[ام عبودي و ديدو]

أختي العزيزة لو ربنا فك عقدتك واتخطبتي
فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه
إلى مثوااااه الأخير في قفص النسانيس
قصدي قفص الزوجية السعيد


أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك

1-الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا م البوز زي الخنجر ولا من فوق طبعًا


العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي حِفِّي زي مانتِ عايزه

3- الشوووربة
بند الشوربة ده مهم جدًاااا
أبوس كعب رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًاالسلطانية اللي بتقيميها على بقك ف البيت وتدلدقي على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة


4- الرز
طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك
مشكلة
شوفي
بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري
-إذا كنتي عارفاه-
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبريياية بالشوكة
أنا فى عرضك إنسي المصمصة دلوقتى

8- البطاطس سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

الفاكهة
لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أودامي أسبوعل هابطل أكل فيه

وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك

وتخشي التواليت وتطلعي من شنطة إيديك
لفة الفول والطعمية اللي جايباها معاكي
وبالهنا والشفـــا




ولمة تتجوزى ابقى كلى برحتك


منقووول

اذا اعجبك الموضوع و اردت نشره في المنتديات الاخرى فاستخدمي هذا الرابط:
طريقة للاكل وانتي خارجة مع خطيبك
http://forums.fatakat.com/thread5862

[ام شوكت]

[منه الله عبد العزيز]

لا بجد جميله جدا النصايح دى بس نسيتى تقولى لو عزمنى على لحمه راس وكوارع وفته

[دلوعة زوجها]

مو معقووووووووول .. فاق زوجي على صوت ضحكي .. يا عليكي على هالموضوع شو ظريف

راح قوم أعملّه فنجان قهوة أحسن لا يشعر بالقهر انه فاق بسببي وما عبّرته

مشكورة على جرعة الضحك الحلوة

[سوكة الددة البيضة]

والله مخبيش عليكى الى كان بيحصل فعلا مش فارق كتير عن الى حكتيه ده.
ايام ما كنت مخطوبة كنت لما اخرج مع خطيبى كنت دايما ادعى انى مش جعانة وان الأكل ده اخر حاجة بفكر فيها.

المصيبة انه كان عنده هواية اسمها دخول محل ماكدنالدز والمحل ده بصراحة سندوتشاته كبيرة ومدورة وبالتالى طريقة اكلها بتفضح.
وبالتالى كنت لازم ادعى انى مبحبش ساندوتشات ماكدونالدز.

اما الآن فكل ما يسالنى تحبى تروحى فين اقوله ماكدونالدز علشان ناكل والعيال تلعب واديله ادى

[ديكوراتى]

ههههههههههههههههههههه
بقالى زمان ما ضحكتش كدا

[أم الطيب]

هاهاهاهااهاهاهاهااهاهاهاهاهااه
الله يهديك يا ام عبودي، صوتي كان بيرن في الشقة وانا بضحك،
ربنا يسعد ايامك

[annos]

مشكورة على خفة دمك
عارفة احسن حاجة نخرج فى رمضان عشان فى الفطار والسحور الناس تبقى ماهية محدش يبص علينا

[preatywoman]

ربنا يروق بالك بجد هايلة اوي

[nona79]

[أم الكتاكيت]

والله دمعت من كتر الضحك تسلمي

[heba saad]

7- الجمبري
-إذا كنتي عارفاه-
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبريياية بالشوكة
أنا فى عرضك إنسي المصمصة دلوقتى
هههههههههههههههههههههههههههههههه
انتى تحفة

[mshamesho]

تحفه بجد تسلم ايديك هههههههههههههههههههههه عسل قوي كنت محتاجه اضحك كده من زمااااااااان من القلب بجد

[noooody]

هههههههههههههههه حلوه موووووووووووووت انتى عسل والله

[ام عبودي و ديدو]

ميرسي ليكم جميعا

انا في غاية السعادة انها عجبتكم

[العصفورةالحزينة]

ههههههههههههههههههههههههههههههه
جاااااااااااااااااااااااااااااااامد
بجد موضوع جااااااااااااااامد
ربنا يخليكي .. بجد ضحكتيني
بس كدا مش نبقي بنغش المأسوف علي عمره وهنتفضح لما يدبس وندخله القفص

[أم هاشم وعبيد]

ههههههههههههههههههههههههه
موضوع رااااائع
تسلم يدك