميل اوي مستنية تعليقاتك ديماً وشكراً على الرد..


-الفراشة اذهبية منورة ويارب اقدر اوصل معاكم لحل لهذه المشكلة الصعببببببببة

[soura]

اوككككككككي سرك في بييييييييير

[رانيه]

ماشاء الله عليك يا ورده روعه اتحفينا كمان وكمان الله يحميك موضوع في غايه الاهميه عندي تعليق بسيط بازبط مش لازم الانسان يوقف عند نقطه سواد في حياته ويلطم علا اللي راح لازم الانسان يعيش حياته ويجتهد ويجتهد وما يوقف عند نقطه لازم يبدا بسطر جديد ويكمل ما وقفت الدنيا عند فتا فقدت عذريتها قبل 15 سنه الذنب مش ذنبها تعيش حياتها وتدرس وتشتغل وتجتهد وممكن تتزوج وممكن لا لان ما في بني ادم بيعرف السعاده وين ممكن تكون مع زوج واولاد وممكن لا تكون في نجاحها وعملها يعني نترك الخلق للخالق وما في انسان راح ياخد اكتر من نصيبه بستنا رائيك؟ تحياتي

[وردة لبنان]

- الله يا رانية رأي جميل مليان تفاؤل وحلو بس صعب التحيقي لأن لو حى الاسنان سعى له رح ينصدم بالناس الي مش بتنسى وواقع الناس وظلم الناس ورح يضل في جرح كبير يذكره ويألمه..يعني اكيد لازم الانسان يشوف باب صو بس ديماً هلباب في ناس بتجي وبتسكرو..مافي اكرم من الله وربنا الا ما ينصر المظلوم ولو بعد حين ولازم يكون في امل بس نحنا مش ملايكة نحنا بشر منتأثر بلي حوالينا واذا الي حاولينا مفمرين انو نحنا الجناة مش المجني عليهم وبيشاورو علينا بالالاصبع هنا المشكلة ولما تجي تتجوز وجوزها يعرف تفتكري حيصدقها ويقول اوك دي مظلومة؟؟؟ حيشك فيها ولا لق...علكلن في القصة في عبرة وعرض مثير لأحداث حتاخدنا لعبرة جميلة اوي غير الي متوقعينها...